സ്വന്തം ലേഖകൻ

ഇംഗ്ലീഷ് പ്രീമിയർ ലീഗ് ഫുട്ബോൾ മത്സരങ്ങളുടെ ചാമ്പ്യൻമാരായി ലിവർപൂൾ. ചെൽസി മാഞ്ചസ്റ്റർ സിറ്റിയെ 2-1 നു തോൽപ്പിച്ചതോടെയാണ് ലിവർപൂൾ കിരീടധാരികളായത്. മുപ്പത് വർഷത്തിനു ശേഷം ആദ്യമായാണ് ലിവർപൂൾ ചാമ്പ്യന്മാർ ആകുന്നത്. ഈ സീസണിൽ നടന്ന 31 മത്സരങ്ങളിൽ, 28 എണ്ണത്തിലും ലിവർപൂൾ ജയിച്ചിരുന്നു. രണ്ടെണ്ണം സമനിലയിൽ അവസാനിക്കുകയും, ഒരെണ്ണത്തിൽ മാത്രം തോൽക്കുകയും ചെയ്തു. ഇതോടെയാണ് ലിവർപൂളിന് കിരീട സാധ്യത തെളിഞ്ഞത്. ബുധനാഴ്ച ക്രിസ്റ്റൽ പാലസിനെതിരെ നടന്ന മത്സരത്തിൽ 4-0 ത്തിനു ലിവർപൂൾ വിജയികളായതോടെയാണ് കിരീടത്തിലേക്കുള്ള തേരോട്ടം സുഗമമായത്.

ഇന്നലെ നടന്ന മത്സരത്തിൽ ക്രിസ്ത്യൻ പുലിസിക്കിന്റെ ഗോൾ ചെൽസിയെ ലീഡിലെത്തിച്ചു. എന്നാൽ മാഞ്ചസ്റ്റർ സിറ്റിയുടെ കെവിൻ ബ്രൂയ്നെയുടെ ഗോൾ സിറ്റിയുടെ തിരിച്ചുവരവിന് പ്രതീക്ഷ നൽകി. എന്നാൽ പിന്നീട് ലഭിച്ച പെനാൽറ്റിയിൽ, ചെൽസി 3 പോയിന്റ് നേടിയതോടെയാണ് വിജയം ഉറപ്പിച്ചത്.

മാഞ്ചസ്റ്റർ യുണൈറ്റഡിന് ഇനിയും മത്സരങ്ങൾ ബാക്കിയാണ്. ബുധനാഴ്ച നടന്ന മത്സരത്തോടെ തന്നെ ഇവർ ഇപ്പോൾ ഏകദേശം കിരീടം ഉറപ്പിച്ചിരുന്നു. ഇപ്പോൾ ചെൽസി മാഞ്ചസ്റ്റർ സിറ്റിയെ തോൽപ്പിച്ചതോടെ ലിവർപൂൾ കിരീടധാരികളായി മാറി.