ലോകകപ്പ് സെമിഫൈനലില് ഇന്ത്യ ഇന്ന് ന്യൂസീലന്ഡിനെ നേരിടും. മാഞ്ചസ്റ്ററിലെ ഓള് ട്രാഫോര്ഡില് ഇന്ത്യന് ബാറ്റ്സമാന്മാരും കീവീസ് ബോളര്മാരും തമ്മിലുള്ള ഏറ്റുമുട്ടലായിരിക്കും ശ്രദ്ധേയമാകുക. എട്ടുതവണ ഇരുടീമുകളും ലോകകപ്പില് ഏറ്റുമുട്ടിയപ്പോള് മൂന്നു തവണ മാത്രമാണ് ഇന്ത്യ ജയിച്ചിട്ടുള്ളത്.
ലീഗ് മല്സരങ്ങളിലെ ആധികാരികജയങ്ങളുടെ ആത്മവിശ്വാസത്തിലാണ് ഇന്ത്യ നാളെ ഓള്ഡ് ട്രാഫോര്ഡില് ഇറങ്ങുക. മധ്യനിരയിലെ അസ്ഥിരത ഒഴിച്ച് നിര്ത്തിയാല് ഇന്ത്യന്ടീം ഫോമിലാണ്. ഈ ടൂര്ണമെന്റില് മികച്ച ഓപ്പണിങ് കൂട്ടുകെട്ടാണ് രോഹിത്തും രാഹുലും ചേര്ന്ന് ശ്രീലങ്കയക്കതിരെ അടിച്ചെടുത്തത്. ഇരുവം സെഞ്ചുറികള് നേടി ഫോമിലാണ്. മൂന്നാമനായി കോലിയെത്തും. നാലാമനായി ഋഷഭ് പന്തും പിന്നാലെ ധോണിയും പാണ്ഡ്യയും എത്തുന്നതോടെ ബാറ്റിങ് കടലാസില് ശക്തമാണ്. ഷമി, ഭൂവനേശ്വര് കുമാര്, ബുംറ എന്നിവര്ടീമില് ഉണ്ടാകുമെന്ന് ഉറപ്പാണ്. എന്നാല് സ്പിന്നര്മാരുടെ കാര്യത്തില് ആരെ കളിപ്പിക്കണമെന്ന് അന്തിമതീരുമനം ടോസിനെ ഉണ്ടാകൂ. രവീന്ദ്രജഡേജയെ കുല്ദീപിനൊപ്പം ഇലവനില് നിലനിര്ത്താനുള്ള സാധ്യതകളേറെയാണ്.
മറുവശത്ത് ബോളിങാണ് ന്യൂസീലന്ഡിന്റെ കരുത്ത്. ബോള്ട്ട്, ഫെര്ഗൂസന്, മാറ്റ് ഹെന്റി, നീഷം അടങ്ങുന്ന നിര അതിശക്തമായ ലൈനപ്പാണ്. കരുത്തുറ്റ ഇന്ത്യന് ടോപ്പ് ഓര്ഡര് ബാറ്റിങിനെ ഇവര് വെള്ളം കുടിപ്പിക്കാന് സാധ്യതകളേറെയാണ്. ബാറ്റിങാണ് വില്യംസണ് തലവേദനയാകുക. ഓപ്പണിങ് സഖ്യം ഇതുവരെ ഫോമിലാകാത്തതും മറ്റുബാറ്റ്സ്മാന്മാര് റണ്സ് കണ്ടെത്താതതും ടീമിന് തിരിച്ചടിയാണ്. ക്യാപ്്റ്റന് കെയിന് വില്യംസണ് മാത്രമാണ് ഈ ടൂര്ണമെന്റില് മികച്ച ഫോം കണ്ടെത്തിയിട്ടുള്ളത്. ലോകകപ്പില് ഇരുടീമുകളും എട്ട് തവണ ഏറ്റുമുട്ടിയിട്ടുള്ളപ്പോള് നാല് തവണ കീവിസ് ജയിക്കുകയും മൂന്ന് തവണ ജയം ഇന്ത്യക്കൊപ്പവുമായിരുന്നു. ഒരു മല്സരം ഫലം കണ്ടില്ല.
ഇന്ത്യയ്ക്കിത് ലോകകപ്പിലെ ഏഴാം സെമിഫൈനല് . ഇതിനു മുമ്പ് ആറുതവണ സെമിയുടെ കളിക്കളത്തിലിറങ്ങിയ ഇന്ത്യ രണ്ടുതവണ കിരീടവുമായാണ് മടങ്ങിയത്.
1983 ലെ അവിസ്മരണീയ വിജയത്തിന്റെ പിന്ബലത്തിലാണ് 1987 ല് ഇന്ത്യ ലോകപോരാട്ടത്തിനിറങ്ങിയത്. സ്വന്തം നാട്ടില് നടക്കുന്ന ലോകകപ്പ് എന്ന മുന്തൂക്കവുമുണ്ടായിരുന്നു. ഗ്രൂപ്പ് പോരാട്ടത്തില് ഒന്നാമനായി െസമി കളിക്കാനിറങ്ങിയ ഇന്ത്യന് ടീം പക്ഷേ പരാജയമറിഞ്ഞു. ഇംഗ്ലണ്ട് ഇന്ത്യയെ തകര്ത്ത് ൈഫനലിലെത്തി.
1996 ല് ശ്രീലങ്ക കപ്പെടുത്ത ലോകകപ്പ് പോരാട്ടത്തില് കണ്ണീരു വീണ സെമി ഇന്ത്യയുടെ ക്രിക്കറ്റ് ചരിത്രം മറക്കാനാഗ്രഹിക്കുന്നതാണ്. 251 റണ്സെടുത്ത ശ്രീലങ്കയ്ക്കെതിരെ മറുപടി ബാറ്റിങിനിറങ്ങിയ ഇന്ത്യ 120 ന് 8 എന്ന ദയനീയമായ നിലയില് നില്ക്കെ ഈഡന് ഗാര്ഡന്സിലെ കാണികള് അക്രമാസക്തരായി. ഗ്രൗണ്ടിലേക്ക് കുപ്പികള് വന്നു വീണുകൊണ്ടേയിരുന്നു. മത്സരം തുടരാനാവില്ലെന്ന് വിധിച്ച മാച്ച് റഫറി ക്ലൈവ് ലോയ്ഡ് ശ്രീലങ്കയെ വിജയികളായി പ്രഖ്യാപിച്ചു.
2003 ലായിരുന്നു അടുത്ത സെമിഫൈനല് പ്രവേശം. സെമിയില് കെനിയയായിരുന്നു എതിരാളികള് . കെനിയയെ തകര്ത്ത് ഫൈനലിലെത്തിയ ഇന്ത്യ അന്തിമ പോരാട്ടത്തില് ഓസ്ട്രേലിയയ്ക്ക് മുന്നില് വീണു.
ഇന്ത്യ വീണ്ടും ജേതാക്കളായ 2011ല് യഥാര്ഥ ഫൈനല് സെമിഫൈനലായിരുന്നു. ഇന്ത്യ പാക്കിസ്ഥാനെ നേരിട്ട ആവേശകരമായ മത്സരത്തില് സെമി കടന്ന് ഫൈനലില് ശ്രീലങ്കെയയെും തകര്ത്ത് ധോണിയും കൂട്ടരും കപ്പെടുത്തു.
2015 ല് ഒരിക്കല് കൂടി സെമിഫൈനല് കണ്ടു ടീം ഇന്ത്യ. പക്ഷേ ഓസ്ട്രേലിയയുടെ വന് സ്കോറിനു മുന്നില് വീണു. ഒരിക്കല് കൂടി സെമിഫൈനലിന്റെ ക്രീസിലേക്ക് ഇറങ്ങുകയാണ്. തുടര്ച്ചയായി മൂന്നുവട്ടം സെമിഫൈനലില് എത്തുന്നത് ഇതാദ്യം.
ഇംഗ്ലണ്ടിലെ ഏറ്റവും പഴക്കമുള്ള സ്റ്റേഡിയങ്ങളിലൊന്നായ ഓള്ഡ് ട്രാഫോഡിലാണ് ഇന്ത്യ ന്യൂസീലന്ഡിനെ നേരിടുക. ഈ ലോകകപ്പില് ഇന്ത്യ പാക്കിസ്ഥാന് പോരാട്ടമടക്കം 5 മത്സരങ്ങള് നടന്ന മൈതാനത്ത് ആദ്യം ബാറ്റ് ചെയ്ത ടീംമാത്രമെ ജയിച്ചിട്ടുള്ളൂ. ഈ ലോകകപ്പിലെ ഏറ്റവും ഉയര്ന്ന സ്കോറായ 397 റണ്സ് ഇംഗ്ലണ്ട് അഫ്ഗാനെതിരെ അടിച്ചെടുത്തതും ഇവിെടയാണ്. എന്നാല് സെമി ഫൈനലിനായി പുതിയ പിച്ചാണ് തയാറാക്കിയിട്ടുളളത്.
ആദ്യം ബാറ്റ് ചെയ്യുന്ന ടീം മികച്ച സ്കോര് പടുത്തുയര്ത്തുന്നതാണ് ഈ ലോകകപ്പില് ഓള്ഡ് ട്രാഫോഡില് കണ്ടത്. ആദ്യ മത്സരം ഇന്ത്യയും പാക്കിസ്ഥാനും തമ്മില്. ആദ്യം ബാറ്റ് ചെയ്ത ഇന്ത്യ 336 റണ്സ് അടിച്ചുകൂട്ടിയപ്പോള് ലോകകപ്പില് ഇന്ത്യയോട് തോല്ക്കുക എന്ന ചരിത്രം പാക്കിസ്ഥാന് ആവര്ത്തിച്ചു. മഴ നിയമപ്രകാരമാണെങ്കിലും 89 റണ്സിന്റെ ആധികാരിക ജയം.
ഇന്ത്യയും ന്യൂസീലന്ഡും വെസ്റ്റ് ഇന്ഡീസിനെ നേരിട്ടതും ഇതേ മൈതാനത്താണ്. ഇന്ത്യ 125 റണ്സിന് വിന്ഡീസിനെ മലര്ത്തിയടിച്ചപ്പോള് ന്യൂസിലന്ഡ് കഷ്ടിച്ച് ജയിച്ചത് 5 റണ്സിന്. ഇംഗ്ലണ്ട് അഫ്ഗാനിസ്ഥാനെ തോല്പിച്ച മത്സരത്തിലാണ് ഇതേ മൈതാനത്ത് ഈ ലോകകപ്പിലെ ഉയര്ന്ന സ്കോര് പിറന്നത്. 397 റണ്സ്.
ഇവിടെ നടന്ന റൗണ്ട് റോബിനിലെ അവസാന മത്സരത്തില് ഇരുടീമുകളും 300 കടന്നു. ആദ്യം ബാറ്റ് ചെയ്ത ദക്ഷിണാഫ്രിക്കയുടെ 325 റണ്സ് പിന്തുടര്ന്ന ഓസ്ട്രേലിയ 315 ന് വീണു. ഓള്ഡ്ട്രാഫോഡില് ഈ ലോകകപ്പില് ആദ്യം ബാറ്റ് ടീമുകളാണ് ജയിച്ചത്. പേസര്മാര് വിക്കറ്റുകള് എറിഞ്ഞിട്ട ഈ ലോകകപ്പില് മാഞ്ചസ്റ്ററിലെ ഈ സ്റ്റേഡിയത്തിലും സ്ഥിതി മറിച്ചല്ല.
ചാംപ്യന്സ് ട്രോഫിക്ക് ശേഷം ഇവിടെ നടന്ന ഏഴ് ഏകദിനങ്ങളില് പേസര്മാര് 82 വിക്കറ്റുകള് എടുത്തപ്പോള് സ്പിന് ബോളര്മാര് 21 വിക്കറ്റുകള് മാത്രം വീഴ്ത്തി. നാല്് വിക്കറ്റ് നേട്ടം 3 തവണ പേസ്ബോളര്മാര്ക്കൊപ്പം നിന്നു. സ്പിന്നിന് നാല് വിക്കറ്റ് ലഭിച്ചത് ഒരേയൊരു തവണ മാത്രം. ഈ മൈതാനത്തെ ഏറ്റവും ഉയര്ന്ന വ്യക്തികഗത സ്കോര് വിവിയന് റിച്ചാര്ഡ്സ് ഇംഗ്ലണ്ടിനെതിരെ അടിച്ചുകൂട്ടിയ 189 റണ്സാണ്. മികച്ച വിക്കറ്റ് പ്രകടനം ഓസ്ട്രേലിയയുടെ ഗ്ലെന് മക്ഗ്രാത്ത് വിന്ഡീസിനെതിരെ 14 റണ്സ് മാത്രം വിട്ടുകൊടുത്ത് 5 വിക്കറ്റ് നേടിയതും. പുതിയ പിച്ചിലാണ് സെമി പോരാട്ടമെങ്കിലും ഇതും ബാറ്റിങിന് അനുകൂലമെന്നാണ് ക്യുറേറ്റര്മാരുടെ വിലയിരുത്തല്.
ഒരു ഗോളും ഒരു അസിസ്റ്റുമായി മിന്നിനിന്ന ഗബ്രിയേൽ ജെസ്യൂസ് ചുവപ്പുകാർഡ് കണ്ടു പുറത്തുപോയിട്ടും പതറാതെ കളിച്ച ബ്രസീൽ കോപ്പ അമേരിക്ക ചാംപ്യൻമാർ. വിഖ്യാതമായ മാറക്കാന സ്റ്റേഡിയത്തിൽ പൊരുതിനിന്ന പെറുവിനെ ഒന്നിനെതിരെ മൂന്നു ഗോളുകൾക്ക് തകർത്താണ് ആതിഥേയരായ ബ്രസീൽ കിരീടത്തിൽ മുത്തമിട്ടത്. ആദ്യപകുതിയിൽ ബ്രസീൽ 2–1ന് മുന്നിലായിരുന്നു. എവർട്ടൻ (15), ഗബ്രിയേൽ ജെസ്യൂസ് (45+3), റിച്ചാർലിസൻ (90, പെനൽറ്റി) എന്നിവരാണ് ബ്രസീലിന്റെ ഗോളുകൾ നേടിയത്. ക്യാപ്റ്റൻ പൗലോ ഗ്യുറെയ്റോയുടെ വകയായിരുന്നു പെറുവിന്റെ ആശ്വാസഗോൾ. 44–ാം മിനിറ്റിൽ ഗ്യുറെയ്റോ പെനൽറ്റിയിൽനിന്നു നേടിയ ഈ ഗോൾ, ഇക്കുറി കോപ്പയിൽ ബ്രസീൽ വഴങ്ങിയ ഏക ഗോളുമായി.
പരിശീലകൻ ടിറ്റെയ്ക്കു കീഴിൽ പുത്തൻ വിജയചരിതവുമായി മുന്നേറുന്ന ബ്രസീലിന്റെ ഒൻപതാം കോപ്പ അമേരിക്ക കിരീടമാണിത്. പന്ത്രണ്ടു വർഷത്തെ ഇടവേളയ്ക്കുശേഷമാണ് ബ്രസീൽ കോപ്പയിൽ കിരീടം സ്വന്തമാക്കുന്നത്. 2007ലായിരുന്നു അവസാനത്തെ കിരീടനേട്ടം. മാത്രമല്ല, ആതിഥേയത്വം വഹിച്ചപ്പോഴെല്ലാം കിരീടം ചൂടിയെന്ന റെക്കോർഡും ബ്രസീൽ കാത്തു. മൂന്നു ഗോളുമായി ബ്രസീൽ താരം എവർട്ടനാണ് ടൂർണമെന്റിലെ ടോപ് സ്കോറർ. മികച്ച ഗോൾകീപ്പറിനുള്ള ഗോൾഡൻ ഗ്ലൗ ബ്രസീലിന്റെ തന്നെ അലിസനും ഫെയർ പ്ലേ പുരസ്കാരം ബ്രസീൽ നായകൻ ഡാനി ആൽവ്സും നേടി.
നേരത്തെ, എവർട്ടൻ നേടിയ ബ്രസീലിന്റെ ആദ്യ ഗോളിനു വഴിയൊരുക്കിയ ജെസ്യൂസ് രണ്ടാം ഗോൾ നേടി മിന്നി നിൽക്കുമ്പോഴാണ് രണ്ടാം മഞ്ഞക്കാർഡുമായി പുറത്തു പോകേണ്ടി വന്നത്. മൽസരത്തിന്റെ 70–ാം മിനിറ്റിലായിരുന്നു ഇത്. ഇതോടെ 10 പേരുമായാണ് ബ്രസീൽ അവസാന 20 മിനിറ്റ് കളിച്ചത്. ആത്മവിശ്വാസം വിടാതെ പൊരുതിയ അവർ 10 പേരുമായി കളിച്ച് മൂന്നാം ഗോളും നേടി വിജയം ആധികാരികമാക്കുകയും ചെയ്തു. മൽസരത്തിന്റെ ആദ്യ പകുതിയിൽ മഞ്ഞക്കാർഡ് മേടിച്ച ജെസ്യൂസിന്, 70–ാം മിനിറ്റിൽ വീണ്ടും മഞ്ഞക്കാർഡ് ലഭിച്ചതോടെയാണ് മാർച്ചിങ് ഓർഡർ ലഭിച്ചത്. പെറു താരം സാംബ്രാനോയെ ഫൗൾ ചെയ്തതിനാണ് രണ്ടാം മഞ്ഞക്കാർഡും തുടർന്ന് ചുവപ്പുകാർഡും ലഭിച്ചത്. കണ്ണീരോടെയാണ് താരം കളം വിട്ടത്.
Brazil ‘s first goal in Peru👏#BRAxPER #CopaAmerica pic.twitter.com/Sq1IZblQtS
— Amir Madrid (@Amirmadrid70) July 7, 2019
GOOOOOOOOOOOAL, the equalizer 😍🔥🔥🔥#Brazil 1-1 #Peru🔥
Please retweet and follow our main account @goalstv3
Thank you. Thank you. Thank you. #BRAxPER #CopaAmerica
— OfficalGoals (@officalgoals) July 7, 2019
Arthur’s assist for Jesus’ goal! Brilliant goal, and what a run by Arthur, both have been good in the first half #CopaAmerica #BRAxPER pic.twitter.com/ijg0dvCcVT
— #VALVERDEOUT (@MathiasAw1) July 7, 2019
🇧🇷 Richarlison clinches the Copa America for Brazil! @richarlison97 💙 #CopaAmerica pic.twitter.com/CaVc0CynAm
— The Toffee Blues (@EvertonNewsFeed) July 7, 2019
ലണ്ടന്: ഇന്ത്യ-ശ്രീലങ്ക മത്സരം നടന്നുകൊണ്ടിരിക്കെ കാശ്മീരിന് നീതി വേണമെന്നാവശ്യപ്പെട്ടുള്ള ബാനറുമായി വിമാനം പറന്ന സംഭവത്തില് ബിസിസിഐയുടെ പരാതി. ഐസിസിക്കാണ് പരാതി നല്കിയിരിക്കുന്നത്. ഇന്ത്യന് താരങ്ങളുടെ സുരക്ഷയില് ആശങ്ക പ്രകടിപ്പിച്ചാണ് ബിസിസിഐ ഐസിസിക്ക് പരാതി നല്കിയത്.
ശനിയാഴ്ച നടന്ന ഇന്ത്യ-ശ്രീലങ്ക മത്സരത്തിനിടയിലാണ് സംഭവം നടക്കുന്നത്. ആകാശത്ത് ‘ജസ്റ്റിസ് ഫോര് കശ്മീര്’, ‘ഇന്ത്യ വംശഹത്യ അവസാനിപ്പിക്കുക, കശ്മീരിനെ സ്വതന്ത്രമാക്കുക’ എന്നെഴുതിയ ബാനറുകളുമായി വിമാനങ്ങള്. രണ്ട് വിമാനങ്ങളാണ് സന്ദേശങ്ങളുമായി മത്സരം നടക്കുന്ന ഗ്രൗണ്ടിന് മുകളിലൂടെ പറന്നത്.
ശ്രീലങ്കന് ഇന്നിങ്സ് മൂന്നാം ഓവറിലെത്തി നില്ക്കെയായിരുന്നു ആദ്യത്തെ വിമാനം ഹെഡിങ്ലി സ്റ്റേഡിയത്തിന് മുകളിലൂടെ പറന്നത്. ‘ജസ്റ്റിസ് ഫോര് കശ്മീര്’ എന്നായിരുന്നു മുദ്രാവാക്യം. രണ്ടാമത്തെ വിമാനം പ്രത്യക്ഷപ്പെട്ടത് 17-ാം ഓവറിലായിരുന്നു. ‘ഇന്ത്യ വംശഹത്യ അവസാനിപ്പിക്കുക, കശ്മീരിനെ സ്വതന്ത്രമാക്കുക’ എന്നതായിരുന്നു രണ്ടാമത്തെ സന്ദേശം.
ലോകകപ്പില് ഇത് രണ്ടാം തവണയാണ് മത്സരത്തിനിടെ വിമാനം സന്ദേശവുമായി ആകാശത്ത് പ്രത്യക്ഷപ്പെടുന്നത്. നേരത്തെ പാക്കിസ്ഥാനും അഫ്ഗാനിസ്ഥാനും തമ്മിലുള്ള മത്സരത്തിനിടെ ‘ജസ്റ്റിസ് ഫോര് ബലൂചിസ്ഥാന്’ സന്ദേശവുമായും വിമാനം പറന്നിരുന്നു. ഇതിന് പിന്നാലെ അഫ്ഗാന്റേയും പാക്കിസ്ഥാന്റേയും ആരാധകര് തമ്മില് സംഘര്ഷമുണ്ടാവുകയും ചെയ്തിരുന്നു.
Banners reading “Justice for Kashmir” and “India stop genocide & free Kashmir” were flown over Headingley during India’s World Cup clash with Srilanka – “We are incredibly disappointed this has happened again,” ICC said in a statement. “We do not condone any sort of political pic.twitter.com/FKK3Mcx7AV
— ihsan ali khokhar (@IhsanKhan92) July 6, 2019
കോപ്പ അമേരിക്കയില് അര്ജന്റീനയുടെ മടക്കം മൂന്നാം സ്ഥാനവുമായി. നിലവിലെ ചാംപ്യന്മാരായ ചിലെയെ ഒന്നിനെതിരെ രണ്ട് ഗോളുകള്ക്കാണ് അര്ജന്റീന തോല്പ്പിച്ചത്. പരുക്കന് മല്സരത്തില് ലയണല് മെസി ചുവപ്പുകാര്ഡ് കണ്ട് പുറത്തായി.
കോപ്പയില് കഴിഞ്ഞ രണ്ട് തവണയും ഫൈനലില് ഏറ്റുമുട്ടിയ ടീമുകള്.. അവര് നേര്ക്കുനേര് വീണ്ടും എത്തിയപ്പോള് മൈതാനത്ത് വീറും വാശിയും ഏറി. തുടക്കം മുതലേ ആക്രമിച്ചു കളിച്ചു അര്ജന്റീന. 12-ാം മിനിറ്റില് ഫലം കണ്ടു. മെസിയുടെ പാസ് അഗ്യൂറോ വലയിലെത്തിച്ചു.
10 മിനിറ്റുകള്ക്ക് ശേഷം പൗളോ ഡിബാല ലീഡ് ഉയര്ത്തി. 59-ാം മിനിറ്റില് അര്തുറോ വിദാലാണ് പെനല്റ്റിയിലൂടെ ചിലെയുടെ ഗോള് നേടിയത്. ആവേശം പലപ്പോഴും കയ്യാങ്കളിയിലും എത്തി. 37–ാം മിനിറ്റില് മെസിക്കും ചിലെ താരം ഗാരി മെദലിനും ചുവപ്പുകാര്ഡ്. മെസിയുടെ കരിയറിലെ രണ്ടാമത്തെ മാത്രം ചുവപ്പുകാര്ഡാണിത്. ആകെ 37 ഫൗളുകള് കണ്ട മല്സരത്തില് ഏഴ് മഞ്ഞക്കാര്ഡുകളും റഫറി പുറത്തെടുത്തു.
ലോകകപ്പ് ക്രിക്കറ്റിൽ ശ്രീലങ്കയ്ക്കെതിരെ ഇന്ത്യയ്ക്കു ഏഴു വിക്കറ്റിന്റെ തകർപ്പൻ ജയം. സെഞ്ചുറികൾ നേടിയ രോഹിത് ശർമയും (103) കെ.എൽ. രാഹുലുമാണ് (111) ഇന്ത്യയെ ജയത്തിലേക്കു നയിച്ചത്.
ടോസ് നേടി ബാറ്റിങ് തിരഞ്ഞെടുത്ത ശ്രീലങ്ക നിശ്ചിത 50 ഓവറിൽ ഏഴു വിക്കറ്റ് നഷ്ടത്തിൽ 264 റൺസാണ് നേടിയത്. ഓപ്പണിങ് വിക്കറ്റിൽ 189 റൺസ് കൂട്ടുകെട്ടുമായി രോഹിത് ശർമ – ലോകേഷ് രാഹുൽ രാഹുൽ സഖ്യം മുന്നിൽനിന്നു നയിച്ചതോടെ ഇന്ത്യ 39 പന്തും ഏഴു വിക്കറ്റും ബാക്കിനിൽക്കെ വിജയത്തിലെത്തി. ഏകദിനത്തിലെ 27–ാം സെഞ്ചുറി കുറിച്ച രോഹിത് ശർമ 94 പന്തിൽ 103 റൺസെടുത്തും ലോകേഷ് രാഹുൽ 118 പന്തിൽ 111 റൺസെടുത്തും പുറത്തായി.
ലോകകപ്പിൽ ഇന്ത്യയുടെ ഏറ്റവും മികച്ച ഓപ്പണിങ് വിക്കറ്റ് കൂട്ടുകെട്ടെന്ന സ്വന്തം റെക്കോർഡ് ‘പരിഷ്കരിച്ച’ രോഹിത് – രാഹുൽ സഖ്യം, 189 റൺസാണ് അടിച്ചെടുത്തത്. ഈ ലോകകപ്പിലെ ഉയർന്ന രണ്ടാമത്തെ കൂട്ടുകെട്ടാണിത്. കഴിഞ്ഞ മൽസരത്തിൽ ബംഗ്ലദേശിനെതിരെ ഇരുവരും ഓപ്പണിങ് വിക്കറ്റിൽ 180 റൺസ് കൂട്ടിച്ചേർത്തിരുന്നു. ആവേശത്തള്ളിച്ചയിൽ ഋഷഭ് പന്ത് (നാലു പന്തിൽ നാല്) വന്നപോലെ പോയെങ്കിലും ക്യാപ്റ്റൻ വിരാട് കോലിയും (41 പന്തിൽ 34), ഹാർദിക് പാണ്ഡ്യയും (നാലു പന്തിൽ ഏഴ്) ചേർന്ന് ഇന്ത്യയെ വിജയത്തിലെത്തിച്ചു.
2019 ലോകകപ്പില് രോഹിത് ശര്മയ്ക്ക് അഞ്ചാം സെഞ്ചുറിയാണിത്(103). ഒരുലോകകപ്പില് ഏറ്റവുമധികം സെഞ്ചുറിയെന്ന റെക്കോർഡ് രോഹിത് ശര്മ സ്വന്തമാക്കി. നാലുസെഞ്ചുറി നേടിയ കുമാര് സംഗക്കാരയുടെ റെക്കോഡാണ് രോഹിത് മറികടന്നത് . 2015 ലോകകപ്പിലായിരുന്നു സംഗക്കാരുയുടെ നേട്ടം. ലോകകപ്പിലെ സെഞ്ചുറിനേട്ടത്തില് രോഹിത് സച്ചിനൊപ്പമെത്തി. സച്ചിന് ആറുസെഞ്ചുറികള് നേടിയത് ആറുലോകകപ്പില് നിന്നാണ്. രോഹിത് ശര്മയുടെ നേട്ടം രണ്ടാം ലോകകപ്പിലാണ്.
ജയത്തോടെ പോയന്റ് പട്ടികയില് ഒന്നാമതെത്തിയ ഇന്ത്യ, ആദ്യസെമിയില് ന്യൂസീലന്ഡിനെ നേരിടും. രണ്ടാം സെമിയില് ആതിഥേയരായ ഇംഗ്ലണ്ടിന് നിലവിലെ ചാംപ്യന്മാരായ ഓസ്ട്രേലിയയാണ് എതിരാളികള്. വിജയത്തോടെ ഒൻപതു മൽസരങ്ങളിൽനിന്ന് 15 പോയിന്റുമായി ഇന്ത്യ പട്ടികയിൽ ഒന്നാമതെത്തി. 14 പോയിന്റുള്ള ഓസ്ട്രേലിയ രണ്ടാമതായി.
ഓസീസിന് തോൽവി
ലോകകപ്പില് ഗ്രൂപ്പ് ഘട്ടത്തിലെ അവസാനമല്സരത്തില് ഓസ്ട്രേലിയയെ 10 റണ്സിന് തോല്പ്പിച്ച് ദക്ഷിണാഫ്രിക്ക. ദക്ഷിണാഫ്രിക്കയുടെ 326 റൺസ് വിജയലക്ഷ്യം തേടിയിറങ്ങിയ ഓസ്ട്രേലിയ 315ന് പുറത്തായി. ഡേവിഡ് വാര്ണര് ലോകകപ്പിലെ തന്റെ മൂന്നാം സെഞ്ചുറി പൂര്ത്തിയാക്കി.
ദക്ഷിണാഫ്രിക്കയുടെ 326 റണ്സ് വിജയലക്ഷ്യം തേടിയിറങ്ങുമ്പോള് രണ്ട് പോയിന്റ് നേടി പോയിന്റ് പട്ടികയില് ഒന്നാമതെത്തുകയെന്നത് മാത്രമായിരുന്നു ഓസ്ട്രേലിയയുടെ ലക്ഷ്യം. എന്നാല് കാര്യങ്ങള് അത്ര എളുപ്പമായിരുന്നില്ല. ഇമ്രാന് താഹിറിന്റെ പന്തില് ക്യാപ്റ്റന് ആരോണ് ഫിഞ്ച് പുറത്ത്.
തൊട്ടുപിറകെ തന്നെ ഏഴുറണ്സെടുത്ത സ്റ്റീവ് സ്മിത്തിനെ കഗീസോ റബാഡ പവലിയനിലേക്ക് മടക്കി.
ഇതിനിടെ പേശിവലിവ് കാരണം ഉസ്മാന് ഖവാജയ്ക്ക് ക്രീസ് വിടേണ്ടി വന്നു. ഗ്ലെന് മാക്സവല്ലിനെ ഉജ്വലമായ ക്യാച്ചിലൂടെ ഡിക്കോക്ക് പുറത്തായിയതോടെ ഓസ്ട്രേലിയയുടെ നിലപരുങ്ങലിലായി.
തോല്വിയിലേക്ക് എന്ന് തോന്നിച്ച സന്ദര്ഭത്തില് അഞ്ചാം വിക്കറ്റില് ചേര്ന്ന ഡേവിഡ് വാര്ണറും വിക്കറ്റ് കീപ്പര് അലക്സ് കാരിയും ചേര്ന്ന് രക്ഷാപ്രവര്ത്തനം ആരംഭിച്ചു. ഇതിനിടയില് 100 പന്തില് നിന്ന് 101 റണ്സ് എടുത്ത് ഡേവിഡ് വാര്ണര് തന്റെ ലോകകപ്പിലെ മൂന്നാം സെഞ്ചുറി പൂര്ത്തിയാക്കി. സെഞ്ചുറി കഴിഞ്ഞതോടെ വാര്ണറും കാരിയും ഗിയര്മാറ്റി. ഇരുവരും ടീമിനെ വിജയത്തിലേക്ക് എത്തിക്കാനുള്ള ശ്രമത്തിനിടെ വാര്ണറെ പുറത്താക്കി പ്രിട്രോറിയസ് തിരിച്ചടിച്ചു. ക്രിസ് മോറിസിന്റെ ഉജ്ജ്വല ക്യാച്ച്.
മിച്ചല് സ്റ്റാര്ക്കിനൊപ്പം അലക്സ് കാരി സ്കോര് മുന്നോട്ട് കൊണ്ടുപോയെങ്കിലും 46-ാം ഓവറില് കാരിയെ ക്രിസ് മോറിസ് പുറത്താക്കിയത് മത്സരത്തില് വഴിത്തിരിവായി. 69 പന്തില് 85 റണ്സെടുത്താണ് കാരി മടങ്ങിയത്. തിരിച്ച് ക്രീസിലെത്തിയ ഖവാജയും സ്റ്റാര്ക്കും ടീമിനെ വിജയത്തിലെത്തിക്കുമെന്ന് തോന്നിപ്പിച്ചെങ്കിലും റബാഡ വില്ലനായി. ആദ്യം ഖവാജയുടെ വിക്കറ്റ്, പിന്നാലെ സ്റ്റാര്ക്കിനെയും ക്ളീന് ബൗള്ഡാക്കി.
അവസാന ഓവറില് ഓസ്ട്രേലിയ 315 റണ്സിന് ഓള്ഔട്ടായി. റബാഡ മൂന്ന് വിക്കറ്റ് വീഴ്ത്തി.
നേരത്തെ ടോസ് നേടി ബാറ്റിങ് തിരഞ്ഞെടുത്ത ദക്ഷിണാഫ്രിക്കയ്ക്ക് മികച്ച തുടക്കമാണ് ഓപണര്മാർ നൽകിയത്. ഓപണിങ് കൂട്ടുകെട്ടിൽ ഏയ്ഡൻ മാക്രമും ക്വിന്റൻ ഡി കോക്കും ചേർന്നു നേടിയത് 79 റൺസ്.
ലണ്ടൻ: വിംബിൾഡണ് ഓപ്പണിൽ പതിനഞ്ചുകാരിയായ കോറി ഗഫ് കുതിപ്പ് തുടരുന്നു. മൂന്നാം റൗണ്ടിൽ സ്ലോവേനിയയുടെ പൊലോനോ ഹെർകോഗിനെ തോൽപ്പിച്ചു. 3-6 7-6 (9-7) 7-5 എന്ന സ്കോറിലാണ് കോറിയുടെ വിജയം. ആദ്യ സെറ്റ് നഷ്ടമായ ശേഷമാണ് അമേരിക്കൻ കൗമാരതാരം ജയം സ്വന്തമാക്കിയത്. കടുത്ത പോരാട്ടത്തിനൊടുവിൽ അടുത്ത രണ്ടു സെറ്റും ടൈബ്രേക്കറിൽ നേടിയെടുത്തു. രണ്ടു മണിക്കൂർ 47 മിനിറ്റ് നീണ്ടുനിന്നു പോരാട്ടം.
ലോകകപ്പില് ഇന്ത്യ ഇന്ന് ശ്രീലങ്കയെ നേരിടും. സെമി സാധ്യത ഉറപ്പിച്ച ഇന്ത്യ ശ്രീലങ്കയെ തോല്പ്പിച്ച് പരമാവധി പോയിന്റ് നേടാനാകും ശ്രമിക്കുക. സെമിക്ക് മുന്നോടിയായി റിസര്വ് ബെഞ്ചിനെ മല്സരിപ്പിക്കാനും ടീം മാനേജ്മെന്റ് ആലോചനയിലുണ്ട്. ലങ്കന് പേസ് ബോളര് ലസിത് മലിംഗയുടെ അവസാനമല്സരമാകും ഇത്. അവസാന ലീഗ് മല്സരത്തില് ഓസ്ട്രേലിയ ദക്ഷിണാഫ്രിക്കയെ നേരിടും.
സെമിയില് ഏത് ടീം ആരെ നേരിടുമെന്നതിന്റെ ഉത്തരം ഇനിയുള്ള രണ്ട് ലീഗ് മല്സരങ്ങളിലാണ്. നിലവില് പതിമൂന്ന് പോയിന്റുമായി ഓസ്ട്രേലിയക്ക് പിന്നിലാണ് ഇന്ത്യ. ലങ്കയ്ക്കെതിരെ ജയിച്ച് 15 പോയിന്റ് നേടുകയും ദക്ഷിണാഫ്രിക്കയ്ക്കെതിരെ ഓസ്ട്രേലിയ തോല്ക്കുകയും ചെയ്താല് പോയിന്റ് പട്ടികയില് ഇന്ത്യ ഒന്നാമതെത്തും. അങ്ങനെയെങ്കില് ന്യൂസീലന്റാകും ഇന്ത്യയുടെ എതിരാളികള്. ദക്ഷിണാഫ്രിക്കയ്ക്കെതിരെ ഓസീസ് ജയിക്കുകയാണെങ്കില് പട്ടികയില് രണ്ടാം സ്ഥാനത്തുള്ള ഇന്ത്യ ആതിഥേയരായ ഇംഗ്ലണ്ടിനേയാകും സെമില് നേരിടേണ്ടി വരിക.
ബാറ്റിങിലെ മധ്യനിരയാണ് ഇന്ത്യന്ടീമിന് തലവേദനയാകുന്നത്. മികച്ച തുടക്കങ്ങള് ലഭിച്ചിട്ടും 350 എന്ന സ്കോറിലേക്ക് എത്താന് ഇന്ത്യന് ടീമിനാകുന്നില്ല. ധോണി, കാര്ത്തിക്, ജാദവ് എന്നിവര്ക്ക് സ്ലോ പിച്ചുകളില് റണ്സ് കണ്ടെത്താനാകുന്നില്ലെന്നത് ടീമിന് നല്ല വാര്ത്തയല്ല. ഋഷഭ് പന്തും ഹാര്ദ്ദിക് പാണ്ഡ്യയയും മാത്രമാണ് മിഡില് ഓര്ഡറില് സ്ഥിരമായ പ്രകടനം കാഴ്ചവയ്ക്കുന്നത്.
ബോളിങിനെ സംബന്ധിച്ച് ഇന്ത്യന് ടീമിന് ആശങ്കകള് ഒന്നുമുണ്ടാകില്ല. ബാറ്റ്സ്മാന്മാര് തിളങ്ങാ്ത്ത മല്സരങ്ങളില് ഇന്ത്യയെ രക്ഷിച്ചത് ബോളര്മാരാണ്. മധ്യഓവറുകളില് സ്പിന്നര്മാര് റണ്സ് വിട്ടുനല്കുന്നതില് കുറച്ച് കൂടി പിശുക്ക് കാണിക്കണം. ശ്രീലങ്കയ്ക്കെതിരെ രവീന്ദ്ര ജഡേജയെ കളിപ്പിക്കുന്നകാര്യം മാനേജ്മെന്റ് ആലോചിക്കുന്നുണ്ട്.
മധ്യനിര ബാറ്റിങ് തന്നെയാണ് ശ്രീലങ്കയുടെയും പ്രശ്നം. ഓപ്പണര്മാരും മൂന്നാമനായി അവിഷ്ക ഫെര്ണാണ്ടോയും മികച്ച ഫോമിലാണ് എന്നാല് അതിന് ശേഷം മറ്റാരും ഇതുവരെ ഫോമിലേക്ക് എത്തിയിട്ടില്ല. ബോളര്മാരില് മലിംഗയെ ഒഴിച്ച് നിര്ത്തിയാല് മറ്റുള്ളവര് ശരാശരിയിലും താഴെയാണ്. 2017 ചാംപ്യന്സ് ട്രോഫി ആവര്ത്തിക്കാനാകും ശ്രീലങ്കയുെട ശ്രമം. അവസാന ലോകകപ്പ് മല്സരവും ഒരു പക്ഷെ അവസാന രാജ്യാന്തര മല്സരവും ആകാന് സാധ്യതയുള്ളതിനാല് ലസിത് മലിംഗയും മികച്ച പ്രകടനത്തോടെ കരിയര് അവസാനിപ്പിക്കാനുള്ള സാധ്യതയേറെയാണ്.
ലണ്ടൻ: സ്പാനിഷ് താരം റാഫേൽ നദാൽ വിംബിൾഡൺ മൂന്നാം റൗണ്ടിൽ കടന്നു. ഓസ്ട്രേലിയയുടെ നിക്ക് കിർഗിയോസിനെ പരാജയപ്പെടുത്തിയാണ് നദാൽ മൂന്നാം റൗണ്ടിൽ കടന്നത്. ഒന്നിനെതിരെ മൂന്നു സെറ്റുകൾക്കാണ് നദാലിന്റെ ജയം. ആദ്യ സെറ്റ് അനായാസം ജയിച്ച നദാലിനെ അമ്പരപ്പിക്കുന്ന പ്രകടനമാണ് പിന്നീടങ്ങോട്ട് ഓസ്ട്രേലിയൻ എതിരാളിപുറത്തെടുത്തത്. രണ്ടാം സെറ്റ് ആതേ സ്കോറിനു തിരിച്ചടിച്ച കിർഗിയോസ് മൂന്നും നാലും സെറ്റുകൾ ടൈബ്രേക്കറിലാണ് വിട്ടുകൊടുത്തത്. സ്കോർ: 6-3, 3-6, 7-6 (7-5)ഷ 7-6 (7-3).
ഓള്റൗണ്ട് പ്രകടനം കൊണ്ട് ഈ ലോക കപ്പിന്റെ താരമായി മാറിയ കളിക്കാരനാണ് ബംഗ്ലാദേശ് താരം ഷാക്കിബ് അല് ഹസന്. 542 റണ്സും 11 വിക്കറ്റും ഇതിനോടകം സ്വന്തമാക്കിയ ബംഗ്ലാതാരം അക്ഷരാര്ത്ഥത്തില് സ്വന്തം ടീമിനെ ഒറ്റയ്ക്ക് ചുമലിലേറ്റുകയായിരുന്നു.
എന്നാല് തകര്പ്പന് പ്രകടനം നടത്തി ലോകത്തിന്റെ നെറുകയില് നില്ക്കുമ്പോഴും ബംഗ്ലാദേശ് താരം സന്തുഷ്ടനല്ല. താന് മിന്നിത്തിളങ്ങിയപ്പോഴും ടീം സെമി കാണാതെ പുറത്തായതാണ് ഷാക്കിബിനെ നിരാശനാക്കുന്നത്.
‘ലോക കപ്പിന്റെ ആകെ ഫലം നിരാശ സമ്മാനിക്കുന്നു. ഒട്ടേറെ മാറ്റങ്ങള് വന്നിട്ടുണ്ടെങ്കിലും മത്സരഫലം മാത്രമാണ് ഒടുവില് വിലയിരുത്തുക. തോല്വിയില് മാറ്റം വരുത്തേണ്ടതുണ്ടെന്നും ഷാക്കിബ് അല് ഹസന് പറഞ്ഞു.
ഇന്ത്യയോട് 28 റണ്സിന് പരാജയപ്പെട്ടതോടെ ബംഗ്ലാദേശിന്റെ സെമി പ്രതീക്ഷകള് അസ്തമിച്ചിരുന്നു. പാകിസ്ഥാനെതിരെ ഒരു മത്സരം അവശേഷിക്കുന്നുണ്ടെങ്കിലും അത് ബംഗ്ലാദേശിന് നിര്ണായകമല്ല, ജയങ്ങളുടെ എണ്ണം വര്ദ്ധിപ്പിക്കാമെന്ന് മാത്രം.
ബംഗ്ലാദേശ് പുറത്തായെങ്കിലും ലോക കപ്പിലെ റണ്വേട്ടക്കാരുടെ പട്ടികയില് ഷാക്കിബ് രണ്ടാമതുണ്ട്. ഏഴ് ഇന്നിംഗ്സുകളില് 542 റണ്സും 11 വിക്കറ്റും ഈ ഓള്റൗണ്ടര്ക്കുണ്ട്. രോഹിത്ത് ശര്മ്മയാണ് റണ്വേട്ടയില് ഒന്നാമത്.