മാഞ്ചസ്റ്റര്‍∙ അരീന ഗ്രാന്‍ഡെയുടെ സംഗീതപരിപാടിക്കിടെ 19 പേരുടെ മരണത്തിനിടയാക്കിയ സ്‌ഫോടനത്തിന് ഉപയോഗിച്ച് ‘നെയില്‍ ബോംബ്’ എന്ന നിഗമനം. ഇരയുടെ മരണം ദയനീയമാക്കാനും പരുക്ക് ഏറെ ഗുരുതരമാക്കാനും വേണ്ടി ആണികളും നട്ടുകളും മറ്റു മൂര്‍ച്ചയേറിയ വസ്തുക്കളും നിറച്ചാണു സ്‌ഫോടകവസ്തുക്കള്‍ തയാറാക്കുന്നത്.
സ്റ്റീല്‍ ബോളുകള്‍, ആണികള്‍, സ്‌കൂ, സൂചി, പൊട്ടിയ ബ്ലേഡുകള്‍, ലോഹക്കഷ്ണങ്ങള്‍ എന്നിവയാണ് പ്രധാനമായും ഭീകരര്‍ ഉപയോഗിക്കുന്നത്. കൂടുതല്‍ മേഖലയിലേക്കു സ്‌ഫോടനത്തിന്റെ വ്യാപ്തി വര്‍ധിപ്പിക്കാനാണ് ഇത് ചെയ്യുന്നത്. സാധാരണ മെറ്റല്‍ ഡിക്റ്റക്ടര്‍ കൊണ്ടു തന്നെ നെയില്‍ ബോംബുകള്‍ കണ്ടെത്താമെന്നിരിക്കെ കര്‍ശനമായ പരിശോധനയുടെ അഭാവമാവാം ഭീകരര്‍ക്ക് മാഞ്ചസ്റ്ററിലെ സംഗീതപരിപാടിയിലേക്കു ബോംബ് എത്തിക്കാന്‍ തുണയായതെന്നാണു നിഗമനം. 2011-ല്‍ ബെലാറസിലുണ്ടായ നെയില്‍ ബോംബ് സ്‌ഫോടനത്തില്‍ 15 പേര്‍ കൊല്ലപ്പെടുകയും 204 പേര്‍ക്കു പരുക്കേല്‍ക്കുകയും ചെയ്തിരുന്നു.
Leave a Reply