സേവനം യുകെയുടെ നേതൃത്വത്തിൽ ‘ഗുരുസന്ധ്യ’ ദാർശനിക സമ്മേളനം ഓക്സ്ഫോർഡിൽ

സേവനം യുകെയുടെ നേതൃത്വത്തിൽ ‘ഗുരുസന്ധ്യ’ ദാർശനിക സമ്മേളനം ഓക്സ്ഫോർഡിൽ
October 12 11:42 2019 Print This Article

സതീഷ് കുട്ടപ്പൻ

ശ്രീനാരായണ ഗുരുദേവ ദർശനം ലോകമെമ്പാടും പ്രചരിപ്പിക്കുക എന്നുള്ള ശിവഗിരി മഠത്തിന്റെ ദൗത്യത്തിന്റെ ഭാഗമായി ശിവഗിരി മഠത്തിൽ നിന്നും ഗുരുധർമ്മ പ്രചരണസഭയുടെ ആഭിമുഖ്യത്തിൽ നടത്തിവരുന്ന സ്മൃതി യാത്രയുടെ ഭാഗമായി ഒക്ടോബർ 16 മുതൽ 25ാം തീയതി വരെ യുകെ യുടെ വിവിധ ഭാഗങ്ങളിൽ സന്ദർശനം നടത്തുന്നു .

അതിന്റെ ഭാഗമായി ഗുരുധർമ്മ പ്രചരണസഭയുടെ യു കെ യിലെ 2020ാം നമ്പർ യൂണിറ്റായ സേവനം യുകെ യുടെ നേതൃത്തത്തിൽ ഒക്ടോബർ 24-ാം തീയതി വ്യാഴാഴ്ച്ച വൈകിട്ട് 6 മണി മുതൽ ഓക്സ്ഫോർഡിൽ വച്ചു “ഗുരുസന്ധ്യ” എന്ന ദാർശനിക സമ്മേളനം നടക്കുന്നു. ഗുരുവിന്റെ ജീവിതവും ദർശനങ്ങളും വളരെ പ്രസക്തമായ ഈ കാലഘട്ടത്തിൽ ഗുരുദേവ ദർശനങ്ങൾ ആഴത്തിൽ അറിയുവാനും മനസ്സിലാക്കാനുമുള്ള ഒരു അവസരമാണ് ഈ സമ്മേളനം ഒരുക്കുന്നത്.

ശിവഗിരി മഠം മുൻ ജനറൽ സെക്രട്ടറി സ്വാമി ഋതംബരാനന്ദ ‘ഗുരുസന്ധ്യ’ ഉത്‌ഘാടനം ചെയ്യും. ചടങ്ങിൽ ഗുരുധർമ്മ പ്രചരണസഭയുടെ ജനറൽ സെക്രട്ടറി സ്വാമി ഗുരുപ്രസാദ് മുഖ്യ പ്രഭാക്ഷണം നടത്തും. ഡോക്ടർ ബിജു പെരിങ്ങത്തറ അധ്യക്ഷത വഹിക്കുന്ന പ്രസ്തുത സമ്മേളനത്തിൽ മുംബൈ ശ്രീനാരായണ മന്ദിരസമിതി ചെയർമാൻ ശ്രീ M.I. ദാമോദരൻ പ്രശസ്ത ചരിത്രകാരൻ ഡോക്ടർ പീതാംബരൻ, ധർമ്മ പ്രഭാഷകൻ ശ്രീ ജയചന്ദ്രബാബു, ശിവഗിരി ആശ്രമം നോർത്ത് അമേരിക്കയുടെ ബോർഡ് മെമ്പർമാരായ ശ്രീ സാജൻ നടരാജൻ, ശ്രീ സജിത്ത് ശശിധരൻ എന്നിവരോടൊപ്പം യുകെയിലെ ഇതര ശ്രീനാരായണ സംഘടന പ്രതിനിധികളായ ശ്രീ കിഷോർ രാജ്, ശ്രീ രാജേഷ് നടേപ്പള്ളി, ശ്രീ സുധാകരൻ പാലാ എന്നിവർ യോഗത്തിൽ ആശംസകൾ അർപ്പിച്ച് സംസാരിക്കുന്നതാണ്.

ജാതി മത ഭേദമന്യേ എല്ലാ ഗുരുദേവവിശ്വാസികളെയും ഞങ്ങൾ കുടുംബസമേതം ഓക്സ്ഫോർഡിലേക്കു ഹാർദ്ദവമായി സ്വാഗതം ചെയ്യുന്നു.

Venue: Exeter Hall, Oxford road, Kidlington, Oxford, OX5 1AB
Hot line Ph: 07474018484.

  Categories:


വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

Comments
view more articles

Related Articles