ബെഡ്ഫോർഡ്: ബെഡ്ഫോർഡ് ക്രിസ്ത്യൻ കമ്മ്യുണിറ്റിയുടെ നേതൃത്വത്തിൽ ജപമാല മാസത്തിൽ മാതൃ വണക്കത്തിന്റെ ഭാഗമായി നടത്തിവരുന്ന പത്തു ദിവസത്തെ കൊന്ത നമസ്കാര സമാപനവും പരിശുദ്ധ ജപമാലരാജ്ഞിയുടെ തിരുന്നാളും സംയുക്തമായി ഒക്ടോബർ 26ന് ശനിയാഴ്ച ആഘോഷിക്കുന്നു.ബെഡ്ഫോർഡിലെ ഔർ ലേഡി കാത്തോലിക് ചർച്ചിൽ വെച്ചാണ് തിരുക്കർമ്മങ്ങൾ ക്രമീകരിച്ചിരിക്കുന്നത്.
ഒക്ടോബർ 26ന് ശനിയാഴ്ച വൈകുന്നേരം 4:00 മണിക്ക് കൊന്ത നമസ്കാരത്തോടെ ശുശ്രുഷകൾ ആരംഭിക്കും. കൊന്ത നമസ്കാരത്തിന് ശേഷം വാഴ്‌വും, ആരാധനയും ഉണ്ടായിരിക്കുന്നതാണ്. തുടർന്ന് ആഘോഷമായ തിരുന്നാൾ ദിവ്യ ബലി അർപ്പിക്കപ്പെടും. ബെഡ്ഫോർഡ് കുർബ്ബാന സെന്ററിന്റെ പ്രീസ്റ്റ് ഇൻ ചാർജ്ജ് ഫാ.സാജു മുല്ലശ്ശേരിൽ SDB മുഖ്യ കാർമികത്വം വഹിച്ചു തിരുന്നാൾ സന്ദേശം നൽകുന്നതാണ്.
പരിശുദ്ധ ജപമാല രാജ്ഞിയുടെ തിരുന്നാളിലും, കൊന്തനമസ്കാരത്തിലും മറ്റു തിരുക്കർമ്മങ്ങളിലും ഭക്തിപുരസ്സരം പങ്കു ചേർന്ന്, പരിശുദ്ധ അമ്മയുടെ മാദ്ധ്യസ്ഥത്തിൽ അനുഗ്രഹങ്ങളും കൃപകളും പ്രാപിക്കുവാൻ ഏവരെയും സസ്നേഹം സ്വാഗതം ചെയ്യുന്നതായി തിരുന്നാൾ കമ്മിറ്റി അറിയിച്ചു.
തിരുന്നാൾ തിരുക്കർമ്മങ്ങൾക്ക് ശേഷം പാച്ചോർ നേർച്ച വിതരണം ചെയ്യും. സ്നേഹ വിരുന്നും ഒരുക്കിയിട്ടുണ്ട്.
കൂടുതൽ വിവരങ്ങൾക്ക് :
Sabichen Thoppil 07545 143061
Raju Thomas 07737 250611
Jessy Paul 07741 460612
Church address:
Our Lady Catholic Church
Kempston Road
Bedfod
MK42 8QD.