വീട്ടമ്മയെ ബലമായി ചുംബിക്കാൻ ശ്രമിച്ച യുവാവിന് കിട്ടിയത് എട്ടിന്റെ പണി. രാത്രിയില്‍ ഭക്ഷണം കഴിച്ച പാത്രങ്ങള്‍ കഴുകി വയ്ക്കുന്നതിനിടെയാണ്  വീട്ടമ്മയെ അയൽവാസിയായ യുവാവ്  കടന്നു പിടിക്കുകയും ബലമായി ചുംബിക്കാന്‍ ശ്രമിക്കുകയും ചെയ്തത്.

എന്നാല്‍ യുവതി യുവാവിനെ പല പ്രാവിശ്യം തടുക്കാന്‍ ശ്രമിച്ചിട്ടും കഴിയാതെ വന്നപ്പോള്‍ യുവാവിന്‍റെ   നാവ് കടിച്ചെടുത്തു.  വേദന കൊണ്ടു പുളഞ്ഞ യുവാവ്  വീട്ടമ്മയെ തട്ടിയിട്ട  ശേഷം ഓടി രക്ഷപ്പെടുകയായിരുന്നു. എന്നാല്‍ അങ്ങനെയൊന്നും അയാളെ വെറുതെ വിടാന്‍ വീട്ടമ്മ തയ്യാരായില്ല. മുറിഞ്ഞു വന്ന  നാവിന്റെ കഷ്ണവുമായി വീട്ടമ്മ ഞാറയ്ക്കല്‍ പോലീസില്‍ പരാതി നല്‍കി. പോലീസ് പിറ്റേന്ന് നാവ് മുറിഞ്ഞതിന് ചികിത്സ തേടിയവരുടെ വിവരം ആശുപത്രികളിൽ നിന്ന് ശേഖരിച്ചു. തുടര്‍ന്ന്‍ നഗരത്തിലെ സ്വകാര്യ ആശുപത്രിയില്‍ നിന്നും യുവാവിനെ പോലീസ് അറസ്റ്റ് ചെയ്തു. മുറിവേറ്റതിന് ശേഷം  യുവാവ് പാലക്കാട് പോകുകയാണെന്ന് പറഞ്ഞാണ് വീട്ടിൽ നിന്ന് ചികിത്സയ്ക്കായി പോയത്.  ചികിത്സയിലായിരുന്ന ഇയാളുടെ വിലാസം ആശുപത്രി രേഖകളിൽ നിന്ന് പൊലീസിന് ലഭിക്കുകയായിരുന്നു.