ക്രിസ്തുമസ് ന്യൂ ഇയര്‍ ആഘോഷങ്ങള്‍ അതി ഗംഭീരമാക്കി പൂള്‍ ഫ്രണ്ട്‌സ്: പോളി ചേട്ടന്റ അന്‍പതാം പിറന്നാള്‍ ഇരട്ടി മധുരമായ് മാറി

ക്രിസ്തുമസ് ന്യൂ ഇയര്‍ ആഘോഷങ്ങള്‍ അതി ഗംഭീരമാക്കി പൂള്‍ ഫ്രണ്ട്‌സ്: പോളി ചേട്ടന്റ അന്‍പതാം പിറന്നാള്‍ ഇരട്ടി മധുരമായ് മാറി
February 08 10:13 2018 Print This Article

പ്രസാദ്‌ ഒഴാക്കല്‍

പൂള്‍ മലയാളികളുടെ സൗഹൃദ കൂട്ടായ്മ യായ ഫ്രണ്ട്‌സ് ഓഫ് പൂള്‍ ക്രിസ്മസ് ന്യൂ ഇയര്‍ ആഘോഷങ്ങള്‍ അതിമനോഹരമായി ആഘോഷിച്ചു. 28-01-2017 ശനിയാഴ്ച വൈകുന്നേരം ആണ് ഫ്രണ്ട്‌സ് ഓഫ് പൂളിന്റെ ആഭിമുഖ്യത്തില്‍ ക്രിസ്തുമസും ന്യൂ ഇയറും ആഘോഷിച്ചത്. സൗഹൃദത്തിന് എന്നും ഒന്നാം സ്ഥാനം നല്‍കുന്ന ഈ കൂട്ടായ്മയിലെ അംഗങ്ങള്‍ക്ക് സന്തോഷത്തിന്റെ ഇരട്ടി മധുരം നുണയാനുളള അവസരം കൂടിയായി ഈ ആഘോഷദിനം മാറിയത് എല്ലാവരിലും ഉത്സാഹ മുണര്‍ത്തുകയുംചെയ്തു. ഫ്രണ്ട്‌സ് ഓഫ് പൂളിന്റെ അവിഭാജ്യ ഘടകവും ഏവര്‍ക്കും ഒരു പോലെ പ്രിയങ്കരനുമായ പോളിമാഞ്ഞൂരാന്റെ അന്‍പതാം പിറന്നാള്‍ദിനം ആഘോഷിക്കാന്‍ കൂടി ഈ വേദിയില്‍ സാധിച്ചു എന്നതാണ് എല്ലാവരെയും ഏറെ സന്തോഷിപ്പിച്ചത്.

ശനിയാഴ്ച വൈകുന്നേരം ആറ് മണിയോടെ ആയിരുന്നു ആഘോഷങ്ങള്‍ക്ക് തുടക്കം കുറിച്ചത്. ആഘോഷത്തിന് എത്തിച്ചേര്‍ന്ന എല്ലാവര്‍ക്കും ക്ലബ് ഭാരവാഹി ജിജോ പൊന്നാട്ട് സ്വാഗതം ആശംസിച്ചു . നോബിള്‍ തെക്കെമുറി ക്രിസ്തുമസ് ന്യൂ ഇയര്‍ സന്ദേശം നല്‍കി ആശംസകള്‍ അറിയിച്ചു. ഫ്രണ്ട്‌സ് ഓഫ് പൂളിന്റെ അംഗവും യുകെയിലെ പ്രശസ്ത ലൈവ് ഓര്‍ക്കസ്ട്ര  ടീമായ ഗ്രേസ് മെലഡിയോസിലെ പ്രധാന ഗായകനുമായ നോബിള്‍ മാത്യുവിന്റ നേതൃത്വത്തില്‍ നടന്ന ലൈവ് ഗാനമേളയായിരുന്നു ആഘോഷരാവിലെ പ്രധാന ആകര്‍ഷണം. ഗാനമേളയെക്കാപ്പം തന്നെ ഫ്രണ്ട്‌സ് ഓഫ് പൂള്‍ അംഗങ്ങള്‍ തന്നെ അവതരിപ്പിച്ചു വിവിധ കലാ പരിപാടികള്‍ ആഘോഷത്തിന് മാറ്റ് കൂട്ടി.

ജിബു കൂര്‍പ്പള്ളി, റെജി കുഞ്ഞാപ്പി, മാര്‍ട്ടിന്‍ കുര്യന്‍, ടോം ജോസഫ് എന്നിവരുടെ മേല്‍നോട്ടത്തില്‍ ആയിരുന്നു ആഘോഷ പരിപാടികള്‍ അരങ്ങേറിയത്. ഒരു കുടുംബ കൂട്ടായ്മ പോലെ മനോഹരമായി പുതുവത്സരത്തെ വരവേറ്റ ആനന്ദത്തില്‍ ആയിരുന്നു പരിപാടിയില്‍ പങ്കെടുത്ത എല്ലാവരും. കലാപരിപാടികള്‍ക്കും ഗാനമേളയ്ക്കും ശേഷം വിഭവ സമൃദ്ധമായ ക്രിസ്തുമസ് – ന്യൂ ഇയര്‍ ഡിന്നറും കഴിച്ചാണ് എല്ലാവരും പിരിഞ്ഞത്.

 

  Categories:


വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

view more articles

Related Articles