കാലാന്തരങ്ങള്‍ നോവല്‍ അധ്യായം പതിനേഴ്

കാലാന്തരങ്ങള്‍ നോവല്‍ അധ്യായം പതിനേഴ്

കാരൂര്‍ സോമന്‍

അധ്യായം പതിനേഴ്, രതി

ഗോപാലന്റെ മരണത്തോടെ ആ വീടിന്റെ അനക്കങ്ങള്‍ക്ക് അറുതി വന്നതു പോലെ സരളയ്ക്കു തോന്നി. അപ്രധാനമെന്നു കരുതുന്നതുപോലും ഇല്ലാതെയാകുമ്പോള്‍ വലിയ ശൂന്യതയായിരിക്കും ഉണ്ടാവുക. ലോകത്തിന്റെ സമസന്തുലനം തെറ്റാന്‍ വന്‍ മരങ്ങള്‍ വീഴണമെന്നില്ല. ഒരു ചെറിയ പുല്‍നാമ്പ് പിഴുതെറിയപ്പെട്ടാലും മതിയാകും. സരളയുടെ ജീവിതത്തില്‍ ഗോപാലനു എന്തു സ്ഥാനമാണുണ്ടായത്. ഒന്നുമില്ല, ഭര്‍ത്താവിന്റെ അപ്പന്‍ എന്നതില്‍ കവിഞ്ഞ് ആത്മബന്ധത്തിന്റെ ഒരു കണികയും അയാളില്‍ കാണാന്‍ കഴിഞ്ഞിട്ടില്ല. രാജന്‍ മരിച്ച ശേഷം തന്നെ ഇവിടെ കൊണ്ടുവന്നത് സ്‌നേഹസമ്പന്നത കൊണ്ടെല്ലെന്നു അവള്‍ക്കു നന്നായറിയാം. വീട്ടില്‍ ഒരാളാകുമല്ലോ എന്നതു മാത്രമായിരുന്നു ഗോപാലന്റെ മനസിലെന്നു അവള്‍ക്കു നിശ്ചയമുണ്ടായിരുന്നു. തനിക്കും അതുതന്നെയാണു നല്ലെതുന്നു തോന്നിയതു കൊണ്ടു മാത്രമാണ് ഇങ്ങോട്ടു പോന്നത്. എങ്കിലും ഗോപാലന്റെ മരണം സൃഷ്ടിച്ച ശൂന്യത വീടിനെ വല്ലാതെ അലോസരപ്പെടുത്തുന്നുണ്ടെന്നു അവള്‍ക്കു തോന്നി. അവസാന നാളുകളില്‍ അയാളിലുണ്ടായ മാറ്റത്തില്‍ ഏറെ സന്തോഷിക്കുകകൂടി ചെയ്തു അവള്‍. മരണം ഇത്ര പെട്ടന്നാകുമെന്നു ആരും കരുതിയില്ല.

ബിന്ദുവും ആനന്ദുമാണെങ്കില്‍ അവരുടെ വീട്ടിലാണ്. ആശുപത്രിയില്‍ നിന്നും നേരെ അങ്ങോട്ടുപോകുമെന്നു ബിന്ദു പറയുന്നുണ്ടായിരുന്നു. അവളുടെ വിശേഷങ്ങള്‍ എന്തായോ എന്തോ. ആശുപത്രിയില്‍ നിന്നും മടങ്ങിയ ദിവസം രാത്രി ഏറെ ഇരുട്ടിയാണ് മോഹനെത്തിയത്. നല്ലപോലെ മദ്യപിച്ചിട്ടുണ്ടായിരുന്നു. ഭക്ഷണമൊന്നും കഴിക്കാതെ നേരെ കട്ടിലിലേക്കു വീഴുകയായിരുന്നു. കൂടുതലൊന്നും ചോദിക്കാന്‍ പറ്റിയില്ല. പിറ്റേന്നും മോഹന്‍ ആകെ വിവശനായിരുന്നു. മോഹന്റെ ഭാവം കണ്ടപ്പോള്‍ ബിന്ദുവിന്റെ അവസ്ഥ മോശമാണെന്നുതന്നെ സരള വിശ്വസിച്ചു. ഇനി അവളും എത്രകാലം. അടുത്ത മരണം കൂടി എത്രയും വേഗം കാണേണ്ടിവരുമോ. ബിന്ദുവിന്റെ മരണം തന്റെ ഭാഗ്യമായിരിക്കും നല്‍കുക. മോഹന്റെ ജീവിതത്തിലേക്കു കടക്കാനുള്ള ഏക വഴി അവളുടെ മരണം തന്നെയാണ്… ആര്‍ക്കും നഷ്ടങ്ങളില്ലാതെ തനിക്കൊരു ജീവിതം ലഭിക്കുകയാണെങ്കില്‍ ആരും കുറ്റം പറയുകയില്ല. ആനന്ദിനു നല്ലൊരമ്മയാകുവാന്‍ തനിക്കല്ലാതെ വേറെ ആര്‍ക്കാവും.

ഉണ്ണിക്കുട്ടന്‍ കുളിക്കാന്‍ പോയിരിക്കുകയാണ്. അവനുള്ള ആഹാരം മേശപ്പുറത്തെടുത്തുവച്ചു. ഇനി അവനെ സ്‌കൂളിലേക്കു അയയ്ക്കാനുള്ള തിരക്കായിരിക്കും. അവന്റെ പുസ്തകങ്ങളും ബാഗുമൊക്കെ ഒരുക്കിവയ്ക്കണം. യൂനിഫോം ഇന്നലെ തേച്ചുവച്ചിട്ടുണ്ട്. ഇനി അതുടുപ്പിച്ചു സ്‌കൂളിലേക്കയയ്ക്കുമ്പോഴേക്കും സമയം ഏറെയാകും. അവന്റെ ഉച്ചഭക്ഷണത്തിനുള്ള കറി വേവുന്നതേയുള്ളു. ടിഫിനെടുത്തുവയ്ക്കാന്‍ മറക്കരുത്…. ചെക്കനെ സ്‌കൂളിലേക്കു വിട്ടുകഴിഞ്ഞാല്‍ മാത്രമെ സരളയ്ക്കു ചെറിയൊരാശ്വാസമാകൂ.

തൊഴുത്തിലെ പണികള്‍ മുഴുവന്‍ കഴിഞ്ഞിട്ടില്ല. കറവക്കാരന്‍ രാവിലെ തന്നെവന്നു കറവയും കഴിഞ്ഞു പാലുമായി പോയി. പശുവിനെ കുളിപ്പിക്കാനും കച്ചിയിട്ടുകൊടുക്കാനും ഉണ്ണിക്കുട്ടന്‍ സ്‌കൂളില്‍ പോയിക്കഴിഞ്ഞേ പറ്റൂ. ഇനിയും പശുവിനെ നോക്കാന്‍ തനിക്കാവില്ല. അതിനെ വിറ്റുകളയണമെന്നു നേരത്തെ തന്നെ തീരുമാനിച്ചതാണ്. ഗോപാലന്‍ സമ്മതിക്കാത്തതുകൊണ്ടാണ്. പത്തു പൈസയുടെ വരുമാനം അതില്‍നിന്നുമുണ്ടായാല്‍ കയ്ക്കുമോ എന്നായിരുന്നു അയാളുടെ പക്ഷം. പക്ഷെ പശുവിനെ നോക്കുന്നതിന്റെ ബുദ്ധിമുട്ട് കിളവന്‍ അറിയുന്നുണ്ടായിരുന്നുവോ. ഇടയ്ക്കിടെ മുറ്റത്തുകിടക്കുന്ന ചാണകം വാരിക്കളയുന്നതു കാണാം. അത്രമാത്രം.

ഏതായാലും പശുവിനെ വിറ്റുകളയാന്‍ അവള്‍ തീരുമാനിച്ചു കഴിഞ്ഞു. രവിയോടൊന്നു പറയണം. പറ്റിയ ആള്‍ക്കാരുണ്ടെങ്കില്‍ പശുവിനെ കൊടുക്കാമെന്ന്. താനിനി അവനോടു നേരിട്ടു പറയുന്നത് ശരിയല്ല. വലിയൊരടുപ്പം ഇനി വളര്‍ത്തുന്നത് ആപത്താണെന്നു മനസിലാക്കുന്നു. പഴയതു പോലെയല്ല കാര്യങ്ങള്‍. അവന്റെ മനസില്‍ വല്ലാത്ത മോഹങ്ങള്‍ വളരുന്നുണ്ട്. അത് പലപ്പോഴും തനിക്കും മനസിലായതാണ്. മോഹന്‍ വരുന്നതിനു മുന്‍പ് പലപ്പോഴും ചില വികാരങ്ങള്‍ക്ക് താനും അടിപ്പെട്ടിരുന്നു. ഒരു പക്ഷെ അന്ന് രവി തന്നെ മേല്‍ സ്പര്‍ശിച്ചിരുന്നുവെങ്കില്‍ എല്ലാം മറന്ന് അവന്റെ മാറില്‍ ഒതുങ്ങുമായിരുന്നു. അവനും അത് തിരിച്ചറിഞ്ഞിരിക്കുന്നു. തന്നിലും അത്തരം മോഹമുണ്ടായിരുന്നുവെന്ന അവന്റെ അറിവ് അപകടമാണ്. അത് ഇല്ലാതെയാക്കണം. അതുകൊണ്ടുതന്നെയാണ് തന്നെകാണണമെന്ന ആര്‍ത്തിയോടെ നോക്കുന്ന രവിയുടെ കണ്ണുകളില്‍നിന്നും താന്‍ ഓടിയൊളിക്കുന്നത്. അവന്റെ സാന്നിധ്യമുള്ളിടത്തുനിന്നും താന്‍ ഒഴിവാകുന്നത്. ചെറിയൊരു മനംമാറ്റം മാത്രം മതി അവന്‍ തന്നിലേക്കു പടര്‍ന്നുകയറും. ഇല്ല അങ്ങിനെയൊന്നു ഉണ്ടാകരുത്. തന്നെക്കാത്ത് പ്രസന്നമായ ഒരു ഭാവിയുണ്ട്. മോഹനൊപ്പം ഭാര്യയായി ജീവിക്കുക എന്നതുമാത്രമാണ് തന്റെ ഇപ്പോഴത്തെ ലക്ഷ്യം. അതുതന്നെയാണ് ശരിയും.

ഉണ്ണിക്കുട്ടന്‍ ബാഗുമെടുത്ത് സ്‌കൂളിലേക്കു പുറപ്പെടാന്‍ തുടങ്ങി. മുഖത്ത് കഥകളിക്കോലം പോലെയാണ് അവന്‍ പൗഡറിട്ടിരിക്കുന്നത്. സരള സാരിത്തലപ്പുകൊണ്ട് അവന്റെ മുഖം തുടച്ചുകൊടുത്തു. തെറ്റിയിട്ടിരിക്കുന്ന ഷര്‍ട്ടിന്റെ ബട്ടന്‍സ് നേരെയാക്കി. വടക്കേത്തൊടിയുടെ അപ്പുറത്തെ വഴിയില്‍ സ്‌കൂള്‍ ബസിന്റെ ഹോണ്‍. ഉണ്ണിക്കുട്ടന്‍ അമ്മയുടെ പിടിവിടുവിച്ച് ഓടി. അവള്‍ ഗേറ്റിനപ്പുറത്തേയ്ക്കു ഓടിമറയുന്ന മകനെത്തന്നെ നോക്കിനിന്നു.

മോഹന്‍ ഉണര്‍ന്നുകാണുമോ ആവോ… ഇന്നലെയും നല്ല പോലെ മദ്യപിച്ചിരുന്നു.. ഇങ്ങനെ വിഷമിക്കേണ്ടന്നു മോഹനോടു പറയണം… ഇനി അതെല്ലാം പറഞ്ഞുമനസിലാക്കേണ്ടത് തന്റെ ഉത്തരവാദിത്വം കൂടിയാണ്. മനസിലെ മോഹം മറച്ചുവച്ചിട്ടാണെങ്കിലും തത്കാലം ചേട്ടത്തിയുടെ അധികാരം എടുക്കാമല്ലോ….- സരള മോഹന്റെ മുറിയിലേക്കു നോക്കി. കട്ടിലില്‍ ആളില്ല. അകത്തെ ബാത്ത് റൂമില്‍ വെള്ളം വീഴുന്ന ശബ്ദം. കുളിക്കുകയാകും. മേശപ്പുറത്തു രാവിലെ കൊണ്ടുവന്നുവച്ച ചായ തണുത്തിരിക്കുന്നു. ചായക്കോപ്പയുമെടുത്ത് അവള്‍ അടുക്കളയിലേക്കു നടന്നു.

മോഹന്‍ കുളിച്ചുവരും മുന്‍പേ പ്രാതല്‍ എടുത്തുവയ്ക്കണം. പ്ലേറ്റുകള്‍ കഴുകി ഡൈനിങ് ഹാളിലെ മേശപ്പുറത്തു കമഴ്ത്തിവച്ചു. ഉണ്ണിക്കുട്ടന്‍ കഴിച്ചതിന്റെ ബാക്കി മേശപ്പുറത്തിരിക്കുന്നുണ്ട്. പുട്ടിന്റെയും കടലക്കറിയുടെയും അടയാളങ്ങള്‍ മേശപ്പുറത്ത് ചിതറിക്കിടക്കുന്നു. അവളതു തുടച്ചുമാറ്റി. അടുക്കളയില്‍ നിന്നും ചൂടു പുട്ടെടുത്തു മേശപ്പുറത്തെ കാസറോളില്‍ വച്ചു. ഫ്‌ളാസ്‌കില്‍ ചായയുമൊഴിച്ചുവച്ചു. കുളി കഴിഞ്ഞു ആവശ്യമുള്ളപ്പോള്‍ മോഹന്‍ എടുത്തു കഴിച്ചുകൊള്ളട്ടെ.

നേരത്തെതന്നെ കൃഷിയാപ്പീസില്‍ പോകണം. റബറിനുള്ള മരുന്ന് വന്നിട്ടുണ്ടെന്നു രവി ഇന്നലെ മോഹനോടു പറയുന്നതു കേട്ടു. മോഹനതിലോന്നും താത്പര്യമുള്ളതായി തോന്നുന്നില്ല. ഷീറ്റ് വിറ്റ പണം മോഹനെയാണ് രവി ഏല്‍പ്പിക്കുന്നത്. അതു മോഹന്‍ നേരെ സരളയ്ക്കു നല്‍കും. താന്‍ തന്നെയാണ് ഇതെല്ലാം നോക്കേണ്ടതെന്നു മോഹന്‍ കരുതിയതില്‍ അവള്‍ക്കു സന്തോഷമുണ്ട്. ഇനി പോയൊന്നു കുളിക്കണം. നേരത്തെ കൃഷിയാപ്പീസില്‍ പോയാല്‍ ഉച്ചയ്ക്കുമുമ്പേ തിരികെയെത്താം. അവള്‍ തോര്‍ത്തും കാച്ചിയ എണ്ണയും ഇഞ്ചയുമെടുത്ത് പുറത്തെ കുളിമുറിയിലേക്കു നടന്നു.

മുടിയിലെ ഈറന്‍ തുടച്ചു വന്നപ്പോഴേക്കും മോഹന്‍ ഭക്ഷണം കഴിച്ചിരുന്നു. അകത്തെ മുറിയില്‍നിന്നും സിഗരറ്റിന്റെ മണം. വീണ്ടും കിടന്നിട്ടുണ്ടാകും. കിടന്നോട്ടെ മനസിന്റെ വിഷമം കുറയുമെങ്കില്‍ അത്രയുമായി. അവളോര്‍ത്തു. അലമാര തുറന്ന് സാരിയെടുത്തുടുത്തു. കണ്ണെഴുതി. കുട്ടിക്യൂറ പൗഡറിന്റെ ടിന്നെടുത്തു. നെറ്റിയില്‍ ഇത്തിര ചന്ദനവും തൊട്ടു. ഇളം വയലറ്റുസാരിയില്‍ താന്‍ കുറച്ചുകൂടി സുന്ദരിയായിരിക്കുന്നുവെന്നു അലമാരക്കണ്ണാടിയുടെ മുന്നില്‍ നിന്നപ്പോള്‍ അവള്‍ക്കു തോന്നി.

മോഹനോടു പറഞ്ഞു കൃഷിയാപ്പീസിലേക്കു ഇറങ്ങാമെന്നു കരുതി അവള്‍ അയാളുടെ മുറിയുടെ വാതില്‍ക്കലെത്തി. വേദന കൊണ്ടെന്നവണ്ണം ചുളുങ്ങിയ നെറ്റിയില്‍ വലതുകൈവിരലുകള്‍ വച്ചമര്‍ത്തി കിടക്കുകയാണയാള്‍. ഇടതുകയ്യില്‍ എരിയുന്ന സിഗരറ്റ്. വല്ലാത്ത സംഘര്‍ഷത്തിലാണ് അയാളുടെ മനസെന്നു സരളയ്ക്കു മനസിലായി.

മോഹന്‍….. അവള്‍ ശബ്ദം താഴ്ത്തി വിളിച്ചു. അയാള്‍ പതിയെ കണ്ണുകള്‍ തുറന്നു. ചുവന്നു തുടുത്തിരിക്കുന്ന കണ്ണുകള്‍.
എന്തുപറ്റി…. എന്തെങ്കിലും വയ്യായ്കയുണ്ടോ…തലവേദനയോ മറ്റോ….-അവള്‍ ചോദിച്ചു. അയാള്‍ മറുപടിയൊന്നും പറഞ്ഞില്ല. മറുപടിയായി കണ്ണുകള്‍ അമര്‍ത്തിയടയ്ക്കുക മാത്രം ചെയ്തു.
ഞാന്‍ വിക്‌സെടുത്തുകൊണ്ടുവരാം….- അവള്‍ അകത്തേയ്ക്കു പോയി വിക്‌സുമായെത്തി. മോഹന്‍ കണ്ണുകള്‍ അടച്ചുതന്നെ കിടക്കുകയാണ്. അയാളെ എഴുന്നേല്‍പ്പിക്കേണ്ടന്നു അവള്‍ കരുതി. വിക്‌സ് ഡപ്പിയുടെ അടപ്പു തുറന്നു ഒരു നുള്ള് അവള്‍ വിരലിലെടുത്തു. പതിയെ വിറയ്ക്കുന്ന മനസോടെ അവളത് അയാളുടെ നെറ്റിയില്‍ പുരട്ടി. ആദ്യമായാണ് മോഹനെ അവള്‍ ഇങ്ങിനെ സ്പര്‍ശിക്കുന്നത്. അയാളുടെ നെറ്റിയില്‍ തലോടുന്ന തന്റെ വിരലുകള്‍ തുടിക്കുന്നത് അവളറിഞ്ഞു. വീണക്കമ്പിയില്‍ മീട്ടിയെന്ന പോലെ വികാരങ്ങളുടെ സംഗീതം എവിടെ നിന്നോ ഒഴുകിവരുന്നത് അവളനുഭവിച്ചു. നെഞ്ചിലുറഞ്ഞുകൂടിയ കനപ്പ് കിതപ്പായി മാറുന്നു. മോഹന്റെ നെറ്റിയില്‍നിന്നും തന്റെ വിരലുകളിലേക്കു പടര്‍ന്ന ഇളംചൂടില്‍ ദഹിച്ചുപോകും പോലെ അവള്‍ക്കു തോന്നി. അവള്‍ വിയര്‍ത്തു. നെറ്റിയില്‍ തലോടിയിരുന്ന വിരലുകള്‍ അവന്റെ മുടിയിഴകളിലേക്കു പാഞ്ഞു.

അപ്രതീക്ഷിതമായി തന്റെ നെറ്റിയില്‍ പടര്‍ന്ന വിക്‌സിന്റെ തണുപ്പില്‍ കണ്ണുതുറന്നു നോക്കുമ്പോള്‍ വികാരങ്ങളുടെ കനല്‍ക്കാറ്റടിക്കുന്ന സരളുയുടെ മുഖമാണ് അയാള്‍ കണ്ടത്. ആഭിചാരക്രിയയില്‍ ഏര്‍പ്പെട്ടിരിക്കുന്ന മന്ത്രവാദിനിയെപ്പോലെ അവളുടെ മിഴികള്‍ തിളങ്ങുന്നത് അവനറിഞ്ഞു. അവളുടെ മാറിലെ കിതപ്പിന്റെ താളം അവനില്‍ ഒഴുകിയെത്തി. വയലറ്റുസാരിയ്ക്കിടയിലൂടെ വിയര്‍പ്പുപൊടുഞ്ഞു തുളുമ്പുന്ന സരളയുടെ വയര്‍ മടക്കുകള്‍ അവന്റെ കണ്ണുകളില്‍ നിറഞ്ഞു. വാസനപൗഡറിന്റെയും കാച്ചിയ എണ്ണയുടെയും മാദക ഗന്ധം അവിടെ നിറഞ്ഞു. അവളുടെ നിശ്വാസത്തിന്റെ ചൂടില്‍ അവന്‍ പ്രകമ്പനം കൊണ്ടു. തൊടുക്കാന്‍ നില്‍ക്കുന്ന തെറ്റാലി പോലെയായി അവന്റെ മനസ്. തന്റെ മുടിയിഴകളില്‍ പരതുന്ന സരളയുടെ വിരലുകളില്‍ അവന്‍ പിടിച്ചു. പിന്നെ മറുകൈ കൊണ്ട് അരക്കെട്ടില്‍ പിടിച്ച് കിടന്നുകൊണ്ടുതന്നെ അവളെ തന്നിലേക്കു ചേര്‍ത്തു. പൊഴിയുവാന്‍ വെമ്പിനില്‍ക്കുന്ന പൂവ് പോലെ അവന്റെ മാറിലേക്കവള്‍ വീണു. കാലമേറെയായി അനുഭവിക്കാതിരുന്ന ആണറിവിന്റെ പുതിയ പാഠങ്ങള്‍ക്കായി അവള്‍ തുടിച്ചു. മൗനം ഘനീഭവിച്ച നിമിഷങ്ങളില്‍ സരളയുടെ ഓരോ അണുവിലും മോഹന്‍ പരതി. കയങ്ങളില്‍നിന്നും കയങ്ങളിലേക്ക് അവര്‍ ആഴ്ന്നിറങ്ങിക്കൊണ്ടിരുന്നു. വന്യമായ കരുത്തോടെ അവര്‍ മറ്റെന്തൊക്കെയൊ ആയി മാറി. ഇടയ്ക്കുയരുന്ന സീല്‍ക്കാരങ്ങള്‍ മാത്രം അവരുടേതായി ഉയര്‍ന്നു.

************** ***************** *********************** **************** ********

തനിക്കും സരളയ്ക്കുമിടയില്‍ എന്താണ് സംഭവിച്ചതെന്നു രവിക്കു മനസിലായില്ല. തന്നില്‍നിന്നും യാതൊരുവിധത്തിലുള്ള അബദ്ധങ്ങളൊന്നും സംഭവിച്ചിട്ടില്ല. പിന്നെ എന്തുകൊണ്ടാണ് അവള്‍ തന്നില്‍നിന്നും ഇങ്ങനെ അകന്നു മാറുന്നത്. മനസിലുണ്ടായ മോഹങ്ങള്‍ തെറ്റാണെന്ന തോന്നല്‍ അവളിലുണ്ടായോ. ഇല്ല ഇത് പെട്ടന്നു സംഭവിച്ചതാണ്. അങ്ങിനെ മനസുമാറന്‍ വിധം ആ വീട്ടില്‍ ഒന്നും സംഭവിച്ചിട്ടില്ല. ഗോപാലേട്ടന്റെ മരണമാണ് കാരണമെന്നു കരുതാനും വയ്യ. അതിനു മുന്‍പുതന്നെ അവളില്‍ മാറ്റങ്ങള്‍ കണ്ടുതുടങ്ങിയിരുന്നു.

മരണാവശ്യങ്ങള്‍ക്കായി താന്‍ എത്രമാത്രം കഷ്ടപ്പെട്ടതാണ്. അവിടുന്നു കിട്ടുന്ന നക്കാപ്പിച്ച കാശിനുവേണ്ടിയായിരുന്നില്ല അതെല്ലാം. മറിച്ചു സരളയ്ക്കു വേണ്ടിയായിരുന്നു. അവള്‍ക്കു തന്നോടുള്ള അടുപ്പം കൂടുവാന്‍ വേണ്ടിയായിരുന്നു. പക്ഷെ എന്തുകൊണ്ടെന്നറിയില്ല തന്നെ കാണുന്നതുപോലും അവള്‍ക്കു താത്പര്യമില്ലാത്തമട്ടാണ്. നേരിട്ടൊന്നു സംസാരിക്കാന്‍ കഴിഞ്ഞിരുന്നെങ്കില്‍ കാര്യമെന്തെന്നറിയാമായിരുന്നു. അതിനുപോലും അവള്‍ നിന്നും തരുന്നില്ലല്ലോ. തോട്ടത്തിലെ കാര്യങ്ങള്‍ മോഹന്‍ വഴിയാണ് ഇപ്പോള്‍ നടത്തുന്നത്. അല്ലെങ്കില്‍ മറ്റേതെങ്കിലും പണിക്കാരോട് പറഞ്ഞ് തന്നെ അറിയിക്കും. എന്തോ ഒന്നും സഹിക്കാനാകുന്നില്ല. വിളിച്ചെഴുന്നേല്‍പ്പിച്ചിട്ട് സദ്യയില്ലെന്നു പറഞ്ഞതുപോലെയായി കാര്യങ്ങള്‍.

ഇപ്പോള്‍ എന്തിനും സൗകര്യമായ അവസ്ഥയാണ്. കാരണവരുടെ ശല്യം ഒഴിഞ്ഞല്ലോ. മോഹനാണേല്‍ അടുത്തുതന്നെ അമേരിക്കയിലേക്കു തിരിച്ചുപോകും. പിന്നെ സരളയും മോനും മാത്രമെ ഉണ്ടാകൂ. തോട്ടത്തിലെ കാര്യങ്ങള്‍ നോക്കുന്നയാളെന്നതു കൊണ്ട് നാട്ടുകാര്‍ക്കു വലിയ സംശയമൊന്നും ഉണ്ടാകുകയില്ല. ഇനി സരളയെ തെരഞ്ഞെടുപ്പിനു നിര്‍ത്തിക്കൊണ്ടു വരുതിയിലാക്കേണ്ട കാര്യമില്ല. എപ്പോള്‍ വേണമെങ്കിലും ആ വീട്ടിലേക്കു കയറിച്ചെല്ലാനുള്ള അധികാരവും തനിക്കിപ്പോഴുണ്ട്. എന്തെല്ലാം ആഗ്രഹങ്ങളായിരുന്നു. എന്നാല്‍ എല്ലാം നിമിഷങ്ങള്‍ കൊണ്ട് ഇല്ലാതായതുപോലെ.

ഇതങ്ങനെ വിട്ടാല്‍ പറ്റില്ലെന്നു രണ്ടുദിവസമായി രവി കരുതുന്നു. കാര്യം എന്താണെങ്കിലും അറിഞ്ഞേ മതിയാകൂ. താനെന്തു തെറ്റു ചെയ്‌തെന്നെങ്കിലും അറിയണമല്ലോ. അതു കൊണ്ടാണ് രാവിലെതന്നെ സരളയുടെ വീട്ടിലേക്കു തിരിച്ചത്. ഇന്നു പുലര്‍ച്ചെതന്നെ ബിന്ദുവിന്റെ വീട്ടിലേക്കു മോഹന്‍ പോകുമെന്നു പറഞ്ഞിരുന്നു. ഇന്നലെ നല്ല പൂസിലാണ് പുള്ളിയുമായി പിരിഞ്ഞത്. എന്തോ മോഹന് ഇപ്പോള്‍ മദ്യപാനം ഏറുന്നുണ്ട്. അമേരിക്കയിലേക്കു ഉടന്‍ തന്നെ തിരിച്ചുപോകുമെന്നും പറയുന്നുണ്ടായിരുന്നു. ലീവ് നീട്ടിനീട്ടി കൊണ്ടിരിക്കുകയാണെത്രെ. ബിന്ദുവിന്റെ അസുഖവിവരം അറിയാവുന്നതുകൊണ്ട് ലീവെടുത്തതുകൊണ്ട് പ്രശ്‌നമൊന്നുമില്ലെന്നും പറഞ്ഞിരുന്നു. മോഹന്‍ എത്രയും വേഗം പോയാല്‍ അത്രയും നന്ന്. അങ്ങിനെ ഒരു തടസം കൂടി നീങ്ങുമല്ലോ. തോട്ടത്തിലേയും മറ്റു കാര്യങ്ങളിലും തന്റെ ശ്രദ്ധവേണമെന്നും മോഹന്‍ സൂചിപ്പിച്ചിരുന്നു. കാര്യങ്ങളൊക്കെ നേരെയായാല്‍ എല്ലാത്തിലും തന്റെ ശ്രദ്ധയുണ്ടാകുമെന്നു മനസില്‍ ചിരിച്ചുകൊണ്ടാണ് രവി അന്നേരമത് കേട്ടത്.
ഉണ്ണിക്കുട്ടന്‍ സ്‌കൂളില്‍ പോയിട്ടുണ്ടാകും. മണി പത്താകാറായി. രാവിലെ തന്നെ തോട്ടത്തിലെത്തി പണിക്കാരെ കാര്യങ്ങളേല്‍പ്പിച്ചു മുങ്ങിയതാണ്.

രവി ഗേറ്റ് കടന്നുവന്ന് ചുറ്റും നോക്കി. ആരേയും കാണാനില്ല. ഗേറ്റ് തുറന്നുതന്നെയാണു കിടന്നിരുന്നത്. സരള അകത്തുതന്നെ ഉണ്ടായിരിക്കും. മോഹന്‍ ഉള്ളതിന്റെ ലക്ഷണങ്ങളൊന്നുമില്ല. ഉണ്ടായിരുന്നെങ്കില്‍ അരമതിലില്‍ ഇരിക്കുന്നുണ്ടാകും. ഇന്ന് എല്ലാത്തിനും തീരുമാനമുണ്ടാക്കണം എന്ന മനസോടെയാണ് രവി വന്നിരിക്കുന്നത്. ഉമ്മറവാതില്‍ അകത്തുനിന്നും കുറ്റിയിട്ടിരിക്കുന്നു. അകത്ത് ആള്‍പ്പെരുമാറ്റത്തിന്റെ ശബ്ദമൊന്നും കേള്‍ക്കുന്നില്ല. ഉറക്കെവിളിക്കാമെന്നു കരുതിയതാണ്. പിന്നെ തോന്നി സരള തൊഴുത്തിന്റെടുത്തായിരിക്കുമെന്ന്. അയാള്‍ വീടിനരികിലൂടെ പുറകുവശത്തുള്ള തൊഴുത്തിലേക്കു നടന്നു.

ഒരുനിമിഷം, അകത്ത് ആരുടേയോ അനക്കം. നേര്‍ത്ത കാറ്റുവീശും പോലെ ചിലമ്പിച്ച അടക്കം പറച്ചിലുകള്‍. രവി കാതോര്‍ത്തു. മോഹന്റെ മുറിക്കകത്തുനിന്നാണ്. കൊളുത്തിടാതെ ചെറുതായകന്നു നിന്ന ജനല്‍പ്പാളികളിലൂടെ രവി അകത്തേക്കു നോക്കി. കട്ടിലില്‍ നഗ്നമായി പുളയുന്ന രണ്ടു രൂപങ്ങള്‍. രവിക്കു ശ്വാസം നിലച്ചുപോയതു പോലെ തോന്നി. അവന്റെ കണ്ണുകള്‍ക്കത് വിശ്വസിക്കാനായില്ല. സരള തനിക്കു നഷ്ടമായതെങ്ങിനെയെന്നു രവിക്കു വ്യക്തമായി.

കാലാന്തരങ്ങള്‍ മുന്‍ അദ്ധ്യായങ്ങള്‍ വായിക്കാന്‍ ഇവിടെ ക്ലിക്ക് ചെയ്യുക

karoor-soman-2കാരൂര്‍ സോമന്‍

പ്രമുഖ മലയാള സാഹിത്യകാരനായ കാരൂര്‍ സോമന്‍ ഇപ്പോള്‍  യുകെയില്‍ താമസിക്കുന്നു. നാടകം, നോവല്‍, കഥ, കവിത, ലേഖനങ്ങള്‍, സഞ്ചാരസാഹിത്യം, ശാസ്ത്ര സാങ്കേതികം, കായികം, ടൂറിസം എന്നീ സാഹിത്യമേഖലകളിലെ സജീവ സാന്നിധ്യം. ഇംഗ്ലീഷിലും കൃതികള്‍ പ്രസിദ്ധീകരിച്ചിട്ടുണ്ട്. നാലു പതിറ്റാണ്ടുകളിലായി പ്രമുഖ പ്രസാധകര്‍ പ്രസിദ്ധീകരിച്ച നാല്‍പ്പതിലധികം കൃതികള്‍. സ്വദേശത്തും വിദേശത്തുമുള്ള പ്രമുഖ ആനുകാലികങ്ങളില്‍ എഴുതുന്നു.

വായനക്കാരുടെ അഭിപ്രായങ്ങള്‍ രേഖപ്പെടുത്താന്‍ താഴെയുള്ള കമന്റ് കോളം ഉപയോഗിക്കാവുന്നതാണ്. അവഹേളനമോ വ്യക്തിപരമായ അധിക്ഷേപങ്ങളോ അശ്‌ളീലമോ മതനിന്ദയോ ആകാവുന്ന പോസ്റ്റുകള്‍ സൈബര്‍ നിയമപ്രകാരം കുറ്റകരമാണ്.
Post Your Malayalam Comments ( Click here for Malayalam Comments )
Press Esc to close
other news
1 2 3 1,576

More Latest News

മമ്മൂട്ടി കേസില്‍ ഇടപെട്ടാല്‍ യഥാര്‍ത്ഥ പ്രതികള്‍ രക്ഷപ്പെടും; ചില നടിമാരെ ഒതുക്കാന്‍ ഒരു പ്രബല

ആക്രമിക്കപ്പെട്ട നടിക്കും ഗീതുമോഹന്‍ ദാസിനും സംയുക്ത വര്‍മ്മയ്ക്കും എതിരെ സിനിമ രംഗത്ത് ഒരു പ്രബല ലോബി പ്രവര്‍ത്തിക്കുന്നുണ്ടെന്ന് ലിബര്‍ട്ടി ബഷീര്‍. മഞ്ജുവാര്യരെ സപ്പോര്‍ട്ടു ചെയ്യുന്നതാണ് മറ്റു രണ്ടുപേരോടുമുള്ള ഇവരുടെ പകയ്ക്ക് കാരണമെന്നും ലിബര്‍ട്ടി ബഷീര്‍ പറയുന്നു. സംയുക്ത വര്‍മ്മ വീട്ടമ്മയായി ഒതുങ്ങികൂടിയതുകൊണ്ട് ഭര്‍ത്താവ് ബിജുമേനോന്റെ പല പടങ്ങളും സ്റ്റോപ്പു ചെയ്യിക്കാന്‍ ശ്രമങ്ങള്‍ ഉണ്ടായി.

യുവതി കാമുകനെ കൊലപ്പെടുത്തി മൃതദേഹം വെട്ടിനുറുക്കി റെഫ്രിജറേറ്ററിൽ ഒളിപ്പിച്ചു; കൊലപാതകത്തിൽ സഹായിച്ചത് സ്വന്തം ഭർത്താവും!

വിപിനുമായുള്ള അവിഹിത ബന്ധത്തില്‍ അനുരാധ ഗര്‍ഭിണിയായിരുന്നു. ഇക്കാര്യം അറിഞ്ഞതോടെ തന്നെ വിവാഹം ചെയ്യണമെന്ന് അനുരാധ ആവശ്യപ്പെട്ടു. എന്നാല്‍ ഇയാള്‍ ഈ ആവശ്യം നിരസിച്ചുവെന്ന് മാത്രമല്ല. തങ്ങളുടെ ബന്ധത്തെക്കുറിച്ച് പലരോടും പറയുകയും ചെയ്തു. ഇതോടെ ഭര്‍ത്താവിനെയും സഹോദരനെയും കൂട്ടി വിപിനെ കൊലപ്പെടുത്താന്‍ അനുരാധ പദ്ധതി തയ്യാറാക്കിയെന്നാണ് പോലീസ് ഭാഷ്യം. സുലേഷിന്റെ ഭാര്യ അനുരാധാ പട്ടേലുമായി വിപിന്‍ അവിഹിത ബന്ധം പുലര്‍ത്തിയതാണ് പ്രകോപനകാരണം. ഈ മാസം എട്ടിനാണ് ക്രൂരമായ കൊലപാതകം നടത്തിയത്. എന്നാല്‍ കുമാറിന്റെ വീട്ടില്‍ നിന്ന് ചൊവ്വാഴ്ചയാണ് വിപിന്റെ മൃതദേഹ ഭാഗങ്ങള്‍ കണ്ടെത്തിയത്. സംഭവവുമായി ബന്ധപ്പെട്ട് കുമാറിനെയും ഭാര്യ അനുരാധയെയും പഞ്ചാബ് പോലീസ് അറസ്റ്റ് ചെയ്തു

അതൊരു സ്ത്രീ ആണ്; ക്വട്ടേഷന്‍ നല്‍കിയത് ഒരു സ്ത്രീയാണെന്ന് പള്‍സര്‍ സുനി ആക്രമിക്കപ്പെട്ട നടിയോട്

നടിയെ ആക്രമിച്ച സംഭവത്തില്‍ പുതിയൊരു വെളിപെടുത്തലുമായി ഭാഗ്യലക്ഷ്മി .ക്വട്ടേഷന്‍ നല്‍കിയത് ഒരു സ്ത്രീയാണെന്ന് പള്‍സര്‍ സുനി ആക്രമിക്കപ്പെട്ട നടിയോട് പറഞ്ഞതായി ഡബ്ബിംഗ് ആര്‍ട്ടിസ്റ്റ് ഭാഗ്യലക്ഷ്മി പറയുന്നു .

വണ്ണപ്പുറത്ത് ലോറി വീട്ടിലേക്ക് ഇടിച്ചിറങ്ങി ഉറങ്ങിക്കിടന്ന യുവതിക്കും ലോറി ഡ്രൈവര്‍ക്കും  ദാരുണാന്ത്യം..

വണ്ണപ്പുറം/ തൊടുപുഴ : നിയന്ത്രണം വിട്ട ലോറി വീട്ടിലേക്ക് ഇടിച്ചിറങ്ങി ലോറി ഡ്രൈവര്‍ക്കും ഉറങ്ങിക്കിടന്ന യുവതിക്കും ദാരുണാന്ത്യം. വണ്ണപ്പുറം നാല്പതേക്കര്‍ പുളിക്കാമറ്റത്തില്‍ മധുവിന്റെ ഭാര്യ അന്‍സിലിന്‍ (22), ലോറി ഓടിച്ചിരുന്ന ഏലപ്പാറ ചപ്പാത്ത് ഹെലിബെറിയ വിജയഭവനില്‍ മുരുകന്റെ മകന്‍ മനോജ് എന്നിവരാണ് മരിച്ചത്. ഇന്ന് പുലര്‍ച്ചെ 1.45 ന് വണ്ണപ്പുറം ചേലച്ചുവട് മുണ്ടന്‍മുടി റൂട്ടില്‍ നാല്പതേക്കറിന് സമീപത്തെ വളവിലാണ് സംഭവം. അന്‍സിലിനൊപ്പം ഉറങ്ങിക്കിടന്ന മൂന്നു വയസുള്ള മകള്‍ ജോത്സന അദ്ഭുതകരമായി രക്ഷപ്പെട്ടു. പാലക്കാട്ടു നിന്നു കട്ടപ്പനയിലേക്ക്

'രാവിലെ കാണണം'; കാറില്‍വെച്ചു അപമാനിച്ച ശേഷം ഇറങ്ങിപ്പോവുമ്പോള്‍ പള്‍സര്‍ സുനി നടിയോട് പറഞ്ഞു

യുവനടിക്കു നേരെ നടന്ന ആക്രമണം ബ്ലാക്ക് മെയിലിംഗ് എന്ന് സൂചന. കാറില്‍വെച്ചു ക്രൂരമായി അപമാനിച്ച ശേഷം ഇറങ്ങിപ്പോവുമ്പോള്‍ പള്‍സര്‍ സുനി രാവിലെ കാണണം എന്ന് നടിയോട് പറഞ്ഞതായി പൊലീസ് പറയുന്നു. ഇതു വ്യക്തമാക്കുന്നത് അണിയറയില്‍ മറ്റാളുകളും ഉണ്ടെന്ന സൂചനയാണെന്ന് പൊലീസ് കരുതുന്നു.

മത്സരം പെൺകുട്ടികൾ തമ്മിൽ പക്ഷെ ആവേശ കൊടുമുടിയിൽ ഹൃദയം സ്തംഭിച്ചു; സ്ത്രീകളുടെ ക്രിക്കറ്റ്

ദക്ഷിണാഫ്രിക്ക മുന്നോട്ടുവെച്ച 245 റണ്‍സ് വിജയലക്ഷ്യം ഇന്ത്യ ഒരു വിക്കറ്റ് നഷ്ടത്തിലാണ് മറികടന്നത്. ഇന്ത്യക്കായി 82 പന്തില്‍ നിന്ന് 59 റണ്‍സടിച്ച മോന ശര്‍മ്മയും 89 പന്തില്‍ നിന്ന് 71 റണ്‍സ് നേടിയ ദീപ്തി ശര്‍മ്മയും മികച്ച തുടക്കം നല്‍കി. ഇതോടെ 43 ഓവറില്‍ നാല് വിക്കറ്റ് നഷ്ടത്തില്‍ 209 റണ്‍സ് നേടിയ ഇന്ത്യ ഏകദേശം ജയമുറപ്പിച്ചു.

എന്താണ് സംഭവിച്ചത് എന്ന് കണ്ടുനിന്നവർക്കുപോലും മനസ്സിലായില്ല ! അതിന് മുൻപേ ആളുടെ ബോധം പോയി;

പ്രധാന റോഡിന് കുറച്ചകലെയുള്ള വഴിയോരത്ത് കൂടി സുഹൃത്തിനൊപ്പം നടക്കുകയായിരുന്നു യുവാവ്. പൊടുന്നനെ ദൂരോ റോഡില്‍ നിന്നും പാഞ്ഞെത്തിയ ടയര്‍ യുവാവിനെ ഇടിച്ചുതെറിപ്പിച്ച് 'യാത്ര' അവസാനിച്ചു. എന്താണ് നടക്കുന്നത് ചിന്തിക്കാന്‍ പോലും യുവാവിനും സുഹൃത്തിനും സമയം ലഭിച്ചില്ല. തലയ്ക്ക് പിന്നില്‍ ടയര്‍ ശക്തിയായി വന്നിടിച്ചതിന് പിന്നാലെ യുവാവ് ബോധരഹിതനായി. വഴിയോരത്തെ സിസിടിവിയില്‍ പതിഞ്ഞ ഇതിന്റെ ദൃശ്യങ്ങള്‍ ഇപ്പോള്‍ ഓണ്‍ലൈനില്‍ വൈറലാണ്. തലയോട്ടിയില്‍ ക്ഷതമുണ്ടെങ്കിലും യുവാവ് ആരോഗ്യ നില വീണ്ടെടുക്കുകയാണെന്നാണ് വിവരം.

അറ്റ്‌ലസ് രാമചന്ദ്രൻ ജയിലിൽനിന്നും പുറത്തിറങ്ങാൻ 40 വര്‍ഷം കാത്തിരിക്കേണ്ടിവരുമോ ?കുവൈറ്റില്‍

ബാങ്ക് വായ്പാ തട്ടിപ്പ് കേസില്‍ അകപ്പെട്ട് ദുബായ് ജയിലില്‍ തടവില്‍ കഴിയുന്ന പ്രവാസി മലയാളി വ്യവസായി അറ്റ്‌ ലസ് രാമചന്ദ്രന്റെ ജയില്‍വാസം അനന്തമായി നീണ്ടുപോയെക്കുമെന്ന് റിപ്പോര്‍ട്ടുകള്‍. നിലവില്‍ ഒരു കേസില്‍ മാത്രം മൂന്ന്‍ വര്‍ഷത്തെ തടവിന് ശിക്ഷിക്കപ്പെട്ടാണ് അദ്ദേഹത്തിന്‍റെ ജയില്‍വാസമെങ്കില്‍ ഉടന്‍ പരിഗണനയ്ക്ക് വരാനുള്ള കേസുകളില്‍ എല്ലാം കൂടി 40 വര്‍ഷത്തിലേറെ തടവ് ലഭിച്ചേക്കാമെന്നാണ് നിയമവിദഗ്ദ്ധരുടെ വിലയിരുത്തല്‍. ഈ കേസുകളില്‍ പലതും ഇപ്പോള്‍ കോടതിയുടെ പരിഗണനയിലും വിചാരണാ ഘട്ടത്തിലുമാണ്.

യുവനടിയെ ആക്രമിച്ച സംഭവത്തില്‍ ഒരു പ്രതി കൂടി പിടിയില്‍; സംഭവത്തിനു പിന്നിലെ സിനിമാബന്ധം തെളിയുന്നു

മലയാളത്തിലെ യുവനടിയെ ആക്രമിച്ച സംഭവത്തില്‍ ഒരു പ്രതി കൂടി പിടിയില്‍. പ്രമുഖ നടന്റെ ഫ്ളാറ്റില്‍ നിന്നുമാണ് ഇയാളെ പിടികൂടിയത്. പ്രതിയുടെ വിശദാംശങ്ങള്‍ പോലീസ് പുറത്തുവിട്ടിട്ടില്ല. അതേസമയം ഈ അറസ്റ്റ് സംഭവത്തിലെ സിനിമാബന്ധം പുറത്തെത്തിക്കുമെന്നാണ് വിലയിരുത്തപ്പെടുന്നത്.

നടിയെ ആക്രമിച്ച കേസ് വഴിത്തിരിവിലേക്ക്; സംഭവം ക്വട്ടേഷൻ തന്നെ, മണികണ്ഠനിൽ നിന്നും ലഭിക്കുന്നത് നിർണ്ണായകതെളിവുകൾ,

ഇതിനിടയില്‍ രാഷ്ട്രീയക്കാര്‍ക്കുള്ള പങ്കിനെക്കുറിച്ചും അന്വേഷിക്കണമെന്ന് ഡിവൈഎഫ്‌ഐ ആവശ്യപ്പെട്ടു. നടിയെ ആക്രമിച്ച സംഭവത്തില്‍ പ്രതികള്‍ ഏത് വമ്പന്‍മാരാണെങ്കിലും പിടികൂടുമെന്ന് സാംസ്‌ക്കാരിക വകുപ്പ് മന്ത്രി എ.കെ ബാലന്‍. ദൈവം ആള്‍രൂപത്തില് വന്നാല്‍ പോലും എല്ലാവരേയും പിടികൂടുമെന്നും മന്ത്രി പറഞ്ഞു. സിനിമാ മേഖലയില്‍ അംഗീകരിക്കാനാവത്ത പ്രവണതകള്‍ ഉണ്ടെന്നും ഇപ്പോള്‍ മാളത്തിലുള്ള എല്ലാ പ്രതികളേയും പുറത്ത് കൊണ്ടുവരുമെന്നും ഉടുമ്പിനെ മാളത്തില്‍ നിന്ന് പുറത്തുചാടിക്കുന്നതുപോലെ എല്ലാ പ്രതികളേയും പുറത്തുകൊണ്ടുവരുമെന്നും അന്വേഷണം കൊട്ടേഷന്‍ സംഘത്തില്‍ മാത്രം ഒതുങ്ങില്ല. ഗൂഡാലോചന അന്വേഷിക്കുമെന്നും മന്ത്രി പറഞ്ഞു.

ലിവര്‍പൂളില്‍ നിന്നും കേരളത്തിലെത്തിയ ബ്രിട്ടീഷ് പഠനസംഘം ഒരേ സ്വരത്തില്‍ പറയുന്നു കേരളം എത്ര പ്രകൃതി

ഇന്‍ഡോ- ബ്രിട്ടീഷ് വിദ്യാഭ്യാസ സാംസ്‌കാരിക കൈമാറ്റ പദ്ധതിയുടെ ഭാഗമായി ലിവര്‍പൂള്‍ ബ്രോഡ്ഗ്രീന്‍ ഇന്റര്‍നാഷണല്‍ സ്‌കൂളില്‍ നിന്നും കേരളത്തിലെത്തിയ അദ്ധ്യാപകരും വിദ്യാര്‍ത്ഥികളുമടങ്ങിയ പതിനഞ്ചംഗ കേരള പഠനസംഘത്തെ വിദ്യാഭ്യാസ ടൂറിസം വകുപ്പുകള്‍ ഒന്നു ചേര്‍ന്ന് പരമ്പരാഗത രീതിയില്‍ സ്വീകരിച്ചു.

നടിയെ തട്ടിക്കൊണ്ടുപോയ കേസിൽ നിര്‍ണായക തെളിവായി സിസിടിവി ദൃശ്യങ്ങള്‍ പുറത്ത്; പ്രമുഖ നടൻ

നടിയെ തട്ടിക്കൊണ്ടുപോകുന്ന കാര്യത്തെപ്പറ്റി തനിക്കറിയില്ലായിരുന്നുവെന്നും പള്‍സര്‍സുനി വിളിച്ചതിനെ തുടര്‍ന്ന് താന്‍ ഒപ്പം ചേരുകയായിരുന്നു എന്നാണ് മണികണ്ഠന്‍ ആദ്യം പൊലീസിന് മൊഴിനല്‍കിയത് . എന്നാല്‍ വിശദമായ ചോദ്യംചെയ്യലിനിടെയാണ് മണികണ്ഠന്‍റെ പുതിയ വെളിപ്പെടുത്തല്‍ .സംഭവദിവസം നടിയുടെ വാഹനത്തില്‍ കയറിയതിന് പിന്നാലെ നടി പള്‍സര്‍ സുനിയെ തിരിച്ചറിഞ്ഞു. ഇക്കാര്യം മനസ്സിലാക്കിയതോടെയാണ് സംഭവം ക്വട്ടേഷനാണെന്ന് സുനിനടിയോട് വെളിപ്പെടുത്തിയത്. ഒരു സ്ത്രീ പറഞ്ഞിട്ടാണ് താന്‍ വന്നതെന്നും ഇതാരാണെന്ന് നിങ്ങള്‍ക്കറിയാമല്ലോ എന്നും സുനി നടിയോട് പറഞ്ഞതായി മണികണ്ഠന്‍ അന്വേഷണസംഘത്തോട് വെളിപ്പെടുത്തി.

പ്രതീക്ഷയുടെയും പ്രത്യാശയുടെയും നിറ ദീപമായിരുന്ന അലീഷ രാജീവിന്റെ സ്മരണയിൽ അലീഷ ദി ലൈറ്റ് ഹൌസ്

അകാലത്തിൽ തങ്ങളിൽ നിന്നും വേർപെട്ടു പോയ അലീഷ രാജീവ് എന്ന കൊച്ചു മിടുക്കിയുടെ ഓർമ്മകളിൽ നീറി കഴിയുന്ന ഗ്ലോസ്റ്റെർഷെയർ മലയാളി സമൂഹം തങ്ങളുടെ വേദനകൾ മറച്ച് വെച്ച് അലീഷയുടെ പേരിൽ ഒരു ചാരിറ്റി നിശ നടത്താനൊരുങ്ങുകയാണ്. അലീഷയുടെ 14 - ആം ജന്മദിനമായ ഫെബ്രുവരി 25 -ന് ജി എം എ യുടെ ചെൽട്ടൻഹാം യൂണിറ്റ് ആണ് ഈ ചാരിറ്റി നൈറ്റിന് നേതൃത്വം നൽകുന്നത്. അലീഷ തന്റെ ജീവിതത്തിലെ ഏറിയ ഭാഗവും ചിലവഴിച്ച തന്റെ പ്രൈമറി സ്‌കൂൾ ആയിരുന്ന ചെൽറ്റൻഹാമിലെ സെന്റ്. ഗ്രിഗറീസ് കാത്തോലിക് പ്രൈമറി സ്കൂളിൽ വെച്ചാണ് ഈ ചാരിറ്റി നിശക്ക് അരങ്ങ് ഒരുങ്ങുന്നത്.

നടിക്ക് ആക്രമണമേറ്റ സംഭവത്തില്‍ നടന്‍ ദിലീപിനെ ചോദ്യം ചെയ്തിട്ടില്ലെന്ന് ആലുവ എസ്പി

കൊച്ചി: കൊച്ചിയില്‍ നടിക്ക് ആക്രമണമേറ്റ സംഭവത്തില്‍ നടന്‍ ദിലീപിനെ ചോദ്യം ചെയ്തിട്ടില്ലെന്ന് ആലുവ റൂറല്‍ എസ്പി. എവി.ജോര്‍ജ്ജ്. അന്വേഷണം നല്ല രീതിയിലാണ് മുന്നോട്ടുപോകുന്നതെന്നും എവിടെനിന്നാണ് ഇത്തരം വാര്‍ത്തകള്‍ വന്നതെന്ന് അറിയില്ലെന്നും എസ്പി വ്യക്തമാക്കി. ഇന്നലെയാണ് പ്രമുഖ നടന്റെ മൊഴി പോലീസ് എടുത്തതായി ദൃശ്യമാധ്യമങ്ങളിലുള്‍പ്പെടെ വാര്‍ത്ത വന്നത്. വാര്‍ത്ത നിഷേധിച്ച് ദിലീപും പ്രസ്താവനയിറക്കിയിരുന്നു.

സൈക്കിള്‍ യാത്രക്കാരിയായ യുവതിയുടെ പ്രതികാരത്തിന്റെ വൈറല്‍ വീഡിയോ വ്യാജമെന്ന് വെളിപ്പെടുത്തല്‍

ലണ്ടന്‍: തന്നെ അനാവശ്യം പറഞ്ഞ വാന്‍ ഡ്രൈവറോട് പ്രതികാരം ചെയ്യുന്ന സൈക്കിള്‍ യാത്രക്കാരിയായ സ്ത്രീയുടെ വീഡിയോ വ്യാജമാണെന്ന് വെളിപ്പെടുത്തല്‍. വീഡിയോ പുറത്തു വിട്ട ലണ്ടന്‍ കമ്പനിയാണ് ഇത് വ്യാജമാണെന്ന് അറിയിച്ചത്. ജംഗിള്‍ ക്രിയേഷന്‍സ് എന്ന കമ്പനിയാണ് വീഡിയോ സോഷ്യല്‍ മീഡിയയില്‍ നല്‍കിയത്. ഒരു ബൈക്ക് യാത്രക്കാരന്‍ ഷൂട്ട് ചെയ്ത വീഡിയോ എന്ന വിധത്തിലായിരുന്നു ഇത് പ്രചരിച്ചത്.

ബ്രെക്‌സിറ്റില്‍ അനിശ്ചിതത്വം തുടരുന്നു; മൂന്നിലൊന്ന് നിര്‍മാണക്കമ്പനികളും യുകെ വിടാനൊരുങ്ങുന്നു

ലണ്ടന്‍: നിര്‍മാണ മേഖലയില്‍ പ്രവര്‍ത്തിക്കുന്ന മൂന്നിലൊന്ന് കമ്പനികളും യുകെ വിടാനൊരുങ്ങുന്നതായി റിപ്പോര്‍ട്ട്. ബ്രെക്‌സിറ്റില്‍...
© Copyright MALAYALAM UK 2017. All rights reserved.
Please wait...

2017 Calender Request Form

ആളുകള്‍ വ്യാജ വിലാസങ്ങള്‍ നല്കാന്‍ ഇടയുളളതിനാല്‍ ടെലിഫോണില്‍ വിളിച്ച് വിലാസം ഉറപ്പുവരുത്തിയ ശേഷം ആയിരിക്കും കലണ്ടര്‍ അയക്കുക. ശരിയായ ടെലിഫോണ്‍ നമ്പര്‍ ചേര്‍ക്കാത്തവര്‍ക്ക് കലണ്ടര്‍ അയയ്ക്കുന്നതല്ല.