സീറോ മലബാര്‍ എപ്പാര്‍ക്കിയോ ഗ്രേറ്റ് ബ്രിട്ടണ്‍ രൂപതയുടെ നേതൃത്വത്തില്‍ ബ്രിസ്റ്റോള്‍ കാര്‍ഡിഫ് റീജിയണില്‍ സീറോ മലബാര്‍ സഭയുടെ ലിറ്റര്‍ജിക്കല്‍ കമ്മീഷന്‍ സെക്രട്ടറിയായ റവ. ഫാദര്‍ പോളി മണിയാട്ടിന്റെ നേതൃത്വത്തില്‍ മെയ് 5ന ശനിയാഴ്ച രാവിലെ 9.30 മുതല്‍ 4 മണി വരെ സെന്റ് ജോസഫ് ചര്‍ച്ച് ബ്രിസ്റ്റോളില്‍ വച്ച് വിശുദ്ധകുര്‍ബാനയും സെമിനാറും.

കഴിഞ്ഞ വര്‍ഷം നവംബറില്‍ കെഫല്ലി പാര്‍ക്കില്‍ വച്ച് ഗ്രേറ്‌റ് ബ്രിട്ടണ്‍ രൂപതയുടെ പ്രതിനിധികള്‍ക്കുവേണ്ടി നടത്തിയ പാസ്റ്റര്‍ പ്ലാനിംഗ് സമ്മേളനത്തില്‍ റവ. ഫാ. പോള്‍ മണിയാട്ട് വളരെ മനോഹരമായി വിശുദ്ധ കുര്‍ബാനയെക്കുറിച്ചും ലിറ്റര്‍ജിയെക്കുറിച്ചും ക്ലാസ് എടുക്കുകയുണ്ടായി. വിശ്വാസികളുടെ ഇടയില്‍ നിന്നും അതിനുലഭിച്ച മികച്ച പ്രതികരണത്തിന്റെ ഫലമായി രൂപതയില്‍ ഉടനീളം സീറോ മലബാര്‍ വിശ്വാസികള്‍ക്കായി ഇത്തരം ക്ലാസുകള്‍ സമര്‍പ്പിക്കുന്നതെന്ന് രൂപത അധ്യക്ഷന്‍ മാര്‍ ജോസഫ് സ്രാമ്പിക്കല്‍ പറഞ്ഞു.

സീറോ മലബാര്‍ വിശുദ്ധ കുര്‍ബാനയുടെ ദൈവശാസ്ത്ര ആഴത്തെക്കുറിച്ചും അതിന്റെ പ്രാധാന്യത്തെക്കുറിച്ചുമുള്ള ക്ലാസുകള്‍ എടുക്കുന്നതായിരിക്കും. ആദിമ സഭയില്‍ വിശുദ്ധ കുര്‍ബാനയെ കേന്ദ്രീകരിച്ചാണ് സഭാ സമൂഹങ്ങള്‍ വളര്‍ന്നത്, വിശുദ്ധ കുര്‍ബാനയും അതിനെ തുടര്‍ന്നുള്ള സെമിനാറും, വിശുദ്ധ കുര്‍ബാനയെക്കുറിച്ച് ആഴത്തില്‍ മനസിലാക്കാന്‍ സഹായിക്കുന്നതാണ്. ഈ പഠന ക്ലാസിലേക്ക് ബ്രിസ്റ്റോള്‍ കാര്‍ഡിഫ് റീജിയണിലെ എല്ലാ വിശ്വാസികളെയും പ്രത്യേകിച്ച് കൈക്കാരന്മാര്‍, കമ്മിറ്റി അംഗങ്ങള്‍, വേദപാഠം അധ്യാപകര്‍, അള്‍ത്താര ശുശ്രൂഷകര്‍ ഇതില്‍ സംബന്ധിക്കണമെന്ന്, ബ്രിസ്റ്റോള്‍ കാര്‍ഡിഫ് റീജിയണല്‍ ഡയറക്ടര്‍ ഫാ. പോള്‍ വെട്ടിക്കാട്ടും ട്രസ്റ്റി ഫിലിപ്പ് കണ്ടോത്തും പ്രത്യേകം എല്ലാവരേയും ക്ഷണിക്കുന്നു. ഉച്ചഭക്ഷണം ക്രമീകരിക്കുന്നതായിരിക്കും.

സ്ഥലവും സമയവും താഴെ കൊടുത്തിരിക്കുന്നു.

May 5th 9.30 – 16:00 Hrs.
St. Joseph Church
232 Forest Road
Fishpponds
Brist
ol
BS 16 3 aT

കൂടുതല്‍ വിവരങ്ങള്‍ക്ക് വിളിക്കുക.

ഫിലിപ്പ് കണ്ടോത്ത് – 07703063836
റോയ് സെബാസ്റ്റിയന്‍ – 07862701046