മുന്‍ റേഡിയോ ജോക്കിയുടെ കൊലപാതകം; പ്രധാന പ്രതി സാത്താന്‍ അപ്പുണ്ണി അറസ്റ്റില്‍

by News Desk 5 | April 17, 2018 8:23 am

തിരുവനന്തപുരം: മുന്‍ റേഡിയോ ജോക്കിയും നാടന്‍ പാട്ട് കലാകാരനുമായ മടവൂര്‍ സ്വദേശി രാജേഷ് കുമാറിനെ വെട്ടിക്കൊലപ്പെടുത്തിയ കേസിലെ പ്രധാന പ്രതികളിലൊരാളായ സാത്താന്‍ അപ്പുണ്ണി പോലീസ് പിടിയിലായി. കായംകുളത്ത് നിന്നാണ് ഇയാളെ പോലീസ് കസ്റ്റഡിയിലെടുത്തത്. കേസിലെ പ്രധാന പ്രതികളില്‍ കഴിഞ്ഞ ദിവസങ്ങളില്‍ അറസ്റ്റിലായിരുന്നു. മുഖ്യപ്രതി അലിഭായി എന്ന് വിളിക്കുന്ന മുഹമ്മദ് താലിഫിനെ ഖത്തറില്‍ നിന്ന് തിരുവനന്തപുരം വിമാനത്താവളത്തില്‍ എത്തിച്ചാണ് അറസ്റ്റ് ചെയ്തത്.

ആലപ്പുഴ ഭാഗത്തുള്ള സുഹൃത്തായ സ്ത്രീയുടെ വീട്ടില്‍ ഒളിച്ചു താമസിക്കുകയായിരുന്നു അപ്പുണ്ണി. ഇയാള്‍ക്കായി പോലീസ് ഇതര സംസ്ഥാനങ്ങളില്‍ വരെ തെരച്ചില്‍ നടത്തിയിരുന്നു. കേസിലെ മൂന്നാം പ്രതിയാണ് ഇയാള്‍. മടവൂരിലെ സ്വന്തം സ്റ്റുഡിയോയില്‍ വെച്ചാണ് രാജേഷിന് വെട്ടേറ്റത്. ആക്രമണം നടത്തിയ സംഘത്തിലെ കരുനാഗപ്പള്ളി സ്വദേശി ഷന്‍സീര്‍ നേരത്തേ അറസ്റ്റിലായിരുന്നു. സംഘത്തിലെ മൂന്നാമനായ അപ്പുണ്ണി രാജേഷിനെ പിടിച്ചു നിര്‍ത്തുകയും അലിഭായിയും ഷന്‍സീറും ചേര്‍ന്ന് വെട്ടുകയുമായിരുന്നു. വടിവാളുകള്‍ ഷന്‍സീറാണ് പിന്നീട് ഒളിപ്പിച്ചത്.

രാജേഷുമായി സൗഹൃദമുണ്ടായിരുന്ന ഖത്തറിലെ നൃത്താധ്യാപികയുടെ ഭര്‍ത്താവാണ് ക്വട്ടേഷന്‍ നല്‍കിയെന്നതിനു വ്യക്തമായ തെളിവ് ലഭിച്ചതായി പൊലീസ് പറഞ്ഞു. ഭര്‍ത്താവുമായി പിണങ്ങിക്കഴിയുന്ന അധ്യാപിക രാജേഷുമായി അടുത്തതും ഭാര്യ മാറിത്താമസിച്ചതോടെ ബിസിനസ് തകര്‍ന്നതുമാണ് ഇയാളെ ഇതിന് പ്രേരിപ്പിച്ചത്. മാര്‍ച്ച് 27ന് പുലര്‍ച്ചെയാണു മടവൂരിലെ സ്റ്റുഡിയോയില്‍ രാജേഷ് വെട്ടേറ്റ് കൊല്ലപ്പെട്ടത്.

Endnotes:
  1. കുര്‍ബാന നടത്തുന്നത് പെണ്‍കുട്ടികളുടെ നഗ്‌ന ശരീരത്തില്‍, പരസ്യ ലൈംഗിക ബന്ധവും; കേരളത്തെ ഞെട്ടിപ്പിക്കുന്ന സാത്താന്‍ സേവ: http://malayalamuk.com/devil-mass/
  2. കേരളത്തില്‍ സാത്താന്‍ സേവക്കാര്‍ പിടിമുറുക്കുന്നു? എട്ടോളം ആരാധനാ കേന്ദ്രങ്ങളും ഇരുതിലധികം ഫേസ്ബുക്ക് ഗ്രൂപ്പുകളും സജീവം: http://malayalamuk.com/sathan-seva-in-kerala/
  3. പറവൂരില്‍ നിന്ന് കാണാതായ നഴ്‌സിംഗ് വിദ്യാര്‍ത്ഥിനിയെ സാത്താന്‍ സേവകര്‍ തട്ടിയെടുത്തത് പ്രാകൃതമായ ആചാരങ്ങള്‍ നടത്താനെന്ന് സൂചന; കലികാലം തന്നെ: http://malayalamuk.com/north-paravoor-nursing-student-kidnap-case/
  4. നടിയെ ആക്രമിച്ച കേസ്; ദിലീപിന്റെ മാനേജര്‍ അപ്പുണ്ണി ഇന്ന് ഹാജരായേക്കും: http://malayalamuk.com/appunni-may-appear-before-investigaton-tream-today/
  5. റേഡിയോ ജോക്കി രാജേഷ് വധം; പോലീസിനെ ചുറ്റിക്കാൻ മുഖ്യപ്രതി അപ്പുണ്ണി പയറ്റിയത് ദൃശ്യം മോഡൽ കളി, ഒടുവിൽ പോലീസ് പെണ്ണിനെ ഇറക്കി കളിച്ചു കുടുക്കി….: http://malayalamuk.com/investigation-series-on-rj-rajesh-death/
  6. ദിലീപിന്റെ മാനേജർ അപ്പുണ്ണി അന്വേഷണ സംഘത്തിനു മുൻപിൽ; ദിലീപിന് ഏറെ നിർണായകം: http://malayalamuk.com/appunni-statement-about-actress-attacked-important-day-for-dileep/

Source URL: http://malayalamuk.com/radio-jocky-murder-case-appunni-arrested/