സൂപ്പര്‍ താര ചിത്രങ്ങള്‍ക്കിടയില്‍ മങ്ങി പോകാതെ 'കവി ഉദ്ദേശിച്ചത്' ഇന്ന് മുതല്‍ യുകെ തിയേറ്ററുകളില്‍

സൂപ്പര്‍ താര ചിത്രങ്ങള്‍ക്കിടയില്‍ മങ്ങി പോകാതെ ‘കവി ഉദ്ദേശിച്ചത്’ ഇന്ന് മുതല്‍ യുകെ തിയേറ്ററുകളില്‍

പുലി മുരുകനും തോപ്പില്‍ ജോപ്പനും മത്സരിച്ച് തിയേറ്ററുകള്‍ അടക്കി വാഴാന്‍ എത്തിയപ്പോള്‍ സൂപ്പര്‍ താര ജാടകള്‍ ഒന്നുമില്ലാത്ത മനോഹരമായ ഒരു കുടുംബ ചിത്രം ചരിത്രം തിരുത്തി മുന്നേറുന്നു. മമ്മൂട്ടിയുടെയും മോഹന്‍ലാലിന്‍റെയും സിനിമകള്‍ ഒരുമിച്ച് ഇറങ്ങിയ സമയത്ത് തന്നെ ഈ ചിത്രവും പ്രദര്‍ശനത്തിനെത്തിക്കാന്‍ ഇതിന്‍റെ അണിയറ പ്രവര്‍ത്തകര്‍ കാണിച്ച ആത്മവിശ്വാസം തെറ്റല്ല എന്ന്‍ തെളിയിക്കുന്ന ഗംഭീര വിജയമായിരുന്നു ‘കവി ഉദ്ദേശിച്ചത്’ എന്ന സിനിമയുടെ ആദ്യ ആഴ്ചയിലെ വിജയം സൂചിപ്പിക്കുന്നത്.

ആസിഫ് അലിയും, ബിജു മേനോനും, നരേനും മത്സരിച്ച് അഭിനയിക്കുന്ന ഒരു മുഴുനീള ഫാമിലി എന്റര്‍ ടെയ്നര്‍ ആണ് കവി ഉദ്ദേശിച്ചത് എന്ന സിനിമ. ഇവര്‍ മൂവരും കേന്ദ്ര കഥാപാത്രങ്ങളായി വരുന്ന ഈ സിനിമ സൂപ്പര്‍ താര ചിത്രങ്ങള്‍ക്കൊപ്പം റിലീസ് ചെയ്യാന്‍ ധൈര്യം നല്‍കിയത് ഇതിന്‍റെ ഇതിവൃത്തത്തിലെ പുതുമയും കഥയുടെ കെട്ടുറപ്പും ആണെന്ന് ആസിഫ് അലി തന്നെ ഒരു അഭിമുഖത്തില്‍ വെളിപ്പെടുത്തിയിരുന്നു. ‘രമണിയേച്ചിയുടെ നാമത്തില്‍’ എന്ന സൂപ്പര്‍ ഹിറ്റ്‌ ഹ്രസ്വ ചിത്രത്തിന്‍റെ അണിയറ പ്രവര്‍ത്തകരില്‍ നിന്നും പ്രതീക്ഷിച്ച എല്ലാ പൂര്‍ണ്ണതയും ഈ ചിത്രത്തിനുമുണ്ട്. തോമസ്‌ – ലിജു തോമസ്‌ ആണ് ചിത്രത്തിന്‍റെ സംവിധാനം നിര്‍വഹിച്ചിരിക്കുന്നത്.

വോളിബോള്‍ പ്രിയരായ പള്ളിമൂല എന്ന നാടിന്‍റെ കഥയാണ്‌ കവി ഉദ്ദേശിച്ചത് എന്ന സിനിമയിലൂടെ ഇതള്‍ വിരിയുന്നത്. ഇവിടെയുള്ള വട്ടത്തില്‍ ജിമ്മിയും (ആസിഫ് അലി) ബോസ്കോയും (നരേന്‍) തമ്മിലുള്ള ശത്രുതയിലൂടെയാണ് കഥ തുടങ്ങുന്നത്. ഇവരുടെ ശത്രുതയ്ക്കും ഉണ്ട് രസകരമായ ഒരു കാരണം.

ബോസ്കോയുടെ സഹോദരിയായ ജാസ്മിന്‍ ആയി എത്തുന്നത് അഞ്ജു കുര്യന്‍ ആണ്. ജാസ്മിനെ പ്രണയിക്കാന്‍ ജിമ്മി നടത്തുന്ന ശ്രമങ്ങളും അതിനെ എതിര്‍ക്കാന്‍ ബോസ്കോയും കുടുംബവും നടത്തുന്ന തന്ത്രങ്ങളും ഒക്കെ മനോഹരമായി ചിത്രീകരിച്ചിട്ടുണ്ട്.

മിന്നല്‍ സൈമണ്‍ ആയി ബിജു മേനോന്‍ കൂടി രംഗപ്രവേശം ചെയ്യുന്നതോടെ സിനിമ മറ്റൊരു തലത്തിലേക്ക് ഉയരുന്നു. ഗ്ലാഡിസ് ആയി വേഷമിടുന്ന ലെനയാണ് മറ്റൊരു ശ്രദ്ധേയ കഥാപാത്രം. ലെനയുടെ വേഷം വളരെയേറെ പ്രത്യേകത നിറഞ്ഞ ഒന്നാണ്. ബിന്ദു പണിക്കര്‍, ബാലു വര്‍ഗീസ്‌, ബിജുക്കുട്ടന്‍, പ്രദീപ്‌ കോട്ടയം, സുനില്‍ സുഖദ, സൈജു കുറുപ്പ്, ശശി കലിംഗ തുടങ്ങിയവരും മികച്ച വേഷങ്ങള്‍ ചെയ്തിട്ടുണ്ട്.

എന്തായാലും സൂപ്പര്‍ താര ചിത്രങ്ങള്‍ക്കൊപ്പം വിജയം കൈവരിച്ച കവി ഉദ്ദേശിച്ചത് ഇന്ന് മുതല്‍ യുകെ തീയേറ്ററുകളില്‍ പ്രദര്‍ശനം ആരംഭിക്കുകയാണ്. കുടുംബ സമേതം ഈ സിനിമ കാണാന്‍ പോകുന്നവര്‍ക്ക് ഒരിക്കലും അതൊരു നഷ്ടമാവില്ല എന്ന് ഉറപ്പ് വരുത്തുന്ന ഒരു ചിത്രമാണ് കവി ഉദ്ദേശിച്ചത്. എല്ലാം മറന്ന് ശുദ്ധ നര്‍മ്മത്തില്‍ ചാലിച്ചെടുത്ത ഈ ചിത്രം നിങ്ങളുടെ തൊട്ടടുത്ത തിയേറ്ററുകളില്‍ വരുമ്പോള്‍ കാണാന്‍ മറക്കരുത്. യുകെയില്‍ സിനിമ പ്രദര്‍ശിപ്പിക്കുന്ന തിയേറ്ററുകളും പ്രദര്‍ശന തീയതിയും സമയവും താഴെയുള്ള ബാനറില്‍ കാണാം.

ടിക്കറ്റുകള്‍ ഓണ്‍ലൈനില്‍ ബുക്ക് ചെയ്യാന്‍ താത്പര്യമുള്ളവര്‍ക്ക് ഈ ലിങ്കില്‍ ക്ലിക്ക് ചെയ്യുക 

img_0132

 

 

വായനക്കാരുടെ അഭിപ്രായങ്ങള്‍ രേഖപ്പെടുത്താന്‍ താഴെയുള്ള കമന്റ് കോളം ഉപയോഗിക്കാവുന്നതാണ്. അവഹേളനമോ വ്യക്തിപരമായ അധിക്ഷേപങ്ങളോ അശ്‌ളീലമോ മതനിന്ദയോ ആകാവുന്ന പോസ്റ്റുകള്‍ സൈബര്‍ നിയമപ്രകാരം കുറ്റകരമാണ്.
Post Your Malayalam Comments ( Click here for Malayalam Comments )
Press Esc to close
other news
1 2 3 1,497

More Latest News

കാമുകന്‍ വിവാഹത്തില്‍ നിന്നും പിന്മാറി; ദേഷ്യം തീര്‍ക്കാന്‍ യുവതി കാമുകന്റെ മുഖത്തു ആസിഡ് ഒഴിച്ച്;

വിവാഹത്തില്‍ നിന്ന് പിന്‍മാറിയ കാമുകന്റെ മുഖത്ത് ആസിഡ് ഒഴിച്ച സംഭവത്തില്‍ നഴ്‌സായ യുവതി അറസ്റ്റില്‍. ബംഗളൂരു വിക്രം ആശുപത്രിയിലെ നഴ്‌സ് ലിഡിയ (26) ആണ് അറസ്റ്റിലായത്. വസ്ത്രവ്യാപാരിയായ ജയകുമാറാണ് (32) ആക്രമണത്തിന് ഇരയായത്. ബംഗളൂരു വിജയ്‌നഗറിലായിരുന്നു സംഭവം.

കേരള മുഖ്യമന്ത്രി ഇത്ര സിമ്പിള്‍ ആണോ?; നടന്‍ സുര്യയെ ഞെട്ടിച്ചു പിണറായി വിജയന്‍

തന്റെ പുതിയ ചിത്രമായ സിങ്കം 3 ന്റെ പ്രചരണാര്‍ഥം കൊച്ചിയില്‍ എത്തിയ എന്ന് പറഞ്ഞാല്‍ മതിയല്ലോ .തമിഴ് രാഷ്ട്രീയത്തിലെ പോര് ആവോളം കണ്ട സുര്യയ്ക്ക് കേരളത്തിലെ മുഖ്യമന്ത്രിയെ കണ്ടപ്പോള്‍ സത്യത്തില്‍ അത്ഭുതം അടക്കാന്‍ കഴിഞ്ഞില്ല .കൊച്ചിയില്‍ നിന്ന് തിരുവനന്തപുരത്തേക്കുള്ള യാത്രാമധ്യയാണ് ഇരുവരും വിമാനത്തില്‍വച്ച് കണ്ടുമുട്ടിയത്.

''ഞങ്ങള്‍ ആത്മഹത്യ ചെയ്‌താല്‍ ഇവരാണ് ഉത്തരവാദികള്‍''; ഹിന്ദു യുവാവിനെ പ്രണയിച്ചു വിവാഹം കഴിച്ച മുസ്ലിം

ഹിന്ദു യുവാവിനെ പ്രണയിച്ചു വിവാഹം ചെയ്ത മുസ്ലിം പെണ്‍കുട്ടിക്ക് നേരെ എസ്ഡിപിഐ പ്രവര്‍ത്തകരുടെ വധഭീഷണി.തൃശൂര്‍ തേവലക്കര സ്വദേശി ജാസ്മി ഇസ്മയില്‍ എന്ന യുവതിയാണ് എസ്ഡിപിഐ പ്രവര്‍ത്തകരായ ഷംനാദ്, ഷെമീര്‍, ഷാനവാസ് എന്നിവര്‍ക്കെതിരെ രംഗത്ത് എത്തിയിരിക്കുന്നത്. താനോ തന്റെ ഭര്‍ത്താവോ കൊല്ലപ്പെടുകയോ ആത്മഹത്യ ചെയ്യുകയോ ചെയ്താല്‍ പരാതിയില്‍ പറയുന്ന എസ്ഡിപിഐ പ്രവര്‍ത്തകര്‍ക്കായിരിക്കും ഉത്തരവാദിത്തമെന്നും യുവതി പറയുന്നു. ഡിജിപിക്ക് നല്‍കിയ പരാതിയുടെ പകര്‍പ്പെന്ന രീതിയിലാണ് ഇത് യുവതി ഫേസ്ബുക്കില്‍ പോസ്റ്റ് ചെയ്തിരിക്കുന്നത്.

ഖത്തറിൽ ചെക്ക് കേസിൽ ജയിലിലായിരുന്നു മലയാളിയുവാവ് മരിച്ചു

ചെക്ക് കേസില്‍ അകപ്പെട്ട് ദോഹയില്‍ ജയിലിലായിരുന്ന തൃശൂര്‍ സ്വദേശി മരിച്ചു. ഖത്തറില്‍ ഏറെ നാള്‍ പ്രവാസിയായിരുന്ന വിനീത് വിജയന്‍ (30) ഹൃദയ സ്തംഭനത്തെ തുടര്‍ന്നാണ് ജയിലില്‍ മരിച്ചത്. ആറു മാസങ്ങള്‍ക്കു മുമ്പാണ് വിനീത് ചെക്ക് കേസില്‍പ്പെട്ട് ജയിലിലാകുന്നത്. തുടര്‍ന്ന് അഞ്ചു കൊല്ലത്തെ തടവിന് ശിക്ഷിക്കപ്പെടുകയും ചെയ്തു.

ഹോളിവുഡ് നടി ലിന്‍ഡ്‌സേ ലോഹന് ഇസ്‌ളാമതത്തിലേക്ക്; സാമൂഹ്യമാധ്യമ പേജിലെ പ്രൊഫൈലില്‍ ഖുറാന്‍ സൂക്തം

വിഖ്യാത അമേരിക്കന്‍ പാട്ടുകാരിയും ഹോളിവുഡ് നടിയുമായ ലിന്‍ഡ്‌സേ ലോഹന്‍ മതം മാറി എന്ന് അഭ്യൂഹം.നടിയുടെ ഈ മനം മാറ്റത്തിന് പിന്നില്‍ ഒരു സൗദി സുഹൃത്താണ് കാരണം .സൗദി സുഹൃത്ത് സമ്മാനമായി നൽകിയ ഖുറാൻ ജീവിതവീക്ഷണം മാറ്റിയതിനെ തുടർന്നാണ് ലിൻഡ്സെ ഇപ്പോള്‍ ഈ തീരുമാനത്തിലേക്ക് എത്തിയത് എന്നറിയുന്നു .ഇപ്പോള്‍ നടി പൂർണമായും ഇസ്ലാമിക ജീവിതത്തിലേക്ക് മാറിയിരിക്കുന്നുവെന്നാണ് ഏറ്റവും പുതിയ റിപ്പോർട്ട്.

മലപ്പുറത്ത് വാഹനാപകടം; രണ്ട് ശബരിമല തീര്‍ഥാടകര്‍ മരിച്ചു

ദേശീയപാത 66ൽ മലപ്പുറം കൊളപ്പുറത്തിനു സമീപം ഇരുമ്പുചോലയിൽ കാറും ബസ്സും കൂട്ടിയിടിച്ച് വടകര സ്വദേശികളായ രണ്ട് ശബരിമല തീർഥാടകർ മരിച്ചു. വടകര തിരുവാളൂർ പതിയോരത്ത് ശ്രീധരന്റെ മകൻ ജിതിൻ (30), പതിയാരക്കര വലിയപറമ്പത്ത് വിനോദൻ (40) എന്നിവരാണു മരിച്ചത്. ഒപ്പമുണ്ടായിരുന്നു രണ്ടുപേർക്കു പരുക്കുണ്ട്. ശബരിമലയിൽനിന്നു മടങ്ങുകയായിരുന്ന സംഘമാണു കാറിലുണ്ടായിരുന്നത്. മിനി ബസ്സുമായി കൂട്ടിയിടിച്ചാണ് അപകടം.

ആമിര്‍ഖാന്‍ നോ പറഞ്ഞിരുന്നെങ്കില്‍ ആ വേഷം മോഹന്‍ലാലിനു ലഭിക്കുമായിരുന്നു

ബോളിവുഡില്‍ കളക്ഷന്‍ റെക്കോര്‍ഡുകള്‍ ഭേദിച്ച് ജൈത്രയാത്ര തുടരുന്ന ആമിര്‍ഖാന്‍ ചിത്രമാണ് ദംഗല്‍. ചിത്രത്തില്‍ ആമിര്‍ അഭിനയിക്കാന്‍ താത്പര്യം കാണിച്ചില്ലെങ്കില്‍ ആ വേഷം മലയാളത്തിന്‍റെ സൂപ്പര്‍ താരം മോഹന്‍ലാലിനെ കൊണ്ട് അഭിനയിപ്പിക്കാന്‍ ആലോചിച്ചിരുന്നുവെന്നു ദംഗലിന് പിന്നിലെ മലയാളി സാന്നിധ്യവും യുടിവി മോഷന്‍ പിക്‌ചേഴ്‌സിന്റെ ക്രിയേറ്റീവ് ഹെഡുമായ ദിവ്യ റാവു പറയുന്നു.

പാമ്പും എലിയും തമ്മിലുള്ള പോരാട്ടം, ന്യൂ മെക്സികോയില്‍ നിന്നുള്ള ഈ ദൃശ്യങ്ങള്‍ -

അണലി വിഭാഗത്തില്‍ പെട്ട റാറ്റില്‍ സ്നേക്കും കംഗാരു മൗസ് വിഭാഗത്തിലുള്ള എലിയും തമ്മിലുള്ള പോരാട്ട രംഗങ്ങളാണു ക്യാമറയില്‍ പതിഞ്ഞത്. എലിയെ പിടിക്കാനുള്ള റാറ്റില്‍ സ്നേക്കിന്‍റെ രണ്ട് ശ്രമങ്ങളും പരാജയപ്പെടുന്നുണ്ട്. അതേസമയം ഈ സമയത്തെ റാറ്റില്‍ സനേക്കിന്‍റെ ചലനങ്ങളും ക്രൗര്യതയും വ്യക്തമായി ക്യാമറയില്‍ കാണാം. ഒപ്പം അവസാനനിമിഷത്തില്‍ ശരീരത്തിന്‍റെ പിന്‍ഭാഗം മാത്രം വായുവില്‍ ഉയര്‍ന്നു നില്‍ക്കെ വെട്ടിച്ചു മാറ്റുന്ന എലിയുടെ മെയ്‌വഴക്കവും.

പോലീസ് തലപ്പത്ത് വീണ്ടും അഴിച്ചുപണി;ആര്‍ ശ്രീലേഖയെ ഇന്റലിജന്‍സ് മേധാവി സ്ഥാനത്ത് നിന്നും മാറ്റി

ഐഎഎസ് ഉദ്യോഗസ്ഥരുടെ പ്രതിഷേധം മുന്‍കൂട്ടി മനസിലാക്കി സര്‍ക്കാരിന് വിവരം നല്‍കാന്‍ ഇന്റലിജന്‍സിന് കഴിയാത്തതും ശ്രീലേഖയുടെ സ്ഥാന ചലനത്തിന് കാരണമായി പറയുന്നുണ്ട്.ടോമിന്‍ ജെ തച്ചങ്കരിയെ കോസ്റ്റല്‍ എഡിജിപിയാക്കി നിയമിച്ചു. നിതിന്‍ അഗര്‍വാളാണ് പുതിയ ക്രൈംബ്രാഞ്ച് മേധാവി. എഡിജിപി പദ്മകുമാര്‍ പോലീസ് അക്കാദമി ഡയറക്ടറാകും. എസ്. ശ്രീജിത്ത്, മഹിപാല്‍ യാദവ് എന്നിവരെ ക്രൈംബ്രാഞ്ച് ഐജിമാരാക്കി.

നടി ജലജയുടെ വീട്ടില്‍ പോയ റിമി ടോമിക്ക് പറ്റിയ അബദ്ധം

മലയാളത്തിന്റെ നായികാ വസന്തങ്ങളും റിമിയും ഒന്നിച്ചപ്പോള്‍ ആ താരവേദി ഒരു ഉത്സവമാവുകയായിരുന്നു. പ്രേക്ഷകരുടെ ആകാംക്ഷയ്ക്കു വിരാമമിട്ടുകൊണ്ടാണ് എണ്‍പതുകളുടെ ഹരമായിരുന്ന രഞ്ജിനിയും ജലജയും ഒന്നും ഒന്നും മൂന്നിന്റെ വേദിയിലേക്കെത്തിയത്. സിനിമാലോകത്തിനു നീണ്ടഇടവേള നല്‍കി പോയ ഇരുവരുടെയും തിരിച്ചുവരവ് ഒരര്‍ഥത്തില്‍ ആരാധകര്‍ കാത്തിരിക്കുക തന്നെയായിരുന്നു.

ബ്രിസ്‌റ്റോളില്‍ മലയാളി കുടുംബത്തെ കത്തിമുനയില്‍ നിര്‍ത്തി മോഷണം: ഭയന്ന് വിറച്ച് മലയാളി കുടുംബങ്ങള്‍

ബ്രിസ്റ്റോള്‍: മലയാളി കുടുംബത്തെ കത്തിമുനയില്‍ നിര്‍ത്തികൊണ്ട് ബ്രിസ്‌റ്റോളില്‍ ഇന്നലെ മോഷണം നടന്നു. ഭയന്ന് വിറച്ച് യുകെയിലെ മലയാളി കുടുംബങ്ങള്‍. വീടിന്റെ മുന്‍ വശത്തെ വാതില്‍ കുത്തിപൊളിച്ച് അക്രമികള്‍ അകത്തു കയറുകയായിരുന്നു. വീട്ടമ്മയേയും മകനേയും കത്തിമുനയില്‍ നിര്‍ത്തി മകളോട്‌ ആഭരണങ്ങളെടുക്കാന്‍ ആവശ്യപ്പെടുകയായിരുന്നു അക്രമികള്‍. യുകെ മലയാളികളുടെ സ്വസ്ഥത കെടുത്തുന്ന മറ്റൊരു റിപ്പോര്‍ട്ടാണ് ഇപ്പോള്‍ പുറത്തുവരുന്നത്. ഇടക്കാലം കൊണ്ട് മോഷണ ശ്രമങ്ങള്‍ കുറഞ്ഞു നില്‍ക്കുകയായിരുന്നു. എന്നാല്‍ ഇതിനിടെ വീണ്ടും എല്ലാവരുടേയും നെഞ്ചിടിപ്പ് കൂട്ടി മറ്റൊരു മോഷണം കൂടി നടന്നിരിക്കുകയാണ്. ബ്രിസ്റ്റോളിലെ ഫില്‍ട്ടണില്‍ താമസിക്കുന്ന മലയാളി കുടുംബമാണ് മോഷണത്തിന് ഇരയായത്. ഇന്നലെ വൈകീട്ട് ഏഴു മണിയോടെയാണ് സംഭവം നടന്നത്. ദീര്‍ഘകാലം പ്രവാസ ജീവിതം കഴിഞ്ഞ് ബ്രിസ്റ്റോളില്‍ സ്ഥിരതാമസത്തിനെത്തിയ മലയാളി കുടുംബത്തിന് ഈ ആക്രമണം വലിയൊരു ആഘാതമായി മാറിയിരിക്കുകയാണ്

ശബരിമലയില്‍ വെച്ച് മൂകനായ ആള്‍ക്ക് സംസാരശേഷി ലഭിച്ചു? ദിവ്യാത്ഭുത വാര്‍ത്തയിലെ വസ്തുത ഇങ്ങനെ

മലപ്പുറം: ഫേസ്ബുക്ക് ഉള്‍പ്പെടെയുള്ള സമൂഹമാധ്യമങ്ങളില്‍ ഉണ്ടാകുന്ന പ്രചാരണങ്ങളില്‍ പലതിലും സത്യത്തിന്റെ കണിക പോലും ഉണ്ടാകാറില്ലെന്നതാണ് വസ്തുത. നുണപ്രചാരണം അമേരിക്കന്‍ പ്രസിഡന്റ് തെരഞ്ഞെടുപ്പിനെ പോലും സ്വാധീനിച്ചതായുള്ള വെളിപ്പെടുത്തലുകള്‍ അടുത്തിടെ നാം കണ്ടതാണ്. ജന്മനാ മൂകനായ അയ്യപ്പ ഭക്തന് ശബരിമലയില്‍വെച്ച് സംസാരശേഷി ലഭിച്ചു എന്ന ഫോസ്ബുക്ക് പ്രചരണത്തിലും വാസ്തവമില്ലെന്നാണ് പുതിയ വാര്‍ത്ത.

ഉപഭോക്തൃ സേവനത്തില്‍ ആസ്ദാ മുന്നില്‍; പഠന റിപ്പോര്‍ട്ട് പുറത്ത്

ബ്രിട്ടണിലെ പ്രധാന സൂപ്പര്‍ മാര്‍ക്കറ്റുകളെ ഉള്‍പ്പെടുത്തി വിലക്കുറവില്‍ ഉപഭോക്താക്കള്‍ക്ക് മികച്ച സേവനം നല്‍കുന്ന സൂപ്പര്‍ മാര്‍ക്കറ്റിനെ കണ്ടെത്താനുള്ള പഠന റിപ്പോര്‍ട്ട് കഴിഞ്ഞ ദിവസം പുറത്തുവന്നു. പഠന റിപ്പോര്‍ട്ട് പ്രകാരം ഉപഭോക്താക്കള്‍ക്ക് കുറഞ്ഞ തുകയ്ക്ക് ഉയര്‍ന്ന മൂല്യമുള്ള ഉല്പന്നങ്ങള്‍ വില്‍ക്കുന്നത് ആസ്ദയാണ്. ഉപഭോക്താക്കള്‍ ചെലവഴിക്കുന്ന തുകയ്ക്ക് ഉയര്‍ന്ന മൂല്യം നല്‍കുന്നുന്നുണ്ടെങ്കിലും ബ്രിട്ടണിലെ സൂപ്പര്‍ മാര്‍ക്കറ്റുകള്‍ക്കിടയില്‍ ഏറ്റവും കുറഞ്ഞ വളര്‍ച്ചാ നിരക്ക് ആസ്ദയ്ക്കാണെന്നത് വിരോധാഭാസമാണ്. 2016-ല്‍ ആസ്ദയുടെ വില്പന 7.5 ശതമാനം കുറഞ്ഞത് സര്‍വ്വകാല റെക്കോര്‍ഡ് ആണ്.

ഇഷ്ടമാകാത്ത കാപ്പി ഓടയില്‍ ഒഴിച്ചതിന് 65കാരിക്ക് ലഭിച്ചത് 80 പൗണ്ടിന്റെ പിഴ

ലണ്ടന്‍: കാപ്പി ഓടയിലൊഴിച്ച് കളഞ്ഞതിന് 65കാരിക്ക് പിഴ നല്‍കേണ്ടി വന്നത് 80 പൗണ്ട്. വാങ്ങിയ കാപ്പിയുടെ രുചി ഇഷ്ടപ്പെടാഞ്ഞതുകൊണ്ട് കാപ്പി കളയാന്‍ തീരുമാനിച്ച സ്യു പെക്കിറ്റ് എന്ന സ്ത്രീയാണ് പുലിവാല് പിടിച്ചത്. കാപ്പി വേസ്റ്റ് ബിന്നിലൊഴിക്കാതെ ഓടയിലൊഴിച്ചതാണ് വിനയായത്. വാങ്ങിയ കാപ്പി ഇഷ്ടപ്പെടാത്തതിനാല്‍ താന്‍ അത് ഓടയിലൊഴുക്കിയതിന് പെക്കിറ്റിന് കൃത്യമായ ന്യായമുണ്ട്. വേസ്റ്റ് ബിന്നില്‍ കാപ്പിയും കപ്പും നിക്ഷേപിച്ചാല്‍ കാപ്പി അതില്‍ പരന്നൊഴുകി മറ്റ് വേസ്റ്റുകളും അതില്‍ പെട്ടുപോകും. വൃത്തിയാക്കാന്‍ എത്തുന്നവര്‍ക്ക് അത് ഇരട്ടിപ്പണിയാകുമെന്നും അവര്‍ കരുതി.

ഫണ്ട് വര്‍ധിപ്പിച്ചില്ലെങ്കില്‍ എന്‍എച്ച്എസ് നാമാവശേഷമാകുമെന്ന് മുന്നറിയിപ്പ്

ലണ്ടന്‍: സര്‍ക്കാര്‍ എന്‍എച്ച്എസിനായി ചെലവഴിക്കുന്ന ബജറ്റില്‍ വര്‍ധന വരുത്തിയില്ലെങ്കില്‍ എന്‍എച്ച്എസ് സംവിധാനം നാമാവശേഷമാകുമെന്ന് ഓഫീസ് ഫോര്‍ ബജറ്റ് റെസ്പോണ്‍സിബിലിറ്റിയുടെ മുന്നറിയിപ്പ്. 2067 ആകുമ്പോഴേക്കും എന്‍എച്ച്എസ് ബജറ്റ് വിഹിതം 88 ബില്ല്യണ്‍ പൗണ്ട് ആവുന്ന രീതീയില്‍ കാര്യങ്ങള്‍ ക്രമീകരിക്കേണ്ടത് അത്യാവശ്യമാണെന്ന മുന്നറിയിപ്പാണ് ഒബിആര്‍ നല്കുന്നത്. എന്‍എച്ച്എസ് ബജറ്റില്‍ 2020-21ല്‍ 140 ബില്ല്യണ്‍ പൗണ്ടിന്റെ വര്‍ധനയും 2066-67ല്‍ 228ബില്ല്യണ്‍ പൗണ്ടിന്റെ വര്‍ധയും ആയെങ്കില്‍ മാത്രമേ അപകടനില തരണം ചെയ്യാനാവൂ.

ഇടുക്കി ചാരിറ്റി ഗ്രൂപ്പ് ശിവപ്രസാദിന്റെ കുടുംബത്തെ സഹായിക്കാനായി നടത്തിയ അപ്പീല്‍ അവസാനിച്ചു; ഇതുവരെ ലഭിച്ചത്

കഴിഞ്ഞദിവസം ലണ്ടനില്‍ മരിച്ച ശിവപ്രസാദിനു വേണ്ടി ഇടുക്കി ചാരിറ്റി ഗ്രൂപ്പ് നടത്തിയ ഫണ്ട് ശേഖരണം ഇന്നലെ അവസാനിച്ചു. ഇതുവരെ 2130 പൗണ്ട് ലഭിച്ചു. പണം ഞങ്ങള്‍ ശിവപ്രസാദിന്റെ ഭാര്യക്ക് എത്രയും പെട്ടെന്നു കൈമാറും. അപ്പീല്‍ അവസാനിച്ചതായി അറിയിക്കുന്നു. ഞങ്ങള്‍ നടത്തിയ ഈ എളിയ പ്രവര്‍ത്തനത്തെ സഹായിച്ച എല്ലാവര്‍ക്കും ഇടുക്കി ചാരിറ്റി ഗ്രൂപ്പിനു വേണ്ടി നന്ദി അറിയിക്കുന്നു. ആരും ഏതും ഇല്ലാത്തവരെ സഹായിക്കുമ്പോളാണ് നമ്മള്‍ മനുഷ്യരാകുന്നത്. അതുകൊണ്ട് നമ്മള്‍ ശിവപ്രസാദിന്റെ കുടുംബത്തെ സഹായിക്കാന്‍ മുന്നിട്ടിറങ്ങണമെന്നു കെറ്ററിങ്ങില്‍ താമസിക്കുന്ന മനോജ് മാത്യുവിന്റെ വാക്കുകളാണ് ഞങ്ങള്‍ക്കു പ്രചോദനമായത്. മനോജ് കെറ്ററിങ്ങിലെ വീടുകള്‍ കയറിയാണ് ഇടുക്കി ചാരിറ്റി ഗ്രൂപ്പിനു വേണ്ടി ഫണ്ട് ശേഖരിച്ചത്. മനോജിനു ഞങ്ങളുടെ പ്രത്യേക നന്ദി അറിയിക്കുന്നു.
© Copyright MALAYALAM UK 2017. All rights reserved.
Please wait...

2017 Calender Request Form

ആളുകള്‍ വ്യാജ വിലാസങ്ങള്‍ നല്കാന്‍ ഇടയുളളതിനാല്‍ ടെലിഫോണില്‍ വിളിച്ച് വിലാസം ഉറപ്പുവരുത്തിയ ശേഷം ആയിരിക്കും കലണ്ടര്‍ അയക്കുക. ശരിയായ ടെലിഫോണ്‍ നമ്പര്‍ ചേര്‍ക്കാത്തവര്‍ക്ക് കലണ്ടര്‍ അയയ്ക്കുന്നതല്ല.