34 ലക്ഷത്തിലേറെ യുവാക്കള്‍ ഇപ്പോഴും കഴിയുന്നത് മാതാപിതാക്കള്‍ക്കൊപ്പം; ഉയരുന്ന പ്രോപ്പര്‍ട്ടി വിലയും വാടകയും പ്രതിസന്ധി സൃഷ്ടിക്കുന്നു
by News Desk 5 | October 11, 2018 6:09 am
ജനസംഖ്യയില്‍ 26 ശതമാനം യുവാക്കള്‍ തങ്ങളുടെ മാതാപിതാക്കള്‍ക്കൊപ്പമാണ് ഇപ്പോഴും കഴിയുന്നതെന്ന് സര്‍വേ. 3.4 മില്യനിലേറെ യുവജനങ്ങള്‍ക്ക് ഇപ്പോഴും മാതാപിതാക്കളുടെ വീടുകള്‍ തന്നെയാണ് ആശ്രയം. വര്‍ദ്ധിച്ചുകൊണ്ടിരിക്കുന്ന പ്രോപ്പര്‍ട്ടി വിലയാണ് ഈ പ്രതിസന്ധിക്ക് കാരണമായി വിലയിരുത്തപ്പെടുന്നത്. 20നും 34നുമിടയില്‍ പ്രായമുള്ളവരാണ് ഈ പ്രശ്‌നം ഏറ്റവും കൂടുതല്‍ നേരിടുന്നതെന്നാണ് വ്യക്തമായിട്ടുള്ളത്. ഉയര്‍ന്ന വാടകയും മോര്‍ട്ട്‌ഗേജ് ഡിപ്പോസിറ്റുകളും പെയ്‌മെന്റുകളും സൃഷ്ടിക്കുന്ന അധൈര്യവും യുവാക്കള്‍ക്ക് സ്വന്തം കൂര തേടാന്‍ കഴിയാത്ത അന്തരീക്ഷം സൃഷ്ടിക്കുന്നുണ്ട്. കഴിഞ്ഞ 15 വര്‍ഷത്തിനിടെ ഇത്തരക്കാരുടെ എണ്ണം വര്‍ദ്ധിച്ചു വരികയാണെന്നാണ് കണക്കുകള്‍.
യുവാക്കള്‍ നേരിടുന്ന പ്രശ്‌നങ്ങളില്‍ വിദ്യാഭ്യാസ വായ്പകളുടെ ഭാരം, പ്രതിഫലമില്ലാത്ത ഇന്റേണ്‍ഷിപ്പുകള്‍, ജോലികളിലെ അനിശ്ചിതത്വം, ഉയരാത്ത ശമ്പള നിരക്കുകള്‍ എന്നിവയാണ് പ്രധാനമായും ഉള്ളത്. ഇവ സ്വന്തമായി പാര്‍പ്പിടം എന്ന സ്വപ്‌നത്തെത്തന്നെയാണ ഇല്ലാതാക്കുന്നതെന്ന് ഇന്റര്‍ജനറേഷണല്‍ ഫെയര്‍നസ് എന്ന പ്രഷര്‍ ഗ്രൂപ്പ് കോ ഫൗണ്ടര്‍ ആന്‍ഗസ് ഹാന്റണ്‍ പറയുന്നു. മാതാപിതാക്കള്‍ക്കൊപ്പം കഴിയുന്ന യുവാക്കളുടെ എണ്ണം കഴിഞ്ഞ വര്‍ഷം മൂന്ന് ശതമാനം വര്‍ദ്ധിച്ചിട്ടുണ്ടെന്ന് ഓഫീസ് ഓഫ് നാഷണല്‍ സ്റ്റാറ്റിസ്റ്റിക്‌സ് കണക്കുകള്‍ പറയുന്നു. കഴിഞ്ഞ അഞ്ചു വര്‍ഷങ്ങളില്‍ എട്ടു ശതമാനത്തിന്റെ വളര്‍ച്ചയാണ് ഇതില്‍ ഉണ്ടായത്.
പത്തു വര്‍ഷത്തിനിടെ 28 ശതമാനവും 15 വര്‍ഷത്തിനിടെ 41 ശതമാനവുമാണ് ഇക്കാര്യത്തില്‍ രേഖപ്പെടുത്തിയ വര്‍ദ്ധനവ്. ലണ്ടനിലും സൗത്ത് ഈസ്റ്റിലുമാണ് ഏറ്റവും കൂടുതല്‍ യുവജനങ്ങള്‍ മാതാപിതാക്കള്‍ക്കൊപ്പം ജീവിക്കുന്നത്. അനുപാതത്തില്‍ നോര്‍ത്തേണ്‍ അയര്‍ലന്‍ഡാണ് മുന്നില്‍. മൂന്നിലൊന്നിലേറെപ്പേര്‍ ഇവിടെ ഇത്തരത്തില്‍ കഴിയുന്നുണ്ട്. ഗാര്‍ഹിക പ്രതിസന്ധി ഒരു തമുറയെത്തന്നെ ബാധിക്കുന്ന കാഴ്ചയക്കാണ് ബ്രിട്ടന്‍ സാക്ഷ്യം വഹിക്കുന്നത്.
- നിങ്ങളുടെ വീട് ടെസ്‌കോയുടെ അടുത്തെങ്കില്‍ 22,000 പൗണ്ടിന്റെ അധികമൂല്യം. പ്രോപ്പര്‍ട്ടികളുടെ വില നിര്‍ണ്ണയിക്കുന്ന ഘടകങ്ങള്‍ ഏതാണ്? അതിശയമെന്ന് തോന്നാവുന്ന 9 കാര്യങ്ങള്‍.: http://malayalamuk.com/nine-surprising-things-affect-property-value/
- യുകെയിലെ പ്രോപ്പര്‍ട്ടി വിലക്കയറ്റം 2018ല്‍ മന്ദീഭവിക്കുമെന്ന് വിദഗ്ദ്ധര്‍: http://malayalamuk.com/uk-house-price-growth-to-slow-dramatically-in-2018-say-experts/
- കാറുകളിലെ എംഒടി ടെസ്റ്റിനു സമാനമായ പരിശോധന പ്രോപ്പര്‍ട്ടികള്‍ക്കും ഏര്‍പ്പെടുത്താന്‍ നിര്‍ദേശം; ലക്ഷക്കണക്കിന് വാടകവീടുകള്‍ പരിശോധനയ്ക്ക് വിധേയമാക്കിയേക്കും: http://malayalamuk.com/millions-of-rented-homes-could-be-forced-to-undergo-a-property-mot-test/
- യുകെയിലെ പ്രോപ്പര്‍ട്ടി വില വര്‍ദ്ധന അഞ്ചു വര്‍ഷങ്ങള്‍ക്കിടയിലെ ഏറ്റവും കുറഞ്ഞ നിരക്കില്‍; ഓഫീസ് ഓഫ് നാഷണല്‍ സ്റ്റാറ്റിസ്റ്റിക്‌സ് കണക്കുകള്‍ പറയുന്നത് ഇങ്ങനെ: http://malayalamuk.com/uk-house-prices-rise-lowest-annual-rate-five-years-london-fall/
- യുകെയിലെ പ്രോപ്പര്‍ട്ടി നിരക്കുകള്‍ തുടര്‍ച്ചയായി എട്ടാം മാസവും ഉയര്‍ന്ന നിരക്കില്‍: http://malayalamuk.com/uk-house-prices-rising-at-fastest-rate-for-eight-months-says-halifax/
- മാഞ്ചസ്റ്ററില്‍ പുതുതായി നിര്‍മ്മിക്കപ്പെട്ടത് 15,000ത്തിലേറെ വീടുകള്‍; പുതിയ വീടുകളുടെ വിലയും വാടകയും സാധരണക്കാര്‍ക്ക് താങ്ങാനാവുന്നതിനും പതിന്മടങ്ങ്: http://malayalamuk.com/housing-crisis-15000-new-manchester-homes-and-not-a-single-one-affordable/
Source URL: http://malayalamuk.com/3-4m-young-adults-live-at-home/