ജോസി ആന്റണിയ്ക്ക് യുകെ മലയാളികളുടെ കണ്ണീരില്‍ കുതിര്‍ന്ന ആദരാഞ്ജലി; ബിഷപ്പ് മാര്‍ ജോസഫ് സ്രാമ്പിക്കല്‍ വിടനല്‍കല്‍ ചടങ്ങില്‍ മുഖ്യ കാര്‍മ്മികനായി

ജോസി ആന്റണിയ്ക്ക് യുകെ മലയാളികളുടെ കണ്ണീരില്‍ കുതിര്‍ന്ന ആദരാഞ്ജലി; ബിഷപ്പ് മാര്‍ ജോസഫ് സ്രാമ്പിക്കല്‍ വിടനല്‍കല്‍ ചടങ്ങില്‍ മുഖ്യ കാര്‍മ്മികനായി

മലയാളം യുകെ ന്യൂസ് ടീം

അകാലത്തിൽ പൊലിഞ്ഞു പോയ സുന്ദര നക്ഷത്രത്തിന് യുകെ മലയാളികൾ ഇന്നലെ കണ്ണീരിൽ കുതിർന്ന യാത്രാമൊഴിയേകി. ബെഡ്ഫോർഡിലേയും പിന്നീട് ബെക് സിലിലെയും മലയാളികൾക്കിടയിലും താൻ ജോലി ചെയ്തിരുന്ന സ്ഥലങ്ങളിലും പ്രസരിപ്പിന്റെ ആൾരൂപമായി ഒരു പൂമ്പാറ്റയെ പോലെ പാറി നടന്നിരുന്ന ജോസി ആന്റണിക്ക് അവസാനമായി ആദരാഞ്ജലികൾ അർപ്പിക്കാൻ ഇന്നലെ ആയിരക്കണക്കിന് മലയാളികൾ ആണ് ബ്രെക സിലിൽ എത്തിചേർന്നത്. നിറപുഞ്ചിരിയുമായി എല്ലാ കാര്യങ്ങളിലും കൂടെയുണ്ടായിരുന്ന ജോസിയെ അവസാനമായി ഒരു നോക്ക് കാണാൻ ബെഡ് ഫോർഡിൽ നിന്നായിരുന്നു ഏറ്റവുമധികം ആളുകൾ എത്തി ചേർന്നത്. കണ്ണീരണിഞ്ഞ മുഖവുമായി ഇവർ ഓരോരുത്തരായി ജോസിയുടെ ശവമഞ്ചത്തിൽ തൊട്ട് നീങ്ങിയപ്പോൾ അടക്കിപ്പിടിച്ച തേങ്ങലുകൾ എല്ലാവരിലും നിറഞ്ഞു നിന്നിരുന്നു.

josy7

ഡിസംബർ രണ്ടിന് രാവിലെയായിരുന്നു യുകെ മലയാളികൾക്ക് ഞെട്ടൽ സമ്മാനിച്ച് കൊണ്ട് അപ്രതീക്ഷിതമായി ജോസിയുടെ വിയോഗ വാർത്ത പുറത്ത് വന്നത്. കേവലം മുപ്പത് വയസ്സ് മാത്രം പ്രായമുള്ള ജോസിയുടെ അപ്രതീക്ഷിത മരണം എല്ലാവർക്കും വിശ്വസിക്കാനാവാത്ത ആഘാതമായിരുന്നു. ഒരാഴ്ച മുൻപ് വരെ യാതൊരു വിധ ആരോഗ്യ പ്രശ്നങ്ങളും ഇല്ലാതെ കണ്ടു മുട്ടുന്നവർക്കെല്ലാം ഓർമ്മയിൽ സൂക്ഷിക്കാൻ ഒരു നറുപുഞ്ചിരി എപ്പോഴും നൽകുമായിരുന്ന ജോസി വളരെ പെട്ടെന്നായിരുന്നു രോഗത്തിനും മരണത്തിനും കീഴടങ്ങിയത്. പല്ലുവേദനയും തലവേദനയുമായി ഡോക്ടറെ കാണാനെത്തിയ ജോസിക്ക് ലുക്കീമിയ ആണെന്ന് തിരിച്ചറിയുകയായിരുന്നു. രോഗ നിർണ്ണയം നടത്തി ശരിയായ ചികിത്സകൾ തുടങ്ങുന്നതിന് മുൻപ് തന്നെ ജോസി ഈ ലോകത്തോട് യാത്ര പറയുകയും ചെയ്തു. അവസാന മണിക്കൂറുകളിൽ ഉറ്റ ബന്ധുക്കൾ ആരും അരികിൽ ഇല്ലാതെയായിരുന്നു ജോസി കടന്ന് പോയത്. കർശനമാക്കിയ വിസ നിയന്ത്രണങ്ങൾ മൂലം ജോസിയുടെ ഭർത്താവ് ചാംസ് ജോസഫിനും രണ്ടര വയസ്സുകാരിയായ ഏക മകൾ ഒലീവിയ യ്ക്കും മാസങ്ങൾക്ക് മുൻപ് നാട്ടിലേക്ക് മടങ്ങി പോകേണ്ടി വന്നിരുന്നു. ജോസിക്ക് വിസ പുതുക്കി ലഭിച്ച് കഴിഞ്ഞാൽ തിരികെ വരാൻ കാത്തിരുന്ന ഇവർക്ക് പക്ഷേ വിധി കാത്ത് വച്ചിരുന്നത് ഇങ്ങനെയൊരു ദുരന്ത വാർത്തയായിരുന്നു.

josy1

ഇന്നലെ ഉച്ചകഴിഞ്ഞ് മൂന്ന് മണിക്ക് ജോസിയുടെ മൃതദേഹം പൊതുദർശനത്തിന് വച്ചപ്പോൾ യുകെയുടെ നാനാ ഭാഗങ്ങളിൽ നിന്നായി നിരവധി ആളുകൾ അന്ത്യാഞ്ജലി അർപ്പിക്കാൻ എത്തി ചേർത്തിരുന്നു. ഗ്രേറ്റ് ബ്രിട്ടൻ രൂപതയുടെ അഭിവന്ദ്യ പിതാവ് മാർ ജോസഫ് സ്രാമ്പിക്കൽ പിതാവ് ഉൾപ്പെടെയുള്ളവർ ഇന്നലെ ബ്രെക്സിലിൽ എത്തി ചേർന്നിരുന്നു. സഭാ ശുശ്രൂഷകളുടെ ഭാഗമായി ന്യൂകാസിലിൽ ആയിരുന്ന പിതാവ് ഇവിടെ പ്ലാൻ ചെയ്തിരുന്ന പരിപാടികൾ ക്യാൻസൽ ചെയ്തായിരുന്നു ഇന്നലെ ബ്രെക്സി ലിൽ എത്തിയത്. ജോസിയ്ക്ക് വേണ്ടിയുള്ള വി. കുർബാനയ്ക്കും പ്രാർത്ഥനകൾക്കും മുഖ്യ കാർമ്മികത്വം വഹിച്ച ശേഷം രാത്രി തന്നെ പിതാവ് ന്യൂകാസിലിലേക്ക് മടങ്ങി.

josy2

സ്രാമ്പിക്കൽ പിതാവിനെ കൂടാതെ ഫാ. ജോയി ആലപ്പാട്ട്, ഫാ. റോയ് മുത്തു മാക്കൽ, ഫാ. ഫാൻസുവ ഫ്രാൻസിസ്, ഫാ. രാജേഷ് മിൻസ്, ഡീക്കൻ ജോയ്സ് പള്ളിക്ക്യമാലിൽ എന്നിവരും വി. കുർബാനയിലും പ്രാർത്ഥനയിലും സഹകാർമ്മികരായിരുന്നു. നേരത്തെ അറിയിച്ചിരുന്നത് പോലെ കൃത്യം മൂന്ന് മണിക്ക് തന്നെ ഫ്യുണറൽ സർവീസുകാർ ജോസിയുടെ മൃതദേഹവുമായി പള്ളിയിൽ എത്തി ചേർന്നു. തുടർന്നായിരുന്നു വി. കുർബാനയും അന്തിമാഭിവാദ്യങ്ങൾ അർപ്പിക്കലും. ചടങ്ങുകൾക്ക് ശേഷം ഇന്നലെ വൈകുന്നേരം തന്നെ ജോസിയുടെ മൃതദേഹം ലണ്ടനിലേക്ക് കൊണ്ട് പോയി. ഇന്ന് വൈകുന്നേരത്തെ എമിറേറ്റ്സ് വിമാനത്തിൽ ജോസിയുടെ മൃതദേഹം നാട്ടിലേക്ക് കൊണ്ട് പോകും വ്യാഴാഴ്ച കാലത്ത് കൊച്ചിയിൽ എത്തുന്ന മൃതദേഹം ജോസിയുടെ ഭർത്താവ് ചാംസും ബന്ധുക്കളും ചേർന്ന് ഏറ്റുവാങ്ങും.

josy3

ഇടുക്കി നെടുങ്കണ്ടം മാവടിയിലെ പെരികിലക്കാട്ട് കുടുംബാംഗമാണ് ജോസിയുടെ ഭർത്താവ് ചാംസ് ജോസഫ്. മൃതദേഹം വെള്ളിയാഴ്ച മാവടി സെന്റ് തോമസ് പള്ളിയിൽ സംസ്കരിക്കും. യുകെയിൽ നിന്ന് ജോസിയുടെ ബന്ധു മജു ആന്റണി മൃതദേഹത്തെ അനുഗമിക്കുന്നുണ്ട്. എമിറേറ്റ്സ് വിമാനത്തിൽ ടിക്കറ്റ് ലഭ്യമല്ലാത്തതിനാൽ ഖത്തർ എയർവേയ്സിൽ ആണ് മജു യാത്ര ചെയ്യുന്നത്. എന്നാൽ ജോസി യുടെ മൃതദേഹം എത്തി ചേരുന്നതിന് മുൻപ് തന്നെ മജു നാട്ടിലെത്തും.

josy4

സീമ സെക്രട്ടറി ഷാജി കരിനാട്ട് പ്രസിഡന്റ് സോജി ജോണി കുട്ടി, ട്രഷറര്‍ മനോജ് ജോസഫ്, ജോസഫ് അരയത്തെല്‍, ക്രിസ് ജോസഫ്, അജു ചാക്കോ, സണ്ണി വര്‍ഗീസ്, അജു ജോര്‍ജ്, ഷീബ ഡേവിസ്, പ്രിന്‍സ് ജോര്‍ജ്, സാബു കുര്യന്‍, മേരികുട്ടി ജോര്‍ജ് തുടങ്ങിയവരുള്‍പ്പടെയുള്ള ഒരു വലിയ സമൂഹം ജോസിയുടെ മരണ ദിവസം മുതല്‍ ബന്ധുവായ മജു ആന്റണിയുടെ ഒപ്പം എല്ലാ കാര്യങ്ങളിലും സഹായിക്കാന്‍ സജീവമായി രംഗത്തുണ്ടായിരുന്നു. സീമ ഭാരവാഹികള്‍ക്കൊപ്പം, ബെസ്‌കില്‍ ഓണ്‍ സീ, ഈസ്റ്റ് ബോണ്‍, സീറോ മലബാര്‍ സമൂഹവും, പോള്‍ഗേറ്റ് യാക്കോബായ സമൂഹവും മറ്റ് സംഘടനകളും പ്രാര്‍ത്ഥനാ പൂര്‍ണ്ണമായ സഹായങ്ങള്‍ക്കൊപ്പം സാമ്പത്തിക സഹായം നല്‍കുന്ന കാര്യത്തിലും മുന്നിട്ടു നിന്നു. യുകെ മലയാളികള്‍ വിവിധ സംഘടനകള്‍ വഴി പിരിച്ചെടുത്ത സാമ്പത്തിക സഹായം ജോസിയുടെ ഭര്‍ത്താവ് ചാംസിനും മകള്‍ ഒലീവിയയ്ക്കും കൈമാറും.

josy5

ജോസിയുടെ സ്വന്തം ജില്ലയായ ഇടുക്കി ജില്ലാ സംഗമം കണ്‍വീനര്‍ റോയി മാത്യു, മാഞ്ചസ്റ്റര്‍, ജോയിന്റ് കണ്‍വീനര്‍ ബാബു തോമസ്, ബിനോയ് തോമസ്, മനോജ് ജോസഫ് തുടങ്ങിയവരുടെ നേതൃത്വത്തില്‍ യുകെയുടെ വിവിധ ഭാഗങ്ങളില്‍ നിന്ന് നിരവധി ആളുകളാണ് ജോസിയെ അവസാനമായി കാണുന്നതിനായി വിദൂര സ്ഥലങ്ങളില്‍ നിന്നും എത്തിച്ചേര്‍ന്നത്. ഇവരും ഇടുക്കി ചാരിറ്റി ഗ്രൂപ്പ് പ്രതിനിധി പ്രിന്‍സും ഉള്‍പ്പെടെ നിരവധി പേര്‍ മൃതദേഹത്തില്‍ റീത്ത് സമര്‍പ്പിച്ചു.

josy6

ജോസി വര്‍ഷങ്ങളോളം താമസിച്ചിരുന്ന ബെഡ്‌ഫോര്‍ഡില്‍ നിന്നും ജോമോന്‍ മാമ്മൂട്ടിലിന്റെ നേതൃത്വത്തില്‍ നിരവധി ആളുകള്‍ ശുശ്രൂഷയില്‍ പങ്കെടുക്കുന്നതിനായി ഈസ്റ്റ് ബോണിലെത്തിയിരുന്നു. ബിഎംകെഎയുടെ നേതൃത്വത്തില്‍ ബെഡ്‌ഫോര്‍ഡില്‍ ജോസിയുടെ ആത്മശാന്തിക്കായി പ്രാര്‍ത്ഥന ശുശ്രൂഷകളും കഴിഞ്ഞ ദിവസങ്ങളില്‍ നടന്നിരുന്നു. വിശുദ്ധ കുര്‍ബ്ബാനക്ക് ശേഷം സീമ സെക്രട്ടറി ഷാജി കരിനാട്ട് ജോസിയുടെ ജനനം മുതല്‍ മരണം വരെയുള്ള പ്രധാന സംഭവങ്ങള്‍ കോര്‍ത്തിണക്കി നടത്തിയ നന്ദി പ്രസംഗം ആരുടെയും കണ്ണ് നനയിപ്പിക്കുന്നതായിരുന്നു.

ജോസിയ്ക്ക് യുകെ മലയാളികള്‍ നല്‍കിയ യാത്രയപ്പിന്റെ കൂടുതല്‍ ചിത്രങ്ങള്‍ കാണാന്‍ ഈ ലിങ്കില്‍ ക്ലിക്ക് ചെയ്യുക 

വായനക്കാരുടെ അഭിപ്രായങ്ങള്‍ രേഖപ്പെടുത്താന്‍ താഴെയുള്ള കമന്റ് കോളം ഉപയോഗിക്കാവുന്നതാണ്. അവഹേളനമോ വ്യക്തിപരമായ അധിക്ഷേപങ്ങളോ അശ്‌ളീലമോ മതനിന്ദയോ ആകാവുന്ന പോസ്റ്റുകള്‍ സൈബര്‍ നിയമപ്രകാരം കുറ്റകരമാണ്.
Post Your Malayalam Comments ( Click here for Malayalam Comments )
Press Esc to close
other news
1 2 3 1,585

More Latest News

സ്വിമ്മിങ് പൂളിൽ വീണ് മലയാളി സഹോദരങ്ങൾ മരിച്ചു 

രണ്ട് മലയാളി കുരുന്നുകൾ ഉൾപ്പെടെ മൂന്ന് കുട്ടികൾ സ്വിമ്മിങ് പൂളിൽ വീണ് മുങ്ങി മരിച്ചു. കൊല്ലം കരുനാഗപ്പള്ളി സ്വദേശി നവാസിന്റെ മക്കളായ ഷമാസ് (7), ഷൗഫാൻ (6 ), ഗുജറാത്ത്‌ സ്വദേശിയുടെ മകൻ ഹാർട്ട് (6 )എന്നിവരാണ് മരിച്ചത്. ഇന്ന് പ്രാദേശിക സമയം അഞ്ച് മണിയോടുകൂടിയാണ് പ്രവാസി മലയാളികളെ നടുക്കിയ മരണം ഉണ്ടായത്. കുറച്ചുകാലമായി ഉപയോഗിക്കാതെ കിടന്ന സ്വിമ്മിങ് പൂളിൽ

അഭിഭാഷക ജോലി മടുത്തു; പകരം ഈ യുവതി കണ്ടെത്തിയ ജോലി കേള്‍ക്കണോ ?

ചെയ്തുകൊണ്ടിരിക്കുന്ന ജാലി ഉപേക്ഷിച്ച് മറ്റൊരു ജോലി തേടിപ്പോകുന്നത് മനുഷ്യര്‍ക്കിടയില്‍ സാധാരണമാണ്. ബ്രസീലുകാരി ക്ലൗഡിയ ഡി മാര്‍ചി എന്ന യുവതി അഭിഭാഷക ജോലി ഉപേക്ഷിച്ച് പകരം കണ്ടെത്തിയ ജോലി ഏവരെയും മൂക്കത്ത് വിരല്‍ വയ്പ്പിക്കും. ഭരണഘടനാ നിയമങ്ങളില്‍ പ്രാവീണ്യമുള്ള ക്ലൗഡിയ ഇപ്പോള്‍ ചെയ്യുന്ന ജോലി അഭിസാരികയുടെ ജോലിയാണ്.

സെക്‌സി ദുര്‍ഗ്ഗ റിലീസിനു മമ്പേ എനിക്കു ഒരുപാട് അശ്ലീല സന്ദേശങ്ങളും വീഡിയോകളും കിട്ടുന്നു;സെക്‌സി ദുര്‍ഗ്ഗയില്‍

സനല്‍കുമാര്‍ ശശിധരന്‍ സംവിധാനം ചെയ്ത സെക്‌സി ദുര്‍ഗ്ഗ റിലീസിനു മമ്പേ വിവാദത്തില്‍ പെട്ട ചിത്രമായിരുന്നു. ബോപാല്‍ സ്വദേശി രാജശ്രീ ദേശ്പാണ്ഡെയാണു ചിത്രത്തിന്റെ കേന്ദ്ര കഥാപത്രമായ ദുര്‍ഗ്ഗയെ അവതരിപ്പിക്കുന്നത്. ആ സിനിമ ചെയ്തതു മുതല്‍ താന്‍ നേരിടുന്ന വെല്ലുവിളികളെക്കുറിച്ചാണു രാജശ്രീ പറയുന്നത്.

വലതു കൈയ്യില്ലാതെ ജനിച്ച കുഞ്ഞിനെ സ്വീകരിക്കാന്‍ മടിച്ച് പിതാവ് ; ഒടുവില്‍ കുഞ്ഞിനെ ഏറ്റെടുക്കാന്‍

വലതു കൈയ്യില്ലാതെ ജനിച്ച നവജാത ശിശുവിനെ സ്വീകരിക്കാന്‍ കുട്ടിയുടെ പിതാവ് വിസമ്മതിച്ചതിനെത്തുടര്‍ന്നുണ്ടായ സംഘര്‍ഷങ്ങള്‍ അവസാനിപ്പിച്ചത് എസ്‌ഐയുടെ ഇടപെടല്‍.

കേരളത്തിൽ നിന്നും വീണ്ടും ഒരു രാഷ്ട്രപതിയോ ? മോദിയുടെ മനസില്‍ മെട്രോമാനും; നിയമസഭാ

ലോക്സഭാ, രാജ്യസഭാ അംഗങ്ങളും സംസ്ഥാനങ്ങളിലെ എം.എല്‍.എമാരും വോട്ട്ചെയ്താണു രാഷ്ട്രപതിയെ തെരഞ്ഞെടുക്കുക. ഇതുപ്രകാരം 4,120 എം.എല്‍.എമാരും 776 എം.പിമാരും ഉള്‍പ്പെടെ 4,896പേരാണ് രാഷ്ട്രപതി തെരഞ്ഞെടുപ്പിന്റെ ഇലക്ടറല്‍ കോളജിലുണ്ടാവുക. ജനസംഖ്യാനുപാതികമായി പരിഗണിച്ചു പത്തുലക്ഷത്തോളം ഇലക്ടറല്‍ വോട്ടുകളാണ് ആകെയുള്ളത്. ഒരു എം.പിയുടെ വോട്ടിന് 708 വോട്ടുകളുടെ മൂല്യമുണ്ടാവും. എം.എല്‍.എമാരുടെ വോട്ടുകള്‍ക്ക് അവരുടെ സംസ്ഥാനങ്ങളിലെ ജനസംഖ്യാനുപാതികമാവും മൂല്യം. വിജയിക്കാന്‍ 5,49,001 വോട്ടുകളാണ് ലഭിക്കേണ്ടത്. 338 എം.പിമാരുടെയും 1126 എം.എല്‍.എമാരുടെയും ശക്തിയാണ് ഇപ്പോള്‍ ബി.ജെ.പിക്കുള്ളത്.

പിസി ജോർജ് എംഎൽഎ ക്യാന്റീന്‍ ജീവനക്കാരന്റെ മുഖത്തടിച്ചു; പരാതിയുമായി ജീവനക്കാരൻ നിയമസഭ സെക്രട്ടേറിയറ്റിൽ

പൂഞ്ഞാര്‍ എംഎല്‍എ പിസി ജോര്‍ജ് എംഎല്‍എ ഹോസ്റ്റലിലെ ജീവനക്കാരന്‍റെ മുഖത്തടിച്ചു. എംഎല്‍എ ഹോസ്റ്റലിലെ ക്യാന്റീന്‍ ജീവനക്കാരനാണ് രംഗത്തെത്തിയത്. ഹോസ്റ്റലിലെ ക്യാന്റീനില്‍ എത്തിയ പി.സി ജോര്‍ജ് എംഎല്‍എയ്ക്ക് ഊണ് നല്‍കാന്‍ വൈകിയതിന് തന്നെ മര്‍ദിച്ചെന്നാണ് കഫേ കുടുംബശ്രീ ജീവനക്കാരനായ മനു നല്‍കിയ പരാതി.

വീണ്ടും വിവാദത്തിന് തിരികൊളുത്തി പല്ലിശ്ശേരിയുടെ ലേഖനം; നടിയെ ആക്രമിച്ചത് സൂപ്പര്‍സ്റ്റാര്‍ തന്നെ, കാരണവും സൂപ്പർതാരത്തിന്റെ

ഇങ്ങനെ പലപ്പോഴും നടനും നടന്റെ ആളുകളും ഇരയെ ഭീഷണിപ്പെടുത്തിക്കൊണ്ടിരുന്നു. എല്ലാം എഴുതി തരാന്‍ തയ്യാറാണെന്നും അത് നടന്റെ മുന്‍ഭാര്യയുടെ പേരിലേ എഴുതി നല്‍കൂവെന്നും ഇര വെളിപ്പെടുത്തി. അന്നുമുതല്‍ വൈരാഗ്യ ബുദ്ധിയോടെ എല്ലാ രേഖകളും എങ്ങനെയെങ്കിലും പിടിച്ചു വാങ്ങണമെന്ന ചിന്തയിലായിരുന്നു. ഇരയെ കുടുക്കാനും രേഖകള്‍ സ്വന്തം പേരിലോ രണ്ടാം ഭാര്യയുടെ പേരിലോ മാറ്റാനും ശ്രമം തുടര്‍ന്നു. അതിന് ക്വട്ടേഷന്‍ നല്‍കിയത് പള്‍സര്‍ സുനിക്കായിരുന്നു. ഇരയുടെ വിവാഹം മുടങ്ങുന്ന തരത്തിലും പ്രവര്‍ത്തിക്കണമെന്ന നിര്‍ദ്ദേശം ഉണ്ടായിരുന്നതായാണ് അറിയുന്നത്. അവസരം കിട്ടിയപ്പോള്‍ പള്‍സര്‍ സുനി അത് ശരിക്കും മുതലാക്കി.

സിനിമാ ചിത്രീകരണത്തിനിടെ തടാകത്തിൽ വീണു മരിച്ച നടൻമാരുടെ പ്രേതത്തെ കണ്ടെന്നു നാട്ടുകാർ; ത്രികാലങ്ങളിൽ തടാകത്തിൽ

സിനിമാ ചിത്രീകരണത്തിനിടെ തടാകത്തിൽ വീണു മരിച്ച നടൻമാരുടെ പ്രേതസാന്നിധ്യം ഇപ്പോഴും ആ തടാകക്കരയിലുണ്ടെന്നു പ്രദേശവാസികൾ. നടൻമാരുടെ പ്രേതത്തെ കണ്ടെന്നു നാട്ടുകാർ അവകാശപ്പെട്ടു. മരിച്ച അനിൽ, ഉദയ് എന്നീ നടൻമാരുടെ പ്രേതങ്ങൾ ഇപ്പോഴും ആ തടാകക്കരയിൽ അലഞ്ഞു നടക്കുന്നുണ്ടെന്നാണ് നാട്ടുകാർ അവകാശപ്പെടുന്നത്.

തമിഴ്നാട്ടിൽ ഫിഷിങ് ബോട്ടിൽ കടൽ കാണാൻ പോയ ഒന്‍പത് സഞ്ചാരികൾ മുങ്ങി

തമിഴ്നാട്ടിലെ തിരിച്ചെന്തുരില്‍ കടലില്‍ വള്ളം മുങ്ങി ഒന്‍പത് പേര്‍ മരിച്ചു. മത്സ്യത്തൊഴിലാളികളുടെ വള്ളത്തില്‍ കടല്‍ കാണാന്‍ പോയ വിനോദ സഞ്ചാരികളാണ് മരിച്ചത്. സംഘത്തില്‍ 20 പേരാണ് ഉണ്ടായിരുന്നു. രണ്ട് കുട്ടികളടക്കം ഏഴ് പേരെ രക്ഷപെടുത്തി. നാല് പേര്‍ക്കായി തെരച്ചില്‍ തുടരുന്നു.

യുഎഇയിൽ കനത്ത മഴ; മലയാളികളുടെ മഴകാഴ്ചകൾക്ക് ഗൃഹാതുരത്വമുണർത്തുന്ന ഓർമ്മകൾ

രാജ്യത്ത് ഇന്ന് പ്രഭാതം മുതൽ മൂടിക്കെട്ടിയ അന്തരീക്ഷമായിരുന്നു. പെയ്യാൻ മടിച്ചു നിന്ന മഴ ഉച്ചയോടെ എമിറേറ്റുകളിൽ പലഭാഗങ്ങളിലും തിമർത്തു പെയ്തു. ചാറ്റൽ മഴയായി ചിലയിടത്ത് പെയ്തപ്പോൾ മറ്റിടങ്ങളിൽ മഴ ശക്തിയാർജിച്ചു. കാറ്റും ഇടിയും അകമ്പടിയായാണ് ചിലയിടങ്ങളിൽ മഴപെയ്തത്. കുട്ടികളടക്കമുള്ള കുടുംബം മഴ ആസ്വദിക്കൻ പുറത്തിറങ്ങി. ഫുജൈറയിൽ മലമുകളിൽ നിന്നു വെള്ളം താഴേക്ക് ഒഴുകിയിറങ്ങുന്ന കാഴ്‌ച കാണാൻ ആളുകൾ തടിച്ചുകൂടി. മഴവിടാത്ത മൂടിക്കെട്ടിയ അന്തരീക്ഷം എമിറേറ്റുകളെ തണുപ്പിലേക്ക് താഴ്ത്തി. ഇന്നലെയും മിക്കയിടത്തും മഴ പെയ്തിരുന്നു.

കാലടി സംസ്‌കൃത സര്‍വകലാശാലയില്‍ എസ്എഫ്‌ഐയുടെ സദാചാര ഗുണ്ടായിസമെന്ന് പരാതി

കൊച്ചി: കാലടി ശ്രീശങ്കരാചാര്യ സംസ്‌കൃത സര്‍വകലാശാലയിലും എസ്എഫ്‌ഐയുടെ സദാചാര ഗുണ്ടായിസമെന്ന് പരാതി. തൃശൂര്‍ സ്വദേശിനിയായ പൂര്‍വ വിദ്യാര്‍ത്ഥിനിയെയും യുവാവിനെയും ക്യാംപസില്‍ മര്‍ദ്ദിച്ചെന്നാണ് പരാതി. കഴിഞ്ഞ 21നായിരുന്നു സംഭവം നടന്നത്. ഭയം മൂലമാണ് പുറത്തു പറയാതിരുന്നതെന്ന് പരാതിയുമായെത്തിയ ഇവര്‍ പറഞ്ഞു.

ടൂറിസ്റ്റുകള്‍ മദ്യം നല്‍കുന്നു; ബഹാമാസിലെ നീന്തുന്ന പന്നികള്‍ ചത്തൊടുങ്ങുന്നു

ബഹാമാസ്: ബഹാമാസിലെ പ്രശസ്തമായ നീന്തുന്ന പന്നികള്‍ വ്യപകമായി ചാകുന്നതായി റിപ്പോര്‍ട്ട്. വിനോദസഞ്ചാരികള്‍ ഇവയ്ക്ക് ബിയറും റമ്മും നല്‍കുന്നതാണ് കാരണം. രാജ്യത്തെ എക്‌സുമ കേയയ്‌സ് എന്ന പ്രദേശത്ത് ഏഴ് പന്നികളെ ചത്ത നിലയില്‍ കണ്ടെത്തിയെന്ന് റിപ്പോര്‍ട്ടുകള്‍ വ്യക്തമാക്കുന്നു. ഇതോടെ ഈ പന്നികള്‍ക്ക് ആഹാരമുള്‍പ്പെടെ നല്‍കുന്നതില്‍ നിന്ന് സഞ്ചാരികളെ വിലക്കാന്‍ സര്‍ക്കാര്‍ തീരുമാനിച്ചതായും വിവരമുണ്ട്.

നാട്കടത്തല്‍ പാര്‍ലമെന്റിലും ചര്‍ച്ചയായി; ശ്രീലങ്കന്‍ വിദ്യാര്‍ത്ഥിനിയെ തിരിച്ചയക്കാനുള്ള തീരുമാനം അവസാന നിമിഷം മാറ്റി

ലണ്ടന്‍: എന്‍ജിനീയറിംഗ് വിദ്യാര്‍ത്ഥിനിയായ ശ്രീലങ്കന്‍ വംശജയെ തിരിച്ചയക്കാനുള്ള തീരുമാനം അവസാന നിമിഷം ഹോം ഓഫീസ് മാറ്റി. ചൊവ്വാഴ്ച രാവിലെ വിമാനത്തില്‍ കയറാനിരിക്കെയാണ് തീരുമാനം മാറ്റിയതായുള്ള വിവരം ലഭിച്ചത്. ബാംഗോര്‍ യൂണിവേഴ്‌സിറ്റിയില്‍ ഇലക്ട്രിക്കല്‍ എന്‍ജിനീയറിംഗ് വിദ്യാര്‍ത്ഥിനിയായ ശിരോമിണി സഗ്ദുണരാജയെയാണ് പഠനം പൂര്‍ത്തിയാകുന്നതിനു മുമ്പുതന്നെ നാട് കടത്താന്‍ ഹോം ഓഫീസ് തീരുമാനിച്ചത്.

അടുത്ത വര്‍ഷം രണ്ട് സഞ്ചാരികളെ ചന്ദ്രനിലെത്തിക്കുമെന്ന് സ്‌പേസ് എക്‌സ്

ലണ്ടന്‍: രണ്ട് സഞ്ചാരികളെ അടുത്ത വര്‍ഷം ചന്ദ്രനിലെത്തിക്കുമെന്ന സ്‌പേസ് എക്‌സ്. ചൊവ്വയിലേക്ക് സഞ്ചാരികളെ എത്തിക്കാനായി പ്രവര്‍ത്തനങ്ങള്‍ നടത്തുന്ന എലോണ്‍ മസ്‌കിന്റെ കമ്പനിയാണ് പുതിയ അവകാശവാദവുമായി രംഗത്തെത്തിയിരിക്കുന്നത്. ഇത് പ്രാവര്‍ത്തികമായാല്‍ ബഹിരാകാശ ടൂറിസം രംഗത്ത് സ്വകാര്യ മേഖലയിലെ ആദ്യ കാല്‍വെയ്പ് എന്ന് വിശേഷിപ്പിക്കാവുന്ന നേട്ടമായിരിക്കും. അര നൂറ്റാണ്ട് മുമ്പ് നടന്ന അപ്പോളോ ദൗത്യമാണ് ചന്ദ്രനിലേക്കുള്ള അവസാന പര്യവേക്ഷണ യാത്ര. വീണ്ടും ഉപയോഗിക്കാവുന്ന റോക്കറ്റ് വിക്ഷേപിച്ച് കമ്പനി ചരിത്രം സൃഷ്ടിച്ചിരുന്നു.

സേവനം യുകെയുടെ എയ്ൽസ്ബറി കുടുംബ യൂണിറ്റ് അംഗമായ അനീഷ്‌ ശശിയുടെ മാതാവ് നിര്യാതയായി 

എയ്ൽസ്ബറി: സേവനം യുകെയുടെ എയ്ൽസ്ബറി കുടുംബ യൂണിറ്റ് അംഗമായ അനീഷ്‌ ശശിയുടെ മാതാവ് കെ.കെ. വിജയകുമാരി (60) നിര്യാതയായി. കോട്ടയം പള്ളം ചിറക്കര വീട്ടിൽ പി.വി. ശശിയാണ് ഭർത്താവ്. അനീഷ്‌ (എയ്ൽസ്ബറി, ലണ്ടൻ), അനിത (നാഗമ്പടം, കോട്ടയം) എന്നിവരാണ് മക്കൾ. സംസ്കാരം ബുധനാഴ്ച(1/3 /17) വീട്ടുവളപ്പിൽ വച്ച് നടക്കും. പരേതയുടെ നിര്യാണത്തിൽ സേവനം യുകെയുടെ ആദരാഞ്ജലികൾ.

മക്കളെ കാണാനെത്തിയ പെരുമ്പാവൂര്‍ സ്വദേശിയായ പിതാവ് ഗ്ലോസ്‌റ്റെര്‍ഷെയറില്‍ ഹൃദയസ്തംഭനം മൂലം മരണമടഞ്ഞു

ട്വീക്‌സ് ബറി : ഗ്ലോസ്‌റ്റര്‍ഷെയറിലെ ട്വീക്‌സ് ബറിയില്‍ നാട്ടില്‍ നിന്ന് മക്കളെ കാണാനെത്തിയ പിതാവ് ഹൃദയസ്തംഭനം മൂലം മരണമടഞ്ഞു. മരണമടഞ്ഞത് പെരുമ്പാവൂര്‍ ഓടക്കാലി ഉദയകവല സ്വദേശി മേയ്ക്കമാലില്‍ എം റ്റി ജോര്‍ജ്ജ്(64) ആണ്. ഹൃദയസ്തംഭനം ഉണ്ടായി ഉടൻതന്നെ ആശുപത്രിയില്‍ പ്രവേശിപ്പിച്ചെങ്കിലും ജോര്‍ജ്ജിന്റെ നില വഷളാവുകയും ഇന്നലെ വൈകുന്നേരത്തോടെ മരണം
© Copyright MALAYALAM UK 2017. All rights reserved.
Please wait...

2017 Calender Request Form

ആളുകള്‍ വ്യാജ വിലാസങ്ങള്‍ നല്കാന്‍ ഇടയുളളതിനാല്‍ ടെലിഫോണില്‍ വിളിച്ച് വിലാസം ഉറപ്പുവരുത്തിയ ശേഷം ആയിരിക്കും കലണ്ടര്‍ അയക്കുക. ശരിയായ ടെലിഫോണ്‍ നമ്പര്‍ ചേര്‍ക്കാത്തവര്‍ക്ക് കലണ്ടര്‍ അയയ്ക്കുന്നതല്ല.