കാലാന്തരങ്ങള്‍ നോവല്‍ അധ്യായം പത്തൊമ്പത്

കാലാന്തരങ്ങള്‍ നോവല്‍ അധ്യായം പത്തൊമ്പത്

കാരൂര്‍ സോമന്‍

അധ്യായം പത്തൊമ്പത്, ഇടര്‍ച്ചകള്‍

അപ്പന്റെ ചാരുകസേരയില്‍ കഴിഞ്ഞുപോയ സംഭവങ്ങളുടെ തീഷ്ണതയില്‍ വെന്തുരുകി കിടക്കുകയാണ് മോഹന്‍. ബിന്ദുവിന് ഒരു സംശയത്തിനും ഇടനല്‍കാതെയായിരുന്നു താനും സരളയും പെരുമാറിയിരുന്നത്. സരളയുമായുള്ള തന്റെ അടുപ്പം ബിന്ദു അറിഞ്ഞുവോ എന്ന വിദൂരമായ സംശയം ഉള്ളിലുദിച്ചതുകൊണ്ടാണ് വളരെ ശ്രദ്ധയോടെ എല്ലാ ചുവടുകളും മുന്നോട്ടുവച്ചത്. പക്ഷെ ഒരു ചെറിയ നിമിഷത്തിന്റെ പിഴവില്‍ പിടിക്കപ്പെട്ടിരിക്കുന്നു. അയാള്‍ ചുറ്റും നോക്കി. എന്തൊരു നിശബ്ദത. അപ്പന്‍ മരിച്ചപ്പോള്‍പോലും ഇങ്ങനെയൊരു മൂകത ഈ വീട്ടില്‍ ഉണ്ടായിട്ടില്ല.

സരളയും ആകെ തളര്‍ന്നുപോയിരിക്കുന്നു. ഇങ്ങനെയൊന്ന് ഉണ്ടാകുമെന്നു അവളും കരുതിയതല്ല. അടുക്കളയില്‍നിന്നും അവള്‍ പുറത്തേയ്ക്കിറങ്ങാറേയില്ല. ആര്‍ക്കോവേണ്ടിയെന്നയെന്നവണ്ണം എന്തൊക്കെയോ വച്ചുവേവിക്കുന്നു… ആരൊക്കെയോ തിന്നുന്നു. അത്രതന്നെ. സഹജീവിതങ്ങളുടെ ഇഴയടുപ്പങ്ങള്‍ ചെറിയൊരു ചലനത്തില്‍ പോലും ഇല്ലാതാകുമെന്നത് എത്ര സത്യമാണെന്നു അവളിപ്പോള്‍ മനസിലാക്കുന്നു. ബിന്ദുവിന്റെ അസുഖം നിശേഷം മാറുന്ന അവസ്ഥ സാധ്യമാണെന്ന സൂചന ആരെങ്കിലും തന്നാല്‍ മതിയായിരുന്നു. അങ്ങിനെയൊന്ന് അറിഞ്ഞിരുന്നെങ്കില്‍ ആ ദുര്‍ബല നിമിഷത്തെ അതിജീവിക്കാമായിരുന്നു. അടക്കിവച്ചിരുന്ന വികാരങ്ങളുടെ തിരത്തള്ളലില്‍ അതുതന്നെയാണ് ശരിയെന്നു തീരുമാനിക്കുകയായിരുന്നു. ഒരു പക്ഷെ ബിന്ദുവിന്റെ അസുഖം വീണ്ടും മൂര്‍ഛിച്ചു വീണ്ടും മരണത്തിലേക്കു നടന്നടുക്കുകയായിരുന്നുവെങ്കില്‍ താന്‍ ചെയ്തതാകും ഏറ്റവും വലിയ ശരിയെന്നു അവള്‍തന്നെ പറയുമായിരുന്നു. പക്ഷെ കണക്കുകൂട്ടലുകളില്‍ വലിയ തെറ്റുകളുടെ കളങ്ങളായിരുന്നു കൂടുതല്‍….. സരള സാരിത്തലപ്പുകൊണ്ട് കണ്ണുതുടച്ചു.

ബിന്ദു ബോധംകെട്ടുവീണപ്പോള്‍ എല്ലാം തീര്‍ന്നെന്നു കരുതി. കട്ടിലില്‍ കിടത്തി മുഖത്തു തണുത്ത വെള്ളമൊഴിച്ചു അവളെ ഉണര്‍ത്തിയപ്പോഴാണ് ശ്വാസം നേരെയായത്. അബോധാവസ്ഥയില്‍നിന്നും ബോധാവസ്ഥയിലേക്കു അവള്‍ എഴുന്നേറ്റത് വന്യതയുടെ പര്യായമായായിരുന്നു. പൊട്ടിക്കരച്ചിലിന്റെ ഉന്മാദവസ്ഥയില്‍ മുറിയിലെ സകല സാധനങ്ങളും അവള്‍ വലിച്ചെറിഞ്ഞു. വലിഞ്ഞുമുറുകിയ അവളുടെ ഞരമ്പുകള്‍ എപ്പോള്‍ വേണമെങ്കിലും പൊട്ടിത്തെറിക്കുമെന്നു തോന്നിച്ചു. ഒരു വാക്കുപോലും മോഹനെക്കൊണ്ടു പറയിക്കാന്‍ അവള്‍ അനുവദിച്ചില്ല. കൊടുങ്കാറ്റിനു ശേഷമുള്ള ശാന്തതയില്‍ അവള്‍ വീണ്ടും തളര്‍ന്നുറങ്ങി. ഉണര്‍ന്നെഴുന്നേറ്റപ്പോള്‍ നിര്‍വികാരയായിരുന്നു അവള്‍. ശേഷം അവളുടെയും ആനന്ദിന്റെയും കയ്യില്‍കിട്ടിയ വസ്ത്രങ്ങള്‍ ബാഗില്‍ കുത്തിനിറച്ച് ആരോടും ഒന്നും മിണ്ടാതെ വീടിന്റെ പടിയിറങ്ങി. പോകരുതെന്നു പറയാന്‍ സരളയുടെ മനസു മന്ത്രിച്ചെങ്കിലും നാവിനതിനുള്ള ശേഷിയുണ്ടായിരുന്നില്ല. ബിന്ദുവിന്റെ കയ്യിലിരുന്ന് സരളയെ നോക്കി ആനന്ദ് തേങ്ങിക്കരയുന്നുണ്ടായിരുന്നു. മോഹന്റെ മുഖത്തുപോലും നോക്കാതെയാണ് അവള്‍ പടിയിറങ്ങിയത്. ഇനിയൊരിക്കലും ഇവിടേക്കു തിരിച്ചുവരില്ല എന്ന നിശ്ചയം അവളുടെ മുഖത്ത് അടയാളപ്പെടുത്തിയിരുന്നു.

ചാരുകസേരയിലിരുന്നു വിദൂരതയിലേക്കു നോക്കിക്കിടക്കുകയാണ് മോഹന്‍. അയാളിപ്പോള്‍ വീടിനുപുറത്തേയ്‌ക്കൊന്നും പോകാറില്ല. രവിയാകട്ടെ ഇപ്പോഴിങ്ങോട്ട് വരാറെയില്ല. ഷീറ്റുവിറ്റതിന്റെ പണം മറ്റേതെങ്കിലും പണിക്കാരാകും കൊണ്ടുവരിക. തെരഞ്ഞെടുപ്പിന്റെ തിരക്കുകള്‍ ആയിത്തുടങ്ങിയത്രെ. അതുകൊണ്ട് വൈകുന്നേരം മദ്യപാനം പോലും ഒറ്റയ്ക്കാണ്.

സരളയാണെങ്കില്‍ തികച്ചും അപരിചിതയെപ്പോലെയാണു പെരുമാറുന്നത്. തകര്‍ന്നുപോയത് അവളാണെന്നു മോഹനറിയാം. ഇനിപ്പറഞ്ഞിട്ടുകാര്യമില്ലെന്നു അയാള്‍ക്കറിയാം. പ്രശ്‌നങ്ങളൊക്കെ പറഞ്ഞുതീര്‍ക്കുക തന്നെ വേണം. രവി വന്നിരുന്നെങ്കില്‍ അവനെ ബിന്ദുവിന്റെ വീട്ടിലേക്കയയ്ക്കാമായിരുന്നു. അവളുടെ ഇപ്പോഴത്തെ മാനസികാവസ്ഥയെങ്കിലും മനസിലാക്കാമല്ലോ. താനിപ്പോള്‍ അങ്ങോട്ടുചെന്നാല്‍ എന്തായിരിക്കും അവളുടെ പ്രതികരണം എന്നു പറയാനാവില്ല… മോഹന്‍ പതിയെ സിഗരറ്റിനു തീകൊളുത്തി. രാവിലെ തന്നെ കഴിച്ച മദ്യത്തിനു ലഹരി പോരെന്നു അയാള്‍ക്കു തോന്നി. എത്ര കഴിച്ചാലും മതിയാകുന്നില്ല. അടുത്ത ഗ്ലാസ് നിറയ്ക്കുന്നതിനായി എഴുന്നേല്‍ക്കാന്‍ തുടങ്ങിയതാണ്. ദൂരെ റബര്‍ മരങ്ങള്‍ക്കിടയിലുള്ള വഴിയിലൂടെ ഒരു കാര്‍ പൊടിപരത്തി വരുന്നത് അയാള്‍ കണ്ടു. ഇപ്പോള്‍ ഇങ്ങോട്ടുവരുന്നത് ആരാണെന്ന് അയാള്‍ ആലോചിച്ചു. ബിന്ദുവിന്റെ വീട്ടില്‍നിന്നാകുമോ. എല്ലാമറിഞ്ഞപ്പോള്‍ അവളുടെ അമ്മയും മറ്റുമാണോ വരുന്നത്. കുറെ അകന്ന ബന്ധുക്കള്‍ അവള്‍ക്കുള്ളതായറിയാം. കാര്യങ്ങളുടെ സത്യാവസ്ഥ അറിയേണ്ടത് അവരുടെ അവകാശം കൂടിയാണല്ലോ. മോഹന്‍ എന്തിനും തയാറായി ഇരുന്നു.

കാര്‍ ഗേറ്റിനപ്പുറം നിര്‍ത്തി. വാതില്‍ തുറന്നു ഇറങ്ങിയ ആളെ കണ്ടപ്പോള്‍ മോഹന് ആശ്ചര്യപ്പെടാതിരിക്കാന്‍ കഴിഞ്ഞില്ല. സോഫിയ…. അയാള്‍ അറിയാതെ പറഞ്ഞുപോയി. അയാള്‍ കസേരയില്‍ നിന്നും അറിയാതെ എഴുന്നേറ്റു. ഇവളെങ്ങിനെ ഇവിടെ. ഒന്നു ഫോണ്‍ ചെയ്യുകപോലും ചെയ്യാതെ ഇങ്ങനെയൊരു വരവ്…. അയാള്‍ അവളെക്കണ്ടപ്പോള്‍ ചിരിക്കാന്‍ പോലും മറന്നുപോയി. കൂടെ ആരെങ്കിലുമുണ്ടോ എന്നു നോക്കി. ഇല്ല, ആരുമില്ല… സോഫിയ ഒറ്റയ്ക്കാണ്.

എന്താ പ്രതീക്ഷിച്ചില്ല അല്ലേ…. സോഫിയ ചോദിച്ചു. മോഹന്‍ മറുപടിയൊന്നും പറയാനാകാതെ നില്‍ക്കുകയാണ്.
ആന്വല്‍ ലീവ് കുറച്ചുണ്ടായിരുന്നു. അഞ്ചലീനയാണെങ്കില്‍ പരീക്ഷാച്ചൂടില്‍ ഹോസ്റ്റലിലും. എവിടെയെങ്കിലും ഒരു യാത്രപോകണമെന്നു തോന്നി. ഡാഡിയുടെ ബന്ധുക്കള്‍ നാട്ടിലെവിടെയൊക്കെയൊ ഉണ്ടെന്നു കേട്ടിട്ടുണ്ട്. അവരുടെ അടുത്തേയ്‌ക്കൊരു യാത്ര. കേട്ടറിഞ്ഞ കേരളത്തിന്റെ സൗന്ദര്യം അറിയാമല്ലോ. പിന്നെ നിന്നെയും കാണാം…. അവന്റെ അത്ഭുതത്തിനു മേലെ അവള്‍ വരവിന്റെ ഉദ്ദേശ്യം പറഞ്ഞു.

വരൂ…. അകത്തേയ്ക്കു കയറൂ….- മോഹന്‍ പറഞ്ഞു. ഉമ്മറത്തെ വര്‍ത്തമാനം കേട്ടു സരളയുമെത്തി. അപ്രതീക്ഷിതമായെത്തിയ അതിഥിയെ കണ്ടപ്പോള്‍ അവളും പരുങ്ങി. സ്വര്‍ണമത്സ്യം പോലെയിരിക്കുന്ന ഈ പെണ്ണ് ആരെന്നു അവള്‍ക്കു പിടികിട്ടിയില്ല. എത്ര സ്വാതന്ത്ര്യത്തോടെയാണ് അവള്‍ മോഹനോട് പെരുമാറുന്നത്. ഇങ്ങനെ ഒരാളെപ്പറ്റി മോഹന്‍ ഇതുവരെ പറഞ്ഞിട്ടില്ലല്ലോ.

ബിന്ദുവിനേയും ആനന്ദിനേയും സോഫിയ ചോദിച്ചു. അവര്‍ അവരുടെ വീട്ടിലാണെന്നു സംശയത്തിന്റെ ഒരു കണികപോലുമില്ലാതെ അയാള്‍ പറഞ്ഞൊപ്പിച്ചു. വാതില്‍ക്കല്‍ വന്നുനിന്ന സരളയെ മോഹന്‍ പരിചയപ്പെടുത്തി. ചേട്ടന്റെ ഭാര്യ. അതുപറയുമ്പോള്‍ ബഹുമാനത്തിന്റെ അംശം വാക്കുകളില്‍ പുരട്ടാന്‍ അയാള്‍ മറന്നില്ല. തനിക്കൊപ്പം അമേരിക്കയില്‍ ജോലിചെയ്യുന്നതാണെന്നും തന്റെ മേലുദ്യോഗസ്ഥയാണെന്നും സരളയോട് അയാള്‍ പറഞ്ഞു. സരളയ്ക്കാശ്വാസമായി. നാട്ടിലെത്തിയപ്പോള്‍ സഹപ്രവര്‍ത്തകനെ കാണാന്‍ വന്നതാകും.

സരളേടത്തീയെന്നു വിളിച്ചു ചായയെടുക്കാന്‍ മോഹന്‍ പറഞ്ഞപ്പോള്‍ അവളുടെ മനസില്‍ എന്തെല്ലാമോ തികട്ടിവന്നു… സരളേടത്തി…. അങ്ങിനെ വിളിക്കുമ്പോള്‍ പൊള്ളുന്നതുപോലെ. ഇനി അങ്ങിനെയൊരു വിളിയുടെ ആവശ്യമുണ്ടോ. സരള ചായയെടുക്കാനായി അടുക്കളയിലേക്കു പോയി. കഴിക്കാനെന്തു കൊടുക്കും. പുറകിലെ തൊടിയില്‍ പപ്പായ പഴുത്തുകിടപ്പുണ്ട്. ഇരുവരും മോഹന്റെ മുറിയിലാണിരിക്കുന്നത്. ചായ അങ്ങോട്ടേയ്ക്കു കൊണ്ടുപോയാല്‍ മതി.

മോഹന്റെ കട്ടില്‍ സോഫിയ കിടന്നു. മോഹന്‍ കസേരയിലാണ് ഇരിക്കുന്നത്. അയാള്‍ അവളുടെ മുഖത്തേയ്ക്കുതന്നെയാണ് നോക്കുന്നത്. സോഫിയ വെറുതെ വരാന്‍ സാധ്യതയില്ല. എന്തോ ഉണ്ട്. തന്നെയൊ, അല്ലെങ്കില്‍ പരിചയമുള്ള മറ്റാരേയോ തേടിപ്പോകുന്ന സ്വഭാവം അവള്‍ക്കില്ല. ഒരു ബന്ധത്തിനും അമിതമായ അടുപ്പം നല്‍കാത്തവളാണിവള്‍. മോഹന്‍ ചോദ്യഭാവത്തില്‍ അവളുടെ കണ്ണുകളിലേക്കു നോക്കി. അവളുടെ മുഖത്തെ ചിരി മായുന്നു. പറിച്ചുനട്ടെന്ന പോലെ ഗൗരവം അവളുടെ മുഖത്ത് നിറയുന്നു.

മോഹന്‍ എനിക്കിനി ഒറ്റയ്ക്കു ജീവിക്കാന്‍ വയ്യ… ഇനി നിന്റെ കൂട്ട് എനിക്കുവേണം…. അതില്ലാതെ എനിക്കു പറ്റുന്നില്ല. നിന്നെ മനസില്‍നിന്നും ഒഴിവാക്കാന്‍ ഏറെ ശ്രമിച്ചുനോക്കി. പക്ഷെ കഴിയുന്നില്ല. എനിക്കൊരു ഭാര്യയാകാന്‍ കൊതിയാകുന്നു. പെട്ടെന്നൊരു തീരുമാനം പറയേണ്ടതില്ല. എപ്പോള്‍ വേണമെങ്കിലും ബിന്ദു ഇല്ലാതെയാകാം. അതുവരെയും കാത്തിരിക്കാനും ഞാന്‍ തയാറാണ്. അവള്‍ മരിച്ചാല്‍ ആനന്ദിനെ നോക്കാന്‍പോലും ഏല്‍പ്പിച്ചത് എന്നെയാണ്. ഞാന്‍ നിനക്കൊപ്പം കഴിയുന്നത് അവളുടെ ആത്മാവിനെ തരിമ്പും വേദനിപ്പിക്കില്ല….- ഒറ്റശ്വാസത്തിനു പറഞ്ഞു തീര്‍ക്കുമ്പോള്‍ സോഫിയയുടെ മനസു പിടയ്ക്കുന്നുണ്ടായിരുന്നു. ആദ്യമായാണ് അവള്‍ ഒരു പുരുഷനെ ഇങ്ങനെ ആവശ്യപ്പെടുന്നത്. ശരീരത്തിനു വേണ്ടിയല്ല. മനസിനുവേണ്ടി. അവള്‍ പതിയെ കട്ടിലില്‍ നിന്നും എഴുന്നേറ്റിരുന്നു. തൊട്ടടുത്ത കസേരയിലിരുന്ന മോഹന്റെ കൈത്തലങ്ങള്‍ അവള്‍ മുഖത്തോട് ചേര്‍ത്തു.

അവളുടെ കണ്ണുകളില്‍ പ്രണയത്തിന്റെ എല്ലാത്തിളക്കങ്ങളും മോഹന്‍ കണ്ടു. അവളുടെ മനസില്‍ നിറഞ്ഞുനില്‍ക്കുന്നത് താന്‍ മാത്രമാണെന്നു അവന്‍ തിരിച്ചറിഞ്ഞു. പിടിവള്ളികളെല്ലാം നഷ്ടപ്പെട്ടപ്പോള്‍ ദൈവം കാണിച്ചുതന്ന വഴിയാണ് സോഫിയയുടെ ഇപ്പോഴത്തെ മനസെന്നു അയാള്‍ക്കു തോന്നി. അവളെ വിവാഹം കഴിക്കുകയെന്നു പറഞ്ഞാല്‍ വലിയ ഈ പ്രത്യേക അവസ്ഥയില്‍ വലിയ നഷ്ടക്കണക്കാകുമെന്നു അയാള്‍ക്കു തോന്നിയില്ല. പക്ഷെ ബിന്ദു… ഇനിയും സാധ്യതകള്‍ ഉണ്ട്. മരണം ദൈവത്തിന്റെ രൂപത്തില്‍ അകന്നുനില്‍ക്കുകയാണെങ്കിലും തന്നെ തോല്‍പ്പിക്കാന്‍ അവള്‍ക്കാകില്ലല്ലോ. അവളെ അമേരിക്കയിലേക്കു കൊണ്ടുപോകണം. അവിടെ വച്ചായിരിക്കണം അവളുടെ മരണം. ഇത്രയും നാള്‍ കാത്തിരുന്നതെല്ലാം വെറുതെ കളയാന്‍ തയാറല്ലെന്നു മോഹന്‍ മനസിലുറപ്പിച്ചു. എല്ലാം സോഫിയയോടു പറയുകതന്നെ വേണം. തന്റെ പദ്ധതികള്‍ നടപ്പിലാക്കാന്‍ സോഫിയയ്ക്കു കഴിയുകയാണെങ്കില്‍ തന്റെ ബാക്കി ജീവിതം അവളുമായി പങ്കിടാനും തയാറാണ്.

സോഫിയ…. വരൂ, നമുക്കൊന്നു പുറത്തേയ്ക്കു നടന്നിട്ടുവരാം….- മുറിയിലിരുന്നു സംസാരിച്ചാല്‍ ശരിയാകില്ലെന്നു മോഹനു തോന്നി. അയാള്‍ പതിയെ കസേരയില്‍നിന്നും എഴുന്നേറ്റു. കട്ടിലില്‍നിന്നു സോഫിയയും.

അടക്കിപ്പിടിച്ച വര്‍ത്തമാനങ്ങള്‍ സരളയ്ക്കു കേള്‍ക്കാമായിരുന്നു. ചായയുമായി മുറിക്കു മുന്നിലെത്തിയപ്പോഴാണ് സോഫിയയുടെ വാക്കുകള്‍ ചാട്ടുളി പോലെ മനസിലേക്കു തറച്ചത്. ചതുരംഗക്കളത്തില്‍ തലയറഞ്ഞുവീണ കാലാളിന്റെ അവസ്ഥയാണ് തനിക്കെന്നു അവള്‍ക്കു തോന്നി. സഹതപിക്കാനോ തന്റെ മനസു മനസിലാക്കാനോ ആരുമില്ലെന്നും അവളറിയുകയായിരുന്നു. മോഹനെ മോഹിച്ചത് ശരീരത്തിന്റെ വിശപ്പു മാറ്റാന്‍ മാത്രമായിരുന്നില്ലല്ലോ. നഷ്ടപ്പെട്ട ജീവിതം തിരിച്ചുപിടിക്കാന്‍ കൂടിയായിരുന്നു. മോഹന്റെ ജീവിതത്തിന്റെ പങ്കാളിയാകാന്‍ കാത്തിരിക്കുന്ന മറ്റൊരാള്‍. തന്നെക്കാളും എന്തുകൊണ്ടും യോഗ്യയായ മറ്റൊരാള്‍. മോഹിച്ചതൊക്കെയും വെറുതെയായിപ്പോയി. ആനന്ദിനെയും ബിന്ദുവിനെയുമൊക്കെ മനസറിഞ്ഞു സ്‌നേഹിച്ചതും വെറുതെയായിപ്പോയി. താന്‍ ചതിക്കപ്പെട്ടിരിക്കുന്നു. സരളയുടെ മനസ് വല്ലാതെ നോവുന്നുണ്ടായിരുന്നു. പ്ലേയ്റ്റിലിരുന്ന പപ്പായയുടെ ചുവപ്പ് കണ്ണുകളിലേക്കു വ്യാപിക്കുന്നതായി അവള്‍ക്കു തോന്നി. ചായയും പപ്പായയും മേശപ്പുറത്തുവച്ച് അവള്‍ അടുക്കളയിലേക്കു ഓടി. നിറഞ്ഞുതുളുമ്പിയ കണ്ണുകളുമായി അടുക്കളയുടെ ഒരു മൂലയില്‍ അവള്‍ മുഖംപൊത്തിയിരുന്നു.

മോഹനും സോഫിയയും റബര്‍ത്തോട്ടത്തിലൂടെ നടന്നു. അവളുടെ മനസിനു പറഞ്ഞറിയിക്കാന്‍ കഴിയാത്ത ആനന്ദമുണ്ടായിരുന്നു. പലതവണ ആലോചിച്ചതാണ് ഇങ്ങനെയൊരു നിലപാടെടുക്കണമോയെന്ന്. പക്ഷെ ഇതുതന്നെയാണ് ശരിയെന്നു മനസു പറഞ്ഞു. ഏതളവുകോലുകൊണ്ട് അളന്നാലും ഇങ്ങനെയൊരു ആഗ്രഹത്തിനു തെറ്റുകാണുവാന്‍ കഴിയില്ല. അവള്‍ മോഹന്റെ നേര്‍ക്കുനോക്കി. ആഴത്തിലുള്ള ആലോചനയിലാണ് അയാള്‍. ഇരുവരും തോട്ടത്തിനു നടുവില്‍ ഉയര്‍ന്നുനില്‍ക്കുന്ന പാറമേല്‍ ഇരുന്നു.

മോഹന്‍ പറഞ്ഞുതുടങ്ങി. ബിന്ദു എങ്ങിനെ തന്റെ ജീവിതത്തിലേക്കു വന്നുവെന്നും. എന്തിനാണ് താനവളെ പോറ്റുന്നതെന്നും. അവനും സോഫിയയോടൊത്തുള്ള ജീവിതം ഇഷ്ടമാണെന്നും അവനറിയിച്ചു. പക്ഷെ കാത്തിരിക്കണം. ബിന്ദുവിന്റെ മരണം വരെ. ഒരുപക്ഷെ ജീവിതത്തിലേക്കുള്ള തിരിച്ചുവരവിന്റെ ലക്ഷണങ്ങള്‍ കാണുന്ന സ്ഥിതിക്ക്, അവളുടെ മരണം സൃഷ്ടിക്കപ്പെടുന്നതുവരെ. അവളുമായി താന്‍ അമേരിക്കയിലേക്കു ഉടന്‍ത്തന്നെ മടങ്ങി വരുമെന്നും അവിടെ വച്ച് എല്ലാം തീരുമാനിക്കപ്പെടുമെന്നും സോഫിയയോട് അവന്‍ വ്യക്തമാക്കി.

വള്ളിപുള്ളി തെറ്റാതെയുള്ള മോഹന്റെ വിവരണം കേട്ടപ്പോള്‍ നടുക്കമാണ് സോഫിയയില്‍ ഉണ്ടായത്. വിശ്വസിക്കാനാവുന്നില്ല മോഹന്‍ തന്നെയാണോ ഇതെന്ന്. ഭാര്യയെ ഇത്രയും സ്‌നേഹിക്കുന്ന ഒരു പുരുഷനെ തന്റെ ജീവിതത്തില്‍ കണ്ടിട്ടില്ലായിരുന്നു. പിന്നെ രോഗം വലിയൊരു മതിലായി ഭാര്യയ്ക്കും ഭര്‍ത്താവിനുമിടയില്‍ സൃഷ്ടിക്കപ്പെട്ടപ്പോള്‍ ശരീരത്തിന്റെ ആവശ്യങ്ങള്‍ മാത്രമായിരുന്നു അവനുണ്ടായിരുന്നതെന്നാണു താന്‍ കരുതിയിരുന്നത്. ജീവിതത്തിന്റെ അടരുകള്‍ പൊളിച്ചെടുക്കുമ്പോള്‍ തെളിയുന്ന ചിത്രങ്ങള്‍ ഭയാനകമായിരിക്കും… സോഫിയയ്ക്കു കൂടുതലൊന്നും സംസാരിക്കാന്‍ കഴിഞ്ഞില്ല. അവള്‍ താഴെവീണുകിടന്നിരുന്ന കരിയിലകളിലേക്കു നോക്കിയിരുന്നു. മറുപടിയായി എന്തുപറയണമെന്ന് അവക്ക് ആലോചിക്കാനേറെയുണ്ടായിരുന്നു. കാത്തിരിക്കാന്‍ തയ്യാറല്ല എന്ന മറുപടി അവനെ തന്നില്‍നിന്നും എന്നത്തേയ്ക്കുമായി അകറ്റുമെന്നു അവള്‍ക്കു തോന്നി. സ്വന്തം ജീവിതത്തെക്കുറിച്ചുമാത്രം ആലോചിച്ചാല്‍ മതിയല്ലോ എന്ന ചിന്തയും അവളുടെയുള്ളില്‍ തെളിഞ്ഞു.. എങ്കിലും……

സോഫിയ ഒന്നും പറഞ്ഞില്ല.. എനിക്കൊപ്പം നില്‍ക്കാന്‍ നിനക്കാകുമോ…- മോഹന്റെ വാക്കുകളില്‍ ആകാംഷ നിറഞ്ഞിരുന്നു. അവന്റെ കൈവിരലുകളില്‍ മുറുകെയമര്‍ത്തി അവള്‍ സമ്മതം മൂളി. അവര്‍ വീട്ടിലേക്കു മടങ്ങി.

എടുത്തുവച്ച ചായ തണുത്തിട്ടുണ്ടായിരുന്നു. അതു വീണ്ടും ചൂടാക്കി സരള അവര്‍ക്കു നല്‍കി. പപ്പായയുടെ മധുരം സോഫിയ നന്നായി ആസ്വദിക്കുന്നുണ്ടായിരുന്നു.ഉച്ചയൂണുകഴിഞ്ഞു പോയാല്‍പോരെയെന്നു മോഹന്‍ ചോദിച്ചതാണ്. ഇനിയും ഒരുപാടിടത്ത് പോകാനുണ്ടെന്ന കാരണം പറഞ്ഞ് സോഫിയ അത് നിഷേധിച്ചു. ഇനിയെന്നെങ്കിലും വരാമെന്നു സരളയോടു പറഞ്ഞ് സോഫിയ ഇറങ്ങി. കാറിന്റെയടുത്തുവരെ മോഹന്‍ അവളെ അനുഗമിച്ചു. അമേരിക്കയില്‍ എത്തിയാലുടന്‍ വിളിക്കാമെന്നു പറഞ്ഞ് അവള്‍ കാറില്‍ കയറി.

തിരിച്ചെത്തിയ മോഹന്‍ കണ്ടത് തലകുമ്പിട്ടു കണ്ണീരൊലിപ്പിച്ചു നില്‍ക്കുന്ന സരളയെയാണ്. ചുവരിനോട് ചേര്‍ന്നുനില്‍ക്കുന്ന അവളില്‍നിന്നും തേങ്ങലുകള്‍ ഉയരുന്നുണ്ടായിരുന്നു. മോഹന്‍ പതിയെ അവളുടെ തോളില്‍ കൈവച്ചു. ഒരു പൊട്ടിത്തെറിയാണ് ഉണ്ടായത്.
തൊട്ടുപോകരുതെന്നെ…..

മോഹനു ചിരിയാണ് വന്നത്, താനാര്‍ക്കും ഒരു വാഗ്ദാനവും നല്‍കിയിട്ടില്ല.

വായനക്കാരുടെ അഭിപ്രായങ്ങള്‍ രേഖപ്പെടുത്താന്‍ താഴെയുള്ള കമന്റ് കോളം ഉപയോഗിക്കാവുന്നതാണ്. അവഹേളനമോ വ്യക്തിപരമായ അധിക്ഷേപങ്ങളോ അശ്‌ളീലമോ മതനിന്ദയോ ആകാവുന്ന പോസ്റ്റുകള്‍ സൈബര്‍ നിയമപ്രകാരം കുറ്റകരമാണ്.
Post Your Malayalam Comments ( Click here for Malayalam Comments )
Press Esc to close
other news
1 2 3 1,573

More Latest News

അറ്റ്‌ ലസ് രാമചന്ദ്രൻ ജയിലിൽനിന്നും പുറത്തിറങ്ങാൻ 40 വര്‍ഷം കാത്തിരിക്കേണ്ടിവരുമോ

ബാങ്ക് വായ്പാ തട്ടിപ്പ് കേസില്‍ അകപ്പെട്ട് ദുബായ് ജയിലില്‍ തടവില്‍ കഴിയുന്ന പ്രവാസി മലയാളി വ്യവസായി അറ്റ്‌ ലസ് രാമചന്ദ്രന്റെ ജയില്‍വാസം അനന്തമായി നീണ്ടുപോയെക്കുമെന്ന് റിപ്പോര്‍ട്ടുകള്‍. നിലവില്‍ ഒരു കേസില്‍ മാത്രം മൂന്ന്‍ വര്‍ഷത്തെ തടവിന് ശിക്ഷിക്കപ്പെട്ടാണ് അദ്ദേഹത്തിന്‍റെ ജയില്‍വാസമെങ്കില്‍ ഉടന്‍ പരിഗണനയ്ക്ക് വരാനുള്ള കേസുകളില്‍ എല്ലാം കൂടി 40 വര്‍ഷത്തിലേറെ തടവ് ലഭിച്ചേക്കാമെന്നാണ് നിയമവിദഗ്ദ്ധരുടെ വിലയിരുത്തല്‍. ഈ കേസുകളില്‍ പലതും ഇപ്പോള്‍ കോടതിയുടെ പരിഗണനയിലും വിചാരണാ ഘട്ടത്തിലുമാണ്.

യുവനടിയെ ആക്രമിച്ച സംഭവത്തില്‍ ഒരു പ്രതി കൂടി പിടിയില്‍; സംഭവത്തിനു പിന്നിലെ സിനിമാബന്ധം തെളിയുന്നു

മലയാളത്തിലെ യുവനടിയെ ആക്രമിച്ച സംഭവത്തില്‍ ഒരു പ്രതി കൂടി പിടിയില്‍. പ്രമുഖ നടന്റെ ഫ്ളാറ്റില്‍ നിന്നുമാണ് ഇയാളെ പിടികൂടിയത്. പ്രതിയുടെ വിശദാംശങ്ങള്‍ പോലീസ് പുറത്തുവിട്ടിട്ടില്ല. അതേസമയം ഈ അറസ്റ്റ് സംഭവത്തിലെ സിനിമാബന്ധം പുറത്തെത്തിക്കുമെന്നാണ് വിലയിരുത്തപ്പെടുന്നത്.

തന്റെ വീട്ടിൽ യൂണിഫോമിലോ മഫ്തിയിലോ പൊലീസ് വന്നിട്ടില്ല; പ്രതികരണവുമായി ദിലീപ്

യുവനടിയെ ആക്രമിച്ചതുമായി ബന്ധപ്പെട്ട് തന്റെ പേര് വലിച്ചിഴയ്ക്കുന്നതിനെതിരെ ശക്തമായ പ്രതികരണവുമായി നടൻ ദിലീപ്. തന്റെ വീട്ടിൽ യൂണിഫോമിലോ മഫ്തിയിലോ പൊലീസ് വന്നിട്ടില്ലെന്നും പ്രചരിക്കുന്ന വാർത്തകൾ അടിസ്ഥാനരഹിതമാണെന്നും ദിലീപ് ഒരു പ്രമുഖ മലയാളം ഒാൺലൈന്‍ മാധ്യമത്തോട് ആണ് ഇത് വെളിപെടുത്തിയത് .

കുട്ടികളെ തട്ടികൊണ്ട് പോകുന്നതുമായി ബന്ധപ്പെട്ട് ബിജെപി നേതാവ് ഉള്‍പെടെ സംഘം പിടിയില്‍; കുട്ടികള്‍ക്ക് വില

പശ്ചിമ ബംഗാളില്‍ കുട്ടികളെ തട്ടികൊണ്ട് പോകുന്നതുമായി ബന്ധപ്പെട്ട് ബിജെപി മഹിളാ നേതാവിനെയും എന്‍ജിഒ സംഘടനയില്‍ ഉള്ള യുവതിയേയും പോലീസ് അറസ്റ്റ് ചെയ്തു. ബിജെപി മഹിളാമോര്‍ച്ച നേതാവ് ജൂഹി ചൗധരിയെയും ബിമല ശിശു ഗൃഹ ചെയര്‍പേഴ്‌സണ്‍ ചന്ദന ചക്രബോര്‍ത്തിയേയും, കുട്ടികളെ ദത്ത് നല്‍കുന്ന ഓഫീസര്‍ ഓഫീസര്‍ സോണാലി മോന്‍ഡോള്‍ എന്നിവരെയാണ് പശ്ചിമ ബംഗാളിലെ ജല്‍പൈഗുരിയില്‍ നിന്നും സിഐഡി അറസ്റ്റ് ചെയ്തത്.

കുവൈത്തില്‍ മലയാളി നഴ്‌സിന് കുത്തേറ്റു

മോഷണശ്രമം ചെറുക്കുന്നതിനിടെയില്‍ കുവൈത്തില്‍ മലയാളി നവ്‌സിന് കുത്തേറ്റു.കോട്ടയം കൊല്ലാട് പുതുക്കളത്തില്‍ ബിജോയിയുടെ ഭാര്യ ഗോപിക ബിജോ (27) ആണ് മോഷ്ടാക്കലുടെ ആക്രമണത്തില്‍ പരിക്കേറ്റ് ആശുപത്രിയില്‍ കഴിയുന്നത്. ഇന്ന് രംവിലെ ഡ്യൂട്ടി കഴിഞ്ഞെത്തിയ നഴ്‌സ് വീട് തുറന്ന് അകത്തുകയറാന്‍ തുടങ്ങുമ്പോളായിരുന്നു സംഭവം.

നടിയെ ആക്രമിച്ച കേസ് വഴിത്തിരിവിലേക്ക്; സംഭവം ക്വട്ടേഷൻ തന്നെ, മണികണ്ഠനിൽ നിന്നും ലഭിക്കുന്നത് നിർണ്ണായകതെളിവുകൾ,

ഇതിനിടയില്‍ രാഷ്ട്രീയക്കാര്‍ക്കുള്ള പങ്കിനെക്കുറിച്ചും അന്വേഷിക്കണമെന്ന് ഡിവൈഎഫ്‌ഐ ആവശ്യപ്പെട്ടു. നടിയെ ആക്രമിച്ച സംഭവത്തില്‍ പ്രതികള്‍ ഏത് വമ്പന്‍മാരാണെങ്കിലും പിടികൂടുമെന്ന് സാംസ്‌ക്കാരിക വകുപ്പ് മന്ത്രി എ.കെ ബാലന്‍. ദൈവം ആള്‍രൂപത്തില് വന്നാല്‍ പോലും എല്ലാവരേയും പിടികൂടുമെന്നും മന്ത്രി പറഞ്ഞു. സിനിമാ മേഖലയില്‍ അംഗീകരിക്കാനാവത്ത പ്രവണതകള്‍ ഉണ്ടെന്നും ഇപ്പോള്‍ മാളത്തിലുള്ള എല്ലാ പ്രതികളേയും പുറത്ത് കൊണ്ടുവരുമെന്നും ഉടുമ്പിനെ മാളത്തില്‍ നിന്ന് പുറത്തുചാടിക്കുന്നതുപോലെ എല്ലാ പ്രതികളേയും പുറത്തുകൊണ്ടുവരുമെന്നും അന്വേഷണം കൊട്ടേഷന്‍ സംഘത്തില്‍ മാത്രം ഒതുങ്ങില്ല. ഗൂഡാലോചന അന്വേഷിക്കുമെന്നും മന്ത്രി പറഞ്ഞു.

ദിലീപിനെ കുടുക്കാൻ എന്നെ കരുവാക്കി; പൾസർ സുനിയെന്ന് പറഞ്ഞ് ചില ഒാൺലൈൻ‌

നടി പീഡിപ്പിക്കപ്പെട്ടു എന്നറിഞ്ഞതു മുതൽ നടൻ ദിലീപിനെ പ്രതിയാക്കാനുള്ള ഗൂഡാലോചനയാണ് നടക്കുന്നത്. അതിന്റെ ഭാഗമായാണ് ഞാൻ ദിലീപേട്ടനുമായി നിൽക്കുന്ന ഫോട്ടായും ചേർത്ത് നടക്കുന്ന അപവാദ പ്രചരണം. നിലവാരമില്ലാത്ത പല ഓൺലൈൻ പത്രങ്ങളും സത്യം അന്വേഷിക്കാതെ ഇത് ഏറ്റെടുത്ത് വാർത്തയാക്കി. ഫോട്ടോ എന്റെ ഫെയ്സ്ബുക്കിൽ നിന്നും എടുത്തതാണ്. അപ്പോൾ അവർക്ക് അറിയാം ഞാൻ റിയാസ് ആണെന്ന്, മനപൂർവം എന്റെ ഫോട്ടോ എടുത്ത് പ്രചരിപ്പിച്ചു. ഇവരുടെ ലക്ഷ്യം എന്താണെന്നു ഏതൊരു സാധാരണക്കാരനും അറിയാം.. റിയാസ്ഖാൻ എന്ന ഞാനല്ല.. ഫാൻസ്‌ അസോസിയേഷൻ എന്നുള്ളതിന്റെ മുമ്പിൽ "ദിലീപ്" എന്നുള്ള പേര് ഉള്ളതുകൊണ്ടാണ്.കേരളത്തിലെ ചില ഓൺലൈൻ മാധ്യമങ്ങളുടെ വ‍ത്തികെട്ട മുഖമാണ് സംഭവത്തിൽ പുറത്തുവരുന്നത്.

ചികിത്സ കിട്ടാതെ മരിച്ച മകളുടെ മൃതദേഹം പിതാവ് കൊണ്ടുപോയത് ബൈക്കിന്റെ പിന്നിലിരുത്തി; സഹായം കുടുംബം

പനിയും ചുമയും മൂര്‍ച്ഛിച്ചതോടെ രത്‌നമ്മയെ (20) ഞായറാഴ്ച രാത്രി കൊഡിഗെനഹള്ളി സര്‍ക്കാര്‍ ആശുപത്രിയിലേക്ക് കൊണ്ടുപോയെങ്കിലും ഡോക്ടറില്ലാത്തതിനെ തുടര്‍ന്ന് മടങ്ങി. രാവിലെ പനി കൂടിയ രത്‌നമ്മയെ ഡോക്ടര്‍ 20 കിലോമീറ്റര്‍ ദൂരെയുള്ള ആശുപത്രിയിലേക്ക് മാറ്റാനാവശ്യപ്പെട്ടെങ്കിലും ആംബുലന്‍സോ, സ്വകാര്യ വാഹനമോ വിളിക്കുന്നതിന് ഇവരുടെ കൈയില്‍ പണമില്ലായിരുന്നു. ഇതിനിടെ രോഗം മൂര്‍ച്ഛിച്ച് യുവതി മരണത്തിന് കീഴടങ്ങി. ബന്ധുവിന്റെ ബൈക്കിന്റെ പിന്നിലിരുത്തിയാണ് മൃതദേഹം വീട്ടിലേക്ക് കൊണ്ടുപോയത്.

നടി ആക്രമിക്കപ്പെട്ട സംഭവത്തില്‍ ഗൂഢാലോചന അന്വേഷിക്കണമെന്നാവര്‍ത്തിച്ച് മഞ്ജു വാര്യര്‍

കൊച്ചി: കൊച്ചിയില്‍ നടി ആക്രമിക്കപ്പെട്ട സംഭവത്തില്‍ ഗൂഢാലോചനയുണ്ടെന്ന് ആവര്‍ത്തിച്ച് മഞ്ജു വാര്യര്‍. അന്വേഷണത്തില്‍...

ചിന്താ ജെറോമിന് കെ എസ് യു നേതാവിന്റെ വിവാഹാലോചന

പത്തനംതിട്ട : ചവറ മാട്രിമോണിയലില്‍ പ്രത്യക്ഷപ്പെട്ട പരസ്യം വിവാദമായതോടെ ചിന്താ ജെറോമിനെ കല്ല്യാണം കഴിപ്പിക്കാനുള്ള തിരക്കിലാണ് നവമാധ്യമങ്ങള്‍. പരസ്യം താന്‍ നല്‍കിയതല്ലെന്ന് വ്യക്തമാക്കി ചിന്ത നേരിട്ട് രംഗത്തെത്തിയെങ്കിലും വിവാദം കെട്ടങ്ങിയില്ലെന്ന് മാത്രമല്ല, ഇപ്പോള്‍ ജാതിമതാതീതമായുള്ള വിവാഹാലോചനകളുടെ ഒഴുക്കാണ് അവര്‍ക്ക് നേരിടേണ്ടി വന്നിരിക്കുന്നത്. ചിന്തയുടെ വിവാഹപരസ്യം മുന്‍ നിര്‍ത്തി കോണ്‍ഗ്രസ് കെ.എസ്.യു നേതാക്കള്‍ വിവാദം കൊടുംബിരി കൊള്ളിക്കുന്നതിനിടെ അവരെയൊക്കെ ഞെട്ടിച്ചുകൊണ്ട് കെ.എസ്.യു സംസ്ഥാന നേതാവ് രാഹുല്‍ മാങ്കൂട്ടം പരസ്യമായി ചിന്തയെ വിവാഹം ആലോചിച്ചിരിക്കുകയാണ്.

യുകെ തെരഞ്ഞെടുപ്പില്‍ റഷ്യ ഇടപെട്ടതിന് തെളിവുണ്ടെന്ന് മുന്‍ ലേബര്‍ മന്ത്രി

യുകെ തെരഞ്ഞെടുപ്പില്‍ റഷ്യ നേരിട്ട് ഇടപെട്ടതിന് തെളിവുണ്ടെന്ന് മുന്‍ ലേബര്‍ മന്ത്രി ക്രിസ് ബ്രയന്റ്. ബ്രിട്ടന്റെ സുരക്ഷ സംബന്ധിച്ച് പാര്‍ലമെന്റ് എടുത്ത ചില സുപ്രധാന തീരുമാനങ്ങള്‍ പോലും റഷ്യന്‍ ഇടപെടലില്‍ മാറ്റിവെക്കേണ്ടി വന്നിട്ടുണ്ടെന്നും അദ്ദേഹം പറഞ്ഞു.

നടിമാര്‍ ഒറ്റയ്ക്ക് സഞ്ചരിക്കുന്നത് ഒഴിവാക്കണമെന്ന് അമ്മയുടെ നിര്‍ദേശം

നടിമാര്‍ ഒറ്റയ്ക്ക് സഞ്ചരിക്കുന്നത് ഒഴിവാക്കണമെന്ന് ചലച്ചിത്ര താരസംഘടനയായ 'അമ്മ'യുടെ നിര്‍ദേശം. എക്സിക്യൂട്ടീവ് യോഗത്തിലാണ് ഈ നിര്‍ദേശം ഉയര്‍ന്നത്. കൊച്ചിയില്‍ നടി ആക്രമണത്തിനിരയായ സാഹചര്യത്തില്‍ ചേര്‍ന്ന യോഗത്തിലാണ് നിര്‍ദേശമുയര്‍ന്നത്. പകലായാലും രാത്രിയായാലും നടിമാര്‍ക്ക് വാഹനങ്ങളില്‍ ഒറ്റയ്ക്ക് സഞ്ചരിക്കേണ്ടിവരേണ്ട സാഹചര്യം ഉണ്ടാവരുതെന്നാണ് നിര്‍ദേശം.

അജ്ഞാതമായ റേഡിയേഷന്‍ യൂറോപ്പിനെ വിഴുങ്ങുന്നതായി കണ്ടെത്തല്‍

ഉറവിടം വ്യക്തമല്ലാത്ത റേഡിയേഷന്‍ യൂറോപ്പില്‍ പടരുന്നതായി കണ്ടെത്തല്‍. മനുഷ്യനിര്‍മിത റേഡിയോ ആക്ടീവ് പദാര്‍ത്ഥമായ അയഡിന്‍ 131ല്‍ നിന്നുള്ള റേഡിയേഷനാണ് പടരുന്നതെന്നാണ് സ്ഥിരീകരിച്ചിട്ടുള്ളത്. ജനുവരി ആദ്യം നോര്‍വേയില്‍ കണ്ടെത്തിയ റേഡിയേഷന്‍ പിന്നീട് യൂറോപ്പിലേക്ക് നീങ്ങുകയാണെന്നാണ് വിവരം.

രണ്ടാം വിരാള്‍ ഉത്സവത്തിന് നാളെ കൊടികയറും

നാട്ടില്‍ നിന്നും ആയിരം കാതം അകലെയാണെങ്കിലും നാടിന്റെ രുചിയും നാടന്‍ പാട്ടുകളുടെ താളവും പ്രവാസി ജീവിതത്തില്‍ നഷ്ടപ്പെടാതിരിക്കാന്‍ ലിവര്‍പൂളിനടുത്തുള്ള വിരാളിലെ കുടുംബങ്ങള്‍ ചേര്‍ന്ന് ഒരുക്കുന്ന വിരാള്‍ ഉത്സവം നാളെ പൊടിപൊടിക്കും. നാളെ നടക്കുന്ന രണ്ടാമത് ഉത്സവത്തില്‍ ഈ വര്‍ഷം ഇടം പിടിച്ചിരിക്കുന്ന പ്രധാന വിഭവം കോട്ടയംകാരുടെ തനതു വിഭവമായ പിടിയും നാടന്‍ കോഴിയുമാണ് എന്നാണ് സംഘാടകര്‍ അറിയിച്ചിരിക്കുന്നത്.

ഇന്ത്യയുടെ സമ്മര്‍ദ്ദത്തിന് മുമ്പില്‍ ബ്രിട്ടണ്‍ മുട്ടുമടക്കുന്നു, വിജയ് മല്യയെ ഉടന്‍ ഇന്ത്യയ്ക്ക് കൈമാറും

ഇന്ത്യന്‍ ബാങ്കുകളില്‍ നിന്ന് ആയിരക്കണക്കിന് രൂപയുടെ വായ്പയെടുത്ത് ബ്രിട്ടണിലേക്ക് മുങ്ങി ഇവിടെ ആര്‍ഭാട ജീവിതം നയിക്കുന്ന വിജയ് മല്യയെ ഇന്ത്യയ്ക്ക് കൈമാറാന്‍ ബ്രിട്ടണ്‍ തയ്യാറായി. ബ്രിട്ടണിന്റെയും ഇന്ത്യയുടെയും ഉന്നത ഉദ്യോഗസ്ഥര്‍ ഡല്‍ഹിയില്‍ നടത്തിയ കൂടിക്കാഴ്ചയിലാണ് ഇതുസംബന്ധിച്ച തീരുമാനം ഉണ്ടായത്.

ഓസ്‌ട്രേലിയയില്‍ യാത്ര വിമാനം തകര്‍ന്നു വീണു; യാത്രികരെല്ലാം മരിച്ചതായി റിപ്പോര്‍ട്ട്

ഓസ്‌ട്രേലിയന്‍ നഗരമായ മെല്‍ബണില്‍ യാത്രാവിമാനം തര്‍ന്നുവീണ് യാത്രക്കാരെല്ലാം മരിച്ചതായി റിപ്പോര്‍ട്ട്. ചെറുയാത്രാ വിമാനമാണ് തകര്‍ന്നത്. അഞ്ചു പേരുടെ മരണം സ്ഥിരീകരിച്ചിട്ടുണ്ട്. പ്രാദേശിക സമയം രാവിലെ ഒമ്പതിന് എസഡന്‍ വിമാനത്താവളത്തില്‍ നിന്ന് പറന്നുയര്‍ന്ന ഇരട്ട എന്‍ജിന്‍ വിമാനം ഷോപ്പിങ് മാളിന് മുകളില്‍ തകര്‍ന്നു വീഴുകയായിരുന്നു. എന്‍ജിന്‍ തകരാറിലായതാണ് അപകട കാരണമെന്ന് പ്രാഥമിക നിഗമനം.
© Copyright MALAYALAM UK 2017. All rights reserved.
Please wait...

2017 Calender Request Form

ആളുകള്‍ വ്യാജ വിലാസങ്ങള്‍ നല്കാന്‍ ഇടയുളളതിനാല്‍ ടെലിഫോണില്‍ വിളിച്ച് വിലാസം ഉറപ്പുവരുത്തിയ ശേഷം ആയിരിക്കും കലണ്ടര്‍ അയക്കുക. ശരിയായ ടെലിഫോണ്‍ നമ്പര്‍ ചേര്‍ക്കാത്തവര്‍ക്ക് കലണ്ടര്‍ അയയ്ക്കുന്നതല്ല.