കേരളം വിറങ്ങലിച്ചു നില്‍ക്കുന്നു;എന്റെ വീടും വെള്ളം കയറികിടക്കുന്നു;എങ്കിലും ധര്‍മ്മം അനുഷ്ഠിക്കുകയണല്ലോ നാം ചെയ്യേണ്ടത്; ചാരിറ്റി കളക്ഷന്‍ 1055 പൗണ്ട് കഴിഞ്ഞു ദയവായി സഹായിക്കുക

കേരളം വിറങ്ങലിച്ചു നില്‍ക്കുന്നു;എന്റെ വീടും വെള്ളം കയറികിടക്കുന്നു;എങ്കിലും ധര്‍മ്മം അനുഷ്ഠിക്കുകയണല്ലോ നാം ചെയ്യേണ്ടത്; ചാരിറ്റി കളക്ഷന്‍ 1055 പൗണ്ട് കഴിഞ്ഞു ദയവായി സഹായിക്കുക
August 13 06:23 2018 Print This Article

ടോം ജോസ് തടിയംപാട്

കേരളം മഴവെള്ളപ്പാച്ചിലില്‍ വിറങ്ങലിച്ചു നില്‍ക്കുന്നു ജീവനും ജീവിതവും നഷ്ടപ്പെട്ടവരുടെ തേങ്ങലുകള്‍ ചെവിയോര്‍ത്താല്‍ നമുക്ക് കേള്‍ക്കാം. ഈ വര്‍ഷത്തെ ഓണം കേരള സമൂഹത്തിനു തന്നെ വേദനയായി മാറുന്ന അവസ്ഥയാണ് കാണുന്നത്. എന്റെ വീടും വെള്ളം കയറി കിടക്കുന്നു. മാനസിക വിഷമം ഉണ്ടെങ്കിലും കര്‍മ്മനിരതനാകുക എന്നതല്ലേ വേണ്ടത് എന്നൊരു ഉള്‍വിളി. രണ്ടു ദിവസമായി ജോലിക്കുപോകാതെയിരുന്നു വാര്‍ത്തകള്‍ കാണുകയായിരുന്നു. കടന്നുപോയ ഇടുക്കിയിലെ ജീവിതത്തിലെ ഇത്തരം വേദനകളാണ് ഇടുക്കി ചാരിറ്റി ഗ്രൂപ്പ് യുകെ എന്ന സംഘടനയുടെ തുടക്കത്തിനു തന്നെ കാരണമായത്.

ഇടുക്കി ചാരിറ്റി ഗ്രൂപ്പ് യുകെ ഈ വര്‍ഷത്തെ ഓണം ചാരിറ്റി നടത്തുന്നത് തകര്‍ന്നടിഞ്ഞ മൂന്നു കുടുംബങ്ങളെ സഹായിക്കുന്നതിനു വേണ്ടിയാണ്. അതിനു യുകെ മലയാളികളുടെ ഇടയില്‍നിന്നും വലിയ ജനപിന്തുണയാണ് ലഭിച്ചുകൊണ്ടിരിക്കുന്നത്. ഇതുവരെ. 1055 പൗണ്ട് ലഭിച്ചു. ബാങ്കിന്റെ സമ്മറി സ്റ്റേറ്റ്‌മെന്റ് പ്രസിദ്ധീകരിക്കുന്നു. പണം നല്‍കിയ എല്ലാവര്‍ക്കും വിശദമായ സ്റ്റേറ്റ്‌മെന്റ് അയച്ചിട്ടുണ്ട്. ഇനിയും ലഭിക്കാത്തവര്‍ താഴെ കാണുന്ന ഫോണ്‍ നമ്പരുകളില്‍ ബന്ധപ്പെടുക. ഈ ഓണനാളില്‍ നമുക്ക് ചുറ്റുമുള്ളവരുടെ വേദന കണ്ടറിഞ്ഞു അവരെ സഹായിക്കാന്‍ ഇടുക്കി ചാരിറ്റി ഗ്രൂപ്പ് യുകെ നടത്തുന്ന ഈ എളിയ ശ്രമത്തെ സഹായിക്കണമെന്ന് അപേക്ഷിക്കുന്നു.

രണ്ടു കിഡ്‌നിയും തകരാറിലായി ജീവിതം ദുരിതപൂര്‍ണ്ണമായിത്തീര്‍ന്ന കൂലിപ്പണിക്കാരായ ചേര്‍ത്തല സ്വദേശി സാബു കുര്യന്റെ കുടുംബത്തെയും വാഹനാപകടത്തില്‍ തലയ്ക്കു പരിക്കുപറ്റി കിടപ്പിലായ ഇടുക്കി ചുരുളിയിലുള്ള ഡെനിഷ് മാത്യുവിന്റെ കുടുംബത്തെയും സഹായിക്കുന്നതിനു വേണ്ടിയും അതോടൊപ്പം ഒരു വീടില്ലാതെ കഷ്ടപ്പെടുന്ന മണിയാറന്‍കുടി സ്വദേശി ബിന്ദു പി.വി. എന്ന വീട്ടമ്മയെയും സഹായിക്കാന്‍ വേണ്ടിയാണു ഇടുക്കി ചാരിറ്റി ഗ്രൂപ്പ് ഓണം ചാരിറ്റിയുമായി നിങളുടെ മുന്‍പില്‍ കൈനീട്ടുന്നത്. നിങ്ങള്‍ സഹായിക്കുമെന്നു ഞങ്ങള്‍ക്ക് ഉറപ്പുണ്ട്. നിങ്ങളുടെ സഹായം കൊണ്ടാണ് 45 ലക്ഷത്തോളം രൂപയുടെ സഹായം നാട്ടിലെ ആളുകള്‍ക്ക് ഇതുവരെ നല്‍കാന്‍ ഞങ്ങള്‍ക്കു കഴിഞ്ഞത്.
മൂന്നു സെമിറ്റിക്ക് മതങ്ങളും, ഹിന്ദു മതവും ഉറപ്പിച്ചു പറയുന്ന ഒന്നാണ് സല്‍കര്‍മ്മമാണ് ദൈവ സന്നിധിയിലെക്കുള്ള പ്രവേശന ടിക്കറ്റിന്റെ ആധാരമെന്ന്. നിങ്ങളുടെ ഒരുനേരത്തെ ഭക്ഷണത്തിന്റെ പണം ഞങ്ങള്‍ക്കു നല്‍കി സഹായിക്കണമെന്ന് അപേക്ഷിക്കുന്നു നീങ്ങള്‍ തരുന്ന മുഴുവന്‍ പണവും ഈ മൂന്നു കുടുംബത്തിനും, തുല്യമായി വീതിച്ചു നല്‍കും എന്നറിയിക്കുന്നു.

നിങ്ങളുടെ സഹായങ്ങള്‍ താഴെക്കാണുന്ന ഇടുക്കി ചാരിറ്റി ഗ്രൂപ്പ് അക്കൗണ്ടില്‍ ദയവായി നിക്ഷേപിക്കുക..

‘ദാരിദ്ര്യം എന്തെന്നറിഞ്ഞവര്‍ക്കേ പാരില്‍ പരക്ലേശവിവേകമുള്ളു’

ACCOUNT NAME, IDUKKI GROUP
ACCOUNT NO 50869805
SORT CODE 20-50.-82
BANK BARCLAYS.
ഇടുക്കി ചാരിറ്റി വേണ്ടി സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ് 07803276626..

  Categories:


വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

Comments
view more articles

Related Articles