സ്പിരിച്ച്വല്‍ ഡെസ്‌ക്. മലയാളം യുകെ
പുല്‍ക്കൂട്ടിലേയ്ക്ക് നമ്മള്‍ യാത്രയായിക്കൊണ്ടിരിക്കുകയാണ്‍ തിരുപ്പിറവിക്കുവേണ്ടി ഒരുങ്ങുമ്പോള്‍ കാതില്‍ മുഴങ്ങേണ്ട മാറ്റലിയുണ്ട്. രക്ഷകനായ മിശിഹാ നിനക്ക് വേണ്ടി ജനിച്ചിരിക്കുന്നു എന്ന മാറ്റൊലി.
താരകവഴിയേ പുല്‍ക്കൂട്ടിലേയ്ക്ക് യാത്ര ചെയ്യുമ്പോള്‍….

താരകവഴി.. ആറാം ദിനത്തിന്റെ പൂര്‍ണ്ണരൂപം കാണുവാന്‍ താഴെയുള്ള ലിങ്കില്‍ ക്ലിക് ചെയ്യുക

സ്പിരിച്ച്വല്‍ ഡെസ്‌ക്. മലയാളം യുകെ
ജോസഫിന് കിട്ടിയ ദര്‍ശനങ്ങളെല്ലാം സ്വപ്നത്തിലൂടെയായിരുന്നു. വിവാഹ നിശ്ചയം കഴിഞ്ഞ ഒരു സാധാരണ യുവാവിനുണ്ടാകുന്ന സ്വപ്നങ്ങളേയും പ്രതീക്ഷകളേയുമൊക്കെ തല കീഴായി മറിക്കുന്ന ഒരു കിനാവായിരുന്നു ദൈവം ജോസഫിന് സമ്മാനിച്ചത്. ജോസഫ് ദൈവത്തെ ശപിച്ചിരുന്നോ..?

താരകവഴി അഞ്ചാം ദിനത്തിന്റെ പൂര്‍ണ്ണരൂപം കാണുവാന്‍ താഴെയുള്ള ലിങ്കില്‍ ക്ലിക് ചെയ്യുക

സ്പിരിച്ച്വല്‍ ഡെസ്‌ക്. മലയാളം യുകെ
താരകവഴിയിലൂടെ പുല്‍ക്കൂട്ടിലേയ്ക്ക് യാത്ര ചെയ്യുമ്പോള്‍ നാമിന്ന് കണ്ട് മുട്ടുന്നത് സന്ദേശവാഹകരെയാണ്. നമ്മുടെ ജീവിതത്തില്‍ മറന്നു പോയത് ഓര്‍മ്മിപ്പിക്കുവാനും ചെയ്യേണ്ടതൊക്കെ ക്രമപ്പെടുത്തുവാനും ആരെയെങ്കിലുമൊക്കെ ദൈവം ആയ്ക്കുന്നുണ്ട്. പുല്‍ക്കൂട്ടിലേയ്ക്കുള്ള യാത്രയിലും സന്ദേശവാഹകരെ കാണുന്നുണ്ട്. ദൂതുമായി കടന്നു വരുന്നു. ചിന്തിക്കുന്നുണ്ടാകാം. ദൈവത്തിനും ഇടനിലക്കാരെ ആവശ്യമുണ്ടോ..?? ദൈവത്തിനും ഇടനിലക്കാരെ ആവശ്യമുണ്ടായിരുന്നു. ദൈവം അങ്ങനെയാണ്. പ്രാര്‍ത്ഥനയുടെ ഫലം ലഭിക്കുന്നില്ല എന്നു തോന്നുന്ന അവസരത്തില്‍ ദൂതുമായി ദൈവം ചിലരെ നമ്മുടെ മുമ്പിലേയ്ക്ക് ആയ്ക്കുന്നുണ്ട്. മാതാപിതാക്കള്‍, സഹോദരങ്ങള്‍, ജീവിത പങ്കാളി, കൂട്ടുകാര്‍, ഗുരുക്കന്മാര്‍ സാഹചര്യങ്ങള്‍ അങ്ങനെ നീളുന്നു..
നീ താരക വഴിയേ ആണോ സഞ്ചരിക്കുന്നത്..??

താരകവഴി നാലാം ദിനത്തിന്റെ പൂര്‍ണ്ണരൂപം കാണുവാന്‍ താഴെയുള്ള ലിങ്കില്‍ ക്ലിക് ചെയ്യുക

സ്പിരിച്ച്വല്‍ ഡെസ്‌ക്. മലയാളം യുകെ
ദൈവം സ്വന്തമാക്കിയ കുടുംബം.
താരക വഴിയേ മൂന്നാം ദിവസത്തില്‍ എത്തുമ്പോള്‍ ദൈവം സ്വന്തമാക്കിയ കുടുംബത്തേക്കുറിച്ചാണ് പറയുന്നത്. ജോസഫും മേരിയും വിവാഹ വാഗ്ദാനം ചെയ്തവരായിരുന്നു. അവരുടെ മാനുഷികമായ വാഗ്ദാനത്തെ ദൈവീകമായ ഒരു വാഗ്ദാനമായി മാറ്റുകയായിരുന്നു. മാനവകുലത്തിന്റെ മോചന വാഗ്ദാനമായി അതിനെ മാറ്റപ്പെടുന്നു. കൂടുതല്‍ ശ്രേഷ്ഠമായ കാര്യത്തില്‍ ദൈവം ഇടപെടുമ്പോള്‍ അത് നടപ്പാകുവാന്‍ വിട്ടു കൊടുക്കുന്ന മനസ്സാണ് ഏറ്റവും പ്രതീകര്‍ത്തിക്കപ്പെടേണ്ടത്. നിന്റെ വാശിയെക്കാള്‍ ദൈവത്തിന്റെ ഹിതമാണ് പ്രധാനം. അത് മനസ്സിലാക്കുമ്പോഴാണ് നീ ജിവിതത്തിലേയ്ക്ക് തിരിച്ച് വരുന്നത്.
താരകവഴിയെ…
പൂര്‍ണ്ണരൂപം കാണുവാന്‍ താഴെയുള്ള ലിങ്കില്‍ ക്ലിക് ചെയ്യുക.

സ്പിരിച്ച്വല്‍ ഡെസ്‌ക്. മലയാളം യുകെ
താരകവഴിയിലൂടെയുള്ള യാത്രയുടെ രണ്ടാം ദിനം.
കണക്കുകള്‍ പിഴയ്ക്കുമ്പോള്‍ ദൈവത്തിന്റെ കരം പിടിച്ചവന്‍. നീതി കൈവിടാതെ മുന്നോട്ട് പോകുവാന്‍ ഭാഗ്യമുണ്ടായവന്‍.
ഉത്തരവാദിത്വങ്ങള്‍ ഏറ്റവും മനോഹരമായി ദൈവസന്നിധിയില്‍ കാഴ്ച്ചവെച്ചവന്‍.
അധികമാരും ശ്രദ്ധിക്കപ്പെടാത്ത വ്യക്തിത്വം. സംരക്ഷകന്‍ എന്ന നിലയിലാണ് കൂടുതല്‍ അറിയപ്പെട്ടിരുന്നത്….
വി. യൗസേപ്പും നമ്മളും. ഫാ. ബിനോയ് ആലപ്പാട്ട് പറയുന്നു.
താരകവഴിയേ…
പൂര്‍ണ്ണരൂപം കാണുവാന്‍ താഴെയുള്ള ലിങ്കില്‍ ക്ലിക് ചെയ്യുക.

സ്പിരിച്ച്വല്‍ ഡെസ്‌ക്. മലയാളം യുകെ
തിരുപ്പിറവി എങ്ങനെ അനുഗ്രഹമാക്കാം..
തിരുപ്പിറവി എന്താണ് എന്റെ ജീവിതത്തില്‍..??
ഓരോ ദിവസവും അനുഗ്രഹമാകുവാന്‍ എങ്ങനെ പ്രാര്‍ത്ഥിക്കാം..
ഇത് ക്രിസ്തുമസ്സ് കാലത്തെ ചിന്തകളാണ്.
ബെദ്‌ലഹേമിലേയ്ക്കുള്ള യാത്രയില്‍ നാം കാണുന്ന ഒരേയൊരു സ്ത്രീരൂപമാണ് പരിശുദ്ധ അമ്മ.
‘ഇതാ കര്‍ത്താവിന്റെ ദാസി’ എന്ന് വചനം പറഞ്ഞ് അവസാനിക്കുന്നിടത്താണ് ലോകത്തില്‍ രക്ഷയും സമാധാനവും ആരംഭിക്കുന്നത്. അവിടെ നിന്ന് നമ്മളും തുടങ്ങണം.
താരകവഴിയേ…
ഫാ. ബിനോയ് ആലപ്പാട്ട് നല്‍കുന്ന തിരുപ്പിറവി ഒരുക്ക വിചിന്തനങ്ങള്‍ മലയാളം യുകെ ന്യൂസ് ഡിസംബര്‍ ഒന്നുമുതല്‍ ഇരുപത്തഞ്ചു വരെ പ്രസിദ്ധീകരിക്കുകയാണ്.
നമുക്കും ഒരുങ്ങാം താരകവഴിയേ..

താരക വഴിയേ…
പൂര്‍ണ്ണരൂപം കാണാന്‍ താഴെയുള്ള ലിങ്കില്‍ ക്ലിക് ചെയ്യുക.

ഓൺലൈനിൽ വിദൂര സാങ്കേതികവിദ്യ ഉപയോഗപ്പെടുത്തി ഗ്രേറ്റ്‌ ബ്രിട്ടൻ സീറോ മലബാർ രൂപതാ അദ്ധ്യക്ഷൻ അഭിവന്ദ്യ മാർ ജോസഫ് സ്രാമ്പിക്കൽ പിതാവ് ഉത്ഘാടനം നിർവ്വഹിച്ച ചടങ്ങിൽ ആമുഖസന്ദേശം നൽകിയത് ഗ്രേറ്റ്‌ ബ്രിട്ടൻ സീറോ മലബാർ രൂപതയുടെ സെഞ്ചലൂസ് കുടുംബ കൂട്ടായ്മ കമ്മിഷൻ വികാരി ജെനറാൾ-ഇൻ-ചാർജ് ആയ മോൺസിഞ്ഞോർ ജോർജ്ജ് തോമസ് ചെലേയ്ക്കൽ. ആദിമ ക്രൈസ്തവ സമൂഹത്തിന്റെ സ്വഭാവ സവിശേഷതയെക്കുറിച്ച് മോൺസിഞ്ഞോർ ജോർജ്ജ് തോമസ്
ചേലയ്ക്കൽ ഊന്നി പറയുകയുണ്ടായി.

തുടർന്ന് കുടുംബ കൂട്ടായ്മ വർഷം 2020- 21 ന്റെ ഔദ്യോഗിക ഉത്ഘാടനത്തിന്റെ അനുഗ്രഹപ്രഭാഷണം, ഗ്രേറ്റ്‌ ബ്രിട്ടൻ സീറോ മലബാർ രൂപതയുടെ അദ്ധ്യക്ഷനും കുടുംബ കൂട്ടായ്മ കമ്മീഷൻ രക്ഷാധികാരിയുമായ അഭിവന്ദ്യ മാർ ജോസഫ് സ്രാമ്പിക്കൽ പിതാവ് നൽകുകയുണ്ടായി. രൂപതയുടെ കർമ്മപദ്ധതിയായ ലിവിങ് സ്റ്റോണിന്റെ പ്രാധാന്യവും ആവശ്യകതയും എടുത്തു പറഞ്ഞ പിതാവ് കൂട്ടായ്മ അനുഭവത്തെ കുറിച്ചും അതിന്റെ പ്രത്യേകയേകുറച്ചും പരാമർശിച്ചു. കുടുംബ കൂട്ടായ്മ വർഷത്തിനായി പ്രത്യേകം തയ്യാറാക്കിയ പ്രാർത്ഥന ചൊല്ലിയതിനു ശേഷം ദീപം തെളിയിച്ചു പിതാവ് ഉത്ഘാടനം നിർവഹിച്ചു.

ഗ്രേറ്റ്‌ ബ്രിട്ടൻ സീറോ മലബാർ രൂപയുടെ പ്രോട്ടോസെഞ്ചലൂസ് മോൺസിഞ്ഞോർ ഡോ: ആന്റണി ചുണ്ടെലിക്കാട്ട്, സെഞ്ചലൂസ്മാരായ മോൺസിഞ്ഞോർ ജോർജ്ജ് തോമസ് ചെലേയ്ക്കൽ, മോൺസിഞ്ഞോർ സജിമോൻ മലയിൽപുത്തൻപുരയിൽ, മോൺസിഞ്ഞോർ ജിനോ അരീക്കാട്ട്, കുടുംബ കൂട്ടായ്മ കമ്മീഷൻ ചെയർമാൻ ഫാദർ ഹാൻസ് പുതിയകുളങ്ങര, കുടുംബ കൂട്ടായ്മ കമ്മീഷൻ കോർഡിനേറ്റർ ശ്രീ. ഷാജി തോമസ് എന്നിവർ മാർത്തോമാ സ്ലീവ ദീപം തെളിയിച്ചു ഉത്ഘാടനത്തിൽ പങ്കുചേർന്നു. തുടർന്ന് 8 റീജിയണൽ ഡയറക്ടർ അച്ചന്മാരും കമ്മീഷൻ അംഗങ്ങളും പ്രാർത്ഥനാപൂർവ്വം തിരി തെളിയിച്ചു.

കുടുംബ കൂട്ടായ്മ കമ്മീഷൻ ചെയർമാൻ ഫാദർ ഹാൻസ് പുതിയകുളങ്ങര നൽകിയ സമാപന സന്ദേശത്തിൽ ആദിമ ക്രൈസ്തവ സഭയുടെ കൂട്ടായ്മ ചൈതന്യം ഉൾകൊള്ളുവാനും അൾത്താരാ കേന്ദ്രീകൃതമായ സമൂഹങ്ങളെ വാർത്തെടുക്കുവാൻ യത്നിക്കുവാനും ആഹ്വാനം ചെയ്തു. ഗ്രേറ്റ്‌ ബ്രിട്ടൻ സീറോ മലബാർ രൂപതാ അദ്ധ്യക്ഷൻ അഭിവന്ദ്യ മാർ ജോസഫ് സ്രാമ്പിക്കൽ പിതാവ് സമാപന അശ്ലീർവാദം നൽകിയതോടുകൂടി ഔദ്യോഗിക ഉത്ഘാടനത്തിന് വിരാമമായി.

ലണ്ടൻ റീജിയണിലെ മാർ സ്ലീവ മിഷനിൽപ്പെട്ട കാന്റർബറി കുടുംബ കൂട്ടായ്മയുടെ യോഗത്തിൽ സജീവ സാന്നിധ്യമായി മാർ സ്രാമ്പിക്കൽ പിതാവും മോൺസിഞ്ഞോർ ജോർജ്ജ് ചേലയ്‌ക്കൽ, ഫാദർ ഹാൻസ് പുതിയ കുളങ്ങര, രൂപതാ കടുംബ കൂട്ടായ്മ കമ്മീഷൻ അംഗങ്ങൾ, ഇടവക /മിഷൻ /നിയുക്ത മിഷൻ കോർഡിനേറ്റർമാരും ഉണ്ടായിരുന്നു. മാർ സ്ലീവ മിഷൻ കുടുംബ കൂട്ടായ്മ കോർഡിനേറ്റർ ശ്രീ. സോണി കൊടക്കല്ലിൽ നന്ദി പ്രകാശിപ്പിച്ച കൂട്ടായ്മയോഗത്തിൽ ശ്രീമതി മെർലിൻ സിജു പ്രാർത്ഥനകക്ക് നേതൃത്വം നൽകി. ‘സഖറിയായെപ്പോലെ വിശ്വാസത്തിൽ മറവി ബാധിക്കുമ്പോൾ പ്രാർത്ഥനയിൽ ദൈവീക ശക്തി പ്രകടമാകാൻ വേണ്ടി ആഗ്രഹിച്ചു വേണം പ്രാർത്ഥിക്കുവാൻ’ എന്ന് വചനം പങ്കുവെച്ച് മാർ സ്രാമ്പിക്കൽ ഉദ്ബോധിപ്പിച്ചു.

സ്പിരിച്ച്വല്‍ ഡെസ്‌ക്. മലയാളം യുകെ
ആരാധനക്രമ വത്സരത്തിലെ മംഗള വാര്‍ത്തക്കാലം. നൂറ്റാണ്ടുകളുടെ പ്രതീക്ഷയും പ്രവചനങ്ങളുടെ പൂര്‍ത്തീകരണവും തലമുറകളുടെ പ്രത്യാശ്യയുമായ രക്ഷകന്റെ ജനനത്തെക്കുറിച്ചുള്ള അറിയ്പ്പും അതിനുള്ള ഒരുക്കവുമാണ് ഈ കാലഘട്ടത്തിന്റെ സവിശേഷത. രക്ഷപെടണം എന്ന ആഗ്രഹം മനുഷ്യരില്‍ സ്വാഭാവീകമാണ്. മനുഷ്യന്റെ ഭൗതീകമായ ചിന്തകളുടെ ആകെ തുകയും കായീകമായ അധ്വാനത്തിന്റെ ക്രോഡീകരണവും യഥാര്‍ത്ഥത്തില്‍ രക്ഷപെടണം എന്ന ചിന്തയില്‍ മുഖരിതമാണ്.
സാധ്യതകളെ അസാധ്യതകളാക്കി മാറ്റുന്നവരാണ് മനുഷ്യര്‍. ദൈവം നേരെ തിരിച്ചും! നിന്റെ ജീവിതത്തില്‍ ഇടപെടാനുള്ള ഒരു ദൈവം നിനക്കുണ്ട്. ഈ ദൈവത്തെ ഉള്‍ക്കൊള്ളാന്‍ നമ്മെ ആഹ്വാനം ചെയ്യുന്ന കാലഘട്ടമാണ് മംഗളവാര്‍ത്തക്കാലം. രക്ഷകന്‍ വരുന്നു എന്നതിന്റെ മണിമുഴക്കം കേള്‍ക്കാം…

ആര്‍ച്ച് പ്രീസ്റ്റ് റവ. ഡോ. അഗസ്റ്റ്യന്‍ കൂട്ടിയാനിയില്‍ കുറവിലങ്ങാട് മര്‍ത്തമറിയം ഫൊറോനാ പള്ളിയില്‍ ഇന്ന് നല്‍കിയ വചന സന്ദേശത്തിന്റെ പ്രസക്തഭാഗങ്ങളാണിത്. കുറവിലങ്ങാടിന്റെ സുവിശേഷത്തിന്റെ പൂര്‍ണ്ണരൂപം കേള്‍ക്കുവാന്‍ താഴെയുള്ള ലിങ്കില്‍ ക്ലിക് ചെയ്യുക.

ലണ്ടനിൽ ശ്രീ ഗുരുവായൂരപ്പ ക്ഷേത്രസാക്ഷാത്കാരത്തിനായി പ്രവർത്തിക്കുന്ന ലണ്ടൻ ഹിന്ദു ഐക്യവേദിയുടെ ആഭിമുഖ്യത്തിൽ ഏഴാമത് ലണ്ടൻ ചെമ്പൈ സംഗീതോത്സവം നവംബർ 28 ശനിയാഴ്ച്ച അരങ്ങേറും. കഴിഞ്ഞ വർഷം യുകെയിലെമ്പാടുമുള്ള ഇരുന്നൂറോളം സംഗീതോപാസകർ ലണ്ടൻ ചെമ്പൈ സംഗീതോത്സവത്തിൽ സംഗീതാർച്ചന നടത്തിയിരുന്നു. കോവിഡ് മാനദണ്ഡങ്ങൾ പാലിക്കേണ്ടതിനാൽ ഇത്തവണ ലണ്ടൻ ഹിന്ദു ഐക്യവേദിയുടെ ഫേസ്ബുക് പേജ് വഴിയാണ് സംഗീതോത്സവം നടത്തുവാൻ നിശ്‌ചയിച്ചിരിക്കുന്നത്. നവംബർ 28 ന് യുകെ സമയം ഉച്ചക്ക് 2 മണിക്ക് (ഇന്ത്യൻ സമയം വൈകിട്ട് 7:30) സംഗീതോത്സവം സംപ്രേക്ഷണം ആരംഭിക്കും.

ചെമ്പൈ സ്വാമികളുടെ പരമ്പരയിൽ പെട്ട ആദിത്യൻ ശിവകുമാറിന്റെ തത്സമയ അഷ്ടപദി സംഗീതാർച്ചനയോടെ സംഗീതോത്സവം ആരംഭിക്കും. പ്ലസ് വൺ വിദ്യാർഥിയായ ആദിത്യൻ ഗുരുവായൂർ ദേവസ്വത്തിലെ കൃഷ്ണനാട്ടം കലാകാരൻ ഡോ.പി ആർ ശിവകുമാറിന്റെ മകനാണ്. ക്‌ളാസിക്കൽ കർണാടക സംഗീതത്തിലും അഷ്ടപദിയിലും പ്രാവീണ്യം തെളിയിച്ച ആദിത്യൻ 2019 കേരള സംസ്ഥാന കലോത്സവത്തിൽ ഒന്നാം സ്ഥാനം കരസ്ഥമാക്കിയിട്ടുണ്ട്.

പിന്നണി ഗായകനും, കർണാടിക് സംഗീതജ്ഞനുമായ മുരളി രാമനാഥനും മകൾ ആദിത്യ മുരളിയും ചേർന്ന് അവതരിപ്പിക്കുന്ന സംഗീതാർച്ചന പിന്നീട് സംപ്രേക്ഷണം ചെയ്യും. ഏഴാം വയസ്സ് മുതൽ സംഗീതം അഭ്യസിക്കുന്ന മുരളി രാമനാഥൻ ഇപ്പോൾ പ്രശസ്ത സംഗീതജ്ഞൻ പെരുമ്പാവൂർ ജി രവീന്ദ്രനാഥിന്റെ ശിഷ്യനാണ്. വിവിധ തെന്നിന്ത്യൻ സിനിമകളിലും ആൽബങ്ങളിലും പാടിയിട്ടുള്ള മുരളി രാമനാഥൻ 2007 ലെ ഐഡിയ സ്റ്റാർ സിങ്ങർ മത്സരാർഥിയുമായിരുന്നു.

തന്റെ അഞ്ചാം വയസ്സിൽ അച്ഛൻ മുരളി രാമനാഥന്റെ ശിക്ഷണത്തിൽ സംഗീതാഭ്യാസം ആരംഭിച്ച ആദിത്യ മുരളി പിന്നീട് ശ്രീമതി ശ്രീകല രവീന്ദ്രൻ, വന്ദന കൃഷ്ണമൂർത്തി എന്നീവരുടെ ശിക്ഷണത്തിലും സുബ്രഹ്മണ്യം അക്കാദമി ഓഫ് പെർഫോമിംഗ് ആർട്ട്സിലും സംഗീതം അഭ്യസിച്ചു. എൻഐഇ ടൈംസ് ഗീത് സംഗീത് , ഗ്യാന സമാജ സഭ വാർഷിക മത്സരങ്ങൾ മുതലായ മത്സരങ്ങളിൽ വിജയിയായ ആദിത്യ എങ് ആർട്ടിസ്റ്റ് 2020 ഫോർ കർണാട്ടിക് മ്യൂസിക്കിൽ രാജ്യാന്തര തലത്തിൽ ആദ്യ 25 ഗായകരിൽ ഒരാളായി തിരഞ്ഞെടുക്കപ്പെട്ടിട്ടുണ്ട്.

ഈ വർഷം ഗുരുവായൂർ ഏകാദശിയോട് അനുബന്ധിച്ചു നടത്തിയ ഗുരുവായൂർ ചെമ്പൈ സംഗീതോത്സവം 2020 ലെ പഞ്ചരത്നകീർത്തനാലാപനം സംപ്രേക്ഷണം ചെയ്ത് ലണ്ടൻ ചെമ്പൈ സംഗീതോത്സവത്തിന് പരിസമാപ്തി കുറിക്കും. ഗുരുവായൂർ ഏകാദശി സംഗീതോത്സവത്തിനെ അനുസ്മരിച്ചു നടത്തുന്ന ലണ്ടൻ ചെമ്പൈ സംഗീതോത്സവത്തിൽ ഗുരുവായൂർ ചെമ്പൈ സംഗീതോത്സവത്തിലെ ത്യാഗരാജ സ്വാമി വിരചിതമായ പഞ്ചരത്ന കീർത്തനം സംപ്രേക്ഷണം ചെയ്യുവാൻ സാധിക്കുന്നതിൽ അതീവ സന്തോഷമുണ്ടെന്ന് സംഘാടകർ അറിയിച്ചു. സംപ്രേക്ഷണത്തിനു വേണ്ട സഹായങ്ങൾ നൽകിയ രഞ്ജിത്ത് ഗുരുവായൂരിനും ബാല ഗുരുവായൂരിനും ഭാരവാഹികൾ പ്രത്യേക നന്ദി അറിയിച്ചു. എല്ലാവര്ഷത്തെയും പോലെ രാജേഷ് രാമന്റെ നേതൃത്വത്തിലാണ് ലണ്ടൻ ചെമ്പൈ സംഗീതോത്സവം അരങ്ങേറുന്നത്.

ലോകൈശ്വര്യത്തിനും രോഗമുക്തിക്കും ജഗദീശ്വരനോട് പ്രാർത്ഥിക്കുന്നതിനോടൊപ്പം എല്ലാ സഹൃദയരെയും ഏഴാമത് ലണ്ടൻ ചെമ്പൈ സംഗീതോത്സവത്തിലേക്ക് ഭഗവത് നാമത്തിൽ സ്വാഗതം ചെയ്യുന്നതായി ലണ്ടൻ ഹിന്ദു ഐക്യവേദിയെ പ്രതിനിധീകരിച്ച് ശ്രീ തെക്കുമുറി ഹരിദാസും, ശ്രീ തേമ്പലത്ത് രാമചന്ദ്രനും അറിയിച്ചു.

കൂടുതൽ വിവരങ്ങൾക്ക് ദയവായി ബന്ധപ്പെടുക -: സുരേഷ് ബാബു: 07828137478, സുഭാഷ് സർക്കാര: 07519135993, ജയകുമാർ: 07515918523, ഗീത ഹരി: 07789776536, ഡയാന അനിൽകുമാർ : 07414553601.

പങ്കെടുക്കാൻ: ദയവായി LHA യുടെ ഫേസ്ബുക്ക് പേജ് സന്ദർശിക്കുക- https://www.facebook.com/londonhinduaikyavedi.org/

ഷൈമോൻ തോട്ടുങ്കൽ

പ്രെസ്റ്റൻ . ഗ്രേറ്റ് ബ്രിട്ടൻ സീറോ മലബാർ രൂപതയുടെ പഞ്ചവത്സര അജപാലന പദ്ധതിയുടെ ഭാഗമായി കഴിഞ്ഞ ഒരു വർഷമായി ( 2019 -2020 )ആചരിച്ചു പോരുന്ന ദമ്പതീ വർഷത്തിന്റെ സമാപനത്തോടനുബന്ധിച്ച് രൂപതാ ഫാമിലി അപ്പൊസ്‌തലേറ്റിന്റെ നേതൃത്വത്തിൽ നവംബർ 26 , 27 , 28 ( വ്യാഴം , വെള്ളി , ശനി ) ദിവസങ്ങളിൽ വൈകുന്നേരം 5.40 മുതൽ ഒൻപതു മണി വരെ സുപ്രസിദ്ധ വചന പ്രഘോഷകൻ റെവ . ഡോ . ഡാനിയേൽ പൂവണ്ണത്തിൽ അച്ചൻ” ദാമ്പത്യ ജീവിത വിശുദ്ധീകരണം വിശുദ്ധ കുർബാനയിലൂടെ ” എന്ന വിഷയത്തെ ആസ്പദമാക്കി ധ്യാനം നയിക്കുന്നു. ശനിയാഴ്ച രൂപതാധ്യക്ഷൻ മാർ ജോസഫ് സ്രാമ്പിക്കൽ വിശുദ്ധ കുർബാന അർപ്പിച്ചു സന്ദേശം നൽകും.

ജപമാലയോടും, വിശുദ്ധ കുർബാനയോടും, ദിവ്യകാരുണ്യ ആരാധനയോടുമൊപ്പം ആരംഭിക്കുന്ന ഈ വിശുദ്ധ നിമിഷങ്ങളിൽ പങ്കു ചേരുന്നതിനും , ദൈവവചനം ശ്രവിച്ചു നമ്മുടെ ഓരോരുത്തരുടെയും ജീവിതങ്ങളെ വിശുദ്ധീകരിക്കുവാൻ ലഭിക്കുന്ന ഈ അവസരത്തിൽ ഭഗവാക്കാകുവാൻ എല്ലാ ദമ്പതികളെയും ക്ഷണിക്കുന്നതായി ദമ്പതീ വർഷ കോഡിനേറ്റർ വികാരി ജനറാൾ മോൺ . ജിനോ അരിക്കാട്ട് എം .സി . ബി എസ് ., ഫാമിലി അപ്പോസ്റ്റലേറ്റ് ഡയറക്ടർ റെവ. ഫാ. ജോസ് അഞ്ചാനിക്കൽ എന്നിവർ അറിയിച്ചു. രൂപതയുടെ യു ട്യൂബ് ചാനൽ വഴിയും , ഫേസ് ബുക്ക് വഴിയും എല്ലാവർക്കും പങ്കെടുക്കാവുന്ന രീതിയിൽ ആണ് ധ്യാനം ക്രമീകരിച്ചിരിക്കുന്നത് .