നീണ്ട കാലത്തെ ഇടവേളയ്ക്ക് ശേഷമാണ് മഞ്ജു വാര്യര്‍ മലയാള സിനിമയിലേക്ക് തിരിച്ചെത്തിയത്. ഹൗ ഓള്‍ഡ് ആര്‍ യു മുതല്‍ അങ്ങോട്ടുള്ള എല്ലാ ചിത്രങ്ങളെയും മലയാളികള്‍ ഇരുംകൈയും നീട്ടി സ്വീകരിച്ചു. മോഹന്‍ലാലിനൊപ്പം സിനിമകള്‍ ചെയ്‌തെങ്കിലും മമ്മൂട്ടിയോടൊപ്പം ഒരു ചിത്രം പോലും താരത്തിന് ചെയ്യാന്‍ കഴിഞ്ഞിട്ടില്ല. മമ്മൂട്ടിയോടൊപ്പം ഒരു സിനിമ ചെയ്യാന്‍ കാത്തിരിക്കുകയാണെന്ന് മഞ്ജു.
പണ്ടും മമ്മൂക്കയോടൊപ്പം അഭിനയിക്കാന്‍ വലിയ ആഗ്രഹമായിരുന്നു. അന്നത് നടന്നില്ല. തിരിച്ചുവന്ന ശേഷവും ഏറ്റവും ആഗ്രഹത്തോടെ കാത്തിരിക്കുകയാണ് മമ്മൂക്ക എന്ന മഹാനടന്റെയൊപ്പം ഒരു ഫ്രെയിമില്‍ നില്‍ക്കാന്‍. ആ ഭാഗ്യം ഒന്നുവേറെ തന്നെയാണ്. ഇത്ര നന്നായി സൗന്ദര്യം കാത്തുസൂക്ഷിക്കുന്ന സുന്ദരനായ മെഗാസ്റ്റാര്‍ വേറെ ആരുണ്ട്?.
അങ്ങനെയൊരു സിനിമ ആരെങ്കിലും സൃഷ്ടിക്കട്ടെ. കൂടെ അഭിനയിക്കാനുള്ള അനുവാദം മമ്മൂക്ക തരട്ടെ. ജീവിതത്തില്‍ ഏറ്റവും പ്രതീക്ഷയോടെ ഞാന്‍ കാത്തിരിക്കുന്ന ഭാഗ്യമാണത്, മഞ്ജു പറഞ്ഞു.
Leave a Reply