ജോസ് ജോണ്‍
സീറോ മലബാര്‍ സഭ ഗ്രേറ്റ് ബ്രിട്ടന്‍ രൂപതാദ്ധ്യക്ഷന്‍ മാര്‍ ജോസഫ് സ്രാമ്പിക്കല്‍ വിഭാവനം ചെയ്ത മിഷന്‍ രൂപീകരണത്തിന്റെ ഭാഗമായി കഴിഞ്ഞ നവംബര്‍, ഡിസംബര്‍ മാസങ്ങളില്‍ രൂപതയിലെ 8 റീജിയനുകളിലായി സഭാ തലവന്‍ അത്യുന്നത കര്‍ദ്ദിനാള്‍ മാര്‍ ജോര്‍ജ്ജ് ആലഞ്ചേരി ഔദ്യോഗികമായി മിഷനുകളുടെ പ്രഖ്യപനം നടത്തി. ലണ്ടന്‍ റീജിയനിലെ മിഷനായ സെ. മോനിക്കാ മിഷന്റെ പ്രവര്‍ത്തങ്ങളുടെ ആരംഭം പുതുവല്‍സരത്തിലെ മൂന്നാമത്തെ ഞായറാഴ്ചയായ നാളെ ജനുവരി മാസം 13ന് വിശുദ്ധ കുര്‍ബ്ബാനയോടെ തുടങ്ങുന്നതാണ്.
തിരുസഭയിലൂടെ വിശ്വാസ വളര്‍ച്ചയുടെ ഭാഗമാകുവാനും തലമുറകളിലൂടെ ഈശോയ്ക്ക് സാക്ഷ്യം വഹിക്കുവാനും ദൈവീക പദ്ധതികളുടെ ഭാഗമാകുവാനും ഈ സുദിനത്തില്‍ തുടക്കം കുറിക്കുന്നു. ലണ്ടനിലെ റെയിന്‍ഹാമിലുള്ള ഔവര്‍ ലേഡി ഓഫ് ലാ സാലെറ്റെ പള്ളിയില്‍, (RM13 8SR) ഞായറാഴ്ച ഉച്ചകഴിഞ്ഞ് 3.00ന് വിശുദ്ധ കുര്‍ബ്ബാനയും തുടര്‍ന്ന് 4.30 pmന് പ്രദക്ഷിണവും നടക്കുന്നതാണ്.
മിഷന്റെ ആത്മീയ പ്രവര്‍ത്തങ്ങളുടെ തുടക്കം കുറിക്കുന്ന ഈ ശുശ്രൂഷയിലേക്ക് എല്ലാവരരേയും ഒത്തിരി സ്നേഹത്തോടെ സ്വാഗതം ചെയ്യുന്നതായി മിഷന്‍ പ്രീസ്റ്റ് ഇന്‍ചാര്‍ജ് ഫാ.ജോസ് അന്ത്യാംകുളം MCBS അറിയിച്ചു.
Leave a Reply