കൊല്ലത്ത് പതിനാലുകാരനെ പ്രകൃതിവിരുദ്ധ പീഡനത്തിനിരയാക്കിയ സംഭവത്തില്‍ പൊലീസിനെ വെട്ടിച്ചുകടന്ന വൈദികന്‍ അറസ്റ്റില്‍. കൊല്ലം കോട്ടാത്തല സെന്റ് മേരീസ് കാത്തലിക് പള്ളി വികാരി, കണ്ണൂര്‍ സ്വദേശി ഫാദര്‍ തോമസ് പാറേക്കളമാണ് അറസ്റ്റിലായത്. ചെന്നൈ ആസ്ഥാനമായ എസ്.ഡി.എം സന്യാസസമൂഹത്തിലെ അംഗമാണ്.
തമിഴ്നാട്ടിലെ മധുരയില്‍ നിന്ന് കൊല്ലം എസ്.പി എസ്.സുരേന്ദ്രന്റെ ഷാഡോ പൊലീസാണ് അറസ്റ്റ് ചെയ്തത്. വേദപഠനത്തിനെത്തിയ കുട്ടിയെയാണ് ഇയാള്‍ പീഡിപ്പിച്ചത്. പരാതിയെ തുടർന്ന് പൊലീസ് പിടികൂടാനെത്തിയപ്പോള്‍ ഇയാള്‍ ഓടി രക്ഷപ്പെടുകയായിരുന്നു. ഒന്നിലേറെ കുട്ടികളെ ഇയാള്‍ പീഡിപ്പിച്ചതായി, പരാതി നല്‍കിയ കുട്ടി പൊലീസിനു മൊഴി നല്‍കി
