വാല്‍താംസ്റ്റോ: – ലണ്ടനിലെ മരിയന്‍ തീര്‍ഥാടന കേന്ദ്രമായ വല്‍താംസ്റ്റോയിലെ ( ഔവര്‍ ലേഡി ആന്‍ഡ് സെന്റ് ജോര്‍ജ് പള്ളിയില്‍) നവബർ മാസം 6-ാം തീയതി ബുധനാഴ്ച മരിയന്‍ ദിനശുശ്രൂഷ ഭക്ത്യാദരപൂർവ്വം കൊണ്ടാടുന്നതാണ്.
മാസാദ്ധ്യ ബുധനാഴ്ച വിശൂദ്ധ ഔസേപ്പിതാവിന് സമർപ്പിതമായ ദിനമാണ്.
തിരുക്കര്‍മ്മങ്ങളൂടെ വിശദവിവരം താഴെ ചേര്‍ക്കുന്നു.
6.30 pm ജപമാല , 7.00 pm വിശൂദ്ധ കുര്‍ബ്ബാന, തുടര്‍ന്നു് നിത്യ സഹായമാതാവിന്റെ നൊവേന പ്രാര്‍ത്ഥന, എണ്ണ നേര്‍ച്ച, വചന സന്ദേശം, പരി.പരമ ദിവ്യകാരുണ്യ ആരാധനയും.
പള്ളിയുടെ വിലാസം:
Our Lady and St.George
Church,132 Shernhall Street, Walthamstow, E17 9HU
തിരുക്കര്‍മ്മളില്‍ പങ്കെടുത്ത് ആത്മീയവും, ഭൗതീകവും, ശാരീരികവുമായ അനവധി അനുഗ്രഹങ്ങള്‍ പ്രാപിക്കുന്നതിനായി ഈ മരിയന്‍ ദിന ശുശ്രൂഷകളിലേക്ക് ഒത്തിരി സ്‌നേഹത്തോടെ സ്വാഗതം ചെയ്യുന്നതായി സെ.മേരീസ് & ബ്ലസ്സഡ് കുഞ്ഞച്ചൻ മിഷന്റെ പ്രീസ്റ്റ് ഇൻചാർജ് ഫാ.ജോസ് അന്ത്യാംകുളം MCBS അറിയിച്ചു.
ലണ്ടൻ: ലോക മഹാ ഗുരു മുഹമ്മദ് നബിയുടെ ജന്മം കൊണ്ടനുഗ്രഹീതമായ റബീഉൽ അവ്വൽ മാസത്തിൽ യുകെ മലയാളി മുസ്ലിമീങ്ങൾ നടത്തുന്ന ഒരു മാസക്കാലത്തെ മീലാദ് കാമ്പയിനുകളുടെ ഉൽഘടനം ലണ്ടൻ വിൽസ്‌ടെൻ ഗ്രീനിൽ നവംബർ 1 നു വെള്ളിയാഴ്ച നടന്നു.
ഒരു പതിറ്റാണ്ടിലേറെയായി യുകെ മലയാളി മുസ്ലിമീങ്ങൾക്കു ആത്മീയ സാംസ്‌കാരിക വൈജ്ഞാനിക രംഗത്തു ദിശാ ബോധം നൽകിക്കൊണ്ടിരിക്കുന്ന അൽ ഇഹ്‌സാൻ ആണ് കാമ്പയിനുകൾക്കു ചുക്കാൻ പിടിക്കുന്നത്. ഉദ്ഘടന സംഗമത്തിൽ ഖാരി അബ്ദുൽ അസീസ് ഉസ്താദ് നേത്വർത്ഥം നൽകിയ ബുർദാസ്വാദന വരികൾ സദസ്സ് ആവേശത്തോടെ ഏറ്റു ചൊല്ലി. മുനീബ് നൂറാനി മുഖ്യ പ്രഭാഷണം നടത്തി. സൃഷ്ടിപ്പിലും ജീവിത രീതിയിലും പൂർണതയുടെ അത്യുന്നതിയിലെത്തിയ പ്രവാചകനെ പുതു തലമുറയ്ക്ക് പഠിപ്പിച്ചു കൊടുക്കണമെന്ന് അദ്ദേഹം പറഞ്ഞു.
വ്യത്യസ്ത ദിവസങ്ങളിലായി യുകെയുടെ വിവിധ ഭാഗങ്ങളിൽ മീലാദ് കാമ്പയിനുകൾ നടക്കും. കാമ്പയിനുകളുടെ സമാപന മഹാ സമ്മേളനം നവംബർ 23 നു ഉച്ചക്ക് 1 മണിമുതൽ ലണ്ടൻ വൈറ്റ് സിറ്റിയിലെ ഫീനിക്സ് അക്കാദമി ഓഡിറ്റോറിയത്തിൽ നടക്കും. നൂറു കണക്കിന് വിദ്യാർഥികളുടെ വിവിധ കലാ പരിപാടികളും നാനാ തുറകളിൽ നിന്നുള്ള പ്രമുഖർ സംബന്ധിക്കുന്ന സാംസ്‌കാരിക സമ്മേളനവും അന്ന് നടക്കും. സമാപന മഹാ സമ്മേളനത്തിലേക്കുള്ള എല്ലാ ഒരുക്കങ്ങളും പൂർത്തിയായി വരുന്നതായും എല്ലാ യുകെ മലയാളി സഹോദരങ്ങളെയും നവംബർ 23 ന്റെ പരിപാടിയിലേക്ക് ക്ഷണിക്കുന്നതായും അൽ ഇഹ്‌സാൻ ഭാരവാഹികൾ അറീച്ചു.
ഫാ. ബിജു കുന്നയ്ക്കാട്ട് PRO
ലെസ്റ്റര്‍: ഗ്രേറ്റ് ബ്രിട്ടണ്‍ സീറോ മലബാര്‍ രൂപതാ ഡോക്ട്ടേഴ്സ് ഫോറത്തിന്റെ ആഭിമുഖ്യത്തില്‍ ഇന്നലെ ലെസ്റ്റര്‍ മദര്‍ ഓഫ് ഗോഡ് ഓഡിറ്റോറിയത്തില്‍ ആരോഗ്യപരിചരണത്തിലെ ധാര്‍മ്മികതയേയും, സാന്മാര്‍ഗ്ഗികതയേയും കുറിച്ചുള്ള സെമിനാര്‍ നടത്തി. രൂപതാദ്ധ്യക്ഷന്‍ മാര്‍ ജോസഫ് സ്രാമ്പിക്കല്‍ സെമിനാര്‍ ഉത്ഘാടനം ചെയ്തു.
മനുഷ്യശരീരത്തെ കേവലം ശാസ്ത്രത്തിന്‍റെ വെളിച്ചത്തില്‍ മാത്രം കാണെരുതെന്നും ദൈവത്തിന്റെ ഛായയിലും സാദൃശ്യത്തിലും സൃഷ്ടിക്കപ്പെട്ട മനുഷ്യന്‍ നിരന്തരം ദൈവത്തെ മഹത്വപ്പെടുത്തേണ്ടവനാണെന്നും ഉത്ഘാടന പ്രസംഗത്തില്‍ അദ്ദേഹം പറഞ്ഞു. മനുഷ്യന്‍റെ ശരീരത്തേയും ആത്മാവിനേയും വേര്‍പെടുത്തികാണാതെ അവന്റെ സമ്പൂര്‍ണ്ണതയില്‍ കാണണമെന്നും അദ്ദേഹം കൂട്ടിച്ചേര്‍ത്തു. പ്രോട്ടോ സിഞ്ചെല്ലുസ് മോണ്‍. ആന്‍റെണി ചുണ്ടെണ്‍ലിക്കാട്ട് അദ്ധ്യക്ഷത വഹിച്ചു. ക്ലിനിക്കല്‍ ടൂട്ടര്‍ ഡോ. ഡേവ് ക്രിക്ക് സെമിനാറിന് നേതൃത്വം നല്‍കി. സമകാലിക ലോകത്തിലുള്ള ആരോഗ്യപരിചരണത്തില്‍ ഉയര്‍ന്നു വരുന്ന ധാര്‍മ്മിക സാന്മാര്‍ഗ്ഗിക വിഷയങ്ങള്‍ക്ക് വിശ്വാസത്തിന്‍റെ വെളിച്ചത്തില്‍ എപ്രകാരം പരിഹാരം കണ്‍െത്താനാവുമെന്ന് സെമിനാര്‍ ചര്‍ച്ച ചെയ്തു.
സിഞ്ചെല്ലുസ് മോണ്‍. ജോര്‍ജ്ജ് ചേലക്കല്‍, ഫാ. ഫാന്‍സുവ പത്തില്‍, ഡോ. മിനി നെല്‍സണ്‍, ഡോ. മാര്‍ട്ടിന്‍ ആന്‍റെണി, ഡോ. മനോ ജോസഫ്, ഡോ. സെബി സെബാസ്റ്റ്യന്‍, ഡോ. നീതു സെബാസ്റ്റ്യന്‍, ഡോ. ഷെറിന്‍ ജോസ് എന്നിവര്‍ സെമിനാറിന് നേതൃത്വം നല്‍കി.
ബർമിംങ്ഹാം: പരിശുദ്ധാത്മ കൃപയാൽ ദൈവവചനങ്ങൾ മാംസംധരിച്ച് അത്ഭുതരോഗശാന്തിയിലൂടെയും ജീവിത നവീകരണത്തിലൂടെയും അനേകരെ യേശുവിലേക്ക് നയിച്ചുകൊണ്ടിരിക്കുന്ന രണ്ടാം ശനിയാഴ്ച്ച ബൈബിൾ കൺവെൻഷൻ 9 ന് ബർമിങ്ഹാം ബഥേൽ കൺവെൻഷൻ സെന്ററിൽ നടക്കും .
സെഹിയോൻ യുകെ ഡയറക്ടർ ഫാ.സോജി ഓലിക്കൽ കൺവെൻഷൻ നയിക്കും.
ഗ്രേറ്റ് ബ്രിട്ടൻ രൂപത ബിഷപ്പ് മാർ ജോസഫ് സ്രാമ്പിക്കൽ പങ്കെടുക്കും. നിത്യ രക്ഷ യേശുവിലെന്ന് നാളെത്തെ ലോകം പ്രത്യാശയോടെ ഏറ്റുപറയുമ്പോൾ അതിന്റെ പിന്നിൽ ഉപകരണമാക്കി ദൈവം വളർത്തുന്ന സെഹിയോൻ മിനിസ്ട്രിയിലൂടെ ആഗോളതലത്തിൽ നവസുവിശേഷവത്ക്കരണം ലക്ഷ്യമാക്കി ഫാ.സോജി ഓലിക്കലിന്റെ നേതൃത്വത്തിൽ നടന്നുവരുന്ന വിവിധങ്ങളായ ശുശ്രൂഷകളുടെ അടിസ്ഥാനമായി നിലകൊള്ളുന്ന രണ്ടാം ശനിയാഴ്ച്ച ബൈബിൾ കൺവെൻഷനിൽ ഇത്തവണ ഫാ.ഷൈജു നടുവത്താനിയിൽ , ഫാ. ടോം മുളഞ്ഞനാനി വി. സി , ഫാ. രാജൻ ഫൗസ്തോ എന്നിവരും വിവിധ ശുശ്രൂഷകൾ നയിക്ക കഴിഞ്ഞ അനേക വർഷങ്ങളായി കുട്ടികൾക്കും യുവജനങ്ങൾക്കും വിശ്വാസജീവിതത്തിൽ വളരാനുതകുന്ന ക്രിസ്തീയ ജീവിതമൂല്യങ്ങൾ വിവിധശുശ്രൂഷകളിലൂടെ പകർന്നു നൽകാൻ സാധിക്കുന്നത് രണ്ടാംശനിയാഴ്ച കൺവെൻഷന്റെ പ്രധാന സവിശേഷതയാണ്.
കുട്ടികൾക്കായി ഓരോതവണയും ഇംഗ്ലീഷിൽ പ്രത്യേക കൺവെൻഷൻതന്നെ നടക്കുന്നു.അനേകം കുട്ടികളും കൗമാരപ്രായക്കാരുമാണ് ഓരോ രണ്ടാംശനിയാഴ്ച കൺവെൻഷനിലും മാതാപിതാക്കളോടോ മറ്റ് മുതിർന്നവർക്കൊപ്പമോ യു കെ യുടെ വിവിധ പ്രദേശങ്ങളിൽനിന്നായി എത്തിക്കൊണ്ടിരിക്കുന്നത്. കിംങ്ഡം റവലേറ്റർ എന്ന കുട്ടികൾക്കായുള്ള മാസിക ഓരോരുത്തർക്കും സൗജന്യമായി നൽകിവരുന്നു.
കുറഞ്ഞ സമയം കൊണ്ട് ഏറെ ശ്രദ്ധിക്കപ്പെട്ട ലിറ്റൽ ഇവാഞ്ചലിസ്റ് എന്ന പുസ്തകവും വളർച്ചയുടെ പാതയിൽ കുട്ടികൾക്ക് വഴികാട്ടിയാവുന്നു ….
ഇതിന്റെ പുതിയ ലക്കം ഇത്തവണയും ലഭ്യമാണ്.
കൺവെൻഷനിൽ കടന്നുവരുന്ന ഏതൊരാൾക്കും മലയാളത്തിലും ഇംഗ്ലീഷിലും , മറ്റു ഭാഷകളിലും കുമ്പസാരിക്കുന്നതിനും സ്പിരിച്വൽ ഷെയറിംങ്ങിനുമുള്ള സൌകര്യം ഉണ്ടായിരിക്കും.
വിവിധ പ്രായക്കാരായ ആളുകൾക്ക് ഇംഗ്ലീഷിലും മലയാളത്തിലുമുള്ള ബൈബിൾ, പ്രാർത്ഥനാ പുസ്തകങ്ങൾ , മറ്റ് പ്രസിദ്ധീകരണങ്ങൾ എന്നിവ കൺവെൻഷൻ സെന്ററിൽ ലഭ്യമാണ്.
പതിവുപോലെ രാവിലെ 8 ന് മരിയൻ റാലിയോടെ തുടങ്ങുന്ന കൺവെൻഷൻ വൈകിട്ട് 4 ന് ദിവ്യകാരുണ്യ പ്രദക്ഷിണത്തോടെ കൺവെൻഷൻ സമാപിക്കും .
കൺവെൻഷനായുള്ള പ്രാർത്ഥനാ ഒരുക്ക ശുശ്രൂഷ ബർമിങ്ഹാമിൽ നടന്നു.
കൺവെൻഷന്റെ ആത്മീയവിജയത്തിനായി പ്രാർത്ഥനാസഹായം അപേക്ഷിക്കുന്ന ഫാ.സോജി ഓലിക്കലും സെഹിയോൻ കുടുംബവും യേശുനാമത്തിൽ മുഴുവനാളുകളെയും നവമ്പർ 9 ന് രണ്ടാം ശനിയാഴ്ച ബർമിംങ്ഹാം ബഥേൽ സെന്ററിലേക്ക് ക്ഷണിക്കുന്നു.
ബഥേൽ കൺവെൻഷൻ സെന്റർ
കെൽവിൻ വേ
വെസ്റ്റ് ബ്രോംവിച്ച്
ബർമിംങ്ഹാം .( Near J1 of the M5)
B70 7JW.
കൂടുതൽ വിവരങ്ങൾക്ക് ;
ജോൺസൻ +44 7506 810177
അനീഷ്.07760254700
ബിജുമോൻ മാത്യു 07515 368239
Sandwell and Dudley ട്രെയിൻ സ്റ്റേഷന്റെ തൊട്ടടുത്തായിട്ടുള്ള കൺവെൻഷൻ സെന്ററിലേക്ക് യു കെ യുടെ വിവിധ പ്രദേശങ്ങളിൽനിന്നും ഏർപ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയുംപറ്റിയുള്ള പൊതുവിവരങ്ങൾക്ക്,
ബിജു എബ്രഹാം 07859 890267
ജോബി ഫ്രാൻസിസ് 07588 809478.
ഗുരുദർശനം ലോകം മുഴുവൻ പ്രചരിപ്പിക്കുന്നതിനു ശിവഗിരി മഠത്തിന്റെ ശാഖാ സ്ഥാപനങ്ങൾ ” ശിവഗിരി ആശ്രമം സെന്റർ ” എന്ന പേരിൽ ഉണ്ടാകണം. അമേരിക്കയിൽ സ്ഥാപിക്കാൻ പോകുന്ന ശിവഗിരി ആശ്രമം ഓഫ് നോർത്ത് അമേരിക്ക അതിനൊരു തുടക്കം ആയി മാറട്ടെ. സേവനം യു കെ ഗുരുധർമ്മ പ്രചരണസഭയുടെ ആഭിമുഖ്യത്തിൽ യു കെ യിലും ഒരു ശിവവിരി ആശ്രമം ഉണ്ടാകട്ടെ എന്നു പ്രാർത്ഥിക്കുന്നു എന്ന്‌ സ്വാമി ഗുരുപ്രസാദ് അനുഗ്രഹ പ്രഭാഷണത്തിൽ പറഞ്ഞു. ഗുരുദേവൻ സമൂഹ്യ പരിഷ്കർത്താവു മാത്രമല്ല ദാർശനികൻ ആയിരുന്നു, കവി ആയിരുന്നു, സാങ്കേതിക ശാസ്ത്ര വിദഗ്ധൻ ആയിരുന്നു, വിദ്യാഭ്യാസ വിചക്ഷണനുമായിരുന്നു അങ്ങനെ ഗുരു ഒരു ബഹുമുഖ പ്രതിഭആയിരുന്നു. ഗുരുവിനെ ഇനിയും കൂടുതൽ കൂടുതൽ പഠിക്കേണ്ടിയിരിക്കുന്നു എങ്കിൽ മാത്രമേ യഥാർത്ഥ ഗുരുവിനെമനസിലാക്കാൻ കഴിയുകയുള്ളു എന്നു ഉൽഘാടന പ്രസംഗത്തിൽ സ്വാമി ഋതംഭരാനന്ദ പറഞ്ഞു.
സമ്മേളനത്തിൽ ഡോ. ബിജു പെരിങ്ങത്തറ അധ്യക്ഷത വഹിച്ച യോഗത്തിൽ മുംബൈ ശ്രീനാരായണ സമിതി ചെയർമാൻ ശ്രീ.എം ഐ ദാമോദരൻ, ശിവഗിരി മഠം ഓഫ് നോർത്ത് അമേരിക്കയുടെ വൈസ് പ്രസിഡന്റ്‌ ശ്രീ ചന്ദ്രബാബു, ചരിത്രകാരനും മുൻ ചെമ്പഴന്തി എസ് എൻ കോളേജ് പ്രിൻസിപ്പൽ ഡോ. പീതാംബരൻ, എസ് എൻ ജി സി വൈസ് പ്രസിഡന്റ്‌ ശ്രീ ശശിധരൻ ഭോപ്പാൽ, ശിവഗിരി മഠം ഓഫ് നോർത്ത് അമേരിക്ക ബോർഡ്‌ മെമ്പർ സജിത്ത് ശശിധർ, ധർമ്മ പ്രചാരകൻ ശ്രീ ജയചന്ദ്രബാബു., കിഷോർ രാജ്, രാജേഷ് നടേയപ്പള്ളി, തുടങ്ങിയവർ ആശസകൾ അറിയിച്ചു. പ്രശസ്ത കവി നീരാവിൽ വിശ്വമോഹൻ ഗുരുവിനെ കുറിച്ചുള്ള “അറിവ് ” എന്ന കവിതയും, നയന ഭുവനേഷിന്റെ ഭരതനാട്യവും സമ്മേളനത്തിന് കൊഴുപ്പേകി. യു കെ യുടെ വിവിധഭാഗങ്ങളിൽ നിന്നും മൂന്നുറിൽ അധികം പേർ
പങ്കെടുത്ത സമ്മേളനത്തിൽ സേവനം യു കെ ട്രഷറർ ശ്രീ സതീഷ് കുമാർ സ്വാഗതവും. ശ്രീ സജീഷ് ദാമോദരൻ കൃതജ്ഞതയും പറഞ്ഞു.
ഗ്രേറ്റ് ബ്രിട്ടൻ സീറോ മലബാർ രൂപതയുടെ പ്രഥമ ഡോക്ടേഴ്സ് ഫോറത്തിന് തുടക്കമാകുന്നു. നവംബർ രണ്ടാംതീയതി ശനിയാഴ്ച ഒൻപത് മണിയോടെ റെജിസ്ട്രേഷൻ ആരംഭിക്കുന്നു. തുടർന്ന് ഗ്രേറ്റ് ബ്രിട്ടൻ സീറോ മലബാർ രൂപത അദ്യക്ഷൻ മാർ ജോസഫ് സ്രാമ്പിക്കൽ ഫോറം പരിപാടികൾക്ക് തുടക്കം കുറിക്കും. Moral and Ethical Issues in Healthcare എന്ന വിഷയത്തിൽ DR DAVE CRICK പ്രബന്ധം അവതരിപ്പിക്കും. ഗ്രേറ്റ് ബ്രിട്ടൻ സീറോ മലബാർ രൂപതയുടെ നേത്ര്ത്ഥത്തിൽ ആദ്യമായി നടത്തപെടുന്ന ഡോക്ടേഴ്സ് ഫോറത്തെ മോഡിയാക്കാൻ രൂപത വികാരി ജനറൽമാരായ ഫാദർ ആൻ്റണി ചുണ്ടെലിക്കട്ടിൽ, ജോർജ് തോമസ് ചേലക്കൽ, ഡോക്ടർ മനോ ജോസഫ്, ലെസ്റ്റർ പാരിഷ് കമ്മിറ്റി എന്നിവരുടെ നേത്ര്ത്ഥത്തിൽ വിപുലമായ ഒരുക്കങ്ങൾ നടത്തിയിരിക്കുന്നു. ആരോഗ്യ രംഗത്തെ ധാർമികത ഏറെ ചോദ്യം ചെയ്യപ്പെടുന്ന ഈ കാലഘട്ടത്തിൽ രൂപതയുടെ നേത്ര്ത്ഥത്തിലുള്ള ഡോക്ടേഴ്സ് ഫോറത്തിന്റെ തുടക്കവും അനുബന്ധ പരിപാടികളും സഭാത്മക ജീവിതചര്യയിൽ അടിയുറച്ചു കർമ പഥത്തിൽ യേശുവിന്റെ സാക്ഷികളാകുവാൻ സഹയിക്കും എന്നത് നിസംശയമാണ് . കൂടുതൽ വിവരങ്ങൾക്കായി സമീപിക്കുക
Please contact
Dr. Martin Antony : 07939101745
Dr. Mano Joseph : 07886639908
Dr. Mini Nelson : 07809244218
കൂടുതൽ വിവരങ്ങൾക്ക് ബ്രദർ ചെറിയാൻ സാമുവേൽ ( 07460 499931) ജിജി രാജൻ (07865 080689) എന്നിവരുമായി ബന്ധപ്പെടുവാൻ താല്പര്യപ്പെടുന്നു.
വാല്‍താംസ്റ്റോ: – ലണ്ടനിലെ മരിയന്‍ തീര്‍ഥാടന കേന്ദ്രമായ വല്‍താംസ്റ്റോയിലെ ( ഔവര്‍ ലേഡി ആന്‍ഡ് സെന്റ് ജോര്‍ജ് പള്ളിയില്‍) ഒക്ടോബർ മാസം 30 -ാം തീയതി ബുധനാഴ്ച മരിയന്‍ ദിനശുശ്രൂഷയും വി.യുദാ തദേവുസിന്റെയും സകലവിശുദ്ധരുടെയും തിരുനാളും ഒപ്പം ജപമാലമാസത്തിന്റെ സമാപനവും ഭക്ത്യാദരപൂർവ്വം കൊണ്ടാടുന്നതാണ്.
തിരുക്കര്‍മ്മങ്ങളൂടെ വിശദവിവരം താഴെ ചേര്‍ക്കുന്നു.
6.30 pm ജപമാല , 7.00 pm വിശൂദ്ധ കുര്‍ബ്ബാന, തുടര്‍ന്നു് നിത്യ സഹായമാതാവിന്റെ നൊവേന പ്രാര്‍ത്ഥന, എണ്ണ നേര്‍ച്ച, വചന സന്ദേശം, പരി.പരമ ദിവ്യകാരുണ്യ ആരാധനയും,സകലവിശുദ്ധരുടെയും തിരുസ്വരൂപവും വഹിച്ച് പ്രദക്ഷിണവും ഉണ്ടായിരിക്കുന്നതാണ്.
പള്ളിയുടെ വിലാസം:
Our Lady and St.George
Church,132 Shernhall Street, Walthamstow, E17. 9HU
തിരുക്കര്‍മ്മളില്‍ പങ്കെടുത്ത് ആത്മീയവും, ഭൗതീകവും, ശാരീരികവുമായ അനവധി അനുഗ്രഹങ്ങള്‍ പ്രാപിക്കുന്നതിനായി ഈ മരിയന്‍ ദിന ശുശ്രൂഷകളിലേക്ക് ഒത്തിരി സ്‌നേഹത്തോടെ സ്വാഗതം ചെയ്യുന്നതായി സെ.മേരീസ് & ബ്ലസ്സഡ് കുഞ്ഞച്ചൻ മിഷന്റെ പ്രീസ്റ്റ് ഇൻചാർജ് ഫാ.ജോസ് അന്ത്യാംകുളം MCBS അറിയിച്ചു.
ക്രിസ്റ്റി അരഞ്ഞാണി
ഗ്രേറ്റ് ബ്രിട്ടൺ രൂപതയുടെ മൂന്നാമത് കോവൻട്രി റീജിയണൽ ബൈബിൾ കൺവെൻഷന് അതി വിപുലമായ ഒരുക്കങ്ങൾ കൺവൻഷൻ കമ്മിറ്റി ഭാരവാഹികളെയും കൺവീനർമാരായ റവ. ഫാ ടെറിൽ മുല്ലക്കര അച്ഛന്റെയും ജോയ് മാത്യുവിനെ യും നേതൃത്വത്തിൽ പൂർത്തിയായിക്കഴിഞ്ഞു.
പ്രമുഖ വചനപ്രഘോഷകനും ഡിവൈൻ റിട്രീറ്റ് സെന്റർ ഡയറക്ടറുമായ റവ. ഫാ ജോർജ്ജ് പനക്കൽ അച്ഛന്റെയും ഫാദർ ആന്റണി പറങ്കി മണ്ണിൽ അച്ഛന്റെയും രൂപതാ അധ്യക്ഷൻ മാർ ജോസഫ് സാംപ്രിക്കൽ പിതാവിന്റെയും അതുപോലെ രൂപതയുടെയും റീജിയണിന്റെയും കീഴിലുള്ള വൈദികരുടെ കൂട്ടായ്മയും നടത്തപ്പെടുന്നു.
കുട്ടികളുടെ ആത്മീയ വിശ്വാസ വളർച്ചയ്ക്കും അതിലൂടെ സഭയെയും യേശുവിനെയും അറിയുക എന്ന ലക്ഷ്യം മുൻനിർത്തി കൊണ്ട് ഫാദർ ജോസഫ് ഇടത്തിൽ നേതൃത്വം വഹിക്കുന്ന ശുശ്രൂഷയ്ക്ക് ആവശ്യമായ ഒരുക്കങ്ങൾ പൂർത്തിയായി.
ഒക്ടോബർ 28ന് രാവിലെ 9 മണിക്ക് ആരംഭിക്കുന്ന കൺവെൻഷൻ വൈകീട്ട് 5 മണിക്ക് അവസാനിക്കുന്നതാണ്. വചനപ്രഘോഷണവും ആരാധനയും പരിശുദ്ധമായ ദിവ്യബലിയും ഈ സമയങ്ങളിൽ നടത്തപ്പെടുന്നു. അതുപോലെ കുമ്പസാരത്തിനുള്ള അവസരവും ഒരുക്കിയിരിക്കുന്നു.
ഉച്ച ഭക്ഷണത്തിനുള്ള സൗകര്യം ഉണ്ടായിരിക്കുന്നതാണ്. വാഹനങ്ങൾ പാർക്ക് ചെയ്യുന്നതിന് ആവശ്യമായ സൗകര്യം ഒരുക്കിയിട്ടുണ്ട്. വോളണ്ടിയർമാരുടെ നിർദ്ദേശങ്ങൾ വിശ്വാസികൾ കർശനമായി പാലിക്കേണ്ടതാണ്.
ഒരുവൻ ലോകം മുഴുവൻ നേടിയാലും സ്വന്തം ആത്മാവിനെ നഷ്ടപ്പെടുത്തിയാൽ എന്ത് പ്രയോജനം ? ഈ തിരക്കുപിടിച്ച പ്രവാസ ജീവിതത്തിൽ സാമ്പത്തിക നേട്ടങ്ങൾക്കും പേരിനും പ്രശസ്തിക്കും മാറ്റ് ഇഹ ലോക സുഖങ്ങൾക്കും വേണ്ടി നമ്മൾ നെട്ടോട്ടം ഓടുമ്പോൾ ദൈവം തന്ന ദാനത്തെയും അവന്റെ കരുണയെയും സ്നേഹത്തെയും വിസ്മരിച്ച് നമ്മുടെ ആത്മാവിനെ നഷ്ടപ്പെടുന്ന അവസ്ഥയിൽ നിന്ന് തിരിച്ച് ദൈവത്തിന്റെ വഴിയിലേക്ക് തിരികെ പോകുന്നതിനായി ഈ കൺവെൻഷൻ പ്രയോജനകരമാക്കാം. അതിനായി എല്ലാ കുടുംബങ്ങളെയും ബൈബിൾ കൺവെൻഷനിലേക്ക് സ്വാഗതം ചെയ്യുന്നു.
എത്തിച്ചേരേണ്ട വിലാസം :
The new bingley hall
II hockley circus
hockley , birmingham
B18 5BE
