പ്ലാസ്റ്റിക് ബാഗില്‍ കുഞ്ഞിന്റെ മൃതദേഹവുമായി ബസില്‍ അമ്മയുടെ യാത്ര; ദാരുണ ദൃശ്യം മെക്‌സിക്കോയില്‍ നിന്ന്

by News Desk 5 | December 7, 2017 5:44 am

മെക്‌സിക്കോ സിറ്റി: കുഞ്ഞിന്റെ മൃതദേഹം പ്ലാസ്റ്റിക് ബാഗില്‍ ഏന്തിക്കൊണ്ട് അമ്മയുടെ ബസ് യാത്ര. മെക്‌സിക്കോ സിറ്റിയിലാണ് ഈ ദാരുണ സംഭവമുണ്ടായത്. സില്‍വിയ റെയെസ് ബറ്റാല്ല എന്ന 25കാരിയാണ് അഞ്ച് വയസ് പ്രായം തോന്നിക്കുന്ന ആണ്‍കുഞ്ഞിന്റെ ശരീരവുമായി ബസില്‍ യാത്ര ചെയ്തത്. മെക്‌സിക്കോ സിറ്റിയില്‍ നിന്ന് 87 മൈല്‍ അകലെയുള്ള പുബേല എന്ന സ്വന്തം പട്ടണത്തിലേക്ക് കാമുകന്‍ അല്‍ഫോന്‍സോ റെഫൂജിയോ ഡോമിന്‍ഗ്വസുമൊത്ത് കുഞ്ഞിന്റെ ജഡം കൊണ്ടുപോകുകയാണെന്നാണ് ഇവര്‍ നല്‍കിയ വിശദീകരണം.

പ്ലാസ്റ്റിക്കില്‍ പൊതിഞ്ഞാണ് ഇവര്‍ ശരീരം കയ്യില്‍ പിടിച്ചിരുന്നത്. പുബേലോയില്‍ കുഞ്ഞിന്റെ മൃതദേഹം അടക്കാനാണ് ഇങ്ങനെ ചെയ്തതെന്നും അവര്‍ പറഞ്ഞു. കുഞ്ഞ് മരിച്ചത് ഒരു ദിവസം മുമ്പാണെന്ന് കണ്ടെത്തി. മെക്‌സിക്കോ സിറ്റി കാണാനെത്തിയതായിരുന്നു ഇവര്‍. ഹൃദയത്തിന് അസുഖമുണ്ടായിരുന്ന കുഞ്ഞ് ഇവിടെവെച്ച് മരിച്ചു. മൃതദേഹം കൊണ്ടുപോകാന്‍ മറ്റു മാര്‍ഗ്ഗങ്ങള്‍ തേടാന്‍ സാധിക്കാത്തതിനാലാണ് ഇവര്‍ ഈ മാര്‍ഗം തേടിയതെന്നാണ് കരുതുന്നത്.

ബസ് ജീവനക്കാര്‍ പാരാമെഡിക്കുകളെ വിളിക്കുകയും പിന്നീട് കുഞ്ഞ് നേരത്തേ മരിച്ചിരുന്നതായി ഔദ്യോഗികമായി സ്ഥിരീകരിക്കുകയും ചെയ്തു. സില്‍വിയയുടെ വിശദീകരണം സത്യസന്ധമാണെന്ന് ഡോക്ടര്‍മാരും സ്ഥിരീകരിക്കുന്നു. എന്തായാലും മരണകാരണത്തേക്കുറിച്ച് അന്വേഷണം നടന്നു വരികയാണ്. ഇവര്‍ തുടര്‍ന്ന് യാത്ര ചെയ്യുന്നത് വിലക്കിയെങ്കിലും കേസെടുത്തതായി വിവരമില്ല.

Endnotes:
  1. മെക്‌സിക്കന്‍ മയക്കുമരുന്ന് രാജാവ് ‘എല്‍ ചാപ്പോ’ ഗുസ്മാന്‍ വീണ്ടും പിടിയില്‍: http://malayalamuk.com/el-chapo-mexican-drug-lord-joaquin-guzman-loera-caught/
  2. പ്ലാസ്റ്റിക് മാലിന്യ പ്രശ്‌നം പരിഹരിക്കാൻ ഈ പുഴു മതിയോ ? 24 മണിക്കൂറിനുള്ളില്‍ ലാര്‍വ തിന്നുതീര്‍ത്തത് 150 മില്ലിഗ്രാം പ്ലാസ്റ്റിക്ക്: http://malayalamuk.com/plastic-eating-wax-worms-may-solve-indias-plastic-waste-problem/
  3. യു.കെയില്‍ പ്ലാസ്റ്റിക് ബാഗുകളുടെ വില വര്‍ദ്ധിപ്പിക്കുന്നു; പ്ലാസ്റ്റിക് മലീനികരണത്തിനെതിരെ സര്‍ക്കാര്‍ നടപ്പിലാക്കുന്ന പുതിയ പദ്ധതിയുടെ ഭാഗമാണ് വില വര്‍ദ്ധനവ്; ഉപഭോഗം നിയന്ത്രിക്കണമെന്ന് വിദഗ്ദ്ധ നിര്‍ദേശം: http://malayalamuk.com/plastic-bag-charge-rise-pollution-climate-change-theresa-may/
  4. പ്ലാസ്റ്റിക്കിനെതിരെ ശക്തമായ നിയമനിര്‍മാണം നടത്തി കെനിയ; ദുരുപയോഗത്തിന് തടവും പിഴയും ശിക്ഷ: http://malayalamuk.com/kenya-just-imposed-the-worlds-toughest-law-against-plastic-bags/
  5. മക്‌ഡൊണാള്‍ഡ്‌സ് പ്ലാസ്റ്റിക് സ്‌ട്രോകളുടെ ഉപയോഗം നിര്‍ത്തുന്നു; യുകെയിലെയും അയര്‍ലണ്ടിലെയും സ്‌റ്റോറുകളില്‍ പുതിയ പേപ്പര്‍ സ്‌ട്രോകള്‍ അവതരിപ്പിക്കും; നീക്കം സ്വാഗതം ചെയ്ത് സര്‍ക്കാര്‍: http://malayalamuk.com/mcdonalds-plastic-straws-ban-uk-ireland-pollution-environment-eu-rule/
  6. ആയിരം വര്‍ഷങ്ങള്‍ക്ക് ശേഷം മാര്‍പാപ്പയും റഷ്യന്‍ ഓര്‍ത്തഡോക്സ് പാത്രിയാര്‍ക്കീസും തമ്മിലുള്ള കൂടിക്കാഴ്ച യാഥാര്‍ത്ഥ്യമായി: http://malayalamuk.com/pope-francis-has-met-with-the-head-of-the-russian-orthodox-church-head/

Source URL: http://malayalamuk.com/grieving-mother-forced-to-carry-dead-son-in-a-plastic-bag-on-a-bus/