കരള്‍ മാറ്റിവെക്കല്‍ ശസ്ത്രക്രിയയെത്തുടര്‍ന്ന് അണുബാധ; എം.ഐ.ഷാനവാസ് എംപിയുടെ നില ഗുരുതരം

by News Desk 5 | November 8, 2018 5:36 am

ചെന്നൈ: കരള്‍മാറ്റ ശസ്ത്രക്രിയയ്ക്ക് ശേഷമുണ്ടായ അണുബാധയെത്തുടര്‍ന്ന് എം.ഐ.ഷാനവാസ് എംപിയുടെ നില ഗുരുതരം. ചെന്നൈ ക്രോംപേട്ടിലെ സ്വകാര്യ മെഡിക്കല്‍ കോളജ് തീവ്രപരിചരണ വിഭാഗത്തിലാണ് ഷാനവാസ്. ഇദ്ദേഹത്തിന്റെ ആരോഗ്യനിലയില്‍ നേരിയ പുരോഗതിയുണ്ടെന്നും റിപ്പോര്‍ട്ടുകളുണ്ട്.

ഒക്ടോബര്‍ 31നാണ് എം.ഐ ഷാനവാസിനെ ശസ്ത്രക്രിയക്കായി ആശുപത്രിയില്‍ പ്രവേശിപ്പിച്ചത്. മകള്‍ അമീന ഷാനവാസാണ് കരള്‍ നല്‍കിയത്. ശസ്ത്രക്രിയ വിജയമായിരുന്നെങ്കിലും രണ്ട് ദിവസത്തിന് ശേഷം അണുബാധയുണ്ടായതോടെ ആരോഗ്യ പ്രശ്‌നങ്ങള്‍ വഷളായി. എന്നാല്‍ നിര്‍ണായകമായ ഇരുപത്തിനാല് മണിക്കൂര്‍ കഴിഞ്ഞെന്നും ആരോഗ്യസ്ഥിതി മെച്ചപ്പെട്ടെന്നും ബന്ധുക്കള്‍ അറിയിച്ചു.

കിഡ്നി സംബന്ധമായ പ്രശ്നങ്ങള്‍ ഉള്ളതിനാല്‍ ഡയാലിസിസും നടത്തുന്നുണ്ട്. കരളിന്റെ പ്രവര്‍ത്തനം ഇപ്പോള്‍ സാധാരണ നിലയിലാണ്. കെ.പി.സി.സി. പ്രസിഡന്റ് മുല്ലപ്പള്ളി രാമചന്ദ്രന്‍, മുന്‍ മുഖ്യമന്ത്രി ഉമ്മന്‍ ചാണ്ടി, യു.ഡി.എഫ് കണ്‍വീനര്‍ ബെന്നി ബെഹനാന്‍. ഹൈബി ഈഡന്‍ എം.എല്‍.എ, ടി. സിദ്ധിഖ് എന്നിവരും ഷാനവാസിനെ സന്ദര്‍ശിച്ചു. മുഖ്യമന്ത്രി പിണറായി വിജയന്‍ കുടുംബാംഗങ്ങളെ ഫോണില്‍ വിളിച്ച് വിവരങ്ങള്‍ തിരക്കി.

Endnotes:
  1. എം ഐ ഷാനവാസ് എം പി അന്തരിച്ചു: http://malayalamuk.com/m-a-shanavas-mp-passed-away/
  2. എം.ഐ ഷാനവാസ് എംപി ഗുരുതരമായ നിലയിൽ: http://malayalamuk.com/mi-shanavas-hospitalised-in-critical-stage/
  3. അനീഷിന്‍റെ അറസ്റ്റ് ഡോ. ഷാനവാസിന്‍റെ മരണത്തിലെ ദുരൂഹതകള്‍ നീക്കുമോ ?: http://malayalamuk.com/is-mystery-unvailed-behind-dr-shanavas-death/
  4. പ്രധാനമന്ത്രി പദത്തിലെത്താം എന്നത് രാഹുലിന്‍റെ വ്യാമോഹം മാത്രമെന്ന് പരിഹസിച്ച് ബിജെപി: http://malayalamuk.com/bjp-against-rahul/
  5. “മാക്കാച്ചിയുടെ മോന്ത”; കോടിയേരിക്കെതിരെ അധിക്ഷേപവുമായി കോൺഗ്രസ് എംപി എംഐ ഷാനവാസ്: http://malayalamuk.com/shanavas-mp-against-kodiery/
  6. ചെന്നൈ സിൽക്സിന്റെ മൂന്ന് നിലകൾ പൂർണ്ണമായും അഗ്നിക്കിരയായി; കെട്ടിടം പൂർണ്ണമായും നിലംപൊത്തിയേക്കുമെന്ന ഭീതിയിൽ: http://malayalamuk.com/chennai-silks-building-collapses-as-firefighters-fail-to-douse-fire-for-over-24-hours-operation-continues/

Source URL: http://malayalamuk.com/medical-bulletin-on-m-i-shanavas-health-condition/