Spiritual

ഷൈമോൻ തോട്ടുങ്കൽ

ബിർമിംഗ്ഹാം . 2023 ൽ റോമിൽ നടക്കുന്ന സാർവത്രിക സൂനഹദോസിനു മുന്നോടിയായി , സഭ മുഴുവനും സർവത്രിക തലത്തിൽ ദൈവജനത്തെ മുഴുവൻ ശ്രവിക്കുന്ന ഒരു പ്രക്രിയ (Synodality )നടത്തുവാൻ മാർപാപ്പ ആഹ്വാനം ചെയ്തതിന്റെ അടിസ്ഥാനത്തിൽ ഇതിനൊരുക്കമായി ഗ്രേറ്റ് ബ്രിട്ടൻ സീറോ മലബാർ രൂപതയിൽ ആരംഭിച്ച നടപടികളുടെ ഭാഗമായി 2014 ൽ അന്തർ ദേശീയ ദൈവശാസ്ത്ര സമിതി തയ്യാറാക്കി പ്രസിദ്ധീകരിച്ച “സെൻസുസ് ഫിദെയ് ” അടിസ്ഥാനമാക്കി വിശ്വാസവബോധ സെമിനാർ നടത്തി , രൂപതയുടെ സോഷ്യൽ മീഡിയ പ്ലാറ്റ് ഫോമിലൂടെയും , സൂമിലൂടെയും നടത്തിയ സെമിനാറിന് റെവ ഡോ ജോസഫ് കറുകയിൽ( അയർലൻഡ് ) നേതൃത്വം നൽകി . രൂപതാധ്യക്ഷൻ മാർ ജോസഫ് സ്രാമ്പിക്കൽ സെമിനാർ ഉത്‌ഘാടനം ചെയ്തു .

“ഹൃദയം ഈശോയ്ക്ക് കൊടുക്കുന്നവർ ആണ് വിശ്വാസികൾ ,വിശ്വാസം വഴി ഈശോയെ ഹൃദയത്തിലേയ്ക്ക് സ്വീകരിക്കാൻ കഴിയണം . വിശുദ്ധരിൽ ആണ് കർത്താവ് വസിക്കുന്നത് . മാർ ജോസഫ് സ്രാമ്പിക്കൽ ഉത്‌ഘാടന പ്രസംഗത്തിൽ പറഞ്ഞു . അതുപോലെ നിത്യജീവനിലേയ്ക്കാണ് നാം യാത്ര ചെയ്യുന്നത് . ഭൗതികമായ സമ്പാദ്യങ്ങൾക്കപ്പുറം നിത്യതയിലേക്കുള്ള യാത്രയ്ക്കായി നാം എന്ത് സമ്പാദ്യം ആണ് കരുതിവച്ചിരിക്കുന്നത് എന്ന് നാം ആത്‌മശോധന ചെയ്യണം അദ്ദേഹം കൂട്ടിച്ചേർത്തു . സിനഡാലിറ്റി എന്ന ആശയം ഗൗരവമായി ചർച്ച ചെയ്യുന്ന ഈ നാളുകളിൽ വിശ്വാസവബോധത്തോടെ ഒരു ഹൃദയമായി , ഒന്നിച്ചു നടക്കലിൻറെ പാതയിൽ വിശ്വാസിസമൂഹം വിശ്വാസത്തിന്റെ വിധേയത്വം കാത്തുസൂക്ഷിക്കേണ്ടതിന്റെ ആവശ്യകതയും , പ്രായോഗിക ജീവിതത്തിലും ,പ്രതികൂല സാഹചര്യങ്ങളിലും ,വിശ്വാസത്തിന്റെ വിവേചനം തിരിച്ചറിഞ്ഞു മുൻപോട്ടു പോകുവാൻ എന്ത് ചെയ്യണം എന്ന് “സെൻസസ് ഫിദെയ്” യുടെ അടിസ്ഥാനത്തിൽ റെവ ഡോ ജോസഫ് കറുകയിൽ സെമിനാറിൽ ഉത്‌ബോധിപ്പിച്ചു.

രൂപതാ പ്രോട്ടോ സിഞ്ചെല്ലൂസ് റെവ ഡോ. ആന്റണി ചുണ്ടെലിക്കാട്ട്, സിഞ്ചെല്ലൂസുമാരായ റെവ ഫാ. സജിമോൻ മലയിൽ പുത്തൻപുര, റെവ ഫാ ജിനോ അരീക്കാട്ട് എം. സി. ബി. എസ് , ചാൻസിലർ റെവ ഡോ മാത്യു പിണക്കാട്ട് , എന്നിവർ സന്നിഹിതരായിരുന്നു . പാസ്റ്ററൽ കൗൺസിൽ സെക്രെട്ടറി റോമിൽസ് മാത്യു സ്വാഗതവും , ജോയിന്റ് സെക്രട്ടറി ജോളി മാത്യു നന്ദിയും അർപ്പിച്ചു .

ബിനോയ് എം. ജെ.

ആധുനിക സമൂഹത്തിൽ ഏറ്റവുമധികം ശ്രദ്ധയാകർഷിക്കുന്ന പ്രതിഭാസമാണ് തകരുന്ന കുടുംബ വ്യവസ്ഥിതി. ലോകമാസകലം കുടുംബങ്ങൾ തകരുകയാണ്. കുട്ടികളെ നോക്കുവാൻ മാതാപിതാക്കൾക്ക് ആവുന്നില്ല. മാതാപിതാക്കളെ നോക്കുവാൻ കുട്ടികൾക്കും ആവുന്നില്ല. പണ്ടൊക്കെ കൂട്ടുകുടുംബങ്ങൾ ആയിരുന്നു. അത് നല്ലതും ആയിരുന്നു. പക്ഷേ കാലം മാറി വരുന്നു. കൂട്ടുകുടുംബങ്ങൾ പണ്ടേ തിരോഭവിച്ചു കഴിഞ്ഞു. ഇന്ന് അണുകുടുംബങ്ങൾ ആണ്. അവയും തിരോഭവിക്കുകയാണ്. പണ്ടൊക്കെ കുട്ടികളെ നോക്കുവാൻ മാതാപിതാക്കൾക്ക് സമയവും സാഹചര്യങ്ങളും ഉണ്ടായിരുന്നു. മാതാപിതാക്കളെ വാർദ്ധക്യത്തിൽ നോക്കുവാൻ കുട്ടികൾക്കും സമയവും സാഹചര്യങ്ങളും ഉണ്ടായിരുന്നു. എന്നാൽ ഇന്ന് സാഹചര്യങ്ങൾ മാറി വരുന്നു. ഇന്ന് എല്ലാവർക്കും തങ്ങളുടെ ജോലിയും ഉത്തരവാദിത്വങ്ങളും ഉണ്ട്. അതിന്റെ കൂടെ കുട്ടികളെയോ മാതാപിതാക്കളെയോ നോക്കുവാൻ ആർക്കാണ് സമയം? കാലം മാറി വരുന്നു . പഴയ മൂല്യങ്ങളും ഉത്തരവാദിത്വങ്ങളും തിരോഭവിക്കുന്നു. അവിടെ പുതിയ മൂല്യങ്ങളും ഉത്തരവാദിത്വങ്ങളും രംഗപ്രവേശം ചെയ്യുന്നു .അതിനെക്കുറിച്ച് മുതലക്കണ്ണീരൊഴുക്കിയിട്ട് കാര്യവുമില്ല.

സമൂഹ ശാസ്ത്രജ്ഞന്മാർ(sociologists) തുടക്കംമുതലേ ചോദിക്കുന്ന ഒരു ചോദ്യമുണ്ട്- കുടുംബത്തിന് പകരം വയ്ക്കാൻ മറ്റൊരു സംവിധാനവും ഇല്ലേ? അതോ കുടുംബം സാർവ്വത്രികം ആണോ? അങ്ങനെയൊരു ബദൽ സംവിധാനം നിർദ്ദേശിക്കുവാൻ തങ്ങൾ പരാജയപ്പെടുന്നതിൽ ഭൂരിപക്ഷം സാമൂഹ ശാസ്ത്രജ്ഞന്മാർക്കും അസംതൃപ്തിയുമുണ്ട്. അത്തരമൊരു ബദൽ സംവിധാനം സാമൂഹ്യമാറ്റത്തിന്റെ കാഹളധ്വനിയാണ്. കുടുംബത്തിന് തീർച്ചയായും ഒരു ബദൽ സംവിധാനം ഉണ്ട്. അതിനെക്കുറിച്ച് പ്ലേറ്റോ ഇപ്രകാരം പറയുന്നു. സമൂഹം മൊത്തത്തിൽ ഒരു കുടുംബമാണ്. അതിനുള്ളിൽ മറ്റു കുടുംബങ്ങൾ പാടില്ല .2500 വർഷങ്ങൾക്കു മുമ്പ് പ്ളേറ്റോ പറഞ്ഞ ഈ കാര്യം ഇനിയും നമ്മുടെ തലയിൽ പ്രവേശിച്ചിട്ടില്ല എന്നു തോന്നുന്നു. പണ്ടൊക്കെ- അതായത് കൂട്ടുകുടുംബം ഉണ്ടായിരുന്നപ്പോൾ – കുടുംബം തന്നെയായിരുന്നു സമൂഹം .എന്നാൽ ഇന്ന് കാലം മാറി വരുന്നു .ഇന്ന് സമൂഹം തന്നെ ഒരു വലിയ കുടുംബമായി മാറി വരുന്നു. കുട്ടികളെ നോക്കുന്നതിനും മാതാപിതാക്കളെ സംരക്ഷിക്കുന്നതിനും ഇന്ന് ബദൽ സംവിധാനങ്ങൾ ആയി വരുന്നു. ഇന്ന് സമൂഹം എല്ലാം നോക്കുന്നു. ഇത് സോഷ്യലിസത്തിന്റെ കാഹളധ്വനിയാണ്. സമൂഹം മുഴുവൻ ഒരൊറ്റ കുടുംബമായി മാറി വരികയാണ്.

ഇതിനോടൊപ്പം ചോദിക്കേണ്ട മറ്റൊരു ചോദ്യം കൂടി ഉണ്ട്. മറ്റ് ജീവികളിൽ നിന്നും വ്യത്യസ്തമായി മനുഷ്യ ശിശുക്കൾ സ്വന്തം കാര്യം നോക്കാൻ പ്രാപ്തിയുള്ളവരായി മാറുന്നതിന് വളരെയധികം കാലം വേണ്ടിവരുന്നു. എന്താണ് ഇതിന്റെ കാരണം? ഉത്തരം വളരെ ലളിതമാണ്. കുട്ടികളെ മുതിർന്നവർ വളരെ ശക്തമായി അടിച്ചമർത്തുന്നു. ഈ അടിച്ചമർത്തലിൽ നിന്നും മോചനം നേടുവാൻ വളരെയധികം വർഷങ്ങൾ എടുക്കുന്നു. കുട്ടികൾ കഴിവ് കുറഞ്ഞവരാണ് എന്ന ഒരു ധാരണ പരക്കെ കണ്ടുവരുന്നു. ഇത് എത്രമാത്രം ശരിയാണ്? കുട്ടികളെ അടിച്ചമർത്തിയാൽ അവർ കഴിവുകെട്ടവരായി കാണപ്പെടും. അതിൽ അത്ഭുതമൊന്നുമില്ല . എന്നാൽ കുട്ടികളെ അവരുടെ സ്വാതന്ത്ര്യത്തിന് -പൂർണ്ണമായും അവരുടെ ഇഷ്ടത്തിന് -വിട്ടു കൊടുത്താൽ ചുരുങ്ങിയ കാലങ്ങൾ കൊണ്ട് അവർ പ്രാപ്തരാവുന്നത് കാണാം. അവരുടെ കഴിവുകൾ അപ്പോൾ ഉണർന്നെണീൽക്കും. അവർ മുതിർന്നവർക്ക് തുല്യരായി മാറും . ഈ കാര്യത്തിലും സമത്വം ഉണ്ടെന്ന് അറിഞ്ഞുകൊള്ളുക.

കുട്ടികളുടെ മന:ശ്ശാസ്ത്രം പഠിച്ചാൽ അവർ സ്വാതന്ത്ര്യം ഇഷ്ടപ്പെടുന്നവരും അവരുടേതായ രീതിയിൽ ജീവിക്കുവാനും വളരുവാനും ആഗ്രഹിക്കുന്നവരും ആണെന്ന് കാണാം. എന്നാൽ മാതാപിതാക്കളും അധ്യാപകരും മറ്റു മുതിർന്നവരും അവർക്ക് ഒട്ടും തന്നെ സ്വാതന്ത്ര്യം കൊടുക്കുന്നില്ല . കുട്ടികളുടെ കഴിവുകളെ കുറിച്ച് അവർ അജ്ഞരും ഭയം നിറഞ്ഞവരും ആണെന്നതാണ് കാര്യം. കുട്ടികൾ കഴിവുള്ളവരും കാര്യപ്രാപ്തിയുള്ളവരും ആണെന്ന് സമ്മതിച്ചാൽ അടുത്തപടി അവരെ അവരുടെ ഇഷ്ടത്തിന് വിടുക എന്നുള്ളതാണ്. മുതിർന്നവരല്ല കുട്ടികളെ വളർത്തേണ്ടത്. കുട്ടികളെ കുട്ടികൾക്ക് തന്നെ വിട്ടു കൊടുക്കുക. തലമുറകൾ തമ്മിലുള്ള അന്തരത്തെ പൂർണ്ണമായും ഒഴിവാക്കുക. അപ്പോഴേ ഇവിടെ സമത്വവും നീതിയും പുലരൂ …കുട്ടികളെ ആരും സഹായിക്കേണ്ട !അവർക്ക് ആരുടേയും സഹായവും ആവശ്യമില്ല! അവരെ ഉപദ്രവിക്കാതെ വിട്ടാൽ മതി.

ബിനോയ് എം.ജെ.
30 വർഷങ്ങളായി തത്വചിന്ത പഠിക്കുകയും 20 വർഷങ്ങളായി സാധന ചെയ്യുകയും ചെയ്യുന്നു .
28-മത്തെ വയസ്സിൽ ഔപചാരിക വിദ്യാഭ്യാസം ഉപേക്ഷിച്ചു. മാതാ അമൃതാനന്ദമയിയുടെയും സദ്ഗുരു ജഗ്ഗി വാസുദേവൻെറയും ശിഷ്യനാണ്.

ബർമിംങ്‌ഹാം: ആത്മാഭിഷേകത്തിന്റെ പുത്തനുണർവ്വിൽ അനുഗ്രഹവർഷത്തിനായി ബർമിങ്ഹാം ബെഥേൽ സെന്റെറിൽ ഒരുക്കങ്ങൾ പൂർത്തിയായി . നാളെ രണ്ടാം ശനിയാഴ്ച്ച കൺവെൻഷൻ .
സെഹിയോൻ യുകെ യുടെ അത്മീയ നേതൃത്വവും പ്രമുഖ വചന പ്രഘോഷകനുമായ റവ. ഫാ ഷൈജു നടുവത്താനിയിൽ കൺവെൻഷൻ നയിക്കും . അനുഗ്രഹ സന്ദേശവും ആശീർവ്വാദവുമേകിക്കൊണ്ട് ഗ്രേറ്റ് ബ്രിട്ടൻ സീറോ മലബാർ രൂപത ബിഷപ്പ് മാർ ജോസഫ് സ്രാമ്പിക്കൽ കൺവെൻഷനിൽ പങ്കെടുക്കും.
സെഹിയോൻ ശുശ്രൂഷകളുടെ ഭാഗമായി പാകിസ്ഥാനിലടക്കം നിരവധി രാജ്യങ്ങളിൽ ദൈവമഹത്വം പ്രഘോഷിച്ചിട്ടുള്ള പ്രമുഖ ആത്മീയ രോഗശാന്തി ശുശ്രൂഷകൻ ബ്രദർ സെബാസ്ററ്യൻ സെയിൽസ് , യൂറോപ്പിലെ പ്രമുഖ സുവിശേഷ പ്രവർത്തക മിഷേൽ മോറാൻ എന്നിവരും മലയാളത്തിലും ഇംഗ്ലീഷിലുമായി ശുശ്രൂഷകളിൽ പങ്കുചേരും.

റവ ഫാ സേവ്യർ ഖാൻ വട്ടായിൽ അച്ചന്റെ ശുശ്രൂഷകളുടെ തുടർച്ചയായി ലോക സുവിശേഷവത്ക്കരണത്തിന് നൂതന ഭാവവുമായി 2009 ൽ , സെഹിയോൻ യുകെ സ്ഥാപകൻ റവ. ഫാ .സോജി ഓലിക്കൽ തുടക്കമിട്ട , പ്രതിമാസ രണ്ടാം ശനിയാഴ്ച്ച ബൈബിൾ കൺവെൻഷനിൽ ദേശ ഭാഷാ വ്യത്യാസമില്ലാതെ അനേകം പേർ പങ്കെടുത്തുവരുന്നു . അത്യത്ഭുതകരങ്ങളായ രോഗശാന്തിയും വിടുതലും തത്ഫലമായുള്ള നിരവധി സാക്ഷ്യങ്ങളുമാണ് രണ്ടാം ശനിയാഴ്ച്ചകൺവെൻഷനിലൂടെ ഓരോമാസവും സംഭവിച്ചുകൊണ്ടിരിക്കുന്നത് .. നവംബറിന്റെ പരിശുദ്ധിയിൽ

സകല വിശുദ്ധരുടെയും മരിച്ച വിശ്വാസികളുടെയും മാധ്യസ്ഥം തേടി യേശുനാമത്തിൽ പ്രകടമായ അഭുതങ്ങളും അടയാളങ്ങളും വർഷിക്കാൻ ശക്തമായ ഉപവാസ മധ്യസ്ഥ പ്രാർത്ഥനയുമായി സെഹിയോൻ കുടുംബം ഒരുങ്ങിക്കഴിഞ്ഞു . ദേശഭാഷാ വ്യത്യാസമില്ലാതെ അനേകർ പങ്കെടുക്കുന്ന കൺവെൻഷൻ യൂറോപ്പിലെ എറ്റവും വലിയ ആത്മീയ ശുശ്രൂഷകളിലൊന്നായി നിലനിന്നുകൊണ്ട് സഭയുടെ വളർച്ചയിൽ പങ്കുചേരുകയാണ് .

മൾട്ടികൾച്ചറൽ ഉപഭോഗ സംസ്കാരത്തിന്റെ പിടിയിലമർന്ന യുകെയിലും യൂറോപ്പിലും കഴിഞ്ഞ അനേക വർഷങ്ങളായി സ്ഥിരമായി എല്ലാമാസവും കുട്ടികൾക്കും യുവജനങ്ങൾക്കും വിശ്വാസജീവിതത്തിൽ വളരാനുതകുന്ന ക്രിസ്തീയ ജീവിതമൂല്യങ്ങൾ വിവിധശുശ്രൂഷകളിലൂടെ പകർന്നു നൽകാൻ സാധിക്കുന്നത് രണ്ടാംശനിയാഴ്ച കൺവെൻഷന്റെ പ്രധാന സവിശേഷതയാണ്.

കുട്ടികൾക്കായി ഓരോതവണയും ഇംഗ്ലീഷിൽ പ്രത്യേക കൺവെൻഷൻതന്നെ നടക്കുന്നു.അനേകം കുട്ടികളും കൗമാരപ്രായക്കാരുമാണ് ഓരോ രണ്ടാംശനിയാഴ്ച കൺവെൻഷനിലും മാതാപിതാക്കളോടോ മറ്റ് മുതിർന്നവർക്കൊപ്പമോ യു കെ യുടെ വിവിധ പ്രദേശങ്ങളിൽനിന്നായി എത്തിക്കൊണ്ടിരിക്കുന്നത്. കിംങ്ഡം റവലേറ്റർ എന്ന കുട്ടികൾക്കായുള്ള മാസിക ഓരോരുത്തർക്കും സൗജന്യമായി നൽകിവരുന്നു . കുറഞ്ഞ സമയം കൊണ്ട് ഏറെ ശ്രദ്ധിക്കപ്പെട്ട ലിറ്റൽ ഇവാഞ്ചലിസ്റ് എന്ന പുസ്തകവും വളർച്ചയുടെ പാതയിൽ കുട്ടികൾക്ക് വഴികാട്ടിയാവുന്നു ….

രണ്ടു വേദികളിലായി ഒരേസമയം ഇംഗ്ലീഷിലും മലയാളത്തിലും നടക്കുന്ന കൺവെൻഷനിൽ കടന്നുവരുന്ന ഏതൊരാൾക്കും മലയാളത്തിലും ഇംഗ്ലീഷിലും, ഹിന്ദിയിലും , മറ്റു ഭാഷകളിലും കുമ്പസാരിക്കുന്നതിനും സ്പിരിച്വൽ ഷെയറിംങ്ങിനുമുള്ള സൗകര്യം ഉണ്ടായിരിക്കും.

വിവിധ പ്രായക്കാരായ ആളുകൾക്ക് ഇംഗ്ലീഷിലും മലയാളത്തിലുമുള്ള ബൈബിൾ, പ്രാർത്ഥനാ പുസ്തകങ്ങൾ , മറ്റ് പ്രസിദ്ധീകരണങ്ങൾ , എന്നിവ കൺവെൻഷൻ സെന്ററിൽ ലഭ്യമാണ്. പതിവുപോലെ രാവിലെ 9 ന് മരിയൻ റാലിയോടെ തുടങ്ങുന്ന കൺവെൻഷൻ വൈകിട്ട് 4 ന് ദിവ്യകാരുണ്യ പ്രദക്ഷിണത്തോടെ സമാപിക്കും .

കൺവെൻഷനായുള്ള പ്രാർത്ഥനാ ഒരുക്ക ശുശ്രൂഷ “കാലെബ് “ബർമിങ്ഹാമിൽ നടന്നു .
കൺവെൻഷന്റെ ആത്മീയവിജയത്തിനായി പ്രാർത്ഥനാസഹായം അപേക്ഷിക്കുന്ന സെഹിയോൻ കുടുംബം ശുശ്രൂഷകളിലേക്ക് യേശുനാമത്തിൽ ഏവരെയും ക്ഷണിക്കുന്നു . www.sehionuk.org എന്ന വെബ്സൈറ്റിൽ ഫ്രീ ആയി ബുക്കിങ് നടത്താവുന്നതാണ് .

അഡ്രസ്സ് :
ബഥേൽ കൺവെൻഷൻ സെന്റർ
കെൽവിൻ വേ
വെസ്റ്റ് ബ്രോംവിച്ച്
ബർമിംങ്ഹാം .( Near J1 of the M5)
B70 7JW.

ബുക്കിങ്ങിനും മറ്റ്‌ കൂടുതൽ വിവരങ്ങൾക്കും ;

ജോൺസൻ .07506 810177
അനീഷ്.07760254700
ബിജുമോൻ മാത്യു ‭07515 368239‬.

Sandwell and Dudley ട്രെയിൻ സ്റ്റേഷന്റെ തൊട്ടടുത്തായിട്ടുള്ള കൺവെൻഷൻ സെന്ററിലേക്ക് യു കെ യുടെ വിവിധ പ്രദേശങ്ങളിൽനിന്നും ഏർപ്പെടുത്തിയിട്ടുള്ള കോച്ചുകളെയും മറ്റ് വാഹനങ്ങളെയുംപറ്റിയുള്ള പൊതുവിവരങ്ങൾക്ക്,

ബിജു എബ്രഹാം ‭07859 890267‬
ജോബി ഫ്രാൻസിസ് 07588 809478.

ഷൈമോൻ തോട്ടുങ്കൽ

ലിവർപൂൾ : ലിവർപൂൾ സമാധാന രാജ്ഞിയുടെ നാമധേയത്തിലുള്ള സീറോ മലബാർ കത്തോലിക്കാ ഇടവകയിലെ മതബോധന ദിനവും സമ്മാനദാനവും നടത്തി. ഗ്രേറ്റ് ബ്രിട്ടൻ സീറോ മലബാർ എപ്പാർക്കി ബിഷപ്പ് മാർ ജോസഫ് സ്രാമ്പിക്കൽ മുഖ്യാഥിതിയായിരുന്നു.

രാവിലെ 10 മണിക്ക് അഭിവന്ദ്യ പിതാവിൻ്റെ കാർമ്മികത്വത്തിൽ നടന്ന ആഘോഷമായ വിശുദ്ധ കുർബാനയോടെയാണ് പരിപാടികൾ ആരംഭിച്ചത് .ഇടവക വികാരി ഫാ. ആൻഡ്രൂസ് ചെതലൻ, ഫാ. ജോ മൂലച്ചേരി എന്നിവർ സഹകാർമ്മികരായിരുന്നു. തുടർന്ന് നടന്ന പൊതുസമ്മേളനം അഭിവന്ദ്യ പിതാവ് ഉത്‌ഘാടനം ചെയ്തു. രൂപതാധ്യക്ഷനും ,വികാരിയും ട്രസ്റ്റിമാരും അധ്യാപകരും മാതാപിതാക്കളും വിദ്യാർത്ഥികളും ഒരുമിച്ച് തിരിതെളിച്ച് ഉദ്ഘാടന കർമ്മത്തിൽ പങ്കെടുത്തത് മതബോധനം നൽകുന്നതിലുള്ള കൂട്ടായ ഉത്തരവാദിത്വത്തെ അനുസ്മരിപ്പിക്കുന്നതായിരുന്നു. കോവിഡ് മൂലം വാർഷികം മുടങ്ങിയിരുന്നതിനാൽ കഴിഞ്ഞ 2 വർഷം നടന്ന മത്സര വിജയികൾക്കുള്ള സമ്മാനങ്ങളും വിതരണം ചെയ്തു. അധ്യാപകരുടെ പ്രതിജ്ഞയും മിഷൻ ലീഗ് സംഘടനാംഗങ്ങളുടെ മെഡൽ വിതരണവും നടന്നു. തുടർന്ന് വിദ്യാർത്ഥികളും അധ്യാപകരും അവതരിപ്പിച്ച കലാപരിപാടികൾ അത്യന്തം മനോഹരമായിരുന്നു.

വികാരി ഫാ.ആൻഡ്രൂസ് ചെതലൻ അദ്ധ്യക്ഷത വഹിച്ച യോഗത്തിൽ ട്രസ്റ്റി ശ്രീ. വർഗ്ഗീസ് ആലുക്ക, ഗ്രേറ്റ് ബ്രിട്ടൻ രൂപതാ പാസ്റ്ററൽ കൗൺസിൽ സെക്രട്ടറി ശ്രീ റോമിൽസ് മാത്യു, ഹെഡ് ടീച്ചർ ശ്രീമതി ഡെന്ന ഫ്രാൻസിസ് എന്നിവർ പ്രസംഗിച്ചു. അസിസ്റ്റൻ്റ് ഹെഡ് ടീച്ചർമാരായ സൂസൻ സാജൻ, റിയ ജോസി, ലീഡർമാരായ റോസ്മേരി ജോർജ്, ബാരി ഷീൻ എന്നിവരുടെ നേതൃത്വത്തിൽ അധ്യാപകരും വിദ്യാർത്ഥികളുമടങ്ങിയ ഒരു ടീം വാർഷികാഘോഷങ്ങളുടെ വിജയത്തിനായി പ്രവർത്തിച്ചിരുന്നു.

ബിർമിംഗ് ഹാം . ഗ്രേറ്റ് ബ്രിട്ടൻ സീറോ മലബാർ രൂപതയിലെ അഡ്‌ഹോക് പാസ്റ്ററൽ കൗൺസിൽ മീറ്റിങ്ങിനോടനുബന്ധിച്ച് വിശ്വാസവബോധ സെമിനാർ സംഘടിപ്പിക്കുന്നു . 2014 -ൽ പരിശുദ്ധ പിതാവ് എഴുതിയ അപ്പോസ്തലിക ലേഖനമായ സെൻസെസ് ഫിദെയിയെ അടിസ്ഥാനമാക്കി നടത്തുന്ന ഈ സെമിനാർ നയിക്കുന്നത് റെവ. ഡോ . ജോസഫ് കറുകയിൽ ( നോർത്തേൺ അയർലൻഡ് ) ആണ് .

നവംബർ 12 വെള്ളിയാഴ്ച സൂം പ്ലാറ്റ് ഫോമിൽ നടക്കുന്ന സെമിനാർ രൂപതാധ്യക്ഷൻ മാർ ജോസഫ് സ്രാമ്പിക്കൽ ഉത്‌ഘാടനം ചെയ്യും . രൂപതയിലെ തിരഞ്ഞെടുക്കപ്പെട്ട അഡ്‌ഹോക് പാസ്റ്ററൽ കൗൺസിൽ അംഗങ്ങളോടൊപ്പം മറ്റു സോഷ്യൽ മീഡിയ പ്ലാറ്റ് ഫോമുകളിൽ കൂടി എല്ലാവർക്കും ലഭ്യമാകുന്ന രീതിയിലാണ് ക്രമീകരിച്ചിരിക്കുന്നത് . പാസ്റ്ററൽ കൗൺസിൽ സെക്രട്ടറി റോമിൽസ് മാത്യു സ്വാഗതം ആശംസിക്കും , പാസ്റ്ററൽ കൌൺസിൽ ജോയിൻറ് സെക്രെട്ടറി ജോളി മാത്യു നന്ദി അർപ്പിക്കും , 2023 ൽ റോമിൽ നടക്കുന്ന സാർവത്രിക സൂനഹദോസിന് മുന്നോടിയായി പരിശുദ്ധ ഫ്രാൻസിസ് മാർപാപ്പയുടെ ആഹ്വാന പ്രകാരം സഭ മുഴുവനായും സാർവത്രിക തലത്തൽ ദൈവജനത്തെ മുഴുവൻ ശ്രവിക്കുന്ന ഒരു പ്രക്രിയ നടത്താൻ( synodality ) ഇതിന്റെ അടിസ്ഥാനത്തിൽ ഗ്രേറ്റ് ബ്രിട്ടൺ സീറോ മലബാർ രൂപതയിൽ ഇതിനൊരുക്കമായുള്ള നടപടികൾ ആരംഭിച്ചിരുന്നു . ഈ പശ്ചാത്തലത്തിൽ ഏറെ പ്രസക്തമായ ഈ വിഷയത്തെ സംബന്ധിച്ച് ഗ്രേറ്റ് ബ്രിട്ടൻ രൂപതയിൽ നടക്കുന്ന ഈ സെമിനാർ ഏറെ പ്രാധാന്യത്തോടെയാണ് ക്രമീകരിച്ചിരിക്കുന്നത് .

 

ഭാരതീയ സംഗീത പാരമ്പര്യത്തിൻറെ അനശ്വര പ്രകാശമായിരുന്ന ചെമ്പൈ വൈദ്യനാഥഭാഗവതര്‍ക്ക് ഗുരുപൂജ നടത്താന്‍ ലണ്ടൻ നഗരം ഈ വർഷവും ഒരുങ്ങി. ചെമ്പൈ ഭാഗവതര്‍ ക്ഷേത്രസന്നിധിയില്‍ നടത്തിയിരുന്ന അനശ്വരനാദോപാസനയുടെ സ്മരണ കൂടിയാണ് ഗുരുവായൂർ ഏകാദശി സംഗീതോത്സവം മാതൃകയിൽ ക്രോയിഡോണിൽ അരങ്ങേറുന്ന എട്ടാമത് ലണ്ടൻ ചെമ്പൈ സംഗീതോത്സവം.

പാടാന്‍ തുടങ്ങുന്നവരും പാടി തികഞ്ഞവരുമടക്കം ഒട്ടനേകം സംഗീതോപാസകർ നവംബർ 27 ന് വൈകിട്ട് 5 മണി മുതൽ ക്രോയ്ഡോൺ വെസ്റ്റ് തോണ്ണ്ടൻ കമ്മ്യൂണിറ്റി ഓഡിറ്റോറിയത്തിൽ നടത്തപ്പെടുന്ന സംഗീതോത്സവത്തിൽ സംഗീതാര്‍ച്ചന നടത്തും. നൂറുകണക്കിന് കലാകാരന്മാരും ആയിരക്കണക്കിന് ആസ്വാദകരും പങ്കെടുത്ത മുൻവർഷത്തെ സംഗീതോത്സവങ്ങളെ കണക്കിലെടുത്തു കോവിഡ് മാനദണ്ഡങ്ങൾ പാലിക്കപ്പെടേണ്ടതിനാൽ പ്രതിമാസ സത്‌സംഗ വേദിയിൽ തന്നെ ഈവർഷത്തെ സംഗീതോത്സവം സംഘടിപ്പിക്കുവാൻ നിർബന്ധിതരായിരിക്കുകയാണെന്നു സംഘാടകർ അറിയിച്ചു.

ലണ്ടനിൽ ഒരു ഗുരുവായൂരപ്പ ക്ഷേത്രസാക്ഷാത്കാരത്തിനായി പ്രവർത്തിക്കുന്ന ലണ്ടൻ ഹിന്ദു ഐക്യവേദിയുടെ ആഭിമുഖ്യത്തിലാണ് എട്ടാമത് ലണ്ടൻ ചെമ്പൈ സംഗീതോത്സവം നടത്തപ്പെടുന്നത്.

ഐഡിയ സ്റ്റാർ സിംഗറിലൂടെ പ്രേക്ഷകമനസ്സു കീഴടക്കിയ പ്രശസ്ത ഗായിക ഡോ . വാണി ജയറാമിന്റെ സംഗീത കച്ചേരി, ശ്രീമതി മാളവിക അനിൽകുമാറിന്റെ സ്വര- സിദ്ധി വികാസ് ആർട്സ് അക്കാദമിയിലെ വിദ്യാർത്ഥികളുടെ സംഗീതാർച്ചന, ശ്രുതിമനോലയ മ്യൂസിക് സ്കൂൾ അവതരിപ്പിക്കുന്ന വയലിൻ കച്ചേരി തുടങ്ങി യുകെയുടെ പലഭാഗത്തുനിന്നുള്ള പ്രതിഭകൾ സംഗീതോത്സവത്തിൽ സ്വരാഞ്ജലി അർപ്പിക്കും.പ്രശസ്ത മൃദംഗവിദ്വാൻ ബാംഗ്ലൂർ പ്രതാപ് , വയലിൻ വിദ്വാൻ രതീഷ് കുമാർ മനോഹരൻ എന്നിവരുടെ അകമ്പടി സംഗീതോത്സവത്തിന് മാറ്റേകും.

ലണ്ടൻ ഹിന്ദു ഐക്യവേദിയിലെ കുട്ടികളുടെ സംഗീതാർച്ചനയോടെ ആരംഭിക്കുന്ന സംഗീതോത്സവം ത്യാഗരാജ പഞ്ചരത്ന കീർത്തനാലാപനത്തോടെ അവസാനിക്കും. സംഗീതാർച്ചനക്ക് ശേഷം മുരളി അയ്യരുടെ മുഖ്യ കാർമ്മികത്വത്തിൽ ദീപാരാധനയും തുടർന്ന് അന്നദാനവും ഉണ്ടായിരിക്കുന്നതാണ്. ഗുരു-ഗോവിന്ദ ഭക്തിയുടെ നിറവിൽ ഗുരുപവനപുരിയെ അനുസ്മരിപ്പിക്കും വിധം ലണ്ടനിൽ അരങ്ങേറുന്ന സംഗീതോത്സവത്തെ വിജയകരമായി എട്ടാം വർഷവും കോവിഡ് നിയന്ത്രണങ്ങൾക്കുള്ളിൽ നിന്നുകൊണ്ടുതന്നെ വിപുലമായും തികച്ചും സൗജന്യമായും അണിയിച്ചൊരുക്കുവാനുള്ള ഒരുക്കങ്ങളിലാണ് പതിവുപോലെ അനുഗ്രഹീത പിന്നണി ഗായകൻ രാജേഷ് രാമന്റെ നേതൃത്വത്തിലുള്ള സംഘാടകർ. ലണ്ടൻ ഹിന്ദു ഐക്യവേദിയുടെ എല്ലാമായിരുന്ന ശ്രീ തെക്കുമുറി ഹരിദാസിൻ്റെ അഭാവം ഒരിക്കലും നികത്താനാവാത്തതാനെന്ന് സംഘാടകർ അറിയിച്ചു.

യുകെയിലെ എല്ലാ സഹൃദയരായ കലോപാസകരെയും ഈ ഭക്തി നിർഭരമായ സഗീതോത്സവ വേദിയിലേക്ക് സഹർഷം സ്വാഗതം ചെയ്യുന്നതായി സംഘാടകർ അറിയിച്ചു.

Sangeetholsavam Venue: : West Thornton Community Centre, 731-735, London Road, Thornton Heath, Croydon CR7 6AU
Date and Time : 27 November 2021, 5 pm onwards.

കൂടുതൽ വിവരങ്ങൾക്കും പങ്കെടുക്കുന്നതിനുമായി,

രാജേഷ് രാമൻ: 07874002934, സുരേഷ് ബാബു: 07828137478, സുഭാഷ് സർക്കാര : 07519135993, ജയകുമാർ: 07515918523, ഗീത ഹരി: 07789776536, ഡയാന അനിൽകുമാർ15 03601

Email: [email protected]
Facebook:https://www.facebook.com/londonhinduaikyavedi.org
*London Hindu Aikyavedi is working towards the fulfillment of our mission of building a Sree Guruvayoorappan Temple in the United Kingdom.

 

പ്രെസ്റ്റൻ . ഗ്രേറ്റ് ബ്രിട്ടൻ സീറോ മലബാർ രൂപതാ വിമൻസ് ഫോറത്തിന്റെ അടുത്ത രണ്ടു വർഷത്തേക്കുള്ള ഭാരവാഹികളെ തിരഞ്ഞെടുത്തു . ഡോ. ഷിൻസി ജോൺ ( പ്രസിഡന്റ് ) റോസ് ജിമ്മിച്ചൻ ( സെക്രെട്ടറി ) ജെയ്‌സമ്മ ബിജോ( വൈസ് പ്രസിഡന്റ് ) ,ജിൻസി വെളുത്തേപ്പള്ളി( ജോയിൻറ് സെക്രെട്ടറി ), ഷൈനി സാബു ( ട്രെഷറർ ) എന്നിവരാണ് തിരഞ്ഞെടുക്കപ്പെട്ടത് . ഗ്രേറ്റ് ബ്രിട്ടൻ സീറോ മലബാർ രൂപതാ വിമൻസ് ഫോറം ചെയർമാൻ റെവ. ഫാ. ജോസ് അഞ്ചാനിക്കലിന്റെ നേതൃത്വത്തിൽ നടന്ന തിരഞ്ഞെടുപ്പിൽ രൂപതാദ്ധ്യക്ഷൻ മാർ ജോസഫ് സ്രാമ്പിക്കൽ അനുഗ്രഹ പ്രഭാഷണം നടത്തി .

വചനം പഠിച്ച് വചനാധിഷ്ഠിതമായ ജീവിതം നയിക്കുകയും , പ്രാർത്ഥനയിലൂടെ ശക്തി പ്രാപിച്ച് പ്രവർത്തന മണ്ഡലങ്ങളിലേക്ക് ഇറങ്ങി ചെല്ലുകയും , വ്യാപാരിക്കുകയും ചെയ്യുമ്പോഴാണ് നൂറ് മേനി ഫലം പുറപ്പെടുവിക്കാൻ കഴിയുന്നതെന്നും , അതിലൂടെയാണ് കുടുംബങ്ങളുടെയും ,സമൂഹത്തിന്റെയും , സഭയുടെയും വളർച്ച സാധ്യമാകുന്നതെന്നും അനുഗ്രഹ പ്രഭാഷണത്തിൽ മാർ ജോസഫ് സ്രാമ്പിക്കൽ പറഞ്ഞു .തിരുഹൃദയ സന്ന്യാസ സഭ പ്രൊവിൻഷ്യൽ സുപ്പീരിയർ സിസ്റ്റർ മെർലിൻ അരീപ്പറമ്പിൽ എസ്‌ .എച്ച് . ചടങ്ങിൽ മുഖ്യപ്രഭാഷണം നടത്തി. മാർ ജോസഫ് സ്രാമ്പിക്കൽ രക്ഷാധികാരിയും , റെവ. ഡോ .ആൻറണി ചുണ്ടെലിക്കാട്ട് സഹരക്ഷാധികാരിയും , റെവ. ഫാ. ജോസ് അഞ്ചാനിക്കൽ ചെയർമാനും ,സിസ്റ്റർ കുസുമം എസ്. എച്ച് .ഡയറക്ടർ ആയും ഉള്ള രൂപതാ നേതൃ സമിതിയാണ് വിമൻസ് ഫോറത്തിന്റെ പ്രവർത്തനങ്ങൾക്ക് നേതൃത്വം നൽകുന്നത് .

ഓരോ റീജിയനിൽ നിന്നും തിരഞ്ഞെടുക്കപ്പെട്ട രണ്ടുപേരടങ്ങുന്ന പതിനാറംഗ രൂപതാ വിമൻസ് ഫോറം കൗൺസിൽ മെമ്പേഴ്സിൽ നിന്നുമാണ് പുതിയ ഭാരവാഹികളെ തിരഞ്ഞെടുത്തത് . തിരഞ്ഞെടുപ്പിന് മുന്നോടിയായി ഓരോ കൗൺസിൽ മെമ്പേഴ്സിനും വിമൻസ് ഫോറത്തെക്കുറിച്ചുള്ള തങ്ങളുടെ വീക്ഷണത്തെക്കുറിച്ചും , പ്രവർത്തന സാധ്യതകളെക്കുറിച്ചും സംസാരിക്കാൻ അവസരം ലഭിച്ചു ,വിമൻസ് ഫോറം പ്രസിഡന്റ് ജോളി മാത്യു കഴിഞ്ഞ കാല പ്രവർത്തനങ്ങളെ ക്കുറിച്ചുള്ള ചെറു വിവരണം അംഗങ്ങൾക്ക് നൽകി , ഗ്രേറ്റ് ബ്രിട്ടൻ സീറോ മലബാർ രൂപത വിമൻസ് ഫോറം ഭാരവാഹികൾ :

പ്രസിഡന്റ് – ഡോക്ടർ ഷിൻസി ജോൺ (കോവെന്ററി റീജിയൺ )
വൈസ് പ്രസിഡന്റ് – ജെയ്‌സമ്മ ബിജോ (ലണ്ടൻ റീജിയൺ )
സെക്രട്ടറി – റോസ് ജിമ്മിച്ചൻ (മാഞ്ചസ്റ്റർ റീജിയൺ )
ജോയിന്റ് സെക്രട്ടറി – ജിൻസി വെളുത്തെപ്പള്ളി (പ്രെസ്റ്റൺ റീജിയൺ)
ട്രെഷറർ – ഷൈനി സാബു ( ഗ്ലാസ്‌ഗോ റീജിയൺ )

കൗൺസിൽ മെമ്പേഴ്‌സ് :
ബീന ജോജി (ബ്രിസ്റ്റോൾ കാർഡിഫ് റീജിയൺ )
ഷെൽമ ദിലീപ് ബ്രിസ്റ്റോൾ കാർഡിഫ് റീജിയൺ )
നീമ ജോസ് (കേംബ്രിജ് റീജിയൺ )
നിമ്മി ജോസഫ് (കേംബ്രിജ് റീജിയൺ )
ബ്ലെസി അലക്സ് (കോവെന്ററി റീജിയൺ )
ബീന ജോൺസൻ ( ഗ്ലാസ്‌ഗോ റീജിയൺ )
റീന ജെബിറ്റി (ലണ്ടൻ റീജിയൺ )
ആഷ്‌ലി ജിനു (പ്രെസ്റ്റൺ റീജിയൺ )
ജിജി സന്തോഷ് (സൗതാംപ്ടൺ റീജിയൺ )
സിസി സക്കറിയ (സൗതാംപ്ടൺ റീജിയൺ)
ട്വിങ്കിൾ വര്ഗീസ് ( മാഞ്ചെസ്റ്റർ റീജിയൺ )

തിരഞ്ഞെടുപ്പിനോടനുബന്ധിച്ച് കഴിഞ്ഞകാല വർഷങ്ങളിൽ വിമൻസ് ഫോറത്തിന് നേതൃത്വം കൊടുത്തവരെ നന്ദിയോടെ സ്മരിക്കുകയും പുതിയ ഭാരവാഹികൾക്ക് എല്ലാവിധ ദൈവാനുഗ്രഹങ്ങൾ നേരുകയും ചെയ്തു. സമ്മേളനത്തിൽ പങ്കെടുത്തവർക്ക് വൈസ് പ്രസിഡന്റ് സോണിയ ജോണി നന്ദി പറഞ്ഞു, അഭിവന്ദ്യ പിതാവിന്റെ സമാപന ആശീർവാദത്തോടെ സമ്മേളനം സമാപിച്ചു .

 

സ്പിരിച്ച്വല്‍ ഡെസ്‌ക് മലയാളം യുകെ.
ചരിത്ര പ്രസിദ്ധമായ കുറവിലങ്ങാട് പള്ളിയില്‍ വിശുദ്ധ കുര്‍ബാന മധ്യേ ആര്‍ച്ച് പ്രീസ്റ്റ് റവ. ഡോ. അഗസ്റ്റ്യന്‍ കൂട്ടിയാനിയില്‍ നടത്തിയ വചന സന്ദേശത്തിന്റെ പ്രസക്തഭാഗങ്ങളാണിത്. വിമര്‍ശനങ്ങള്‍ക്കൊടുവില്‍ സീറോ മലബാര്‍ സഭയുടെ പുതിയ കുര്‍ബാന ക്രമം ഈ മാസം 28ന് നിലവില്‍ വരും. മാറുന്ന കുര്‍ബാന ക്രമവുമായി ബന്ധപ്പെട്ട് വൈദീകരുടെ ഇടയില്‍ ഉണ്ടായിട്ടുള്ള അഭിപ്രായ വ്യത്യാസത്തിന് പരോക്ഷമായി മറുപടി പറയുകയായിരുന്നു റവ. ഡോ. അഗസ്റ്റ്യന്‍ കൂട്ടിയാനിയില്‍. സഭയ്ക്കുള്ളില്‍ അഭിപ്രായ വ്യത്യാസമുണ്ടെന്ന് അദ്ദേഹം സമ്മതിക്കുമ്പോള്‍ സഭയും സമുദായങ്ങളും തമ്മില്‍ ഐക്യമുണ്ടാകണമെന്ന നിര്‍ദ്ദേശവും മുന്നോട്ട് വെച്ചു. അനുസരണമില്ലാത്ത ഒരു തലമുറ വൈദീകരാണെങ്കിലും വളര്‍ന്നു വരാന്‍ പാടില്ലെന്ന് ശക്തമായ ഭാഷയില്‍ മുന്നറിയ്പ്പ് നല്‍കി.

സാബത്താചരണവുമായി ബന്ധപ്പെട്ട് വിശ്വാസ സമൂഹത്തിന് നിഷിദ്ധമെന്ന് തോന്നാവുന്ന ചിന്താഗതികള്‍ സമ്മാനിക്കാന്‍ ഒരു വൈദീകനും ഒരിക്കലും ഒരിടത്തും കടമയില്ല. ബലി അര്‍പ്പിക്കുന്നത് കരുണയുടെ അനുഭവം സ്വന്തമാക്കപ്പെടാന്‍ വേണ്ടിയാണ്. കരുണയുണ്ടാകുന്നില്ലെങ്കില്‍ ബലിയര്‍പ്പണത്തിന് പ്രശസ്തിയില്ല. കരുണ തേടി നടക്കുന്നവരായി മാറരുത്. കരുണയുള്ളവരായി വൈദീകര്‍ മാറണമെന്നും റവ. ഡോ. അഗസ്റ്റ്യന്‍ കൂട്ടിയാനിയില്‍ തന്റെ വചന സന്ദേശത്തില്‍ കൂട്ടിച്ചേര്‍ത്തു.

ആര്‍ച്ച് പ്രീസ്റ്റ് റവ. ഡോ. അഗസ്റ്റ്യന്‍ കൂട്ടിയാനിയില്‍ നല്‍കിയ വചന സന്ദേശത്തിന്റെ പൂര്‍ണ്ണരൂപം കാണുവാന്‍ താഴെയുള്ള ലിങ്കില്‍ ക്ലിക് ചെയ്യുക.

 

 

ഇംഗ്ലണ്ടിൻെറ മധ്യപൂർവ്വ ദേശമായ സ്റ്റോക്ക് ഓൺ ട്രെൻന്റിൽ, ഗ്രേറ്റ് ബ്രിട്ടൻ സീറോ മലബാർ രൂപതയുടെ കുടുംബകൂട്ടായ്മ വർഷാചരണം 2020-21, ഔദ്യോഗികമായ സമാപനത്തിനായി അണിഞ്ഞൊരുങ്ങുന്നു. ഗ്രേറ്റ് ബ്രിട്ടൺ സീറോ മലബാർ രൂപതാ അധ്യക്ഷൻ അഭിവന്ദ്യ മാർ ജോസഫ് സ്രാമ്പിക്കൽ പിതാവിൻെറ മുഖ്യ കാർമ്മികത്വത്തിൽ അർപ്പിക്കപ്പെടുന്ന വി.കുർബാനയോടുകൂടി നവംബർ 27ന്, ശനിയാഴ്‌ച (27/11 /2021) രാവിലെ 11 മണിക്ക് സ്റ്റോക്ക് ഓൺ ട്രെന്റ് സെന്റ് ജോസഫ് ദേവാലയത്തിൽ സമാപന പരിപാടികൾക്ക് തുടക്കം കുറിക്കും. സ്റ്റോക്ക് ഓൺ ട്രെന്റ് ഔവർ ലേഡി ഓഫ് പെർപെച്വൽ ഹെൽപ് മിഷൻെറ നേതൃത്വത്തിൽ ഒരുക്കങ്ങൾ പൂർത്തിയതായി കുടുംബകൂട്ടായ്‌മ കമ്മീഷൻ അറിയിച്ചു.
ഗ്രേറ്റ് ബ്രിട്ടൺ സീറോ മലബാർ രൂപതയുടെ 8 റീജിയനുകളിലുമായി വ്യാപിച്ചുകിടക്കുന്ന ആയിരത്തിലധികം വരുന്ന കുടുംബകൂട്ടായ്‌മകളെ ഊർജ്വസ്വലമാക്കി സഭാമക്കളുടെ വിശ്വാസജീവിതം കൂടുതൽ കരുത്തുറ്റത്താക്കിമാറ്റുക എന്ന ലക്ഷ്യത്തെ മുൻനിർത്തി ആണ് കുടുംബകൂട്ടായ്‌മ വർഷാചരണം നടത്തപ്പെട്ടത്.

രൂപതയുടെ കർമ്മപദ്ധതിയായ ‘ലിവിങ് സ്റ്റോൺ’ലെ നാലാമത്തെ വർഷമായ കുടുംബകൂട്ടായ്‌മ വർഷം മികവുറ്റതാക്കി മാറ്റുവാൻ കഴിഞ്ഞതിലുള്ള ചാരിതാർത്ഥ്യത്തിലാണ് കുടുംബകൂട്ടായ്‌മ കമ്മീഷൻ. താഴെപറയുന്ന വ്യക്തികളെ ഉൾക്കൊണ്ടതായിരുന്നു രൂപതാ കുടുംബകൂട്ടായ്‌മ കമ്മീഷൻ. രക്ഷാധികാരി: മാർ ജോസഫ് സ്രാമ്പിക്കൽ, സിൻചേലൂസ്-ഇൻ-ചാർജ് : റെവ. ഫാ. ജോർജ് തോമസ് ചേലയ്ക്കൽ, ചെയർമാൻ : റെവ. ഫാ. ഹാൻസ് പുതിയാകുളങ്ങര, കോർഡിനേറ്റർ : ഷാജി തോമസ് (നോറിച്ച്) സെക്രട്ടറി : റെനി സിജു തോമസ് (എയിൽസ്‌ഫോഡ്), പി.ആർ.ഒ : വിനോദ് തോമസ് (ലെസ്റ്റർ), ആഡ് ഹോക്ക് പാസ്റ്ററൽ കൗൺസിൽ പ്രതിനിധി : ഡീക്കൻ അനിൽ ലൂക്കോസ്. മറ്റ് അംഗങ്ങൾ ;
1) ഫിലിപ്പ് കണ്ടൊത്ത് (ബ്രിസ്റ്റോൾ – കാർഡിഫ് ),
2)ജിനോ ജോസ് ജെയിംസ് (കേംബ്രിഡ്ജ് ),
3)ക്രിസ്റ്റി സെബാസ്റ്റ്യൻ (കവൻട്രി ),
4)ജെയിംസ് മാത്യു (ഗ്ലാസ്‌ഗോ ),
5)തോമസ് ആന്റണി (ലണ്ടൻ ),
6)കെ.എം ചെറിയാൻ (മാഞ്ചസ്റ്റർ ),
7)ജിതിൻ ജോൺ (സൗത്താംപ്റ്റൺ ),
8)ആന്റണി മടുക്കക്കുഴി (പ്രെസ്റ്റൺ ).
മേല്പ്റഞ്ഞ ഏവരുടെയും ശുശ്രൂഷാ മനോഭാവവും സേവന തത്പരതയുമാണ് കുടുംബകൂട്ടായ്‌മ വർഷാചരണം ഫലദായമാകുവാൻ കാരണമായത്.

27/ 11/ 2021 ശനിയാഴ്ചയിലെ കാര്യപരിപാടികൾ

11.00 വി.കുർബാന : അഭിവന്ദ്യ മാർ ജോസഫ് സ്രാമ്പിക്കലിൻെറ മുഖ്യ കാർമികത്വത്തിൽ. 13.00 മുതൽ 14.00 വരെ : ഉച്ച ഭക്ഷണം. തുടർന്ന് സമാപന സമ്മേളനം 14.00 പ്രാർത്ഥന ഗാനം / വാദ്യോപകരണ സംഗീതം : സ്റ്റോക്ക്‌ ഓൺ ട്രെന്റ് ഔർ ലേഡി ഓഫ് പെർപെച്ചുൽ മിഷൻ. 14.05 സ്വാഗതം : റെവ. ഫാ. ഹാൻസ് പുതിയാകുളങ്ങര, ചെയർമാൻ കുടുംബകൂട്ടായ്‌മ കമ്മീഷൻ.

14.15 റിപ്പോർട്ട് അവതരണം : ശ്രീമതി. റെനി സിജു തോമസ്, സെക്രട്ടറി, കുടുംബകൂട്ടായ്‌മ കമ്മീഷൻ.
14.25 ഉത്‌ഘാടനം : രൂപതാ അധ്യക്ഷൻ അഭിവന്ദ്യ മാർ ജോസഫ് സ്രാമ്പിക്കൽ, രക്ഷാധികാരി, കുടുംബകൂട്ടായ്‌മ കമ്മീഷൻ.
14.40 പ്രഭാഷണം : റെവ. ഫാ. ടോമി എടാട്ട്, ചെയർമാൻ മീഡിയ കമ്മീഷൻ.
15.10 സംഘഗാനം : സൈന്റ്റ് അൽഫോൻസാ മിഷൻ ലെസ്റ്റർ.
15.15 പ്രഭാഷണം : റെവ. സി. ആൻമരിയ (എസ്.എച്ച്), ചെയർപേഴ്‌സൺ ഇവാഞ്ചലൈസേഷൻ കമ്മീഷൻ.
15.45 ആശംസകൾ : റെവ. മോൺ. ജോർജ് തോമസ് ചെലേയ്ക്കൽ, സിൻചേലൂസ് ഇൻ ചാർജ്, കുടുംബകൂട്ടായ്‌മ കമ്മീഷൻ.
15.55 ആശംസകൾ : റെവ.ഫാ. ജോർജ് എട്ടുപറ, ഡയറക്‌ടർ, സ്റ്റോക്ക് ഓൺ ട്രെന്റ് ഔർ ലേഡി ഓഫ് പെർപെച്ചുൽ മിഷൻ.
16.05 ഇടവകാ വർഷം 2021-22 ഉത്‌ഘാടനം : രൂപതാ അദ്ധ്യക്ഷൻ അഭിവന്ദ്യ മാർ ജോസഫ് സ്രാമ്പിക്കൽ.
16.10 കൃതജ്ഞത : ശ്ര. ഷാജി തോമസ്, കോർഡിനേറ്റർ കുടുംബകൂട്ടായ്‌മ കമ്മീഷൻ.
16.20 സമാപന ആശീർവാദം : രൂപതാ അദ്ധ്യക്ഷൻ അഭിവന്ദ്യ മാർ ജോസഫ് സ്രാമ്പിക്കൽ.

എല്ലാ മിഷൻ/പ്രൊപ്പോസ്ഡ് മിഷൻ/മാസ്സ് സെന്റർ നിന്നുമുള്ള കുടുംബകൂട്ടായ്‌മ പ്രതിനിധികൾ ഉൾപ്പെടുന്ന ഏകദേശം 500 ഓളം പേരുടെ സാന്നിധ്യം സമാപന സമ്മേളനത്തിൽ പ്രതീക്ഷിക്കുന്നതായി സംഘാടകർ അറിയിച്ചു.

ക്രോളി: മലങ്കര ഓർത്തഡോൿസ് സഭയുടെ പ്രഖ്യാപിത പരിശുദ്ധനായ പരുമല മാർ ഗ്രീഗോറിയോസ് തിരുമേനിയുടെ ഓർമ പെരുന്നാൾ ഹോളി ട്രിനിറ്റി ഇന്ത്യൻ ഓർത്തഡോൿസ് പള്ളിയിൽ നവംബർ 7 ന് ഞായറാഴ്ച രാവിലെ നടത്തപ്പെടുന്നു.

വെസ്റ്റ് സസ്സെക്സിലെ ക്രോളി ഹോളി ട്രിനിറ്റി ഇന്ത്യൻ ഓർത്തഡോൿസ് പള്ളിയിൽ വികാരി റവ. ഫാ. അനൂപ് എബ്രഹാമിന്റെ മുഖ്യ കാർമികത്വത്തിൽ 10 മണിക്ക് വിശുദ്ധ കുർബാനയും തുടർന്ന് പരിശുദ്ധ പരുമല തിരുമേനിയുടെ മദ്ധ്യസ്ഥ പ്രാർത്ഥനയും നടത്തപെടുന്നു.

പെരുന്നാളിൽ ദൈവകൃപ ചൊരിയുന്ന ആത്മീയ അനുഷ്ഠാനങ്ങളിൽ പങ്കുചേർന്ന് അനുഗ്രഹം പ്രാപിക്കുവാൻ ഏവരേയും പ്രാർഥനാ നിർഭരമായി കത്തൃനാമത്തിൽ സ്വാഗതം ചെയ്യുന്നതായി ഇടവക വികാരി റവ. ഫാ. അനൂപ് എബ്രഹാം അറിയിച്ചു.

Church address:
Holy Trinity Indian Orthodox Church
Ashdown Drive,
Tilgate, Crawley,
West Sussex,
RH10 5DR.

RECENT POSTS
Copyright © . All rights reserved