ഷോയുടെ ഭാഗമായി തീ വിഴുങ്ങാൻ ശ്രമിച്ച നേഴ്സ് പൊള്ളലേറ്റ് ആശുപത്രിയിൽ: എൻ എച്ച് എസ് പ്രതിഭാസംഗമം ഉപേക്ഷിച്ചു

ഷോയുടെ ഭാഗമായി തീ വിഴുങ്ങാൻ ശ്രമിച്ച നേഴ്സ് പൊള്ളലേറ്റ് ആശുപത്രിയിൽ: എൻ എച്ച് എസ് പ്രതിഭാസംഗമം ഉപേക്ഷിച്ചു
June 12 04:18 2019 Print This Article

ഷോയുടെ ഭാഗമായി തീ വിഴുങ്ങാൻ ശ്രമിച്ച നേഴ്സിന് ഗുരുതരമായി പൊള്ളലേറ്റു. ഇതിന്റെ ഭാഗമായി എൻ എച്ച് എസിന്റെ പ്രതിഭാസംഗമം ഉപേക്ഷിച്ചു. ക്രിസ്റ്റി കളം എന്ന നേഴ്സിന് ആണ് പൊള്ളലേറ്റത്. വിൻചെസ്റ്ററിലെ റോയൽ തീയേറ്ററിൽ 210 പേരടങ്ങുന്ന സദസ്സിനു മുൻപിൽ ആണ് ഈ സംഭവം. സദസ്സിൽ തന്നെ ഡോക്ടർമാരും നഴ്സുമാരും മറ്റു ഉള്ളതിനാൽ എത്രയും പെട്ടെന്ന് തന്നെ ചികിത്സ ലഭിക്കുന്നതിന് സാധിച്ചു. ആദ്യപകുതിയിൽ നേഴ്സിനേറ്റ അപകടം മൂലം പ്രതിഭാസംഗമം ഉപേക്ഷിച്ചു.

അപകടം നടന്ന ഉടൻ തന്നെ ആംബുലൻസിൽ സാലിസ്ബറിയിലെ ജില്ലാ ആശുപത്രിയിലേക്ക് നഴ്സിനെ എത്തിച്ചു.സദസ്സിൽ ഉണ്ടായിരുന്ന പലരും ഇതിനെ ഒരു അതിഭീകര അപകടമായി വിശേഷിപ്പിച്ചു. നേഴ്സ് എത്രയും പെട്ടെന്ന് സുഖമാകട്ടെ എന്ന് ഫേസ്ബുക്കിൽ അവർ ആശംസിച്ചു.

വിൻചെസ്റ്റർ ആശുപത്രിയുടെ ധനസമാഹരണത്തിന്റെ ഭാഗമായാണ് ഇത്തരമൊരു പ്രതിഭാ സംഗമം സംഘടിപ്പിച്ചത്. ശനിയാഴ്ചയാണ് ഹംപ്ഷ്യർ ഹോസ്പിറ്റൽ ട്രസ്റ്റ് തിയേറ്റർ വാടകയ്ക്ക് എടുത്തത് . നേഴ്സിനെ ചികിത്സക്ക് ആവശ്യമായ എല്ലാ സഹായങ്ങളും ചെയ്തിട്ടുണ്ടെന്ന് ആശുപത്രിവൃത്തങ്ങൾ അറിയിച്ചു. ഷോ പിന്നീടുള്ള ഒരു തീയതികളിലേക്ക് മാറ്റിയതായി വാർത്താക്കുറിപ്പിൽ അറിയിച്ചു.

  Categories:


വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

Comments
view more articles

Related Articles