ഇനി വിമാനം തകര്‍ന്നാലും യാത്രക്കാര്‍ക്ക് ഒന്നും സംഭവിക്കില്ല

ഇനി വിമാനം തകര്‍ന്നാലും യാത്രക്കാര്‍ക്ക് ഒന്നും സംഭവിക്കില്ല
January 18 19:15 2016 Print This Article

നമുക്കറിയാം വിമാനം തകര്‍ന്നാല്‍ യാത്രക്കാരില്‍ ഒരാള്‍ പോലും ജീവനോടെ ഉണ്ടാകില്ല. എന്നാല്‍ ഇപ്പോള്‍ ഈ പ്രശ്‌നങ്ങള്‍ക്ക് പരിഹാരമായി. പറക്കുന്നതിനിടെ വിമാനം തകര്‍ന്നാലും യാത്രികരെ ഒരു പോറല്‍ പോലും ഏല്‍പ്പിക്കാതെ ഭൂമിയിലെത്തിക്കുന്ന സംവിധാനം യാഥാര്‍ഥ്യമാകുന്നു. വ്യോമയാന സുരക്ഷയില്‍ ഗവേഷണം നടത്തുന്ന വ്‌ലാദിമിര്‍ ടരെന്‍കോ എന്ന എഞ്ചിനീയറാണ് ഈ വിപ്ലവകരമായ കണ്ടുപിടുത്തം നടത്തിയത്.
വിമാനത്തില്‍ നിന്നും വേര്‍പെടുത്താവുന്ന രീതിയിലാണ് സുരക്ഷാ കവചം. വിമാനം പറന്നുയരുമ്പോഴോ പറക്കുമ്പോഴോ ഇറങ്ങുമ്പോഴോ എന്തെങ്കിലും കേട് പാടുകള്‍ സംഭവിച്ചാല്‍ യാത്രക്കാരെ സുരക്ഷിതമായി നിലത്തിറക്കാന്‍ ഈ സുരക്ഷാ കവചത്തിന് സാധിക്കും. അന്തരീക്ഷത്തില്‍ വച്ച് അപകടം സംഭവിച്ചാല്‍ പാരച്യൂട്ട് മുഖേനയാണ് സുരക്ഷ കവചം താഴെ എത്തിക്കുക. ഇനി സമുദ്രത്തിലേക്കാണ് ചെല്ലുന്നതെങ്കില്‍ ഇത് വെള്ളത്തിന് മുകളില്‍ പൊങ്ങിക്കിടക്കുകയും ചെയ്യും.

വിമാനത്തില്‍ ഘടിപ്പിക്കുന്ന സുരക്ഷ കവചത്തിലാണ് യാത്രക്കാര്‍ ഇരിക്കുന്നത്. ഇതിനിടയില്‍ എന്തെങ്കിലും അപകടം വിമാനത്തിന് സംഭവിച്ചാല്‍ സുരക്ഷാ കവചം വിമാനത്തില്‍ നിന്നും ബന്ധം വേര്‍പ്പെടുത്താന്‍ സാധിക്കും. തുടര്‍ന്ന് പാരച്യൂട്ട് വഴി സുരക്ഷാ കവചം താഴെ ഇറക്കും. യാത്രക്കാരെയും അവരുടെ സാമഗ്രികളും വഹിക്കാന്‍ കഴിയുന്നതാണ് സുരക്ഷ കവചം.

  Categories:

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

view more articles

Related Articles