കൂട്ടുകാരികള്‍ക്കൊപ്പം ഇരിക്കാന്‍ സാധിച്ചില്ല; ബസില്‍ നിന്നും ഇറങ്ങിയോടിയ പെണ്‍കുട്ടി യാത്രക്കാരെ വട്ടം കറക്കി
20 August, 2017, 9:26 am by News Desk 1

തൊടുപുഴ: കൂട്ടുകാരികള്‍ക്കൊപ്പം ഒരുമിച്ചിരിക്കാനാവാത്തതില്‍ പിണങ്ങിപ്പോയ പെണ്‍കുട്ടി ബസിനുള്ളില്‍നിന്ന് ഇറങ്ങിയോടിയത് യാത്രക്കാരെ വട്ടംകറക്കി. നഗരത്തിലെ വാഹന കമ്പനിയുടെ പ്രമോഷനുമായി ബന്ധപ്പെട്ട് വന്ന നാലു പെണ്‍കുട്ടികളില്‍ ഒരാളാണ് ബസില്‍നിന്ന് ഇറങ്ങിയോടിയത്.

വീട്ടിലേക്കു തിരിച്ചു പോകാനായി പുല്‍പ്പള്ളി പാടിച്ചിറ റൂട്ടിലേക്ക് സര്‍വീസ് പോയ കെ.എസ്.ആര്‍.ടി.സി ബസ് തൊടുപുഴ ശ്രീകൃഷ്ണ സ്വാമി ക്ഷേത്രത്തിന്റെ മുന്നിലെത്തിയപ്പോഴാണ് സംഭവം. ഒന്നു മിണ്ടാതെ കൂട്ടുകാരി ബസില്‍നിന്ന് ഇറങ്ങിയോടിയതു കണ്ടു പകച്ചു മറ്റു മൂന്നു പെണ്‍കുട്ടികള്‍ വാഹനം നിര്‍ത്താന്‍ ആവശ്യപ്പെട്ടു. തുടര്‍ന്ന് കണ്ടക്ടറും ഡ്രൈവറും ചില യാത്രക്കാരും ചേര്‍ന്ന് അടുത്തുള്ള തൊടുപുഴ പോലീസ് സ്‌റ്റേഷനിലെത്തി കാര്യം പറഞ്ഞു. തുടര്‍ന്ന് പോലീസ് നടത്തിയ അന്വേഷണത്തില്‍ പെണ്‍കുട്ടി ഇറങ്ങിയോടിയ സ്‌റ്റോപ്പിന് അടുത്തു തന്നെയുള്ള വളവില്‍ നില്‍ക്കുന്നതായി കണ്ടെത്തി.

വനിതാ പോലീസ് ഉള്‍പ്പെടെയുള്ളവര്‍ പെണ്‍കുട്ടിയുമായി ബസിലെത്തി കയറ്റി വിട്ടു.. ഇതിനെ തുടര്‍ന്ന് ബസ് അര മണിക്കൂറോളം െവെകി. തുടര്‍ന്നാണ് ബസ് യാത്ര തുടര്‍ന്നത്. കൂട്ടുകാരികള്‍ ഒപ്പമിരിക്കാന്‍ പറ്റാത്തതില്‍ പ്രതിഷേധിച്ചാണ് പെണ്‍കുട്ടി ഇറങ്ങി ഓടിയതെന്നാണു വിവരം.

വാർത്തകളോട് പ്രതികരിക്കുന്നവർ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. ഇത്തരം അഭിപ്രായങ്ങൾ സൈബർ നിയമപ്രകാരം ശിക്ഷാർഹമാണ് . വായനക്കാരുടെ അഭിപ്രായങ്ങൾ വായനകാരുടേതു മാത്രമാണ്, മലയാളം യുകെ യുടേത് അല്ല .

Comments

Leave a Reply

Your email address will not be published. Required fields are marked *

RELATED NEWS

RECENT POSTS
Copyright © . All rights reserved