Cuisine

ഷെഫ് ജോമോൻ കുര്യക്കോസ്

പാചകാവും ശാസ്ത്രവും ഒരു നാണയത്തിന്റെ ഇരു വശങ്ങൾ ആണ് . ശാസ്ത്രം ഇല്ലാത്ത പാചകവും ഇല്ല പാചകത്തിൽ ഇല്ലാത്ത ശാസ്ത്രവും ഇല്ല .

ശാസ്ത്ര പഠനം ഞാൻ തുടങ്ങുന്നത് അമ്മയുടെ അടുത്ത് നിന്നും ആണ് . മാവ് പുളിക്കുന്നതും, ചപ്പാത്തിക്കു കുഴക്കുമ്പോൾ ഇലാസ്റ്റിക് പോലെ മാവ് വലിയുന്നതും, പാൽ ഒഴിച്ച് തൈരാക്കുന്നതും, മുട്ട പുഴുങ്ങുമ്പോൾ കട്ടിയാകുന്നതും, കിഴങ്ങു പുഴുങ്ങുമ്പോൾ സോഫ്റ്റ്‌ ആകുന്നതും ഒക്കെ കണ്ടു തുടങ്ങിയത് വീട്ടിലെ അടുക്കളയിൽ നിന്ന്.

ഇതിന്റെ എല്ലാം പുറകിലെ സയൻസ് ആണ് എന്നെ അത്ഭുതപ്പെടുത്തിയത്. ചുടാകുമ്പോൾ മുട്ട കട്ടിയാകുന്നത് അതിനുള്ളിലെ പ്രോട്ടീനിലുണ്ടാകുന്ന രാസമാറ്റം ആണ് . ചൂടാകുമ്പോൾ കിഴങ്ങു സോഫ്റ്റ് ആകാനുള്ള കാരണം അതിനുള്ളിലെ കോശ തന്മാത്രകൾ വിഘടിക്കുന്നതു മൂലം ആണ്. ശാസ്ത്രത്തെയും പാചകത്തെയും ഇതിലും അനായാസമായി ബന്ധിപ്പിക്കാൻ അമ്മയുടെ മുട്ട റോസ്‌റ് റെസിപ്പി കടം എടുത്തതാണ് .

ഉണ്ടാക്കിയത് അമ്മയുടെ ചേരുവകൾക്ക് അനുസരിച്ചാണെങ്കിലും പ്രസന്റേഷൻ ഇപ്പോഴത്തെയും പോലെ ഒന്ന് നവീകരിക്കാൻ ശ്രമിച്ചു.

എങ്ങനെയൊക്കെ നോക്കീട്ടും ‘അമ്മ ഉണ്ടാക്കി തന്നിരുന്ന ആ രുചി അങ്ങോട്ട് കിട്ടുന്നില്ല . അതെങ്ങനെയാ ‘അമ്മ ചാലിച്ച് ചേർക്കുന്ന സ്നേഹം എന്ന ചേരുവ നമ്മള് കൂട്ടിയാൽ കൂടില്ലല്ലോ ..

ശാസ്ത്രവും പാചകവുമായി ബന്ധപ്പെട്ടു നിങ്ങളുടെ രസകരമായ ഓർമ്മകൾ ഇവിടെ പങ്കു വെക്കു.,

ചേരുവകൾ

6 കാട മുട്ട – ( half boiled)
3 ടേബിൾ സ്പൂൺ വെളിച്ചെണ്ണ
1 ടീസ്പൂൺ കടുക്
2 ടീസ്പൂൺ ഇഞ്ചി
1 ടീസ്പൂൺ വെളുത്തുള്ളി
3 സവോള ( finely chopped)
1 തക്കാളി (finely chopped)
1 ഉരുള കിഴങ്ങ് 1/2″ thick slice
1 തണ്ട് കറിവേപ്പില
¼ ടീസ്പൂൺ മഞ്ഞള്‍പൊടി
1 ½ ടേബിൾ സ്പൂൺ കാശ്മീരി മുളകുപൊടി
1ടേബിൾ സ്പൂൺ മല്ലിപൊടി
½ ടീസ്പൂൺ കുരുമുളക് ചതച്ചത്
½ തിളച്ച വെള്ളം

പാചകം ചെയ്യുന്ന വിധം

1) കാട മുട്ട ആദ്യം പുഴുങ്ങി വയ്ക്കുക . ഉപ്പിട്ട് തിളയ്ക്കുന്ന വെള്ളത്തിൽ കാട മുട്ടകൾ ഒരു സ്പൂൺ ഉപയോഗിച്ച് സാവധാനം വയ്ക്കുക , 2 മിനിറ്റിൽ അവയെല്ലാം സ്പൂൺ ഉപയോഗിച്ചു തിരിച്ചെടുക്കുക .

Start your timer! Let the eggs boil for
👉2 minutes-soft-boiled
👉3 minutes -medium-boiled
👉3.5 minutes -hard-boiled.

2 ) അടുത്തതായി ഒരു പാത്രത്തിൽ വെള്ളം വെച്ച് ഉപ്പിട്ട് തിളപ്പിക്കുക , അതിനു ശേഷം അരിഞ്ഞു വെച്ചിരിക്കുന്ന കിഴങ്ങു പകുതി വേവിച്ചു മാറ്റി വെക്കുക

3) ഒരു പാനിൽ 1 ടേബിൾസ്പൂൺ വെളിച്ചെണ്ണ ഒഴിച്ച് വേവിച്ചു വെച്ചിരിക്കുന്ന കിഴങ്ങ് ഇരു പുറവും നല്ല ഗോൾഡൻ നിറം ആകുന്ന വരെ മൊരിച്ചെടുത്തു മാറ്റി വയ്ക്കുക

( ഞാൻ പ്രസന്റേഷൻെറ ഭാഗമായി ആണ് ഇങ്ങനെ ചെയ്യുന്നത് , സാധാരണ വയ്ക്കുന്ന കറിയ്ക്കു ചെറിയ കഷ്ണങ്ങൾ ആയി അരിഞ്ഞു പകുതി വേവിച്ചു മുട്ട ചേർക്കുന്നതിന് മുന്നേ മസാലയിൽ ചേർത്ത് വേവിച്ചാലും മതിയാകും )

4) അതെ പാനിൽ തന്നെ ബാക്കി ഉള്ള 2 ടേബിൾസ്പൂൺ വെളിച്ചെണ്ണ ഒഴിച്ച് ചൂടാകുമ്പോൾ കടുക് ഇട്ടു പൊട്ടിച്ച് കറിവേപ്പിലയും ചേർക്കുക

5) അതിനു ശേഷം അരിഞ്ഞു വെച്ചിരിക്കുന്ന ഇഞ്ചിയും വെളുത്തുള്ളിയും ഇട്ടു വഴറ്റി എടുക്കുക .

6)അതിനു ശേഷം അരിഞ്ഞു വെച്ചിരിക്കുന്ന സവാള ചേർത്ത് അല്പം ഉപ്പും ഇട്ടു നല്ല ഗോൾഡൻ ബ്രൗൺ ആകുന്ന വരെ വഴറ്റുക .

7) തീ അല്പം കുറച്ചു വെച്ചതിനു ശേഷം മഞ്ഞൾ പൊടി , മുളക് പൊടി , മല്ലി പൊടി , കുരുമുളക് എന്നിവ ചേർത്ത് മൂപ്പിക്കുക

8) മസാലയയുടെ പച്ച മണം മാറിയതിനു ശേഷം അരിഞ്ഞു വെച്ചിരിക്കുന്ന തക്കാളി ചേർത്ത് വഴറ്റുക

8) ഈ സമയത്തു കഷ്ണങ്ങൾ ആയി അരിഞ്ഞു വെച്ചിരിക്കുന്ന കിഴങ്ങു ചേർത്ത് അര കപ്പു വെള്ളവും ഒഴിച്ച് വേവിക്കുക.

9) മസാല അല്പം ഡ്രൈ ആയതിനു ശേഷം പുഴുങ്ങി വെച്ചിരിക്കുന്ന മുട്ട കൂടി ചേർത്ത് ഇളക്കി അലപം വെളിച്ചെണ്ണ മുകളിൽ തൂവി അടച്ചു വെക്കുക.

ഷെഫ് ജോമോൻ കുര്യാക്കോസ്

പാചകത്തിന്റെ യൂ ട്യൂബ് ലിങ്ക് താഴെ ചേർക്കുന്നു .

നോബി ജെയിംസ്

1 1/2 കിലോ ചിക്കൻ
1 ടേബിൾസ്‌പൂൺ കുരുമുളകുപൊടി
1 ടേബിൾസ്പൂൺ മല്ലിപൊടി
1 ടേബിൾ സ്പൂൺ ഗാർലിക് പൊടി
1 ടീസ്പൂൺ ഇഞ്ചി പൊടി (ചുക്കുപൊടി )
1 ടേബിൾസ്പൂൺ പാപ്രിക /കാശ്മീരി മുളകുപൊടി
1 ടീസ്പൂൺ കറുവ പൊടി /cinnamon powder
1 ടീസ്പൂൺ ഓർഗാനോ
1 ടീസ്പൂൺ മിക്സ് സ്‌പൈസസ്
1 ടീസ്പൂൺ ജീരക പൊടി
4 ടേബിൾസ്പൂൺ തൈര്
1 നാരങ്ങാ നീര്
ഉപ്പ്
3 ടേബിൾസ്പൂൺ എണ്ണ

ഇവയെല്ലാംകൂടി ഒന്നിച്ചിളക്കി മസാല ആക്കി വയ്ക്കുക. ചിക്കൻ അല്ലങ്കിൽ ലാമ്പോ മുട്ടനോ ഇതേ മസാല തിരുമ്മി ചിക്കൻ വീഡിയോയിൽ കാണുന്നതുപോലെ കട്ട് ചെയ്തു മസാല തിരുമ്മി വയ്ക്കുക. കുറച്ചു സമയത്തിന് ശേഷം വീഡിയോയിൽ കാണുന്നതുപോലെ കുത്തി ഓവനിൽ ഇട്ടു ഗ്രില്ല് ചെയ്തു എടുക്കുക. ഓവൻ ഇല്ല എങ്കിൽ പാനിൽ ഫ്രൈ ചെയ്തു ഗാർലിക് സോസും (ഇതിനു മുൻപ് യൂട്യൂബിൽ എന്റെ ചാനലിൽ അപ്‌ലോഡ് ചെയ്തിട്ടുണ്ട് അത് ഉണ്ടാക്കി ഫ്രിഡ്ജിൽ വച്ചാൽ കേടുകൂടാതെ ഇരിക്കും ) ചിക്കൻ പാകം ചെയ്തു സലാഡും സോസും ഒഴിച്ചു പൊതിഞ്ഞു തനതായ ഷവർമ കഴിക്കാം. ഇതു എല്ലാവരും ഒന്ന് ഉണ്ടാക്കി നോക്കണേ .

മറ്റുപല നാടൻ വിഭവങ്ങളുടെയും വീഡിയോ ഉള്ള നോബിസ് കിച്ചൻ എന്ന എൻറെ യൂട്യൂബ് ചാനലിൽ നിങ്ങളുടെ അഭിപ്രായങ്ങൾ രേഖപ്പെടുത്താനും ഷെയറുചെയ്യാനും മറക്കരുതേ……

ഈസി കുക്കിങ്ങിൽ പുതിയ ഒരു വിഭവുമായി അടുത്ത ആഴ്ച വീണ്ടും കാണാം .

    നോബി ജെയിംസ്

യുകെ മലയാളികൾക്ക് സുപരിചിതനായ പ്രമുഖ ഷെഫായ നോബി ജെയിംസാണ് മലയാളം യുകെയിൽ എല്ലാ ശനിയാഴ്ചകളിലും പ്രസിദ്ധീകരിക്കുന്ന ഈസി കുക്കിംഗ് എന്ന പാചക പംക്തിയുടെ റെസിപ്പി തയ്യാറാക്കുന്നത്. ഇന്ത്യയിലും, ഗൾഫ് രാജ്യങ്ങളിലും, പല മുൻനിര സ്ഥാപനങ്ങളിലും ചീഫ് ഷെഫായി പ്രവർത്തിച്ചിട്ടുള്ള നോബി ഇപ്പോൾ യുകെയിൽ സ്വകാര്യമേഖലയിലുള്ള പ്രമുഖ റസിഡൻഷ്യൽ സ്കൂളായ നോർത്ത് യോർക്ക്ഷെയറിലെ  ഐസഗാർത്തിൽ കേറ്ററിംഗ് മാനേജരായിസേവനമനുഷ്ഠിക്കുന്നു.

മിനു നെയ്സൺ പള്ളിവാതുക്കൽ , ഓസ്ട്രേലിയ

ചേരുവകൾ

നെസ്റ്റ്:

3 കപ്പ് വെർമിസിലി (കനം കുറഞ്ഞത്)
200 ഗ്രാം കണ്ടൻസ് മിൽക്ക്
2 ടേബിൾസ്പൂൺ നെയ്യ്

ഫില്ലിംഗ്:

1.5 കപ്പ് പാൽ
3 ടേബിൾസ്പൂൺ കസ്റ്റാർഡ് പൗഡർ
3 ടേബിൾസ്പൂൺ പഞ്ചസാര

നെസ്റ്റ് ഉണ്ടാക്കുന്ന വിധം –

ഒരു പാനിൽ നെയ്യ് ചൂടാക്കി വെർമിസിലി വറുത്തെടുക്കുക ( ഗോൾഡൻ ബ്രൗൺ )
അതിലേക്കു കണ്ടൻസ് മിൽക്ക് ചേർത്തിളക്കുക. അടുപ്പിൽ നിന്നും മാറ്റി ചെറു ചൂടിൽ തന്നെ ഒരു കപ്പ് കേക്ക് മോൾഡിൽ നെസ്റ്റ് പോലെ ഉണ്ടാക്കി എടുക്കുക . എന്നിട്ടു 30 മിനിറ്റ് ഫ്രിഡ്ജിൽ വെക്കുക .

ഫില്ലിംഗ് ഉണ്ടാക്കുന്ന വിധം –

ഒരു പാനിൽ 1 കപ്പ് പാൽ തിളപ്പിക്കുക അതിലേക്കു 3 ടേബിൾസ്പൂൺ പഞ്ചസാരയും ചേർത്ത് നന്നായി ഇളക്കുക. ബാക്കി ഉള്ള പാലിലേക്കു 3 ടേബിൾസ്പൂൺ കസ്റ്റാർഡ് പൗഡർ ചേർത്ത് ഇളക്കുക. എന്നിട്ടു ഇതു തിളപ്പിച്ച പാലിലേക്കു ചേർത്ത് നന്നായി കുറുക്കി എടുക്കുക. എന്നിട്ടു കുറച്ചു നേരം തണുക്കാൻ വയ്ക്കുക. ഫ്രിഡ്ജിൽ വെച്ചിരുന്ന കേക്ക് മോൾഡിൽ നിന്നും നെസ്റ്റ് സൂക്ഷിച്ചു ഇളക്കി എടുക്കുക .ഇനി തയാറാക്കി വെച്ചിരിക്കുന്ന കസ്റ്റാർഡ് ഫില്ലിംഗ് നെസ്റ്റിലേക്ക് ഒഴിച്ച് നിറയ്ക്കുക. നിങ്ങൾക്ക് ഇഷ്ട്ടമുള്ള ടോപ്പിംഗ്ചെയ്യാം. ഒരു മണിക്കൂർ ഫ്രിഡ്ജിൽ വെച്ചതിനുശേഷം തണുപ്പോടെ വെർമിസിലി കസ്റ്റാർഡ് നെസ്റ്റ് കഴിക്കാം.

മിനു നെയ്‌സൺ പള്ളിവാതുക്കൽ ,ഓസ്ട്രേലിയ

 

നോബി ജെയിംസ്

1 കിലോ ചിക്കൻ
1 സവോള
10 വെളുത്തുള്ളി
6 പച്ചമുളക്
2 ടേബിൾസ്പൂൺ പുതിനയില
3 ടേബിൾസ്പൂൺ മല്ലി ഇല
1 നാരങ്ങാ നീര്
ഉപ്പ് ആവശ്യത്തിന് ഇട്ട് 1 ടേബിൾസ്പൂൺ എണ്ണയും ഒഴിച്ചു അരച്ചെടുക്കുക അതിലേക്ക് 2 ടേബിൾ സ്പൂൺ ക്രീം (പകരം കശുവണ്ടി അരച്ച് ചേർക്കാം)
4 ടേബിൾസ്പൂൺ തൈര്
2 ടേബിൾസ്പൂൺ ഉലുവ ഇല
1/2 ടീസ്പൂൺ ബ്ലാക്ക് സാൾട്ട്
1 ടീസ്പൂൺ ചാറ്റ് മസാല ഇവ ഇട്ട് ഒന്നിച്ചു ഇളക്കി ചിക്കനിൽ ആ മസാല തിരുമ്മി 2 മണിക്കൂറോ അതിൽ കൂടുതലോ വയ്ക്കുക ശേഷം പാൻ ചൂടാക്കി അതിൽ തന്നെ പറ്റിച്ചു വീഡിയോയിൽ കാണുന്നതുപോലെ കളർ ആക്കി എടുക്കുക. ഒരു മസാലകൾ ഇല്ലെങ്കിലും പറഞ്ഞറിയിക്കാൻ പറ്റാത്ത രുചിയാണ്.

മറ്റുപല നാടൻ വിഭവങ്ങളുടെയും വീഡിയോ ഉള്ള നോബിസ് കിച്ചൻ എന്ന എൻറെ യൂട്യൂബ് ചാനലിൽ നിങ്ങളുടെ അഭിപ്രായങ്ങൾ രേഖപ്പെടുത്താനും ഷെയറുചെയ്യാനും മറക്കരുതേ……

ഈസി കുക്കിങ്ങിൽ പുതിയ ഒരു വിഭവുമായി അടുത്ത ആഴ്ച വീണ്ടും കാണാം .

    നോബി ജെയിംസ്

യുകെ മലയാളികൾക്ക് സുപരിചിതനായ പ്രമുഖ ഷെഫായ നോബി ജെയിംസാണ് മലയാളം യുകെയിൽ എല്ലാ ശനിയാഴ്ചകളിലും പ്രസിദ്ധീകരിക്കുന്ന ഈസി കുക്കിംഗ് എന്ന പാചക പംക്തിയുടെ റെസിപ്പി തയ്യാറാക്കുന്നത്. ഇന്ത്യയിലും, ഗൾഫ് രാജ്യങ്ങളിലും, പല മുൻനിര സ്ഥാപനങ്ങളിലും ചീഫ് ഷെഫായി പ്രവർത്തിച്ചിട്ടുള്ള നോബി ഇപ്പോൾ യുകെയിൽ സ്വകാര്യമേഖലയിലുള്ള പ്രമുഖ റസിഡൻഷ്യൽ സ്കൂളായ നോർത്ത് യോർക്ക്ഷെയറിലെ  ഐസഗാർത്തിൽ കേറ്ററിംഗ് മാനേജരായിസേവനമനുഷ്ഠിക്കുന്നു.

സുജിത് തോമസ്

പ്രസിദ്ധമായ അമ്പലപ്പുഴ പാൽപ്പായസത്തെക്കുറിച്ച് രണ്ട് ഐതിഹ്യ കഥകൾ നിലവിൽ ഉണ്ട്. ആദ്യത്തേത് ഇതാണ്. ഇന്നത്തെ അമ്പലപ്പുഴ പണ്ട് ചെമ്പകശ്ശേരി എന്ന നാട്ടുരാജ്യം ആയിരുന്നു. അവിടുത്തെ രാജാവിന്‍റെ പരദേവത ആയിരുന്നു അമ്പലപ്പുഴ ശ്രീകൃഷ്ണന്‍. ചതുരംഗ ഭ്രാന്തന്‍ ആയിരുന്നു ചെമ്പകശ്ശേരി രാജാവ്. ഒരിക്കല്‍ മത്സരത്തിനായി അദ്ദേഹം ഒരു വെല്ലുവിളി നടത്തി. ആരും അത് ഏറ്റെടുത്തില്ല. അപ്പോൾ ഒരു സാധു മനുഷ്യന്‍ മുന്നോട്ടു വന്ന് ആ വെല്ലുവിളി ഏറ്റെടുത്തു. രാജാവ് കളിയില്‍ തോറ്റാല്‍ അറുപത്തിനാല് കളങ്ങള്‍ ഉള്ള ചതുരംഗ പലകയില്‍ ആദ്യത്തെ കളത്തില്‍ ഒരു നെന്മണി, രണ്ടാമത്തേതില്‍ രണ്ട്, മൂന്നാമത്തേതില്‍ നാല്, നാലാമത്തേതില്‍ എട്ട്, ഇങ്ങനെ ഇരട്ടി ഇരട്ടി നെല്‍മണികള്‍ പന്തയം വച്ചു. കളിയില്‍ രാജാവ് തോറ്റു. രാജ്യത്തുള്ള നെല്ല് മുഴുവന്‍ അളന്നു വച്ചിട്ടും അറുപത്തിനാലാമത്തെ കളം എത്തിയില്ല. അപ്പോള്‍ സാധു മനുഷ്യന്‍റെ രൂപത്തില്‍ വന്ന കൃഷ്ണന്‍ തനി രൂപം കാണിച്ചു. രാജാവ് ക്ഷമ ചോദിക്കുകയും. ദിവസവും പാല്‍പ്പായസം നിവേദിച്ചു കടം വീട്ടാന്‍ ആവശ്യപ്പെട്ടു കൃഷ്ണന്‍ അപ്രത്യക്ഷന്‍ ആകുകയും ചെയ്തു എന്ന് ഒരു കഥ.

ഇനി രണ്ടാമത് മറ്റൊരു കഥ കൂടിയുണ്ട്. ആനപ്രമ്പാൽ എന്ന ദേശക്കാരനായ ഒരു തമിഴ് ബ്രാഹ്മണനില്‍ നിന്ന് രാജാവ് സൈനിക ചിലവിനായി കടം വാങ്ങിയ നെല്ല് പലിശ സഹിതം മുപ്പത്തിആറായിരം പറ ആയി. അത് കൊടുക്കാന്‍ തത്കാലം രാജാവിന്‍റെ കയ്യില്‍ ഉണ്ടായിരുന്നില്ല. ഒരു ദിവസം രാജാവ് ക്ഷേത്ര ദര്‍ശനത്തിനു വന്നപ്പോള്‍ എല്ലാവരുടെയും മുന്നില്‍വച്ച്”എന്‍റെ കടം വീട്ടാതെ തേവരെ കാണരുത് ” എന്ന് ബ്രാഹ്മണന്‍ ശഠിക്കുകയും, രാജാവിന് അമ്പലത്തില്‍ പ്രവേശിക്കാന്‍ കഴിയാതെ വരികയും ചെയ്തു. എന്നാല്‍ ചെമ്പകശ്ശേരി മന്ത്രി പാറയില്‍ മേനോന്‍ കൗശലക്കാരന്‍ ആയിരുന്നു. മുഴുവന്‍ ജനങ്ങളോടും ഉള്ള നെല്ല് കൊണ്ടുവരാന്‍ പറയുകയും, അത് ക്ഷേത്രത്തില്‍ കൂട്ടി ഇടുകയും ചെയ്തു. എന്നിട്ട് ഉച്ച ശീവേലിക്ക് മുന്‍പ് അതെടുത്തു കൊണ്ട് പോകാന്‍ ബ്രാഹ്മണനോട് ആജ്ഞാപിച്ചു. ഒരു ചുമട്ടുകാരും എടുക്കാന്‍ വരരുത്. വന്നാല്‍ തല കാണില്ല എന്ന് രഹസ്യ നിര്‍ദേശവും കൊടുത്തു. ബ്രാഹ്മണന്‍ പലരെയും സമീപിച്ചു. ആരും അടുത്തില്ല. അവസാനം കൊണ്ടുപോകാന്‍ നിവൃത്തി ഇല്ലാതെ ക്ഷേത്രത്തിലേക്ക് പാൽപ്പായസത്തിനായി ദാനം ചെയ്യുകയും അതിന്‍റെ പലിശ കൊണ്ട് ദിവസവും പാല്‍പ്പായസം നടത്താന്‍ നിര്‍ദേശിക്കുകയും ചെയ്തു .

പ്രസിദ്ധമായ അമ്പലപ്പുഴ പാൽപായസം അതിന്റെ തനിമ ഒട്ടും ചോരാതെ തന്നെ എന്നാൽ ചില പുതുമകളുമായി മലയാളം യുകെയുടെ വായനക്കാർക്കായി സുജിത് തോമസ് അവതരിപ്പിക്കുന്നു

ചേരുവകൾ

നുറുക്ക് ഗോതമ്പ് – അരക്കപ്പ്

ചൗവ്വരി – കാൽ കപ്പ്

പഞ്ചസാര – ഒരു കപ്പ്

പാൽ – നാല് കപ്പ്

വെള്ളം – ഒരു കപ്പ്

ഉപ്പ് – ഒരു നുള്ള്

ബീറ്റ്റൂട്ട് – ചെറുത് ഒന്ന്

പാകം ചെയ്യുന്ന വിധം

നുറുക്ക് ഗോതമ്പും ചൗവ്വരിയും നന്നായി കഴുകി പ്രത്യേകം പാത്രങ്ങളിൽ മൂന്ന്, നാല് മണിക്കൂർ കുതിർക്കുവാൻ വയ്ക്കുക. കുതിർത്തതിന് ശേഷം പ്രഷർ കുക്കറിൽ ചൗവ്വരിയും ഗോതമ്പും പാലും പഞ്ചസാരയും വെള്ളവും ഒരുമിച്ച് ചേർത്ത് ഇളക്കി ചൂടാക്കണം. ഈ മിശ്രിതം നന്നായി ചൂടായി കഴിയുമ്പോൾ പ്രഷർകുക്കർ അടച്ചു വച്ച് മീഡിയം തീയിൽ ഒരു വിസിൽ പോലും വരാതെ ചെറിയ തീയിൽ അരമണിക്കൂർ വേവിക്കണം. ശേഷം കുക്കർ അര മണിക്കൂർ ഓഫാക്കി വയ്ക്കണം. ഈ സമയത്ത് ബീറ്റ്റൂട്ട് നന്നായി തൊലി കളഞ്ഞ് ചെറുതായി ഗ്രൈൻ്റ് ചെയ്ത് എടുക്കണം. പിന്നീട് ഒരു പാനിൽ ഈ ബീറ്റ്റൂട്ട് വേവിക്കണം. ഒരു മീഡിയം വേവ് ആകുമ്പോൾ അതിലേക്ക് കാൽ ടീ സ്പൂൺ നെയ്യ് ചേർത്ത് ഒന്നുകൂടി ചൂടാക്കി വേവിച്ചെടുക്കണം.

പിന്നീട് കുക്കറിൻ്റെ അടപ്പ് മാറ്റി വേവിച്ച ബീറ്റ്റൂട്ട് ചേർത്ത് ഒന്നുകൂടി ചൂടാക്കി ഇളക്കി എടുക്കുക. പ്രത്യേക രീതിയിലുള്ള അമ്പലപ്പുഴ പായസം റഡി

ഇതിൽ ഒരു നുള്ള് ഉപ്പ് ചേർക്കുന്നത് എല്ലാം വേവിച്ച ശേഷമാണ്. പായസത്തിൽ ചേർത്ത പാൽ പിരിഞ്ഞു പോകാതെയിരിക്കുന്നതിനാണ് ഉപ്പ് ആദ്യം ചേർക്കാത്തത്.

സുജിത് തോമസ്

നോബി ജെയിംസ്

2 കിലോ കാട്ടു പന്നി
1 ടീസ്പൂൺ മഞ്ഞൾ പൊടി
2 ടേബിൾ സ്പൂൺ മല്ലിപൊടി
1 ടേബിൾ സ്പൂൺ മുളകുപൊടി
1 ടേബിൾ സ്പൂൺ കുരുമുളക് പൊടി
1 ടേബിൾ സ്പൂൺ ഗരം മസാല
50 ഗ്രാം ഇഞ്ചി
25 ഗ്രാം വെളുത്തുള്ളി
6 പച്ചമുളക്
ആവശ്യത്തിന് ഉപ്പ്
3 സവോള
ഇവ തിരുമ്മി കുക്കറിൽ വേവിക്കുക. ഇതേ സമയം 1 കിലോ ചേമ്പു വൃത്തിയാക്കി അല്പം മഞ്ഞൾ പൊടിയും ഉപ്പും ഇട്ടു മുക്കാൽ ഭാഗം വേവിച്ചെടുക്കുക
4 ചെറിയ ഉള്ളി
1 ടേബിൾ സ്പൂൺ പേരും ജീരകം
25 ഗ്രാം ഇഞ്ചി
25 ഗ്രാം വെളുത്തുള്ളി
5 വറ്റൽ മുളക് ഇവ വറുത്തു വരുമ്പോൾ ചിരണ്ടി വറുത്തു വച്ചിട്ടുള്ള തേങ്ങയും കറിവേപ്പിലയും ഇട്ടു ചൂടായി വരുമ്പോൾ ഒതുക്കി എടുത്തു (അല്ലങ്കിൽ പച്ച തേങ്ങയും കറിവേപ്പിലയും കൂട്ടി വറുത്തെടുക്കുക )
വെന്തു വന്ന ഇറച്ചിയിൽ ആ അരപ്പും പിന്നെ മുക്കാൽ ഭാഗം വേവിച്ച ചേമ്പും ഇട്ടു 5 തൊട്ട് 10 മിനിട്ടു വരെ ചെറു തീയിൽ വേവിച്ചിറക്കി കപ്പയുടെ കൂടെയോ പൊറോട്ടയുടെ കൂടെയോ ചോറിന്റെ കൂടെയോ കഴിക്കാം. ഇതേ രീതിയിൽ ബീഫും ആടും ഒക്കെ ഇതേ രീതിയിൽ ഉണ്ടാക്കാം.

മറ്റുപല നാടൻ വിഭവങ്ങളുടെയും വീഡിയോ ഉള്ള നോബിസ് കിച്ചൻ എന്ന എൻറെ യൂട്യൂബ് ചാനലിൽ നിങ്ങളുടെ അഭിപ്രായങ്ങൾ രേഖപ്പെടുത്താനും ഷെയറുചെയ്യാനും മറക്കരുതേ……

ഈസി കുക്കിങ്ങിൽ പുതിയ ഒരു വിഭവുമായി അടുത്ത ആഴ്ച വീണ്ടും കാണാം .

    നോബി ജെയിംസ്

യുകെ മലയാളികൾക്ക് സുപരിചിതനായ പ്രമുഖ ഷെഫായ നോബി ജെയിംസാണ് മലയാളം യുകെയിൽ എല്ലാ ശനിയാഴ്ചകളിലും പ്രസിദ്ധീകരിക്കുന്ന ഈസി കുക്കിംഗ് എന്ന പാചക പംക്തിയുടെ റെസിപ്പി തയ്യാറാക്കുന്നത്. ഇന്ത്യയിലും, ഗൾഫ് രാജ്യങ്ങളിലും, പല മുൻനിര സ്ഥാപനങ്ങളിലും ചീഫ് ഷെഫായി പ്രവർത്തിച്ചിട്ടുള്ള നോബി ഇപ്പോൾ യുകെയിൽ സ്വകാര്യമേഖലയിലുള്ള പ്രമുഖ റസിഡൻഷ്യൽ സ്കൂളായ നോർത്ത് യോർക്ക്ഷെയറിലെ  ഐസഗാർത്തിൽ കേറ്ററിംഗ് മാനേജരായിസേവനമനുഷ്ഠിക്കുന്നു.

ഷെഫ് ജോമോൻ കുര്യക്കോസ്

പൈനാപ്പിൾ ഇട്ടു വരട്ടിയ പോർക്ക്

പോർക്ക് മാരീനേഷനു ആവശ്യമായ ചേരുവകൾ

പോർക്ക് / പന്നി ഇറച്ചി ( ബോൺലെസ്സ് ) 1 കിലോ

മഞ്ഞൾ പൊടി 1/2 ടീസ്പൂൺ

മുളകുപൊടി 1ടീസ്പൂൺ

ഗ്രീൻ ചില്ലി 2എണ്ണം

ചില്ലി ഫ്ലെക്സ് 1 ടീസ്പൂൺ

ഇഞ്ചി ചതച്ചത് 1ടീസ്പൂൺ

ഉപ്പു പാകത്തിന്

മസാലയ്ക്ക് വേണ്ട ചേരുവകൾ

വെളിച്ചെണ്ണ 3 ടീസ്പൂൺ

കുഞ്ഞുള്ളി പൊളിച്ചത് 2 കപ്പ്

വെളുത്തുള്ളിയും ഇഞ്ചിയും ചതച്ചത് 2 ടീസ്പൂൺ

മഞ്ഞൾപൊടി 1/2 ടീസ്പൂൺ

മുളകുപൊടി 1 ടീസ്പൂൺ

മല്ലിപൊടി 3 ടീസ്പൂൺ

തേങ്ങാ കൊത്ത് 1/2 കപ്പ്

പൈനാപ്പിൾ ക്യൂബ്സ് 1കപ്പ്

കറി വേപ്പില 3 സ്ട്രിംഗ്

പാകം ചെയ്യുന്ന വിധം

പോർക്ക് ചെറിയ കഷണങ്ങൾ ആയി മുറിച്ചു നന്നായി കഴുകി എടുത്ത് മാരിനേഷനു വേണ്ട ചേരുവകൾ ചേർത്ത് ഒരു 1/2 കപ്പ് വെള്ളം ഒഴിച്ച് ഒരു പാത്രത്തിൽ അടച്ചു വെച്ച് ചെറിയ തീയിൽ പോർക്കിന്റെ കഷ്ണങ്ങൾകുക്ക് ആവുന്നത് വരെ വേവിക്കുക. പ്രഷർ കുക്കറിൽ ആണെങ്കിൽ 3 വിസിൽ വരുന്ന വരെ വേവിക്കുക. പോർക്ക് വേവുന്ന സമയം കൊണ്ട് ഒരു പാൻ / ഉരുളി അടുപ്പിൽ വെച്ച് വെളിച്ചെണ്ണ ഒഴിച്ച് ചൂടാക്കുക. നല്ല പോലെ ചൂടാകുമ്പോൾ അതിലേക്കു കറിവേപ്പിലയും തേങ്ങാ കൊത്തും ഇട്ടു നല്ല ഗോൾഡൺ നിറം ആകുന്നതു വരെ വഴറ്റുക. അതിലേക്ക് കുഞ്ഞുള്ളി ചേർത്ത് നല്ല പോലെ വഴറ്റിയതിനു ശേഷം മുളകുപൊടി, മഞ്ഞൾ പൊടി, മല്ലിപൊടി എന്നിവ ചേർത്ത് വീണ്ടും വഴറ്റുക .മസാലയുടെ പച്ചമണം മാറിയതിനു ശേഷം വേവിച്ചു വെച്ചിരിക്കുന്ന പോർക്ക് ചേർത്തു വറ്റിച്ചെടുക്കുക. പകുതി വറ്റി വരുമ്പോൾ അരിഞ്ഞു വെച്ചിരിക്കുന്ന പൈനാപ്പിൾ ചേർത്ത് ഇളക്കുക. നല്ല ചൂടിൽ വറ്റി വരുന്ന പോർക്കിൽ പൈനാപ്പിളിന്റെ മധുരം കാരണം നല്ല പോലെ കാരമലൈസ്ഡ് ആവുകയും ചെറിയ പുളി അതിന്റെ രുചി കൂട്ടുകയും ചെയ്യും.

ഷെഫ് ജോമോൻ കുര്യാക്കോസ്

നോബി ജെയിംസ്

1/2 കിലോ അരിപൊടി വറുത്തത്
15 ചെറിയ ഉള്ളി
1 ടേബിൾസ്പൂൺ ജീരകം
കറിവേപ്പില ആവശ്യത്തിന്
1 1/2 ടേബിൾസ്പൂൺ കൊത്തമല്ലി
1/2 തേങ്ങാ ചിരണ്ടിയത് ചെറുതായി വറുത്തത്
1 തേങ്ങാ പാൽ

1/2 തേങ്ങയും 3 അല്ലി വെളുത്തുള്ളിയും 1 ടേബിൾസ്പൂൺ ജീരകവും കൂടി അരച്ചുവയ്ക്കുക .
കുറച്ചു വെള്ളം തിളപ്പിച്ച് അതിൽ ജീരകം ഉള്ളി കറിവേപ്പില കൊത്തമല്ലി ഇവ ഇടിച്ചിട്ടു നന്നായി തിളപ്പിക്കുക. ആവശ്യത്തിന് ഉപ്പും ചേർക്കുക. വറുത്ത തേങ്ങാ പകുതി പൊടിയിലും പകുതി തിളപ്പിക്കാൻ വച്ച വെള്ളത്തിലും ഇടുക. വീഡിയോയിൽ കാണുന്നതുപോലെ ആ തിളച്ച വെള്ളം ഒഴിച്ചു പാകത്തിന് കുഴച്ചെടുക്കുക. പിന്നീട് മുക്കാൽ ഭാഗം ഉരുട്ടുക. ബാക്കി ഉള്ള കാൽ ഭാഗം കുറച്ചു വെള്ളം ഒഴിച്ചു കലക്കി വയ്ക്കുക .

പിന്നീട് ബാക്കി ഉള്ള വെള്ളം തിളച്ചു വരുമ്പോൾ ഉരുട്ടി വച്ച ഉണ്ടകൾ അതിൽ ഇട്ടു വെന്തു വരുമ്പോൾ അതിൽ കലക്കിവെച്ച പൊടിചേർത്തു തിക്കായി വരുമ്പോൾ വെളുത്തുള്ളിയും ജീരകവും തേങ്ങയും കൂടി അരച്ചത് ചേർക്കുക അത് തിളച്ചു തിക്കാകുമ്പോൾ തേങ്ങാ പാല് ചേർത്ത് പിടി വാങ്ങി വെക്കാം തണുക്കും തോറും തിക്കായി വരും.

വറുത്തരച്ച കോഴിക്കറി

1 1/2 കിലോ കോഴി ചെറുതായി ഞുറുക്കിയത് കഴുകി അല്പം മഞ്ഞൾപൊടിയും അല്പം മുളകുപൊടിയും ഉപ്പും ഇട്ടു തിരുമ്മി വയ്ക്കുക.
3 സവോള
2 ടേബിൾസ്പൂൺ ഇഞ്ചിയും വെളുത്തുള്ളിയും
5 പച്ച മുളക്
6 ചെറിയ ഉള്ളി
1 1/2 തേങ്ങാ ചിരണ്ടിയത്
കറിവേപ്പില ആവശ്യത്തിന്
2 ടേബിൾസ്പൂൺ മല്ലിപൊടി
1 ടീസ്പൂൺ മുളകുപൊടി
1/2 ടീസ്പൂൺ മഞ്ഞൾ പൊടി
1 ടേബിൾ സ്പൂൺ കുരുമുളകുപൊടി
1/2 ടീസ്പൂൺ ഗരം മസാല
1 ടേബിൾസ്പൂൺ പെരുംജീരകം
5 വറ്റൽ മുളക്
കുറച്ച് കറുവപ്പട്ട, ഏലക്ക, ഗ്രാമ്പൂ
ഒരു പാൻ ചൂടാക്കി അതിൽ അല്പം എണ്ണ ഒഴിച്ചു ഗ്രാമ്പൂ, ഏലക്ക, കറുവപ്പട്ട ഇവ ഇട്ടു ചൂടായിവരുമ്പോൾ പെരുംജീരകം ഇട്ടു പറ്റിവരുമ്പോൾ വറ്റൽ മുളക് ചേർക്കുക. കൂടെ ഇഞ്ചി, വെളുത്തുള്ളി, പച്ചമുളക് ഇവ മൂത്തു തുടങ്ങുമ്പോൾ ചിരണ്ടിവച്ച തേങ്ങായും കറിവേപ്പിലയും ചേർത്ത് വറുത്തെടുക്കുക. അത് കളറായിവരുമ്പോൾ മല്ലിപൊടി, മുളകുപൊടി, മഞ്ഞൾപൊടി ,ഗരംമസാല ,കുരുമുളകുപൊടി ഇവയുടെ പച്ച മണം മാറിവരുമ്പോൾ അരച്ചെടുക്കുക.

പിന്നീട് പാൻ ചൂടാക്കി അല്പം എണ്ണ ഒഴിച്ചു അതിൽ സവോള വഴറ്റി എടുക്കുക അതിൽ ചിക്കൻ ചേർത്ത് ഇളക്കി മൂടിവെക്കുക വെന്തു വരുമ്പോൾ അതിൽ അരച്ച് വച്ച വറുത്തരച്ച മസാല ചേർത്ത് ചെറുതീയിൽ മൂടി അല്പനേരം വച്ച് ഉപ്പു നോക്കി നമ്മുടെ നാവിൽ വെള്ളം ഊറുന്ന വറുത്തരച്ച ചിക്കൻ കറിയും പിടിയും കൂടി ഒരു പിടി പിടിക്കാം.
അപ്പോൾ എല്ലാവർക്കും ഈസ്റ്റർ മംഗളങ്ങൾ
നോബി

മറ്റുപല നാടൻ വിഭവങ്ങളുടെയും വീഡിയോ ഉള്ള നോബിസ് കിച്ചൻ എന്ന എൻറെ യൂട്യൂബ് ചാനലിൽ നിങ്ങളുടെ അഭിപ്രായങ്ങൾ രേഖപ്പെടുത്താനും ഷെയറുചെയ്യാനും മറക്കരുതേ……

ഈസി കുക്കിങ്ങിൽ പുതിയ ഒരു വിഭവുമായി അടുത്ത ആഴ്ച വീണ്ടും കാണാം .

    നോബി ജെയിംസ്

യുകെ മലയാളികൾക്ക് സുപരിചിതനായ പ്രമുഖ ഷെഫായ നോബി ജെയിംസാണ് മലയാളം യുകെയിൽ എല്ലാ ശനിയാഴ്ചകളിലും പ്രസിദ്ധീകരിക്കുന്ന ഈസി കുക്കിംഗ് എന്ന പാചക പംക്തിയുടെ റെസിപ്പി തയ്യാറാക്കുന്നത്. ഇന്ത്യയിലും, ഗൾഫ് രാജ്യങ്ങളിലും, പല മുൻനിര സ്ഥാപനങ്ങളിലും ചീഫ് ഷെഫായി പ്രവർത്തിച്ചിട്ടുള്ള നോബി ഇപ്പോൾ യുകെയിൽ സ്വകാര്യമേഖലയിലുള്ള പ്രമുഖ റസിഡൻഷ്യൽ സ്കൂളായ നോർത്ത് യോർക്ക്ഷെയറിലെ  ഐസഗാർത്തിൽ കേറ്ററിംഗ് മാനേജരായിസേവനമനുഷ്ഠിക്കുന്നു.

ബീഫ് കട്‌ലറ്റ് – സുജിത് തോമസ്

1. ബീഫ് -1/2 കിലോ(എല്ലില്ലാതെ)

2. ഗരം മസാല -2 ടീസ്പൂൺ

3. മഞ്ഞൾ പൊടി -1/2 ടീസ്പൂൺ

4. മല്ലിപൊടി -1 ടീസ്പൂൺ

5. ഇറച്ചി മസാല -1 ടീസ്പൂൺ

6. കാശ്മീരി മുളക് പൊടി -3/4 ടീസ്പൂൺ

7. മുട്ട -2

8. വെളിച്ചെണ്ണ -വറുക്കാൻ ആവശ്യത്തിന്

9. ഉരുളക്കിഴങ്ങ് -1-2

10. ഇഞ്ചി -ഒരു ചെറിയ കക്ഷണം

11. വെളുത്തുള്ളി -3-4 അല്ലി

12. പച്ചമുളക് -6-7

13. സവോള -1

14. കറിവേപ്പില -1 തണ്ട്

15. റസ്ക് പൊടിച്ചത് -1/2കപ്പ്‌

*പാചകം ചെയുന്ന വിധം*

1. ഉരുളക്കിഴങ്ങ് നന്നായി വേവിച്ച് ഉടച്ചു വെക്കുക.

2. ഇറച്ചി 1/4 കപ്പ്‌ വെള്ളം, ഉപ്പ്,1/4 ടീസ്പൂൺ മഞ്ഞൾ പൊടി എന്നിവ ചേർത്തു വേവിച്ച് വെള്ളം വറ്റിച്ചെടുക്കുക.തണുക്കുമ്പോൾ ഇറച്ചി, മിക്സിയുടെ ചെറിയ ജാറിൽ തരുതരുപ്പായി പെട്ടെന്ന് അടിച്ചെടുക്കുക.

3.ഇഞ്ചി, വെളുത്തുള്ളി പച്ചമുളക്,സവോള, കറിവേപ്പില എന്നിവ ചെറുതായി അരിഞ്ഞ് ചൂടായ വെളിച്ചെണ്ണയിൽ വഴറ്റുക.

4. ഇതിലേക്ക് 2 മുതൽ 6 വരെയുള്ള മസാലകൾ ചേർത്ത് ചെറുതീയിൽ മൂപ്പിച്ചെടുക്കുക.

5. ഈ കൂട്ടിലേക്ക് ഇറച്ചിയും, ഉരുളക്കിഴങ്ങ് ഉടച്ചെടുത്തതും ചേർത്ത് യോജിപ്പിച്ചെടുക്കുക.

6. തണുത്തു കഴിയുമ്പോൾ ഉരുളകൾ ആയി പരത്തി, മുട്ടയടിച്ചു പതപ്പിച്ചതിൽ മുക്കി എടുക്കുക. തുടർന്ന് റസ്ക് പൊടിച്ചതിൽ പൊതിഞ്ഞ് വെളിച്ചെണ്ണയിൽ ഇടത്തരം തീയിൽ വറുത്തു കോരുക.

 

പൊടിച്ച പുട്ടുംകുട്ടനാടൻതാറാവും- ഷെഫ് ജോമോൻ കുരിയാക്കോസ്

കുട്ടനാടൻതാറാവ് കറി

ചേരുവകൾ

താറാവ്.1 കിലോഗ്രാം

വെളുത്തുള്ളിഇഞ്ചിപേസ്റ്റ് 3 ടീസ്പൂൺ

മഞ്ഞൾപൊടി.1/2 ടീസ്പൂൺ

കുരുമുളക് പൊടി-1/2 ടീസ്പൂൺ

ഉപ്പ് ആവിശ്യത്തിന്

വിനഗർ 2 ടീസ്പൂൺ

പെരുംജീരകം 1/2 ടീസ്പൂൺ

ഗ്രാമ്പൂ 4 എണ്ണം

കറുവാപ്പട്ട 1 /2 ഇഞ്ച്

സവാള അരിഞ്ഞത് 2 എണ്ണം ഇടത്തരം

പച്ചമുളക്സ്ലൈസ്ചെയ്തത് 4 – 5 എണ്ണം

കറിവേപ്പില 2 തണ്ട്

മല്ലിപ്പൊടി 1.5 ടീസ്പൂൺ

ഗരംമസാലപൊടി 1 ടീസ്പൂൺ

കുരുമുളക്പൊടി 1/2 ടീസ്പൂൺ

രണ്ടാംപാൽ 1/2 cup

ഒന്നാംപാൽ. 3/4 cup

വെളിച്ചെണ്ണ 2 ടീസ്പൂൺ

*പാചകം ചെയുന്ന വിധം*

കഴുകി വൃത്തി ആക്കി വെച്ച താറാവിലേക്ക് മഞ്ഞൾപൊടിയും കുരുമുളക്പൊടിയും ഉപ്പും വെളുത്തുള്ളി ഇഞ്ചി പേസ്റ്റ്ന്റെ പകുതി ചേർത്ത് മാരിനേറ്റ് ചെയ്യാൻ 2 മണിക്കൂർ അല്ലെങ്കിൽ ഓവെർനൈറ്റ് ഫ്രിഡ്ജിൽ വെക്കുക. ഒരുചട്ടിയിൽ 2 ടേബിൾസ്പൂൺ വെളിച്ചെണ്ണ ഒഴിച്ച് ചൂടാക്കുക.

ഇതിലേക്ക് പെരുംജീരകം കറുവാപ്പട്ട ഗ്രാമ്പൂ എന്നിവ കൂടെ ഇടുക. സവാള ഇട്ട ശേഷം നിറം മാറുന്ന വരെ വഴറ്റുക. സവാള വഴന്ന് കഴിഞ്ഞു അതിലേക്ക് ഇഞ്ചി വെളുത്തുള്ളി പേസ്റ്റ് കൂടെ ഇട്ട് പച്ച മണം മാറുന്ന വരെ വഴറ്റുക. അതിലേക്ക് മല്ലി പൊടിയും ചേർത്ത് വഴറ്റുക. ഗ്രേവിയിലേയ്ക്ക് നേരെത്തെ മാറ്റി വെച്ച താറാവ് ഇട്ട ശേഷം തേങ്ങാപ്പാൽ ചേർത്ത് ഒരു 30-40 മിനിറ്റ് പാത്രം അടച്ച് വേവിക്കുക. തക്കാളിയും കറിവേപ്പില ഒരു 3/4 കപ്പ് കട്ടിയുള്ള തേങ്ങാപ്പാലും ചേർത്ത് നന്നായി മിക്സ് ചെയ്യുക. ഉപ്പിന്റെ അളവ് നോക്കി വേണമെങ്കിൽ ചേർക്കുക.

ഒരു ടേബിൾ സ്പൂൺ വെളിച്ചെണ്ണയും ഒരു നുള്ള് ഗരംമസാലയും ചേർത്ത് ഇളക്കുക. ഗ്യാസ് ഓഫ് ചെയ്തു ചൂടോടെ ഒരു പാത്രത്തിൽ വിളമ്പി ഉപയോഗിക്കാം.

പുട്ട്

ആവശ്യസാധനങ്ങൾ

അരിപ്പൊടി – 2 കപ്പ്

വെള്ളം -3/4 – 1 ആവശ്യാനുസരണം

തേങ്ങചിരകിയത് – 1 കപ്പ്

*പാചകം ചെയുന്ന വിധം*

ഒരു വലിയ പാത്രം എടുത്ത് രണ്ടു കപ്പ് പുട്ടു പൊടി അതിലേക്ക് ഇട്ടു 1/4 ഉപ്പ് കൂടെ ചേർത്ത് നന്നായി മിക്സ് ചെയ്യുക. ഇതിലേക്ക് 1/4 കപ്പ് വെള്ളം ഒഴിച്ച് ആദ്യമൊന്ന് നനച്ചെടുക്കുക. കുറേശ്ശെ കുറേശ്ശെ വെള്ളം ചേർത്തു നന്നായി കുഴയ്ക്കുക. മുഷ്ടിയ്ക്കുള്ളിൽ പിടിച്ചാൽ പിടികിട്ടുന്ന പരുവമാണ് പുട്ടിനു പാകം. കട്ടപിടിച്ചിട്ടുണ്ടെങ്കിൽ മിക്സിയിൽ വെച്ച് ഒന്ന് കറക്കിഎടുക്കുക. പുട്ട്കുറ്റിയിൽ 2 ടീസ്പൂൺ തേങ്ങപീര ഇട്ടു 3 ടീസ്പൂൺ നനച്ച പുട്ടുപൊടി ഇടുക. വേണ്ട തേങ്ങപീര ഒരു ലെയർ കൂടെ റിപ്പീറ്റ് ചെയ്യുക. 5 മിനിറ്റ് വേവിക്കുക.

സ്വീറ്റ് ആൻഡ് സൗർ പ്രോൺസ് – ബേസിൽ ജോസഫ്

ചേരുവകൾ

പ്രോൺസ് -300 ഗ്രാം

മുട്ട-1 എണ്ണം

കോൺഫ്ലോർ -50 ഗ്രാം

വെളുത്തുള്ളി -1 കുടം

സബോള -1 എണ്ണം

ക്യാപ്‌സിക്കം -1 എണ്ണം

പൈനാപ്പിൾ ക്യുബ്സ് -6 എണ്ണം

ഓയിൽ -വറക്കുവാൻ ആവശ്യത്തിന്

സോസ് ഉണ്ടാക്കുന്നതിനാവശ്യമായ ചേരുവകൾ

പൈനാപ്പിൾ ജ്യൂസ് -150 എംൽ

ടൊമാറ്റോ സോസ് -2 ടീസ്പൂൺ

സ്വീറ്റ് ചിലി സോസ് -2 ടീസ്പൂൺ

സോയ സോസ് -1 ടീസ്പൂൺ

വിനിഗർ -1 ടീസ്പൂൺ

ഷുഗർ -10 ഗ്രാം

കോൺ സ്റ്റാർച് -1 ടീസ്പൂൺ

പാചകം ചെയ്യുന്ന വിധം

പ്രോൺസ് നന്നായി കഴുകി വൃത്തിയാക്കി എടുക്കുക. ഒരു ബൗളിൽ കോൺഫ്ലോർ, മുട്ട, സോയ സോസ്, വിനിഗർ, ഷുഗർ എന്നിവ യോജിപ്പിച്ചു കട്ടിയുള്ള ഒരു ബാറ്റർ തയാറാക്കുക. ഇതിലേയ്ക്ക് വൃത്തിയാക്കി വച്ചിരിക്കുന്ന പ്രോൺസ് ചേർത്ത് നന്നായി യോജിപ്പിച്ചു ഓയിൽ ചൂടാക്കി ചെറു തീയിൽ വറുത്തു കോരുക. ഒരു ബൗളിൽ പൈനാപ്പിൾ ജ്യൂസ്, ടൊമാറ്റോ സോസ്, സ്വീറ്റ് ചിലി സോസ്, സോയ സോസ്, ഷുഗർ, കോൺസ്റ്റാർച് എന്നിവ നന്നായി മിക്സ് ചെയ്ത് സോസ് പരുവത്തിൽ ആക്കി വയ്ക്കുക. ഒരു പാനിൽ ഓയിൽ ചൂടാക്കി വെളുത്തുള്ളി വഴറ്റിയെടുക്കുക. ഇതിലേയ്ക്ക് ക്യുബ്സ് ആയി മുറിച്ചു വച്ചിരിക്കുന്ന സബോള ചേർത്ത് വഴറ്റുക. സബോള വഴന്നു വരുമ്പോൾ ക്യാപ്‌സിക്കം കൂടി ചേർത്ത് വീണ്ടും വഴറ്റുക. ഇതിലേയ്ക്ക് തയാറാക്കി വച്ചിരിക്കുന്ന സോസ് ചേർത്ത് തിളപ്പിക്കുക. ഈ മിശ്രിതം തിളച്ചുവരുമ്പോൾ പൈനാപ്പിൾ ക്യുബ്സ്, വറത്തു കോരി വച്ചിരിക്കുന്ന പ്രോൺസ് എന്നിവ ചേർത്ത് നന്നായി സോസുമായി യോജിപ്പിച്ചെടുക്കുക. നന്നായി സോസ് പ്രോൺസുമായി മിക്സ് ആയിക്കഴിയുമ്പോൾ സെർവിങ് ഡിഷിലേയ്ക്ക് മാറ്റി ചൂടോടെ വിളമ്പുക.

പാവ്‌ലോവ – മിനു നെയ്‌സൺ പള്ളിവാതുക്കൽ

ചേരുവകൾ

6 മുട്ടയുടെ വെള്ള
1.5 കപ്പ് പഞ്ചസാര
2 ടീസ്പൂൺ കോൺ സ്റ്റാർച്
1/2 ടീസ്പൂൺ നാരങ്ങ നീര്
1/2 ടീസ്പൂൺ വാനില എക്സ്ട്രാക്റ്റ്

ക്രീമിനായി:
1 1/2 കപ്പ് ഹെവി വിപ്പിംഗ് ക്രീം (നന്നായി തണുപ്പിച്ചത്)
2 ടേബിൾ സ്പൂൺ പഞ്ചസാര
ടോപ്പിംഗ്
4-5 കപ്പ് ഫ്രഷ് ഫ്രൂട്ട് ബ്ലൂബെറി, കിവി, റാസ്ബെറി, അരിഞ്ഞ സ്ട്രോബെറി തുടങ്ങിയവ / നിങ്ങളുടെ ഇഷ്ടപ്പെട്ട ഏതു പഴങ്ങളും ഉപയോഗിക്കാം.

പാവ്‌ലോവ ഉണ്ടാക്കുന്ന വിധം

6 മുട്ടയുടെ വെള്ള നന്നായി ഒരു മിനിട്ടു ബീറ്റ് ചെയ്തെടുക്കുക. അതിനുശേഷം ക്രമേണ 1 1/2 കപ്പ് പഞ്ചസാര ചേർത്ത് 10 മിനിറ്റ്, ഹൈ സ്പീഡിൽ വീണ്ടും ബീറ്റ് ചെയ്യുക (സ്റ്റിഫ് ആകുന്നതുവരെ ). അപ്പോൾ ഇത് മിനുസമാർന്നതും ഉപയോഗിച്ചു യോജിപ്പിക്കുക; അതിലേക്കു 2 ടീസ്പൂൺ കോൺ സ്റ്റാർച് കൂടി ചേർത്ത് ഇളക്കി എടുക്കുക (cut & fold) വിൽ‌ട്ടൺ‌ 1 എം ടിപ്പ് ഉപയോഗിച്ച് ബേക്കിംഗ് ഷീറ്റിലേക്കു കിളിക്കൂടുപോലെ (3 to 3 1/2 inches) ചുറ്റിച്ചു എടുക്കുക. ഒരു സ്പൂൺ ഉപയോഗിച്ച് മധ്യഭാഗത്ത് ചെറുതായി അമർത്തുക. ഈ കിളിക്കൂടുകൾ 10 മിനിറ്റു 225˚ F പ്രീ ഹീറ്റ് ചെയ്ത ഓവനിൽ 1 മണിക്കൂർ 15 മിനിറ്റ് ബേക്ക് ചെയ്യുക. തുടർന്ന് ഓവൻ ഓഫ് ചെയ്തു, വാതിൽ തുറക്കാതെ മറ്റൊരു 30 മിനിറ്റ് കൂടി ഓവനിൽ വെക്കുക. ശേഷം പാവ്‌ലോവയെ ഒരു കൂളിംഗ് റാക്കിലേക്കോ മാറ്റി റൂം ടെമ്പറേച്ചറിലേക്കു ആക്കുക.

ഫ്രോസ്റ്റിംഗ് ഉണ്ടാക്കുന്ന വിധം

തണുത്ത പാത്രത്തിൽ 2 ടേബിൾസ്പൂൺ പഞ്ചസാര ചേർത്ത് 2 മുതൽ 2 1/2 മിനിറ്റ് വരെ വിപ്പിംഗ് ക്രീം ബീറ്റ് ചെയ്യുക. പാവ്‌ലോവയിലേക്കു ഫ്രോസ്റ്റിംഗ് പൈപ്പ് ചെയ്തു പഴങ്ങൾ അതിനു മുകളിൽ വെച്ച് അലങ്കരിക്കുക. ഉണ്ടാക്കി കഴിഞ്ഞ് 4 മണിക്കൂറിനുള്ളിൽ കഴിക്കണം ഫ്രോസ്റ്റിംഗ് ചെയ്യാതെ 3-5 ദിവസം (കുറഞ്ഞ ഈർപ്പം ഉള്ള സ്ഥലത്ത്) വായുസഞ്ചാരമില്ലാത്ത പാത്രത്തിൽ സൂക്ഷിക്കാം.

നോബി ജെയിംസ്

1 കപ്പ് ഉഴുന്ന് വറുത്ത്
2 കപ്പ് തേങ്ങാ ചിരണ്ടിയത്
4 കപ്പ് വറുത്ത അരിപൊടി
2 വെളുത്തുള്ളി
4 ചെറിയ ഉള്ളി
1 1/2 ടീസ്പൂൺ ജീരകം
ആവശ്യത്തിന് ഉപ്പ്

ഒരു കപ്പ് ഉഴുന്ന് വറുത്തു ഒരുപാത്രത്തിൽ ഇട്ടു രണ്ടു കപ്പ് തേങ്ങയും വെളുത്തുള്ളിയും ചെറു ഉള്ളിയും ജീരകവും ഇട്ടു കുറച്ചു വെള്ളം ഒഴിച്ചു ഒരു മണിക്കൂർ കുതിരാൻ വയ്ക്കുക. അത് റെഡിയാകുമ്പോൾ 4 കപ്പ് വറുത്ത അരിപൊടിയിലേയ്ക്കു നമ്മൾ കുതിരാൻ വച്ച കൂട്ടുകൾ അരച്ച് പൊടിയിൽ ചേർത്ത് ഇളക്കി വീഡിയോയിൽ കാണുന്ന രീതിയിൽ ആവശ്യത്തിന് ഉപ്പും വെള്ളവും ചേർത്ത് ഇളക്കി ഒരു മണിക്കൂർ വയ്ക്കുക. പിന്നീട് ഒരു പാത്രത്തിൽ വാഴ ഇല ഉണ്ടെങ്കിൽ അത് അല്ലെങ്കിൽ അലുമിനിയം ഫോയിൽ വച്ചു നമ്മുടെ മാവ് ഒഴിച്ചു ഒരു അപ്പച്ചെമ്പിലോ അല്ലെങ്കിൽ ഒരു സ്റ്റീമറിലോ കുക്ക് ചെയ്തെടുക്കാം. അങ്ങനെ എളുപ്പത്തിൽ നമ്മുടെ പെസഹാ അപ്പം ഉണ്ടാക്കാം. അപ്പം വെന്താലും മൂടി മാറ്റി വച്ചു അല്പനേരം കുക്ക് ചെയ്താൽ മുകളിലുള്ള ജലാംശം പോയികിട്ടും.

മറ്റുപല നാടൻ വിഭവങ്ങളുടെയും വീഡിയോ ഉള്ള നോബിസ് കിച്ചൻ എന്ന എൻറെ യൂട്യൂബ് ചാനലിൽ നിങ്ങളുടെ അഭിപ്രായങ്ങൾ രേഖപ്പെടുത്താനും ഷെയറുചെയ്യാനും മറക്കരുതേ……

ഈസി കുക്കിങ്ങിൽ പുതിയ ഒരു വിഭവുമായി അടുത്ത ആഴ്ച വീണ്ടും കാണാം .

    നോബി ജെയിംസ്

യുകെ മലയാളികൾക്ക് സുപരിചിതനായ പ്രമുഖ ഷെഫായ നോബി ജെയിംസാണ് മലയാളം യുകെയിൽ എല്ലാ ശനിയാഴ്ചകളിലും പ്രസിദ്ധീകരിക്കുന്ന ഈസി കുക്കിംഗ് എന്ന പാചക പംക്തിയുടെ റെസിപ്പി തയ്യാറാക്കുന്നത്. ഇന്ത്യയിലും, ഗൾഫ് രാജ്യങ്ങളിലും, പല മുൻനിര സ്ഥാപനങ്ങളിലും ചീഫ് ഷെഫായി പ്രവർത്തിച്ചിട്ടുള്ള നോബി ഇപ്പോൾ യുകെയിൽ സ്വകാര്യമേഖലയിലുള്ള പ്രമുഖ റസിഡൻഷ്യൽ സ്കൂളായ നോർത്ത് യോർക്ക്ഷെയറിലെ  ഐസഗാർത്തിൽ കേറ്ററിംഗ് മാനേജരായിസേവനമനുഷ്ഠിക്കുന്നു.

RECENT POSTS
Copyright © . All rights reserved