ചാറ്റല്‍ മഴയില്‍ കുതിര്‍ന്ന് സന്ദര്‍ശകരുടെ പറുദീസയായി എലന്‍ താഴ്വര താഴ് വര

ചാറ്റല്‍ മഴയില്‍ കുതിര്‍ന്ന് സന്ദര്‍ശകരുടെ പറുദീസയായി എലന്‍ താഴ്വര

ദീപ പ്രവീണ്‍

വെയില്‍സ് താഴ്‌വരകള്‍ക്ക് മുഴുവനും ഒരു പ്രണയഭാവമുണ്ടെങ്കിലും അതില്‍ ഏറ്റവും രാഗാര്‍ദ്രമായത് ഇംഗ്ലീഷ് റൊമാന്റിസിസത്തിന്റെ പോലും ഹൃദയത്തുടിപ്പായി പലരും വാഴ്ത്തുന്ന എലന്‍ വാലി (Elan Valley) താഴ്‌വരകളാണ്.

വെയില്‍സ്…ഡയാനാ രാജകുമാരിയുടെ വെയില്‍സ്.
ഡയാനയെ പോലെ സൗന്ദര്യവും നിഗൂഢതയും ഉള്‍പ്പെടെ ഒരു പ്രണയിനിയുടേതായ എല്ലാ ഭാവങ്ങളും ഒളിപ്പിക്കുന്നവള്‍. 

ഒരു വശത്ത് ധ്യാനസ്ഥയായി, നിസ്സംഗയായി, സര്‍വസംഗപരിത്യാഗിയായി നിലകൊള്ളുന്ന സ്‌നോഡന്‍ (snowdon), ബ്ലാക്ക് മൗണ്ടന്‍ (black mountain) പോലെയുള്ള  മലനിരകള്‍. മറുവശത്ത് ഒരേദിവസം തന്നെ തന്നിലേക്ക് ഉള്‍വലിഞ്ഞ് നഗ്‌നമായ മണലുടല്‍ കാട്ടിയും, പിന്നെ വേലിയേറ്റ സമയത്ത് തന്റെ വീറും വാശിയുമെല്ലാം പുറത്തെടുത്ത് തീരത്തേയ്ക്ക് ആഞ്ഞടിക്കുന്ന ഭീമാകാരന്‍ തിരകളായും രൂപഭേദം സ്വീകരിക്കുന്ന ഐറിഷ് സീ (Irish Sea). ഇതിനിടയില്‍ എപ്പോഴും ചാറ്റല്‍മഴ പെയ്യുന്ന വെയില്‍സ് എന്ന കൊച്ചുരാജ്യം. (യു.കെയുടെ ഭാഗമാണെങ്കിലും ഇന്നാട്ടുകാര്‍ക്ക് ഇത് വേറെ ഒരു രാജ്യം തന്നെയാണ്).

കുന്നും മലയും പുഴയും കടലും കെട്ടിപ്പുണര്‍ന്നു കിടക്കുന്ന ഈ നാടിന് ആകെയൊരു പ്രണയഭാവമുണ്ട്. തണുത്ത മൂടല്‍മഞ്ഞും മയങ്ങിക്കിടക്കുന്ന മലകളും പേരറിയാപ്പക്ഷികളുടെ പാട്ടുമൊക്കെ പലപ്പോഴും എംടി യുടെ ‘മഞ്ഞി’ലെ വിമലയെ ഓര്‍മിപ്പിക്കും. കൈയില്‍ നീല ഞരമ്പുള്ള ആരോ ഒരാളെ കാത്തിരിക്കുന്ന അനുരാഗിണിയായ പെണ്‍കൊടി.

elen2

വെയില്‍സ് താഴ്‌വരകള്‍ക്ക് മുഴുവനും ഒരു പ്രണയഭാവമുണ്ടെങ്കിലും അതില്‍ ഏറ്റവും രാഗാര്‍ദ്രമായത് ഇംഗ്ലീഷ് റൊമാന്റിസിസത്തിന്റെ പോലും ഹൃദയത്തുടിപ്പായി പലരും വാഴ്ത്തുന്ന എലന്‍ വാലി (Elan Valley)  താഴ്‌വരകളാണ്.

elen3

എലന്‍ വാലിയും പ്രണയാര്‍ദ്രനായ ഷെല്ലിയും

വില്ല്യം ലൈല്‍ ബൗള്‍സിനെ (William Lisle Bowles ) പോലെ ഇംഗ്ലീഷ് റൊമാന്റിസിസത്തിന്റെ വക്താക്കളായ പല സാഹിത്യകാരന്മാരെയും ഈ വെസ്റ്റ് വെയില്‍സ് താഴ്‌വര സ്വാധീനിച്ചിരുന്നുവെങ്കിലും പി.ബി.ഷെല്ലിയെപ്പോലെ ഈ  താഴ്‌വര ആത്മാവിലേയ്ക്ക് ആവാഹിച്ച മറ്റൊരാള്‍ ഉണ്ടോ എന്ന് സംശയമാണ്. അദ്ദേഹത്തിന്റെ ആദ്യ പ്രമുഖ കവിതയായ ക്യൂന്‍ മാബ് (Queen Mab) അദ്ദേഹം എഴുതിയത് എലന്‍ വാലി താഴ്‌വരകളില്‍ ഇരുന്നാണെന്ന് പറയപ്പെടുന്നു. ആവാതെ തരമില്ല, കാരണം അത്രമേല്‍ സുന്ദരവും വാചാലവുമാണീ ഭൂമിക.

എന്നാല്‍ അതിനുമപ്പുറം ഷെല്ലിയുടെ പ്രണയത്തിന്റെ കാവലാള്‍ തന്നെ ഈ താഴ്‌വര ആയിരുന്നോ എന്ന് തോന്നിപ്പോകും. ഹാരിയറ്റ് ഗ്രോവുമായുള്ള അദ്ദേഹത്തിന്റെ ആദ്യ പ്രണയത്തിനും വിരഹത്തിനും സാക്ഷിയായ സ്ഥലം.

elen4

ഈ താഴ്‌വരയോടുള്ള പ്രണയം കൊണ്ടാകാം പിന്നീട് വിവാഹം കഴിച്ച ഹാരിയറ്റ് വെസ്റ്റ്ബ്രൂക്കിനെയും കൊണ്ട് ജീവിച്ചു തുടങ്ങാനായി അദ്ദേഹം  ഓടിയെത്തിയത് Cwm Elan എന്ന എലന്‍ താഴ്‌വരയിലേയ്ക്ക് തന്നെയാണ്.  ഇവിടെ അവര്‍ നാന്‍ത്‌ഗോല്‍ത്വ് (Nantgwyllt) എന്ന മലയടിവാരത്തില്‍ ഒരു വീടും കണ്ടുവെച്ചു. ആ സ്വപ്നഗൃഹത്തെക്കുറിച്ചും, അവിടെ ചിലവിട്ടേക്കാവുന്ന ദിവസങ്ങളെക്കുറിച്ചും കാവ്യാത്മകമായ കത്തുകള്‍ എഴുതി. പക്ഷേ ആ വീട് ഒരിക്കലും അവരുടേതായില്ല. ചില സ്വപ്നങ്ങള്‍ അങ്ങനെയാണല്ലോ. ഒരിക്കലും നമ്മുടേതാകാതെ നമ്മെ വല്ലാതെ ഭ്രമിപ്പിക്കും, എന്നിട്ട് നമുക്ക് മുന്നില്‍ത്തന്നെ ഇല്ലാതാകും.

elen5

നാന്‍ത്‌ഗോല്‍ത്വിലെ (Nantgwyllt) വീട് തങ്ങള്‍ക്ക് ഒരിക്കലും ലഭിക്കില്ല എന്ന അറിവില്‍ ഷെല്ലിയും ഹാരിയറ്റും ഈ താഴ്‌വരയോട് വിടപറഞ്ഞു. പിന്നീടൊരിക്കലും ഇവിടേയ്ക്ക് മടങ്ങാതെ, രണ്ടു വര്‍ഷത്തിന് ശേഷം ഷെല്ലിയും ഹാരിയറ്റും വേര്‍പിരിഞ്ഞു. ആ വിരഹദുഃഖം താങ്ങാനാവാതെ ലണ്ടനിലെ ഹൈഡ് പാര്‍ക്ക് തടാകത്തില്‍ ഹാരിയറ്റ് ജീവനൊടുക്കി. പിന്നീട് പല ബന്ധങ്ങളിലൂടെ കടന്നുപോയ ഷെല്ലിയും ടസ്‌കാനിയില്‍ (Tuscany) വെച്ച് മുങ്ങിമരിക്കുകയാണുണ്ടായത്. ഈ സമാനത അവര്‍ക്കിടയില്‍ നിലനിന്ന തീവ്രാനുരാഗത്തെ കുറിക്കുന്നു എന്ന് കണ്ടെത്തുന്നവര്‍ ഏറെ. എലന്‍ വാലിയിലെ ആ വീട് അവര്‍ക്കു സ്വന്തമായിരുന്നെങ്കില്‍, അവിടെ അവര്‍ക്ക് സ്വപ്നവും ജീവിതവും പങ്കുവെയ്ക്കാന്‍ കഴിഞ്ഞിരുന്നുവെങ്കില്‍, ലോകം കണ്ട ഏറ്റവും പ്രശസ്തനായ റൊമാന്റിക് കവിയുടെ ജീവിതവും കാവ്യസംഭാവനകളും ഇനിയുമേറെ സമ്പുഷ്ടമാകുമായിരുന്നു എന്ന് നിരീക്ഷിക്കുന്നവരുണ്ട്.

അതിനെപ്പറ്റി എം. റോസറ്റി വെയ്ല്‍ ഓഫ് നാന്‍ത്‌ഗോല്‍ത്വ് (‘Vale of Nantgwyllt’,ഇങ്ങനെ കുറിച്ചു,
…and now a watery doom effaces the scenes of their shortlived love, Nantgwyllt and Cwm Elan. A world of waters, a world of death’.

അതുകൊണ്ടുതന്നെ എലന്‍ വാലിയിലേക്കുള്ള എന്റെ ഓരോ യാത്രയും ഒരു തീര്‍ത്ഥയാത്രയാണ്. ഷെല്ലിയുടെയും ഹാരിയറ്റിന്റെയും പ്രണയം മാത്രമല്ല, എലന്‍ വാലി. അവള്‍ക്ക് അവളുടേതായ ഒരു ഭൂതകാലമുണ്ട്. നിറമാര്‍ന്ന ഒരു വര്‍ത്തമാനവും.

elen6

ദു:ഖഭരിതയായ എലന്‍വാലി

ഇന്നത്തെ എലനെ പ്രശസ്തമാക്കുന്നത് എലന്‍ നദിയിലെയും ക്ലിയേര്‍വന്‍ നദിയിലെയും (Claerwen River) സുന്ദരമായ ജലസംഭരണികളാണ് (Reservoir). എന്നാല്‍ എലന്‍ താഴ്‌വരയ്ക്ക് പറയാന്‍ ഒരു ജനതയുടെ വേരുകള്‍ വെള്ളത്തിലാഴ്ത്തിയ സങ്കടത്തിന്റെ കഥ കൂടിയുണ്ട്.  എലന്റെ ഉള്ളില്‍ ഉറങ്ങുന്ന ഒരു കൊച്ചു ഗ്രാമത്തിന്റെ, വെയ്ല്‍ ഓഫ് നാന്‍ത്‌ഗോല്‍ത്വ് (Vale of Nantgyllt) കഥ.

പത്തൊന്‍പതാം നൂറ്റാണ്ടിലെ വ്യാവസായിക വിപ്ലവത്തിന്റെ ഭാഗമായി ഇംഗ്ലണ്ടിലെ പ്രധാന വ്യാവസായിക കേന്ദ്രമായിരുന്ന ബെര്‍മിങ്ങാം ദ്രുതഗതിയില്‍ വളരുന്ന കാലം. നഗരങ്ങള്‍ പെട്ടെന്ന് വളരുമ്പോള്‍ അതിന്റെ എല്ലാ ആവശ്യങ്ങളും നിവൃത്തിച്ചു കൊടുക്കാന്‍ ആ ഭൂപ്രദേശത്തിനു കഴിഞ്ഞെന്നു വരില്ല. ബെര്‍മിങ്ങാമിന്റെ സ്ഥിതിയും വ്യത്യസ്തമായിരുന്നില്ല.

വര്‍ധിച്ചു വന്ന ജനസാന്ദ്രത ഏറ്റവും കൂടുതല്‍ ബാധിച്ചത് ശുദ്ധജല ലഭ്യതയെയാണ്. കുടിവെള്ളം കിട്ടാതെ ആളുകള്‍ മരിച്ചുവീഴാന്‍ തുടങ്ങി. പോരാത്തതിന് കോളറയും ടൈഫോയിഡും പോലെയുള്ള മാരകരോഗങ്ങളും. ബെര്‍മിങ്ങാമില്‍ ശുദ്ധജലം എത്തിക്കാനായി സര്‍ക്കാര്‍ പല വഴികളും ആരാഞ്ഞു. ഒടുവില്‍ ആ അന്വേഷണം ചെന്നുനിന്നത് എലന്‍ താഴ്‌വരകളിലാണ്. വര്‍ഷത്തില്‍ ശരാശരി 1830 മി.മി മഴലഭ്യത. അണക്കെട്ടുകളുടെ നിര്‍മിതിക്ക് ഏറ്റവും യോജിച്ച രീതിയിലുള്ള ഇടുങ്ങിയതും എന്നാല്‍ താഴേയ്ക്ക് ചെരിവുള്ളതുമായ ഭൂപ്രദേശം. വെള്ളം തടഞ്ഞുനിർത്താന്‍ കഴിയുന്ന കാരിരുമ്പിന്റെ കരുത്തുള്ള പാറക്കൂട്ടങ്ങള്‍, എല്ലാറ്റിനുമുപരിയായി ബെര്‍മിങ്ങാമില്‍ ഏറ്റവും കുറഞ്ഞ ചെലവില്‍ വെള്ളം എത്തിക്കാനുള്ള സൗകര്യവും. എലന്‍ നദീതടത്തിന് വെള്ളത്തെ തടഞ്ഞുനിര്‍ത്താനുള്ള കഴിവുണ്ടെന്നും, ആ ഭൂപ്രകൃതിയുടെ പ്രത്യേകത കൊണ്ട് വലിയ പൈപ്പുകളുടെയൊന്നും സഹായമില്ലാതെ തന്നെ ബര്‍മിങ്ങാമില്‍ വെള്ളമെത്തിക്കാന്‍ കഴിയുമെന്നും ആദ്യം കണ്ടെത്തിയത് ജെയിംസ് മാന്‍സേര്‍ഗ് (James Mansergh) എന്ന ഇംഗ്ലീഷ് സിവില്‍ എഞ്ചിനീയറാണ്.

ഈ കാരണങ്ങള്‍ കൊണ്ട് സര്‍ക്കാര്‍ ദ്രുതഗതിയില്‍ ബെര്‍മിങ്ങാം കോര്‍പ്പറേഷന്‍ ആക്ട് (1892) പാസ്സാക്കി എലന്‍ വാലി ജലതടങ്ങളില്‍ വരുന്ന മുഴുവന്‍ പ്രദേശവും ഒരു നിര്‍ബന്ധിത വാങ്ങലിന് (compulsory purchase) വിധേയമാക്കി. ഫലമോ, നാന്‍ത്‌ഗോല്‍ത്വ് (Nantgwyllt) ഷെല്ലിയും ഹാരിയറ്റും തങ്ങളുടെ സ്വപ്നഗൃഹം കണ്ടെത്തിയ താഴ്‌വര മുഴുവന്‍ വെള്ളത്തിനടിയിലായി. ഏതാണ്ട് 68 സ്‌ക്വര്‍മൈല്‍ സ്ഥലത്തെ കുടുംബങ്ങള്‍ മറ്റു സ്ഥലങ്ങളിലേയ്ക്ക് നിര്‍ബന്ധിതമായി കുടിയൊഴിപ്പിക്കപ്പെട്ടു. അവരുടെ സ്വപ്നങ്ങളുടെയും, വിയര്‍പ്പിന്റെയും, വിളനിലത്തിന്റെയും ജലസമാധിയില്‍ നാം ഇന്ന് കാണുന്ന നാല് പ്രധാന ഡാമുകളും കെട്ടിപ്പൊക്കിയിരിക്കുന്നു.

എലന്‍ വാലി അണക്കെട്ടുകള്‍

എലന്‍ നദിയിലും ക്ലയര്‍വന്‍ നദിയിലുമായി ഏഴ് അണക്കെട്ടുകള്‍ പണിയുക എന്നതായിരുന്നു പദ്ധതി. എലന്‍ നദിയില്‍ നാലും ക്ലയര്‍വന്‍ നദിയില്‍ മൂന്നും. ക്ലയര്‍വന്‍ നദിയിലെ അണക്കെട്ടുകള്‍ ആദ്യ പദ്ധതിയുടെ ഭാഗമായി പണിഞ്ഞില്ല. പകരം എലന്‍ വാലിയിലെ നാല് അണക്കെട്ടുകളും പിന്നെ 1952ല്‍ എലിസബത്ത് രഞ്ജി ഉദ്ഘാടനം ചെയ്ത ക്ലിയേര്‍വനിലെ ഒരു വലിയ അണക്കെട്ടുമാണ് ഉള്ളത്.

elen7

ക്രേയിഗ് ഗോഷ് അണക്കെട്ട് (Craig Goch Dam)

എലന്‍ താഴ്വരകളിലെ ഏറ്റവും മുകളിലുള്ള ഏറ്റവും ആകര്‍ഷകമായ അണക്കെട്ടാണിത്. വക്രരേഖയില്‍ 13 ആര്‍ച്ചുകളാല്‍ ബലപ്പെടുത്തിയിരിക്കുന്ന ഈ അണക്കെട്ടിനെ വാസ്തുവിദ്യയുടെ വിസ്മയം എന്നുതന്നെ വിശേഷിപ്പിക്കാം. സമുദ്രനിരപ്പില്‍ നിന്ന് 317 മീറ്റര്‍ ഉയരത്തിലുള്ള, 36  മീറ്റര്‍ പൊക്കവും 156 മീറ്റര്‍ നീളവുമായി നിലകൊളുന്ന അണക്കെട്ടിന് 9222 മെഗാ ലിറ്റര്‍ സംഭരണശേഷിയുണ്ട്.

elen8

ഗ്യാരഗ്ഗ് ദൂ അണക്കെട്ട് (Garreg Ddu Dam)

ഇവിടെ അണക്കെട്ട് പൂര്‍ണമായും വെള്ളത്തിനടിയിലാണെന്ന് പറയാം. എലന്റെ താഴ്ന്ന പ്രദേശത്താണ് സ്ഥിതി ചെയ്യുന്നത്. എന്നാല്‍ ബെര്‍മിങ്ങാമിലേയ്ക്കുള്ള വെള്ളത്തിന്റെ വിനിമയത്തില്‍ ഇപ്പോഴും നിര്‍ണായകമായ ഒരു പങ്കു വഹിക്കുന്നത് ഈ അണക്കെട്ട് തന്നെ. ഡാമിന് മുകളിലൂടെ ഡ്രൈവ് ചെയ്ത് റിസെര്‍വോയറിനു ചുറ്റുമുള്ള മരക്കൂട്ടങ്ങള്‍ കണ്ടുകൊണ്ട് എത്ര സമയം വേണമെങ്കിലും ചെലവഴിക്കാം.

പെന്‍ ഈ ഗാരഗ്ഗ് അണക്കെട്ട് ( Penygarreg Dam)

മിഡില്‍ ഡാം ആണിത്. സാധാര കാണാറുള്ള അണക്കെട്ടുകളില്‍ നിന്ന് വ്യത്യസ്തമായി ഡാമിന്റെ ഘടനയെ മറച്ചുകൊണ്ട് വലിയൊരു കര്‍ട്ടന്‍ പോലെ ചിതറി വീഴുന്ന ജലമാണ് നമുക്ക് കാണാന്‍ കഴിയുക. ഈ അണക്കെട്ടിനുള്ളിലുള്ള ഒരു ആക്‌സിസ് ടണല്‍  പ്രത്യേക ദിവസങ്ങളില്‍ പൊതുജനങ്ങള്‍ക്കായി തുറന്നു കൊടുക്കാറുണ്ട്. എഞ്ചിനീയറിംഗിന്റെ മറ്റൊരു അത്ഭുതലോകമാണത്.

ക്യാബെന്‍ ഘോഷ് (Caban Coch Dam)

ഏറ്റവും താഴെയുള്ള ഡാം. ഒറ്റക്കാഴ്ച്ചയില്‍ ഒരു സുന്ദരന്‍ വെള്ളച്ചാട്ടം. ആ വെള്ളച്ചാട്ടത്തിനരികില്‍ കൂടി താഴേയ്ക്കുള്ള നടപ്പാത. ഇടയ്ക്കു നമ്മുടെ മേലേയ്ക്ക് ചിതറിത്തെറിക്കുന്ന തണുത്ത വെള്ളത്തുള്ളികള്‍. എലന്‍ വാലി വിസിറ്റര്‍ സെന്ററും ഈ അണക്കെട്ടിന്റെ പരിസരത്താണ്. അവിടെയൊരു നല്ല ചായക്കടയും കുട്ടികള്‍ക്കു കളിക്കാനായി ചെറിയൊരു പാര്‍ക്കുമുണ്ട്. കുഞ്ഞുങ്ങള്‍ കളിച്ചു തിമിര്‍ക്കുമ്പോള്‍ പുഴക്കരയിലുള്ള മര ബെഞ്ചുകളിലിരുന്ന് കിളികളുടെയും പുഴയുടെയും പാട്ടു കേട്ട് സൂപ്പോ, കാപ്പിയോ കുടിച്ചുകൊണ്ട് സ്വയം മറന്നിരിക്കുന്ന ഒരുപാട് സഞ്ചാരികളെ കാണാം.

ക്ലിയേര്‍വന്‍ അണക്കെട്ട് (Claerwen Dam)

രണ്ടാം ലോകമഹായുദ്ധമുണ്ടാക്കിയ കെടുതികളും 1937ലെ വരള്‍ച്ചയുമാണ് നിലവിലുള്ളതിനേക്കാള്‍ കൂടിയ രീതിയില്‍ ജലസംഭരണ ശേഷിയുള്ള ഒരു പുതിയ  അണക്കെട്ട് എന്ന ആവശ്യത്തിലേക്ക് ശ്രദ്ധ എത്തിക്കുന്നത്. അങ്ങനെയാണ് കബാന്‍ കോച്ച് ജലസംഭരണിക്ക് മുകളിലായി 48300 ലിറ്റര്‍ ജലസംഭരണ ശേഷിയുള്ള ക്ലിയേര്‍വന്‍  അണക്കെട്ട് പണിയുന്നത്. അണക്കെട്ടിന്റെ നിര്‍മിതി കോണ്‍ക്രീറ്റ് കൊണ്ടാണെങ്കിലും മറ്റു ഡാമുകള്‍ പോലെ തന്നെ തോന്നാന്‍ അതിന്റെ നിര്‍മാണത്തിനുപയോഗിച്ച അതേതരം കല്ലുകള്‍ പതിച്ച് ഈ ഡാമും അലങ്കരിച്ചിരിക്കുന്നു.

ദോളിമ്യാനാച് അണക്കെട്ട് (DolyMynach Dam)

പണിതീരാത്ത വീട് എന്നൊക്കെ പറയുന്നതു പോലെ പണിതീരാത്ത ഒരു ഡാമാണിത്. നദിയുടെ താരതമ്യേന താഴ്ന്ന പ്രദേശമായിരുന്നത് കൊണ്ട് വലിയ പാറക്കല്ലുകളുപയോഗിച്ച് ഒരു നിര്‍മിതിക്ക് ശ്രമിച്ചിരുന്നുവെങ്കിലും അതിന്റെ ഒരു അടിത്തറ മാത്രമാണ് പണിയാനായത്. ആ ഡാം ഇപ്പോള്‍ രണ്ടുവശത്തും തിങ്ങിനിറഞ്ഞ പച്ചപ്പിനുള്ളിലൂടെ ഒഴുകുന്ന വെള്ളത്തില്‍ ഒളിച്ചിരിക്കുന്നു.

ദോളിമ്യാനാച് ( DolyMynach) ഒഴിച്ച് ബാക്കി എല്ലാ അണക്കെട്ടിനും മുകളിലൂടെയും വാഹനങ്ങള്‍ക്കു പോകാന്‍ കഴിയും. അത് കൊണ്ട് തന്നെ ഈ ജലാശയങ്ങള്‍ ചുറ്റി കാല്‍നടയായും സൈക്കിളിലും കാറിലും സഞ്ചരിക്കുന്ന ഒരുപാട് യാത്രികരെ നമുക്ക് ഇവിടെ കാണാന്‍ കഴിയും. എങ്കിലും പലപ്പോഴും ഒരു അതിശയമായി തോന്നുന്നത് എത്ര ഏറെ ആളുകള്‍ ഇവിടെ എത്തുമ്പോഴും അവരെ എല്ലാം തന്നില്‍ ഒതുക്കി വളരെ ആകര്‍ഷകമായ ഒരു മൗനം സൂക്ഷിക്കുന്നു ഐലന്‍ എന്നതാണ്.

ഇന്റര്‍നാഷണല്‍ ഡാര്‍ക്ക് സ്‌കൈ പാര്‍ക്ക് (International dark sky park)

പകല്‍ വെളിച്ചത്തില്‍ കാടിന്റെയും മലയുടെയും പുഴയുടെയും സൗന്ദര്യം കാട്ടിത്തന്നിരുന്നെങ്കില് അതിലും സുന്ദരിയാണ് രാത്രിയില്‍ എലന്. ഏറ്റവും കുറഞ്ഞ തോതിലുള്ള പ്രകാശ മലിനീകരണം നമുക്ക് മുന്നില് തുറന്നിടുന്നത് നക്ഷത്രങ്ങള്‍ ചിത്രം വരയ്ക്കുന്ന ആകാശമാണ്. അതുകൊണ്ടുതന്നെ ഇന്റര്‍നാഷണല്‍ ഡാര്‍ക്ക് സ്‌കൈ പാര്‍ക്ക് എന്നപേരിലും ആഗോള ശ്രദ്ധ നേടുന്നു എലന്‍. ആസ്‌ട്രോ ഫോട്ടോഗ്രാഫിക്ക് പ്രശസ്തമായ സ്ഥലങ്ങളില്‍ ഒന്നായ എലന്‍ വാലിയുടെ രാത്രിസൗന്ദര്യം പകര്‍ത്താന്‍ ചിത്രകാരന്മാരും ഫോട്ടോഗ്രാഫേഴ്‌സും ഈ താഴ്‌വരയില്‍ തമ്പടിക്കുന്നു.

elen9

കാടും കാടിന്റെ മക്കളും

ശാന്തമായ പുല്‍ത്തകിടികളിലും മരക്കൂട്ടങ്ങള്‍ക്കിടയിലും പുഴയിലും സ്വൈര്യവിഹാരം നടത്തുന്ന പക്ഷിക്കൂട്ടങ്ങളും ചെറുജീവികളും വന്യജീവി ഫോട്ടോഗ്രാഫിപ്രേമികളെ ഇവിടേയ്ക്ക് ആകര്‍ഷിക്കുന്നു.

മുന്‍പറഞ്ഞ കാരണങ്ങള്‍ കൊണ്ട് എലന്‍ തേടിയെത്തുന്നവര്‍ അനവധിയാണ്. എലന്‍ വാലിയില്‍ കണ്ടുമുട്ടിയ റിട്ടയേഡ് ഡോക്ടര്‍ ദമ്പതിമാരായ സ്‌കോട്ടും ബേത്തനും പറഞ്ഞതുപോലെ, ഒരിക്കല്‍ വന്നാല്‍ വീണ്ടും വീണ്ടും ഇവിടേയ്ക്ക് വരാന്‍ തോന്നിപ്പിക്കുന്ന എന്തോ ഒരു മാന്ത്രികത ഈ മലനിരകള്‍ ഒളിപ്പിച്ചുവെക്കുന്നു. അത് നമ്മെ പ്രണയിനികളാക്കുന്നു.

യു.കെ സന്ദര്‍ശിക്കുന്നവരും അവിടെ താമസമാക്കിയവരും ഒരിക്കലെങ്കിലും എലന്‍ വാലിയില്‍ പോകണം. മണ്ണും മരവും ജലവും പരസ്പരം ഇഴുകിച്ചേര്‍ന്ന് ഏക ധാരയാകുന്ന പ്രകൃതിയെ അറിയാന്‍, പ്രകൃതിയുടെ ഭാഗമായ നമ്മെത്തന്നെ അറിയാന്‍.

എങ്കിലും ശരത്ക്കാലത്തെ വരവേറ്റ് വിവിധ വര്‍ണങ്ങള്‍ വാരിപ്പുതച്ചു നില്‍ക്കുന്ന എലന്‍ വാലിയുടെ ഭ്രമിപ്പിക്കുന്ന സൗന്ദര്യത്തിലൂടെ തിരികെ മടങ്ങുമ്പോള്‍ തോന്നി പ്രത്യക്ഷത്തില്‍ കാണുന്നതിലുമപ്പുറം ഈ താഴ്‌വരയ്ക്ക് ഇനിയും എന്തൊക്കെയോ സംവദിക്കാനില്ലേ എന്ന്.

ജലത്താല്‍ മുറിവേറ്റ, കാട്ടാറില്‍ മുങ്ങിത്താണ ഒരു താഴ്‌വര, ഷെല്ലിയുടെയും ഹെര്‍മറ്റിന്റെയും പോലെ ഒരുപാട് പേരുടെ സ്വപ്നങ്ങള്‍ ആണ്ടുപോയ ജലയിടുക്കുകള്‍. ആ താഴ്‌വര കാത്തിരിക്കുകയല്ലേ, തന്നെ പുനര്‍ജനിപ്പിക്കാനെത്തുന്ന ആരോ ഒരാള്‍ക്കായി ?

അതുകൊണ്ടു തന്നെയാവാം കാറില്‍ കേട്ട ഗാനം ഏറ്റവും അര്‍ത്ഥവത്തായി തോന്നിയത്.

ഋതുക്കള്‍ ഓരൊന്നും കടന്നുപോവതിന്
പദസ്വനം കാതില്‍ പതിഞ്ഞു കേള്‍ക്കവേ
വെറുമൊരോര്‍മ്മ തന്‍ കിളിന്നു തൂവലും
തഴുകി നിന്നെ കാത്തിരിക്കയാണു ഞാന്‍
നിമിഷപാത്രങ്ങള്‍ ഉടഞ്ഞു വീഴുന്നു
നിറമധു മണ്ണി ഉതിര്‍ന്നു മായുന്നു
അലിഞ്ഞലിഞ്ഞു പോം അരിയജന്മമായ്
പവിഴ ദ്വീപില്‍ ഞാന്‍ ഇരിപ്പതെന്തിനോ? 

സന്ദര്‍ശനത്തിന് യോജിച്ച സമയം: മാര്‍ച്ച് അവസാനം മുതല്‍ നവംബര്‍ മധ്യം വരെ.

യുകെയിലെ പ്രധാന വിമാനത്താവളങ്ങളില്‍ നിന്നും എലന്‍ വാലിയിലേയ്ക്ക് റോഡ് മാര്‍ഗമുള്ള ദൂരവും യാത്രാസമയവും

ഹീത്രൂ: 190 മൈല്‍.  മൂന്ന് മണിക്കൂര്‍ 45 മിനിറ്റ്
മാഞ്ചസ്റ്റര്‍:117.9 മൈല്‍.  രണ്ട് മണിക്കൂര്‍ 40 മിനിറ്റ്
ബര്‍മിങ്ങാം: 99.8 മൈല്‍.  രണ്ട് മണിക്കൂര്‍ 30 മിനിറ്റ്

ട്രെയിന്‍:

ബില്‍ത്ത് റോഡ് (Builth Road) ആണ് ഏറ്റവും അടുത്ത റെയില്‍വേ സ്റ്റേഷന്‍. അവിടേയ്ക്ക് യു.കെയിലെ എല്ലാ പ്രധാന സ്റ്റേഷനുകളില്‍ നിന്നും നേരിട്ടോ കണക്ഷനായോ  ട്രെയിന്‍ ലഭ്യമാണ്. സ്റ്റേഷനില്‍ നിന്ന് എസ്റ്റേറ്റിലേയ്ക്ക്  ടാക്‌സി ലഭ്യമാണ്. ദൂരം 15 മൈല്‍.

ടൂര്‍ പാക്കേജ്:

എലൻ വാലിയില്‍ നിന്ന് എസ്റ്റേറ്റിനുള്ളിലൂടെയുള്ള ജീപ്പ് ടൂറും ഒരു ഹെലികോപ്റ്റര്‍ റൈഡും ഉണ്ട്.

ഭക്ഷണം:

എലന്‍ വാലി ടൂറിസ്റ്റ് സെന്ററില്‍ ഒരു നല്ല കോഫി ഷോപ്പ് ഉണ്ടെങ്കിലും റായ്‌ഡെര്‍  പോയ്‌സ് (Rhayader Powys) വഴിയാണ് യാത്ര ചെയ്യുന്നതെങ്കില്‍ ‘The old swans tea room’ എന്ന ചായക്കടയില്‍ നിന്ന് ഭക്ഷണം കഴിക്കുന്നതാണ് ഉചിതം. ഇവിടെ ഏറ്റവും തനത് വെല്‍ഷ് ഭക്ഷണം ലഭ്യമാണ്.

എവിടെ താമസിക്കും:

എലന്‍ വാലിക്ക് അടുത്തു ഹോട്ടലുകളും ചെറിയ ഹോംസ്റ്റേകളുമുണ്ട്. യാത്രാ വെബ്‌സൈറ്റുകള്‍ വഴി മുന്‍കൂട്ടി ബുക്ക് ചെയ്യുന്നതാവും ഉചിതം.

യാത്രയില്‍ ശ്രദ്ധിക്കാന്‍:

എലന്‍ വാലിയ്ക്ക് അടുത്ത് ചെറിയ ഒരു ടൌണ്‍ ഉണ്ടെങ്കിലും കുട്ടികളെയും കൊണ്ട് യാത്ര ചെയ്യുമ്പോള്‍ അവര്‍ക്ക് ആവശ്യമുള്ള അത്യാവശ്യ മരുന്നുകള്‍, ഭക്ഷണം, വെള്ളം ഇതൊക്കെ കൈയില്‍ കരുതുന്നതാവും ഉചിതം.

ട്രാവലിങ് കിറ്റ്:

എപ്പോള്‍ വേണമെങ്കിലും മഴപെയ്യാം അത് കൊണ്ട് തന്നെ ഒരു വാട്ടര്‍ പ്രൂഫ് ജാക്കറ്റ്, വാക്കിങ് ഷൂസ് തുടങ്ങിയവ നിര്‍ബന്ധമായും കരുതുക.

ആധികാരികമായ വെബ്‌സൈറ്റുകള്‍ പരിശോധിച്ച് കാലാവസ്ഥയ്ക്ക് അനുസരിച്ച് വേണം യാത്ര പ്ലാന്‍ ചെയ്യാന്‍

ചെയ്യേണ്ടത്, അരുതാത്തത്

1. സൈക്കിളിംഗിനും വാക്കിങ് ടൂറിനുമുള്ള സൗകര്യം എലന്‍ വാലിയില്‍ ഉണ്ട്. അത് പ്രയോജനപ്പെടുത്താന്‍ ശ്രമിക്കുക
2. വെള്ളത്തിന്റെ സാമീപ്യവും, തിങ്ങി നിറഞ്ഞ മരങ്ങളില്‍ നിന്ന് പൊഴിയുന്ന ഇലകളും കാരണം, പല സ്ഥലങ്ങളും വഴുക്കലുള്ളതാണ്. അതുകൊണ്ട് തന്നെ മാര്‍ക്ക് ചെയ്ത വാക്കിങ് റൂട്ടുകളിലൂടെ മാത്രം നടക്കുക. വിസിറ്റര്‍ സെന്ററില്‍ നിന്ന് ലഭിക്കുന്ന റൂട്ട് മാപ്പ് എപ്പോഴും കൈയില്‍ സൂക്ഷിക്കുക.

എലന്‍ വാലിയുടെ അതിമനോഹരമായ കൂടുതല്‍ ചിത്രങ്ങള്‍ കാണാന്‍ ഈ ലിങ്ക് ക്ലിക്ക് ചെയ്യുക

(This article is originally published before by mathrubhumi)

deepa
കോട്ടയം ജില്ലാ കോടതിയില്‍ അഡ്വക്കേറ്റ് ആയി ജോലി നോക്കിയിരുന്ന ദീപ പ്രവീണ്‍ എല്‍എല്‍എം ബിരുദധാരിയാണ്. യുകെയില്‍ വന്നതിനു ശേഷം ഇവിടെ നിന്നും ക്രിമിനോളജിയില്‍ ബിരുദാനന്തര ബിരുദം കരസ്ഥമാക്കിയിട്ടുണ്ട് . യാത്രയും വായനയും എഴുത്തും ഫോട്ടോഗ്രാഫിയും ഹോബികള്‍ ആണ്.
വായനക്കാരുടെ അഭിപ്രായങ്ങള്‍ രേഖപ്പെടുത്താന്‍ താഴെയുള്ള കമന്റ് കോളം ഉപയോഗിക്കാവുന്നതാണ്. അവഹേളനമോ വ്യക്തിപരമായ അധിക്ഷേപങ്ങളോ അശ്‌ളീലമോ മതനിന്ദയോ ആകാവുന്ന പോസ്റ്റുകള്‍ സൈബര്‍ നിയമപ്രകാരം കുറ്റകരമാണ്.
Post Your Malayalam Comments ( Click here for Malayalam Comments )
Press Esc to close
other news
1 2 3 1,576

More Latest News

മമ്മൂട്ടി കേസില്‍ ഇടപെട്ടാല്‍ യഥാര്‍ത്ഥ പ്രതികള്‍ രക്ഷപ്പെടും; ചില നടിമാരെ ഒതുക്കാന്‍ ഒരു പ്രബല

ആക്രമിക്കപ്പെട്ട നടിക്കും ഗീതുമോഹന്‍ ദാസിനും സംയുക്ത വര്‍മ്മയ്ക്കും എതിരെ സിനിമ രംഗത്ത് ഒരു പ്രബല ലോബി പ്രവര്‍ത്തിക്കുന്നുണ്ടെന്ന് ലിബര്‍ട്ടി ബഷീര്‍. മഞ്ജുവാര്യരെ സപ്പോര്‍ട്ടു ചെയ്യുന്നതാണ് മറ്റു രണ്ടുപേരോടുമുള്ള ഇവരുടെ പകയ്ക്ക് കാരണമെന്നും ലിബര്‍ട്ടി ബഷീര്‍ പറയുന്നു. സംയുക്ത വര്‍മ്മ വീട്ടമ്മയായി ഒതുങ്ങികൂടിയതുകൊണ്ട് ഭര്‍ത്താവ് ബിജുമേനോന്റെ പല പടങ്ങളും സ്റ്റോപ്പു ചെയ്യിക്കാന്‍ ശ്രമങ്ങള്‍ ഉണ്ടായി.

യുവതി കാമുകനെ കൊലപ്പെടുത്തി മൃതദേഹം വെട്ടിനുറുക്കി റെഫ്രിജറേറ്ററിൽ ഒളിപ്പിച്ചു; കൊലപാതകത്തിൽ സഹായിച്ചത് സ്വന്തം ഭർത്താവും!

വിപിനുമായുള്ള അവിഹിത ബന്ധത്തില്‍ അനുരാധ ഗര്‍ഭിണിയായിരുന്നു. ഇക്കാര്യം അറിഞ്ഞതോടെ തന്നെ വിവാഹം ചെയ്യണമെന്ന് അനുരാധ ആവശ്യപ്പെട്ടു. എന്നാല്‍ ഇയാള്‍ ഈ ആവശ്യം നിരസിച്ചുവെന്ന് മാത്രമല്ല. തങ്ങളുടെ ബന്ധത്തെക്കുറിച്ച് പലരോടും പറയുകയും ചെയ്തു. ഇതോടെ ഭര്‍ത്താവിനെയും സഹോദരനെയും കൂട്ടി വിപിനെ കൊലപ്പെടുത്താന്‍ അനുരാധ പദ്ധതി തയ്യാറാക്കിയെന്നാണ് പോലീസ് ഭാഷ്യം. സുലേഷിന്റെ ഭാര്യ അനുരാധാ പട്ടേലുമായി വിപിന്‍ അവിഹിത ബന്ധം പുലര്‍ത്തിയതാണ് പ്രകോപനകാരണം. ഈ മാസം എട്ടിനാണ് ക്രൂരമായ കൊലപാതകം നടത്തിയത്. എന്നാല്‍ കുമാറിന്റെ വീട്ടില്‍ നിന്ന് ചൊവ്വാഴ്ചയാണ് വിപിന്റെ മൃതദേഹ ഭാഗങ്ങള്‍ കണ്ടെത്തിയത്. സംഭവവുമായി ബന്ധപ്പെട്ട് കുമാറിനെയും ഭാര്യ അനുരാധയെയും പഞ്ചാബ് പോലീസ് അറസ്റ്റ് ചെയ്തു

അതൊരു സ്ത്രീ ആണ്; ക്വട്ടേഷന്‍ നല്‍കിയത് ഒരു സ്ത്രീയാണെന്ന് പള്‍സര്‍ സുനി ആക്രമിക്കപ്പെട്ട നടിയോട്

നടിയെ ആക്രമിച്ച സംഭവത്തില്‍ പുതിയൊരു വെളിപെടുത്തലുമായി ഭാഗ്യലക്ഷ്മി .ക്വട്ടേഷന്‍ നല്‍കിയത് ഒരു സ്ത്രീയാണെന്ന് പള്‍സര്‍ സുനി ആക്രമിക്കപ്പെട്ട നടിയോട് പറഞ്ഞതായി ഡബ്ബിംഗ് ആര്‍ട്ടിസ്റ്റ് ഭാഗ്യലക്ഷ്മി പറയുന്നു .

വണ്ണപ്പുറത്ത് ലോറി വീട്ടിലേക്ക് ഇടിച്ചിറങ്ങി ഉറങ്ങിക്കിടന്ന യുവതിക്കും ലോറി ഡ്രൈവര്‍ക്കും  ദാരുണാന്ത്യം..

വണ്ണപ്പുറം/ തൊടുപുഴ : നിയന്ത്രണം വിട്ട ലോറി വീട്ടിലേക്ക് ഇടിച്ചിറങ്ങി ലോറി ഡ്രൈവര്‍ക്കും ഉറങ്ങിക്കിടന്ന യുവതിക്കും ദാരുണാന്ത്യം. വണ്ണപ്പുറം നാല്പതേക്കര്‍ പുളിക്കാമറ്റത്തില്‍ മധുവിന്റെ ഭാര്യ അന്‍സിലിന്‍ (22), ലോറി ഓടിച്ചിരുന്ന ഏലപ്പാറ ചപ്പാത്ത് ഹെലിബെറിയ വിജയഭവനില്‍ മുരുകന്റെ മകന്‍ മനോജ് എന്നിവരാണ് മരിച്ചത്. ഇന്ന് പുലര്‍ച്ചെ 1.45 ന് വണ്ണപ്പുറം ചേലച്ചുവട് മുണ്ടന്‍മുടി റൂട്ടില്‍ നാല്പതേക്കറിന് സമീപത്തെ വളവിലാണ് സംഭവം. അന്‍സിലിനൊപ്പം ഉറങ്ങിക്കിടന്ന മൂന്നു വയസുള്ള മകള്‍ ജോത്സന അദ്ഭുതകരമായി രക്ഷപ്പെട്ടു. പാലക്കാട്ടു നിന്നു കട്ടപ്പനയിലേക്ക്

'രാവിലെ കാണണം'; കാറില്‍വെച്ചു അപമാനിച്ച ശേഷം ഇറങ്ങിപ്പോവുമ്പോള്‍ പള്‍സര്‍ സുനി നടിയോട് പറഞ്ഞു

യുവനടിക്കു നേരെ നടന്ന ആക്രമണം ബ്ലാക്ക് മെയിലിംഗ് എന്ന് സൂചന. കാറില്‍വെച്ചു ക്രൂരമായി അപമാനിച്ച ശേഷം ഇറങ്ങിപ്പോവുമ്പോള്‍ പള്‍സര്‍ സുനി രാവിലെ കാണണം എന്ന് നടിയോട് പറഞ്ഞതായി പൊലീസ് പറയുന്നു. ഇതു വ്യക്തമാക്കുന്നത് അണിയറയില്‍ മറ്റാളുകളും ഉണ്ടെന്ന സൂചനയാണെന്ന് പൊലീസ് കരുതുന്നു.

മത്സരം പെൺകുട്ടികൾ തമ്മിൽ പക്ഷെ ആവേശ കൊടുമുടിയിൽ ഹൃദയം സ്തംഭിച്ചു; സ്ത്രീകളുടെ ക്രിക്കറ്റ്

ദക്ഷിണാഫ്രിക്ക മുന്നോട്ടുവെച്ച 245 റണ്‍സ് വിജയലക്ഷ്യം ഇന്ത്യ ഒരു വിക്കറ്റ് നഷ്ടത്തിലാണ് മറികടന്നത്. ഇന്ത്യക്കായി 82 പന്തില്‍ നിന്ന് 59 റണ്‍സടിച്ച മോന ശര്‍മ്മയും 89 പന്തില്‍ നിന്ന് 71 റണ്‍സ് നേടിയ ദീപ്തി ശര്‍മ്മയും മികച്ച തുടക്കം നല്‍കി. ഇതോടെ 43 ഓവറില്‍ നാല് വിക്കറ്റ് നഷ്ടത്തില്‍ 209 റണ്‍സ് നേടിയ ഇന്ത്യ ഏകദേശം ജയമുറപ്പിച്ചു.

എന്താണ് സംഭവിച്ചത് എന്ന് കണ്ടുനിന്നവർക്കുപോലും മനസ്സിലായില്ല ! അതിന് മുൻപേ ആളുടെ ബോധം പോയി;

പ്രധാന റോഡിന് കുറച്ചകലെയുള്ള വഴിയോരത്ത് കൂടി സുഹൃത്തിനൊപ്പം നടക്കുകയായിരുന്നു യുവാവ്. പൊടുന്നനെ ദൂരോ റോഡില്‍ നിന്നും പാഞ്ഞെത്തിയ ടയര്‍ യുവാവിനെ ഇടിച്ചുതെറിപ്പിച്ച് 'യാത്ര' അവസാനിച്ചു. എന്താണ് നടക്കുന്നത് ചിന്തിക്കാന്‍ പോലും യുവാവിനും സുഹൃത്തിനും സമയം ലഭിച്ചില്ല. തലയ്ക്ക് പിന്നില്‍ ടയര്‍ ശക്തിയായി വന്നിടിച്ചതിന് പിന്നാലെ യുവാവ് ബോധരഹിതനായി. വഴിയോരത്തെ സിസിടിവിയില്‍ പതിഞ്ഞ ഇതിന്റെ ദൃശ്യങ്ങള്‍ ഇപ്പോള്‍ ഓണ്‍ലൈനില്‍ വൈറലാണ്. തലയോട്ടിയില്‍ ക്ഷതമുണ്ടെങ്കിലും യുവാവ് ആരോഗ്യ നില വീണ്ടെടുക്കുകയാണെന്നാണ് വിവരം.

അറ്റ്‌ലസ് രാമചന്ദ്രൻ ജയിലിൽനിന്നും പുറത്തിറങ്ങാൻ 40 വര്‍ഷം കാത്തിരിക്കേണ്ടിവരുമോ ?കുവൈറ്റില്‍

ബാങ്ക് വായ്പാ തട്ടിപ്പ് കേസില്‍ അകപ്പെട്ട് ദുബായ് ജയിലില്‍ തടവില്‍ കഴിയുന്ന പ്രവാസി മലയാളി വ്യവസായി അറ്റ്‌ ലസ് രാമചന്ദ്രന്റെ ജയില്‍വാസം അനന്തമായി നീണ്ടുപോയെക്കുമെന്ന് റിപ്പോര്‍ട്ടുകള്‍. നിലവില്‍ ഒരു കേസില്‍ മാത്രം മൂന്ന്‍ വര്‍ഷത്തെ തടവിന് ശിക്ഷിക്കപ്പെട്ടാണ് അദ്ദേഹത്തിന്‍റെ ജയില്‍വാസമെങ്കില്‍ ഉടന്‍ പരിഗണനയ്ക്ക് വരാനുള്ള കേസുകളില്‍ എല്ലാം കൂടി 40 വര്‍ഷത്തിലേറെ തടവ് ലഭിച്ചേക്കാമെന്നാണ് നിയമവിദഗ്ദ്ധരുടെ വിലയിരുത്തല്‍. ഈ കേസുകളില്‍ പലതും ഇപ്പോള്‍ കോടതിയുടെ പരിഗണനയിലും വിചാരണാ ഘട്ടത്തിലുമാണ്.

യുവനടിയെ ആക്രമിച്ച സംഭവത്തില്‍ ഒരു പ്രതി കൂടി പിടിയില്‍; സംഭവത്തിനു പിന്നിലെ സിനിമാബന്ധം തെളിയുന്നു

മലയാളത്തിലെ യുവനടിയെ ആക്രമിച്ച സംഭവത്തില്‍ ഒരു പ്രതി കൂടി പിടിയില്‍. പ്രമുഖ നടന്റെ ഫ്ളാറ്റില്‍ നിന്നുമാണ് ഇയാളെ പിടികൂടിയത്. പ്രതിയുടെ വിശദാംശങ്ങള്‍ പോലീസ് പുറത്തുവിട്ടിട്ടില്ല. അതേസമയം ഈ അറസ്റ്റ് സംഭവത്തിലെ സിനിമാബന്ധം പുറത്തെത്തിക്കുമെന്നാണ് വിലയിരുത്തപ്പെടുന്നത്.

നടിയെ ആക്രമിച്ച കേസ് വഴിത്തിരിവിലേക്ക്; സംഭവം ക്വട്ടേഷൻ തന്നെ, മണികണ്ഠനിൽ നിന്നും ലഭിക്കുന്നത് നിർണ്ണായകതെളിവുകൾ,

ഇതിനിടയില്‍ രാഷ്ട്രീയക്കാര്‍ക്കുള്ള പങ്കിനെക്കുറിച്ചും അന്വേഷിക്കണമെന്ന് ഡിവൈഎഫ്‌ഐ ആവശ്യപ്പെട്ടു. നടിയെ ആക്രമിച്ച സംഭവത്തില്‍ പ്രതികള്‍ ഏത് വമ്പന്‍മാരാണെങ്കിലും പിടികൂടുമെന്ന് സാംസ്‌ക്കാരിക വകുപ്പ് മന്ത്രി എ.കെ ബാലന്‍. ദൈവം ആള്‍രൂപത്തില് വന്നാല്‍ പോലും എല്ലാവരേയും പിടികൂടുമെന്നും മന്ത്രി പറഞ്ഞു. സിനിമാ മേഖലയില്‍ അംഗീകരിക്കാനാവത്ത പ്രവണതകള്‍ ഉണ്ടെന്നും ഇപ്പോള്‍ മാളത്തിലുള്ള എല്ലാ പ്രതികളേയും പുറത്ത് കൊണ്ടുവരുമെന്നും ഉടുമ്പിനെ മാളത്തില്‍ നിന്ന് പുറത്തുചാടിക്കുന്നതുപോലെ എല്ലാ പ്രതികളേയും പുറത്തുകൊണ്ടുവരുമെന്നും അന്വേഷണം കൊട്ടേഷന്‍ സംഘത്തില്‍ മാത്രം ഒതുങ്ങില്ല. ഗൂഡാലോചന അന്വേഷിക്കുമെന്നും മന്ത്രി പറഞ്ഞു.

ലിവര്‍പൂളില്‍ നിന്നും കേരളത്തിലെത്തിയ ബ്രിട്ടീഷ് പഠനസംഘം ഒരേ സ്വരത്തില്‍ പറയുന്നു കേരളം എത്ര പ്രകൃതി

ഇന്‍ഡോ- ബ്രിട്ടീഷ് വിദ്യാഭ്യാസ സാംസ്‌കാരിക കൈമാറ്റ പദ്ധതിയുടെ ഭാഗമായി ലിവര്‍പൂള്‍ ബ്രോഡ്ഗ്രീന്‍ ഇന്റര്‍നാഷണല്‍ സ്‌കൂളില്‍ നിന്നും കേരളത്തിലെത്തിയ അദ്ധ്യാപകരും വിദ്യാര്‍ത്ഥികളുമടങ്ങിയ പതിനഞ്ചംഗ കേരള പഠനസംഘത്തെ വിദ്യാഭ്യാസ ടൂറിസം വകുപ്പുകള്‍ ഒന്നു ചേര്‍ന്ന് പരമ്പരാഗത രീതിയില്‍ സ്വീകരിച്ചു.

നടിയെ തട്ടിക്കൊണ്ടുപോയ കേസിൽ നിര്‍ണായക തെളിവായി സിസിടിവി ദൃശ്യങ്ങള്‍ പുറത്ത്; പ്രമുഖ നടൻ

നടിയെ തട്ടിക്കൊണ്ടുപോകുന്ന കാര്യത്തെപ്പറ്റി തനിക്കറിയില്ലായിരുന്നുവെന്നും പള്‍സര്‍സുനി വിളിച്ചതിനെ തുടര്‍ന്ന് താന്‍ ഒപ്പം ചേരുകയായിരുന്നു എന്നാണ് മണികണ്ഠന്‍ ആദ്യം പൊലീസിന് മൊഴിനല്‍കിയത് . എന്നാല്‍ വിശദമായ ചോദ്യംചെയ്യലിനിടെയാണ് മണികണ്ഠന്‍റെ പുതിയ വെളിപ്പെടുത്തല്‍ .സംഭവദിവസം നടിയുടെ വാഹനത്തില്‍ കയറിയതിന് പിന്നാലെ നടി പള്‍സര്‍ സുനിയെ തിരിച്ചറിഞ്ഞു. ഇക്കാര്യം മനസ്സിലാക്കിയതോടെയാണ് സംഭവം ക്വട്ടേഷനാണെന്ന് സുനിനടിയോട് വെളിപ്പെടുത്തിയത്. ഒരു സ്ത്രീ പറഞ്ഞിട്ടാണ് താന്‍ വന്നതെന്നും ഇതാരാണെന്ന് നിങ്ങള്‍ക്കറിയാമല്ലോ എന്നും സുനി നടിയോട് പറഞ്ഞതായി മണികണ്ഠന്‍ അന്വേഷണസംഘത്തോട് വെളിപ്പെടുത്തി.

പ്രതീക്ഷയുടെയും പ്രത്യാശയുടെയും നിറ ദീപമായിരുന്ന അലീഷ രാജീവിന്റെ സ്മരണയിൽ അലീഷ ദി ലൈറ്റ് ഹൌസ്

അകാലത്തിൽ തങ്ങളിൽ നിന്നും വേർപെട്ടു പോയ അലീഷ രാജീവ് എന്ന കൊച്ചു മിടുക്കിയുടെ ഓർമ്മകളിൽ നീറി കഴിയുന്ന ഗ്ലോസ്റ്റെർഷെയർ മലയാളി സമൂഹം തങ്ങളുടെ വേദനകൾ മറച്ച് വെച്ച് അലീഷയുടെ പേരിൽ ഒരു ചാരിറ്റി നിശ നടത്താനൊരുങ്ങുകയാണ്. അലീഷയുടെ 14 - ആം ജന്മദിനമായ ഫെബ്രുവരി 25 -ന് ജി എം എ യുടെ ചെൽട്ടൻഹാം യൂണിറ്റ് ആണ് ഈ ചാരിറ്റി നൈറ്റിന് നേതൃത്വം നൽകുന്നത്. അലീഷ തന്റെ ജീവിതത്തിലെ ഏറിയ ഭാഗവും ചിലവഴിച്ച തന്റെ പ്രൈമറി സ്‌കൂൾ ആയിരുന്ന ചെൽറ്റൻഹാമിലെ സെന്റ്. ഗ്രിഗറീസ് കാത്തോലിക് പ്രൈമറി സ്കൂളിൽ വെച്ചാണ് ഈ ചാരിറ്റി നിശക്ക് അരങ്ങ് ഒരുങ്ങുന്നത്.

നടിക്ക് ആക്രമണമേറ്റ സംഭവത്തില്‍ നടന്‍ ദിലീപിനെ ചോദ്യം ചെയ്തിട്ടില്ലെന്ന് ആലുവ എസ്പി

കൊച്ചി: കൊച്ചിയില്‍ നടിക്ക് ആക്രമണമേറ്റ സംഭവത്തില്‍ നടന്‍ ദിലീപിനെ ചോദ്യം ചെയ്തിട്ടില്ലെന്ന് ആലുവ റൂറല്‍ എസ്പി. എവി.ജോര്‍ജ്ജ്. അന്വേഷണം നല്ല രീതിയിലാണ് മുന്നോട്ടുപോകുന്നതെന്നും എവിടെനിന്നാണ് ഇത്തരം വാര്‍ത്തകള്‍ വന്നതെന്ന് അറിയില്ലെന്നും എസ്പി വ്യക്തമാക്കി. ഇന്നലെയാണ് പ്രമുഖ നടന്റെ മൊഴി പോലീസ് എടുത്തതായി ദൃശ്യമാധ്യമങ്ങളിലുള്‍പ്പെടെ വാര്‍ത്ത വന്നത്. വാര്‍ത്ത നിഷേധിച്ച് ദിലീപും പ്രസ്താവനയിറക്കിയിരുന്നു.

സൈക്കിള്‍ യാത്രക്കാരിയായ യുവതിയുടെ പ്രതികാരത്തിന്റെ വൈറല്‍ വീഡിയോ വ്യാജമെന്ന് വെളിപ്പെടുത്തല്‍

ലണ്ടന്‍: തന്നെ അനാവശ്യം പറഞ്ഞ വാന്‍ ഡ്രൈവറോട് പ്രതികാരം ചെയ്യുന്ന സൈക്കിള്‍ യാത്രക്കാരിയായ സ്ത്രീയുടെ വീഡിയോ വ്യാജമാണെന്ന് വെളിപ്പെടുത്തല്‍. വീഡിയോ പുറത്തു വിട്ട ലണ്ടന്‍ കമ്പനിയാണ് ഇത് വ്യാജമാണെന്ന് അറിയിച്ചത്. ജംഗിള്‍ ക്രിയേഷന്‍സ് എന്ന കമ്പനിയാണ് വീഡിയോ സോഷ്യല്‍ മീഡിയയില്‍ നല്‍കിയത്. ഒരു ബൈക്ക് യാത്രക്കാരന്‍ ഷൂട്ട് ചെയ്ത വീഡിയോ എന്ന വിധത്തിലായിരുന്നു ഇത് പ്രചരിച്ചത്.

ബ്രെക്‌സിറ്റില്‍ അനിശ്ചിതത്വം തുടരുന്നു; മൂന്നിലൊന്ന് നിര്‍മാണക്കമ്പനികളും യുകെ വിടാനൊരുങ്ങുന്നു

ലണ്ടന്‍: നിര്‍മാണ മേഖലയില്‍ പ്രവര്‍ത്തിക്കുന്ന മൂന്നിലൊന്ന് കമ്പനികളും യുകെ വിടാനൊരുങ്ങുന്നതായി റിപ്പോര്‍ട്ട്. ബ്രെക്‌സിറ്റില്‍...
© Copyright MALAYALAM UK 2017. All rights reserved.
Please wait...

2017 Calender Request Form

ആളുകള്‍ വ്യാജ വിലാസങ്ങള്‍ നല്കാന്‍ ഇടയുളളതിനാല്‍ ടെലിഫോണില്‍ വിളിച്ച് വിലാസം ഉറപ്പുവരുത്തിയ ശേഷം ആയിരിക്കും കലണ്ടര്‍ അയക്കുക. ശരിയായ ടെലിഫോണ്‍ നമ്പര്‍ ചേര്‍ക്കാത്തവര്‍ക്ക് കലണ്ടര്‍ അയയ്ക്കുന്നതല്ല.