'സൂക്ഷിച്ചാല്‍ ദുഃഖിക്കേണ്ട'; ഞായറാഴ്ചയുടെ സങ്കീര്‍ത്തനം - 23

‘സൂക്ഷിച്ചാല്‍ ദുഃഖിക്കേണ്ട’; ഞായറാഴ്ചയുടെ സങ്കീര്‍ത്തനം – 23

ഫാ. ബിജു കുന്നയ്ക്കാട്ട്

പതിരില്ലാത്ത പഴഞ്ചൊല്ലുകളുടെ ഗുണപാഠങ്ങള്‍ അക്ഷരത്താളുകളും കടന്ന് പലരുടേയും ജീവിതം വരെ എത്തി നില്‍ക്കുന്നു. ‘സൂക്ഷിച്ചാല്‍ ദുഃഖിക്കേണ്ട’ എന്ന പഴയ പല്ലവിക്ക് പുതുഭാഷ്യങ്ങള്‍ ഈ അടുത്ത നാളുകളിലും പലരീതിയില്‍ ഉണ്ടായി. കഴിഞ്ഞയാഴ്ചയില്‍ റിപ്പോര്‍ട്ട് ചെയ്യപ്പെട്ട നാല് സംഭവങ്ങളുടെ ഫലങ്ങള്‍ വിരല്‍ ചൂണ്ടുന്നത് സമാന സ്വഭാവത്തിലേക്കത്രേ! വാര്‍ത്ത ഒന്ന്: സര്‍ക്കസ് പ്രദര്‍ശനത്തിനിടയില്‍ പരിശീലകനെ സിംഹം കടിച്ചുകീറി കൊലപ്പെടുത്തി. വാര്‍ത്ത രണ്ട്: ബ്രിട്ടണില്‍ വില്‍ക്കപ്പെടുന്ന കോഴിയിറച്ചിയുടെ മൂന്നില്‍ രണ്ടിലും അപകടകരമായ ബാക്ടീരിയയുടെ സാന്നിധ്യം. വാര്‍ത്ത മൂന്ന്: അശ്ലീല വീഡിയോ കാണുന്നവരുടെ ശ്രദ്ധയ്ക്ക്- നിങ്ങളെ കാത്ത് ഒരു വലിയ അപകടം ഉണ്ട്. വാര്‍ത്ത നാല്: പ്രണയം തകര്‍ന്നപ്പോള്‍ സ്വകാര്യ ദൃശ്യങ്ങള്‍ കാമുകന്‍ വാട്‌സാപ്പില്‍ പ്രചരിപ്പിച്ചു- കായംകുളത്ത് ഇരുപത്തേഴുകാരന്‍ അറസ്റ്റില്‍.

നാലും വ്യത്യസ്തമായ വാര്‍ത്തകളാണെങ്കിലും പരിണിതഫലം ഒരിടത്തേക്കു തന്നെ- അപകടത്തിലേക്ക്! ഒന്നും മൂന്നും വാര്‍ത്തകള്‍ (സിംഹം പരിശീലകനെ കൊലപ്പെടുത്തി, അശ്ലീല വീഡിയോയുടെ അപകടം) ദൂരെയെവിടെയോ മറ്റാര്‍ക്കോ നടന്ന/നടക്കാവുന്ന അപകടമെന്നു കരുതുമ്പോള്‍ രണ്ടും നാലും വാര്‍ത്തകള്‍ കുറച്ചുകൂടി വ്യക്തിപരമായി തോന്നേണ്ടതാണ്. ദൈനംദിന ഭക്ഷണത്തിന്റെ ഭാഗമായി കോഴിയിറച്ചി ഉപയോഗിക്കുന്നവരും ശ്രദ്ധയില്ലാതെ ആധുനിക സമ്പര്‍ക്ക മാധ്യമങ്ങള്‍ ഉപയോഗിക്കുന്നവരും കൂടുതല്‍ ഗൗരവമായി കാണേണ്ട വാര്‍ത്തകള്‍.

untitled-2

ഇതില്‍ ഒരു അപകടം പതിയിരിപ്പുണ്ട്. ഒന്നും മൂന്നും വാര്‍ത്തകള്‍ വായിക്കാനും അത് ഉടനെ തന്നെ മറന്നുകളയാനുമാണ് എല്ലാവര്‍ക്കും താല്‍പര്യം. മറ്റുള്ളവരുടെ ഈ അപകടങ്ങളില്‍ നിന്നു പഠിക്കാത്തവരും ഗൗരവമായെടുക്കാത്തവരും; രണ്ട്, നാല് വാര്‍ത്തകള്‍ പോലെ സ്വന്തം ജീവിതത്തിലേക്ക് കടന്നുവരുന്ന അപകടങ്ങളെ കാണാറില്ല, മനസിലാക്കാറില്ല. കെണിയില്‍ പെട്ടുകഴിയുമ്പോള്‍ മാത്രം തിരിച്ചറിയുന്നു! എന്തുകൊണ്ടാണിങ്ങനെ? ഏതു കാര്യത്തിനും ഒരു കാരണം ഉണ്ടെന്നതുപോലെ ഈ പ്രശ്‌നത്തിനുമുണ്ട് ചില കാരണങ്ങള്‍.

സാഹസികത: സിംഹക്കൂട്ടില്‍ അഭ്യാസം നടത്തുന്നവന്റെ ജീവിതം സാഹസികത നിറഞ്ഞതാണ്. ജീവിത മാര്‍ഗ്ഗത്തിനു വേണ്ടിയല്ലേ എന്നുവേണമെങ്കില്‍ ചോദിക്കാം. പക്ഷേ ഒരു അപകടമുണ്ടായാല്‍ ജീവന് ആപത്തുണ്ടായാല്‍ എന്തു ചെയ്യും? വരുന്നത് അനുഭവിക്കുക തന്നെ. നാം ചെയ്യുന്ന പല കാര്യങ്ങള്‍ക്കും ഈ സാഹസികതയുടെ ഒരു തലം കണ്ടേക്കാം. അപകടകരമായ കാര്യങ്ങളില്‍ ഇടപെടുന്നവര്‍ സ്വയരക്ഷയ്ക്കുള്ള മുന്നൊരുക്കങ്ങള്‍ നടത്താത്തതാണ് പ്രശ്‌നമാകുന്നത്. ജീവസന്ധാരണത്തിനുവേണ്ടിയുള്ള തത്രപ്പാടിലെ ഇത്തരം ചില സാഹസികതകള്‍ക്ക് നാം കയ്യടിച്ചേക്കാം. എന്നാല്‍ വിളിച്ചുവരുത്തുന്ന, ആവശ്യമില്ലാത്ത ചില അപകടങ്ങള്‍ ‘സ്വയം കൃതാനര്‍ത്ഥം’ എന്നേ പറയാനാവൂ. പലതരം വാഹനങ്ങള്‍ ഓടുന്ന റോഡില്‍ വഴിപോക്കരുടെ കയ്യടിക്കായി ബൈക്കില്‍ അഭ്യാസം കാട്ടുന്ന ചില ചെറുപ്പക്കാരൊപ്പിക്കുന്ന ചില അപകടങ്ങള്‍ കാണുന്നവര്‍ ‘അവന് അങ്ങനെ തന്നെ വേണം’ എന്ത് ആവശ്യമുള്ള കാര്യമാ/ എ്ന്നുപറഞ്ഞാല്‍ അവരെ കുറ്റപ്പെടുത്താനാവില്ല. ഓര്‍ക്കുക, സൂക്ഷിച്ചാല്‍ ദുഃഖിക്കേണ്ട!

വായ്ക്കു രുചി മാത്രം പ്രധാനം: മാംസാഹാരത്തിന് പാശ്ചാത്യ രാജ്യങ്ങളില്‍ വലിയ പ്രാധാന്യമുണ്ട്. അതിശൈത്യത്തെ ചെറുക്കാനും ശരീര താപനില നിലനിര്‍ത്താനുമൊക്കെ മാംസാഹാരങ്ങള്‍ സഹായകമാണെന്ന് പൊതുവെ കരുതപ്പെടുന്നു. എന്നാല്‍ ചില അപകടങ്ങള്‍ ചില ഭക്ഷണപദാര്‍ത്ഥങ്ങളിലുണ്ടെന്നു കണ്ടിട്ടും അറിഞ്ഞിട്ടും അതു തുടരുന്നവര്‍ ആരോഗ്യത്തെ ശ്രദ്ധിക്കാതെ അന്നേരത്തെ എളുപ്പവും വായുടെ രുചിയും മാത്രം നോക്കുന്നവരാണ്. പൂര്‍ണമായി നിര്‍ത്താന്‍ സാധ്യമല്ലെങ്കില്‍ അപകടങ്ങളാക്കാന്‍ സാധ്യതയുള്ളവരുടെ ഉപയോഗം കുറയ്ക്കുകയെങ്കിലും ചെയ്യാന്‍ ശ്രദ്ധിക്കാവുന്നതാണ്.

ഒരു വ്യക്തിയുടെ സമഗ്രജീവിതത്തിലും ഈ ചിന്തയ്ക്കു പ്രസക്തിയുണ്ട്. അപകടത്തിലേക്ക് വളരാവുന്ന ഒരു സൗഹൃദം, തുടരുന്നത് നല്ലതല്ലാത്ത ഒരു ദുശ്ശീലം, അപകടത്തിലേക്ക് നയിക്കാവുന്ന സംസാരശൈലി, ജോലി സ്ഥലത്ത് കാണിക്കുന്ന അലസത. ഇങ്ങനെ പലതും ശ്രദ്ധിച്ചില്ലെങ്കില്‍ ഭാവിയില്‍ നമ്മെ അപകടത്തിലാക്കാം. അതുകൊണ്ട് ഓര്‍ക്കുക, സൂക്ഷിച്ചാല്‍ ദുഃഖിക്കേണ്ട!

കടിഞ്ഞാണില്ലാത്ത ആഗ്രഹങ്ങള്‍: ശ്രീബുദ്ധന്റെ അഭിപ്രായത്തില്‍ ‘ആഗ്രഹമാണ്’ എല്ലാ പ്രശ്‌നങ്ങളുടെയും തുടക്കം മനസിന്റെ അടങ്ങാത്ത ആഗ്രഹങ്ങള്‍ വികാരങ്ങളിലേക്ക് വളരാം. വികാരത്തിന് നിയന്ത്രണമില്ലാതാകുമ്പോള്‍ അതു പ്രവര്‍ത്തിയിലേക്ക് വളരുന്നു. അശ്ലീല വീഡിയോ ഇന്നത്തെ പുതുതലമുറയെ കുറച്ചൊന്നുമല്ല വഴിതെറ്റിക്കുന്നത്. മാനസീക-ശാരീരിക ആരോഗ്യം ഇത്തരക്കാരില്‍ കുറയുന്നുവെന്നും ദാമ്പത്യജീവിതത്തിലെ പരാജയത്തിന് ഈ അശ്ലീല വീഡിയോകള്‍ കാരണമാകുന്നുവെന്നുമൊക്കെ പുതിയ പഠനങ്ങളുണ്ട്. പലര്‍ക്കും കാണുന്നതിനുമുമ്പ് ഇത് ‘ആഗ്രഹവും’ കണ്ടതിനുശേഷം ‘കുറ്റബോധവും’ ഉളവാക്കുന്നുവെന്ന് മനഃശാസ്ത്രവിദഗ്ധര്‍ പറയുന്നു. പലരിലും ഇത് അപകര്‍ഷതാ ബോധമുണ്ടാക്കുന്നുവെന്നും മറ്റു തെറ്റുകളിലേക്ക് നയിക്കുന്നുവെന്നും പഠനങ്ങള്‍ പറയുന്നു. ഓര്‍ക്കുക, അനാവശ്യ ആഗ്രഹങ്ങളില്‍ നിന്നു മനസിനെ നിയന്ത്രിക്കുക. മറക്കരുത്, ‘സൂക്ഷിച്ചാല്‍ ദുഃഖിക്കേണ്ട’!

3

സ്വകാര്യതയിലും ചതിക്കുഴി: എല്ലാവരും സ്വകാര്യത ഇഷ്ടപ്പെടുന്നു. മറ്റൊരാളുടെയോ മറ്റൊരു വസ്തുവിന്റെയോ സാന്നിധ്യം ആരും തങ്ങളുടെ സ്വകാര്യതയില്‍ ഇഷ്ടപ്പെടുന്നില്ല. പക്ഷേ അതിലും വേണ്ടരീതിയില്‍ ശ്രദ്ധിക്കാതിരുന്നാല്‍ ചതിക്കുഴികളില്‍ വീഴാം. ഇഷ്ടത്തിലായിരുന്ന യുവാവും യുവതിയും തമ്മില്‍ അപ്രതീക്ഷിതമായി വഴിക്കിട്ടു പിരിഞ്ഞപ്പോഴാണ് അവര്‍ തമ്മില്‍ ഒരുമിച്ചുണ്ടായിരുന്ന കാലത്തെ സ്വകാര്യരംഗങ്ങള്‍ യുവാവ് സോഷ്യല്‍മീഡിയയില്‍ പരസ്യമാക്കിയത്. ഇന്റര്‍നെറ്റിന്റെയും ഫോണിന്റെയും ദുരുപയോഗങ്ങളെക്കുറിച്ച് പൊതുവായ എത്ര മുന്നറിയപ്പുകള്‍ കിട്ടിയാലും സ്വന്തം ജീവിതത്തില്‍ അപകടം വരുമ്പോഴേ ചിലര്‍ പഠിക്കൂ! എന്തുപറയാന്‍? അനുഭവിക്കുക തന്നെ, അടുത്ത ഇര നിങ്ങളാകാതിരിക്കട്ടെ. ഓര്‍ക്കുക, സൂക്ഷിച്ചാല്‍ ദുഃഖിക്കേണ്ട!

തന്റെ ശിഷ്യന്മാരെ സുവിശേഷം പ്രസംഗിക്കാന്‍ അയയ്ക്കുമ്പോള്‍ യേശു പറഞ്ഞ ഉപദേശം ഇവിടെ പ്രസക്തമത്രേ! ” സര്‍പ്പങ്ങളെപ്പോലെ വിവേകികളും പ്രാവുകളെപ്പോലെ നിഷ്‌കളങ്കരുമായിരിക്കുവിന്‍.”മത്തായി 10: 16)

പ്രാവുകളെപ്പോലെ ഹൃദയ വിശുദ്ധി സൂക്ഷിക്കുമ്പോഴും സര്‍പ്പങ്ങളെപ്പോലെ വിവേകം വേണം. എന്താണ് സര്‍പ്പത്തിന്റെ വിവേകം? വഴിയില്‍ കിടക്കുന്ന ഒരു പാമ്പ്, അകലെ നിന്നു നടന്നുവരുന്ന ഒരു മനുഷ്യന്റെ കാല്‍പ്പെരുമാറ്റത്തിന്റെ സാന്നിധ്യം അന്തരീക്ഷവായുവില്‍ ഉണ്ടാക്കുന്ന ചലനത്തില്‍ നിന്നും മനസിലാക്കുമ്പോള്‍ താന്‍ വഴിയില്‍ കിടന്നാല്‍ ആ മനുഷ്യന്‍ തന്നെ അറിയാതെ ചവിട്ടിപ്പരിക്കേല്‍പ്പിക്കാനും അതിന്റെ വേദനയില്‍ താന്‍ ആ മനുഷ്യനെ കടിച്ച് വിഷമേല്‍പ്പിക്കാനും മരണമുണ്ടാക്കാനും സാധ്യതയുണ്ടെന്ന് കണ്ട്, മനുഷ്യര്‍ നടക്കുന്ന വഴിയില്‍ നിന്ന് സ്വയം മാറി സുരക്ഷിതമായ മറ്റൊരിടത്തേക്ക് പോകാനുള്ള വിവേകം. അപകടങ്ങളെ മുന്‍കൂട്ടിക്കണ്ട് ഒഴിവാക്കാന്‍ അത്തരമൊരു വിവേകം നമുക്കെല്ലാവര്‍ക്കും ഉണ്ടാകട്ടെ. ഓര്‍ക്കുക, ‘സൂക്ഷിച്ചാല്‍ ദുഃഖിക്കേണ്ട’!

നന്മ നിറഞ്ഞ ഒരാഴ്ച ആശംസിക്കുന്നു

സ്‌നേഹപൂര്‍വ്വം, ഫാ. ബിജു കുന്നയ്ക്കാട്ട്

Fr Biju Kunnackattuഎല്ലാ ഞായറാഴ്ചകളിലും പ്രസിദ്ധീകരിക്കുന്ന ഈ പംക്തി കൈകാര്യം ചെയ്യുന്നത് യുകെയിലെ നോട്ടിംഗ്ഹാം രൂപതയില്‍  സീറോ മലബാര്‍ ചാപ്ലിന്‍ ആയ റവ. ഫാ. ബിജു കുന്നയ്ക്കാട്ട് ആണ്. ‘ഞായറാഴ്ചയുടെ സങ്കീര്‍ത്തനം’ എന്ന പേരില്‍ പ്രസിദ്ധീകരിക്കുന്ന ഈ പംക്തിയില്‍ കൈകാര്യം ചെയ്യുന്നത് അതാത് ആഴ്ചകളില്‍ യുകെയില്‍ ഏറ്റവും ചര്‍ച്ച ചെയ്യപ്പെടുന്ന സമകാലീന വിഷയങ്ങള്‍ ആയിരിക്കും.

വായനക്കാരുടെ അഭിപ്രായങ്ങള്‍ രേഖപ്പെടുത്താന്‍ താഴെയുള്ള കമന്റ് കോളം ഉപയോഗിക്കാവുന്നതാണ്. അവഹേളനമോ വ്യക്തിപരമായ അധിക്ഷേപങ്ങളോ അശ്‌ളീലമോ മതനിന്ദയോ ആകാവുന്ന പോസ്റ്റുകള്‍ സൈബര്‍ നിയമപ്രകാരം കുറ്റകരമാണ്.
Post Your Malayalam Comments ( Click here for Malayalam Comments )
Press Esc to close
other news
1 2 3 1,506

More Latest News

അബദ്ധത്തില്‍ അതിര്‍ത്തി കടന്ന ഇന്ത്യന്‍ സൈനികനെ പാകിസ്താന്‍ വിട്ടയച്ചു

കഴിഞ്ഞ സെപ്റ്റംബറില്‍ അബദ്ധത്തില്‍ അതിര്‍ത്തി കടന്ന് പാകിസ്താനില്‍ എത്തിയ ഇന്ത്യന്‍ സൈനികനെ മോചിപ്പിച്ചു. ചന്ദു ബാബുലാല്‍ ചൗഹാന്‍ എന്ന സൈനികനെയാണ് പാകിസ്താന്‍ മോചിപ്പിച്ചത്. സൈനികനെ ഉച്ചയ്ക്ക് രണ്ടരയോടെ വാഗാ അതിര്‍ത്തിയില്‍ വെച്ച് ഇന്ത്യയ്ക്ക് കൈമാറുകയായിരുന്നു.കഴിഞ്ഞ സെപ്റ്റംബര്‍ 29നാണ് ചന്ദു ബാബുലാല്‍ ചൗഹാന്‍ അതിര്‍ത്തി കടന്നത്.ഇന്ത്യ-പാക്ക് സംഘര്‍ഷം ലഘൂകരിക്കാനുള്ള ശ്രമത്തിന്റെ ഭാഗമായി, പാക്കിസ്ഥാന്റെ കസ്റ്റഡിയിലുള്ള ഇന്ത്യന്‍ സൈനികനെ വിട്ടയയ്ക്കാന്‍ തീരുമാനിച്ചത്

വിവാഹത്തിനുമുമ്പുള്ള ലൈംഗിക ബന്ധത്തിന് വിദ്യാസമ്പന്നയായ പെണ്‍കുട്ടി തയാറായാല്‍ ഉത്തരവാദിത്തവും ഏറ്റെടുക്കണമെന്നു ഹൈക്കോടതി; പ്രതിക്ക് ജാമ്യം

വിവാഹത്തിന് മുമ്പുള്ള ലൈംഗികതയില്‍ വിദ്യാസമ്പന്നയായ പെണ്‍കുട്ടി തയാറായാല്‍ ഉത്തരവാദിത്തവും ഏറ്റെടുക്കാന്‍ ബാധ്യതയുണ്ടെന്നു ബോംബെ ഹൈക്കോടതിയുടെ കോടതിയുടെ വിധി. 21 വയസുകാരനായ കാമുകന്‍ വിവാഹവാഗ്ദാനം നല്‍കി ബലാത്സംഗം ചെയ്തെന്ന പരാതിയുമായി എത്തിയ പെണ്‍കുട്ടിയെയാണു കോടതി അധിക്ഷേപിച്ചത്. പെണ്‍കുട്ടിയുടെ പരാതിക്കു വില കല്‍പിക്കാതെ യുവാവിന് ജസ്റ്റിസ് മൃദുല ഭത്കര്‍ ജാമ്യം അനുവദിച്ചു.

മാതാപിതാക്കള്‍ രണ്ടു വഴിക്ക് പോയി; മഞ്ചേരിയില്‍ ഒരു ഫ്ലാറ്റിലെ രണ്ടു കുട്ടികള്‍ മാസങ്ങളായി കഴിഞ്ഞത്

അച്ഛനും അമ്മയും സ്വന്തം വഴിക്ക് പോയപ്പോള്‍ അനാഥരായി രണ്ടു കുട്ടികള്‍ ദിവസങ്ങളോളം അടച്ചിട്ട ഫ്ലാറ്റില്‍. മഞ്ചേരിക്കടുത്തുള്ള ഒരു ഫ്ലാറ്റിലാണ് പത്താം ക്ലാസുകാരിയും ഏഴാം ക്ലാസുകാരനും ദിവസങ്ങളായി ആരുമില്ലാതെ ഒറ്റയ്ക്ക് കഴിഞ്ഞത് .ഒടുവില്‍ കുട്ടികളെ ജില്ലാ ബാല സംരക്ഷണ യൂണിറ്റ് എത്തിയാണ് ഫ്ലാറ്റില്‍ നിന്നും കൂട്ടികൊണ്ട് പോയത് .

എട്ടാം ക്ലാസുകാരന്‍ ഒമ്പതുകാരനെ കൊന്നു മാംസം ഭക്ഷിച്ചു; പഞ്ചാബില്‍ നിന്നൊരു ഞെട്ടിക്കുന്ന സംഭവം

ഒമ്പത് വയസുകാരനെ കൊന്നു തിന്ന ‘നരഭോജി’യായ കൗമാരക്കാരനെ പൊലീസ് അറസ്റ്റ് ചെയ്തു. ലുധിയാനയിലെ ദുഗ്രിയിലുള്ള 16 കാരനെയാണ് പോലീസ് പിടികൂടിയത്. അയല്‍വാസിയായ ദീപു കുമാര്‍ എന്ന ബാലനെയാണ് ഈ കുട്ടി കൊന്ന് തിന്നത്. കഴിഞ്ഞ തിങ്കളാഴ്ച ദീപുവിനെ കാണാതായിരുന്നു. പിറ്റേന്ന് ഇവര്‍ താമസിക്കുന്ന ദുഗ്രി ഏരിയയിലെ ആളൊഴിഞ്ഞ സ്ഥലത്ത് തലയറുത്ത നിലയില്‍ കുട്ടിയുടെ മൃതദേഹം കണ്ടെത്തിയിരുന്നു. തുടര്‍ന്ന് നടന്ന അന്വേഷണത്തില്‍ സമീപത്തെ സിസിടിവി ക്യാമറയില്‍ നിന്നാണ് പോലീസിന് വിവരങ്ങള്‍ ലഭിച്ചത്.

സഹോദരിയുടെ ഫോണ്‍ സംഭാഷണം റെക്കോര്‍ഡ്‌ ചെയ്തു ബ്ലാക്ക്‌മെയില്‍ ചെയ്തു; ചോദ്യം ചെയ്യാനെത്തിയ സഹോദരന്‍ ബിരുദ

വാക്കേറ്റത്തിനിടെ പ്ലസ്‌ടു വിദ്യാര്‍ഥിയുടെ ബിയര്‍ കുപ്പി കൊണ്ടുള്ള തലയ്‌ക്കടിയേറ്റു ബിരുദ വിദ്യാർത്ഥിയായ യുവാവ്‌ മരിച്ച സംഭവത്തിന്റെ തുടക്കം സഹോദരിയെ ശല്യപ്പെടുത്തിയതിൽ നിന്ന്.സംഭവത്തില്‍ പ്രായപൂര്‍ത്തിയാകാത്ത പ്ലസ്‌ടു വിദ്യാര്‍ഥി പോലീസ്‌ കസ്‌റ്റഡിയില്‍. അറക്കുളം സെന്റ്‌ ജോസഫ്‌ കോളജിലെ മൂന്നാം വര്‍ഷ ഇംഗ്ലീഷ്‌ ബിരുദ വിദ്യാര്‍ഥി, വണ്ടമറ്റം അമ്പാട്ട്‌ സോമന്റെയും വിലാസിനിയുടെയും മകന്‍ അര്‍ജുനാ (20)ണ്‌ മരിച്ചത്‌. തൊടുപുഴയിലെ സ്വകാര്യ ആശുപത്രിയില്‍ തീവ്രപരിചരണ വിഭാഗത്തില്‍ ചികിത്സയിലായിരുന്ന അര്‍ജുന്‍ ഇന്നലെ ഉച്ചയോടെയാണ്‌ മരിച്ചത്‌.

ആരാധന മൂത്ത് പോണ്‍ നടിയുടെ മുഖം കാലില്‍ പച്ചകുത്തി;പകരം ആരാധകന് താരം നല്‍കിയത്

താരങ്ങളോടുള്ള ആരാധന മൂത്താല്‍ ആരാധകര്‍ എന്തും ചെയ്യാന്‍ തയാറാവുന്നത് പതിവാണ്. അക്കൂട്ടത്തില്‍ ലെബനീസ് നീലച്ചിത്ര നടിയായ മിയ ഖലീഫയ്ക്കും കിട്ടി പുതിയൊരു ആരാധകന്‍. താരത്തിന്റെ മുഖം കാലില്‍ പച്ച കുത്തിയിരിക്കുകയാണ് ആരാധകന്‍. അതും മായ്ച്ചുകളയാന്‍ പറ്റാത്ത തരത്തില്‍.എന്നാല്‍ ഈ ആരാധകന് മിയ ഖലീഫ നല്‍കിയ ‘സമ്മാന’മാകട്ടെ നല്ല ചീത്തവിളിയും. സമൂഹമാധ്യമത്തിലൂടെയാണ് മിയ തന്റെ മുഖം പച്ച കുത്തിയതിന് ആരാധകനെ ചീത്ത വിളിച്ചത്. ഇഡിയറ്റ് എന്നാണ് തന്നെ ഇത്രയേറെ സ്‌നേഹിക്കുന്ന ആരാധകനെ മിയ വിളിച്ചത്.

ബിഗ് ബാഷ് ലീഗ് മത്സരത്തിനിടയിൽ ബ്രെൻഡൻ മക്കുല്ലത്തിന്റെ തൊണ്ടയിൽ ചൂയിങ്ങ്ഗം കുടുങ്ങി, പിന്നെ വീഡിയോ

ബാറ്റ് ചെയ്തു കൊണ്ടിരുന്ന ചൂയിങ്ഗം തൊണ്ടയില്‍ കുടുങ്ങിയ മുന്‍ ന്യുസിലന്‍ഡ് താരം ബ്രണ്ടന്‍ മക്കല്ലം ഗ്രൗണ്ടില്‍ വിവശനായി. ഛര്‍ദ്ദിയും ചുമയും അനുഭവപ്പെട്ട താരം അല്‍പസമയം ബാറ്റിങ് നിര്‍ത്തിവെക്കുകയും ചെയ്തു. ഓസ്‌ട്രേലിയയില്‍ നടക്കുന്ന ബിഗ് ബാഷ് 20/20 ലീഗില്‍ കഴിഞ്ഞ ദിവസം രാത്രി നടന്ന ബ്രിസ്‌ബെയ്ന്‍ മെല്‍ബണ്‍ റിനീഗേഡ്‌സ് മത്സരത്തിനിടയിലായിരുന്നു സംഭവം. ബ്രിസ്‌ബെയ്‌നുവേണ്ടി കളത്തിലിറങ്ങിയ മക്കല്ലം കളി തുടരുകയും18 പന്തില്‍ 50 റണ്‍ നേടുകയും ചെയ്‌തെങ്കിലും ഒരു റണ്ണിന് ടീം പരാജയപ്പെട്ടു.

എമ്പാടും ട്രംപ് വിരുദ്ധ പ്രകടനങ്ങള്‍: അമേരിക്കന്‍ പ്രസിഡന്റ് സ്ഥാനാരോഹണത്തില്‍ യുകെ പ്രതികരിച്ചത് ഇങ്ങനെ

ലണ്ടന്‍: അമേരിക്കയുടെ 45-ാമത് പ്രസിഡന്റായി ഡൊണാള്‍ഡ് ട്രംപ് അധികാരമേറ്റപ്പോള്‍ യുകെ ജനത പ്രതിഷേധ പ്രകടനങ്ങളുമായാണ് വരവേറ്റത്. ലണ്ടനിലെ അമേരിക്കന്‍ എംബസിക്കു പുറത്ത് നടന്ന പ്രതിഷേധ പ്രകടനത്തില്‍ 2000ത്തിലേറെ ആളുകള്‍ പങ്കെടുത്തു. ഗ്ലാസ്‌ഗോ, എഡിന്‍ബര്‍ഗ്, മാഞ്ചസ്റ്റര്‍ എന്നിവിടങ്ങളില്‍ നടന്ന പ്രതിഷേധങ്ങളില്‍ 1500ലേറെ ആളുകള്‍ പങ്കെടുത്തുവെന്നാണ് വിവരം. രാജ്യത്തെ മറ്റു പ്രമുഖ നഗരങ്ങളിലും പ്രതിഷേധ മാര്‍ച്ചുകള്‍ നടന്നു.

ജെല്ലിക്കെട്ട് പ്രതിഷേധകരെ അഭിനന്ദിച്ചു മമ്മൂട്ടിയും; ‘ഈ പ്രക്ഷോഭം ഇന്ത്യയ്ക്ക് മാതൃക’

ഏതെങ്കിലും ഒരു രാഷ്ട്രീയ ഇടപ്പെടലുകളോ പിന്തുണയോ ഇല്ലാതെ, ഒരു നേതാക്കളുടെയും മാര്‍ഗനിര്‍ദ്ദേശമില്ലാതെ, മതത്തിന്റെയോ ജാതിയുടെയോ വംശത്തിന്റെയോ അടിസ്ഥാനത്തിലുള്ള യാതൊരു വിവേചനവും ഇല്ലാതെ, ആക്രമണത്തിന്റെ പാതയില്‍ അല്ലാതെ, ലക്ഷക്കണക്കിന് ആളുകള്‍ ഒരു കാര്യത്തിനു വേണ്ടി തമിഴ്‌നാട്ടില്‍ ഒരുമിച്ചിരിക്കുന്നു. ഈ പ്രക്ഷോഭം ഇന്ത്യയ്ക്ക് മുഴുവന്‍ മാതൃകയാണ്. അഭിനന്ദനങ്ങള്‍ സുഹൃത്തുക്കളെ'

ഹോസ്പിറ്റലിൽ സ്ഥിര താമസമാക്കിയ രോഗിയെ പുറത്താക്കാൻ കോടതി ഉത്തരവ്.

രണ്ടു വർഷം ഹോസ്പിറ്റൽ വീടാക്കി മാറ്റിയ രോഗി ഒടുവിൽ പുറത്തായി. കോടതി ഉത്തരവിലൂടെ ആണ് മുൻ രോഗിയെ പുറത്താക്കിയത്. നോർഫോൾക്കിലാണ് സംഭവം. 2014 ആഗസ്റ്റിലാണ് രോഗി ഹോസ്പിറ്റലിൽ അഡ്മിറ്റ് ആയത്. രോഗം ഭേദമായെന്നും വീട്ടിൽ പോകാൻ ഫിറ്റാണെന്നും ഡോക്ടർമാർ സർട്ടിഫൈ ചെയ്തെങ്കിലും രോഗി ഡിസ്ചാർജ് വാങ്ങി പോകാൻ വിസമ്മതിച്ചു.

സൗത്താംപ്ടനില്‍ നിര്യാതനായ സിജോയ് ജോസഫിന് യുകെ മലയാളികള്‍ ഇന്ന് വിട നല്‍കി; അന്ത്യോപചാരം അര്‍പ്പിക്കാന്‍

കഴിഞ്ഞ ഒന്‍പതാം തീയതി യുകെയിലെ സൗത്താംപ്ടണില്‍ ഹൃദയാഘാതം മൂലം മരണമടഞ്ഞ ഇടുക്കി, തോടുപുഴ കരിമണ്ണൂര്‍ സ്വദേശി കാനാട്ട്, സിജോയ് ജോസഫ് (42)ന്‍റെ മൃതദേഹം ഇന്നു ശനിയാഴ്ച്ച രാവിലെ പത്തു മണി മുതല്‍ ഉച്ചയ്ക്ക് ഒരു മണിവരെ പൊതുദര്‍ശനുത്തിന് വച്ചു. സൗത്താംപ്ടണിലെ ഹോളി ഫാമിലി പള്ളിയിലാണ് സിജോയിയുടെ മൃതദേഹം പൊതുദര്‍ശനത്തിന് വച്ചത്. വിവിധ മലയാളി അസോസിയേഷനുകളും, സമൂഹത്തിന്‍റെ നാന തുറയിലുള്ളവരും മൃതദേഹത്തില്‍ റീത്ത് സമര്‍പ്പിച്ച് ആദരാഞ്ജലികള്‍ അര്‍പ്പിച്ചു.

വെസ്റ്റ്‌ വെയില്‍സ് മലയാളി അസോസിയേഷന് നവ നേതൃത്വം; ജിജോ മാനുവല്‍ പ്രസിഡണ്ട്; സജി ജോസഫ്

വെസ്റ്റ് വെയില്‍സിലെ കാര്‍മാര്‍ത്തന്‍ ഷെയര്‍, കാര്‍ഡിഗന്‍ ഷെയര്‍, പെംബ്രോക് ഷെയര്‍, എന്നീ കൗണ്ടികളിലെ മലയാളികളുടെ സാംസ്‌കാരിക കൂട്ടായ്മയായ ഡബ്ലുഡബ്ലുഎംഎ (വെസ്റ്റ്‌ വെയില്‍സ് മലയാളി അസോസിയേഷന്‍) വിജയകരമായ ഏഴാം വര്‍ഷത്തില്‍ അതിന്റെ പുതിയ സാരഥികളെ തെരഞ്ഞെടുത്തു. യുകെയിലെ ഏറ്റവും വിശാലമായ ഭൂപ്രദേശം കവര്‍ ചെയ്യുന്ന വെസ്റ്റ്‌ വെയില്‍സ് മലയാളി അസോസിയേഷന് അതിന്‍റെ വിജയകരമായ പ്രവര്‍ത്തനങ്ങള്‍ക്ക് ദൂരപരിധി ഒരിക്കലും തടസ്സമായി നിന്നിട്ടില്ല. ഒരു മണിക്കൂറിലധികം പോലും യാത്ര ചെയ്താണ് അംഗങ്ങള്‍ പലരും അസോസിയേഷന്‍ പരിപാടികളില്‍ പങ്ക് ചേരാന്‍ എത്തിച്ചേരാറുള്ളത്. എന്നാല്‍ ഐക്യവും കെട്ടുറപ്പും കൈമുതലായുള്ള അസോസിയേഷന്‍ അംഗങ്ങള്‍ക്ക് ഇതൊരിക്കലും ബുദ്ധിമുട്ടായിട്ടില്ല.

ദാസേട്ടന്റെ ശബ്ദത്തില്‍ പാടാന്‍ ഞാന്‍ ശ്രമിച്ചിട്ടില്ല! ഇതെന്റെ സ്വരമാണ്. അഭിജിത് കൊല്ലം.

ദാസേട്ടന്റെ ശബ്ദമാണ് എന്ന് ആസ്വാദകര്‍ ആവര്‍ത്തിച്ച് പറയുമ്പോഴും അഭിജിത് കൊല്ലം പറയുന്നതിങ്ങനെ.. ദാസേട്ടന്റെ ശബ്ദം ഒരിക്കലും ഞാന്‍ അനുകരിച്ചിട്ടില്ല. ആ ശബ്ദത്തില്‍ ഒരു വരി പോലും പാടാന്‍ ഞാന്‍ ശ്രമിച്ചിട്ടുമില്ല. ആകാശത്തോളമുയര്‍ന്ന അദ്ദേഹത്തിന്റെ സംഗീതത്തിന്റെ മുമ്പില്‍ ഞാന്‍ എത്ര ചെറുതാണ്. ഇനി, അദ്ദേഹത്തിന്റെ ശബ്ദത്തെ ആരെങ്കിലും അനുകരിക്കാന്‍ ശ്രമിക്കുന്നുണ്ടെങ്കില്‍, അതും തെറ്റാണ്. ഇതെന്റെ സ്വരമാണ്. സംഗീതം ഇഷ്ടമായ ഞാന്‍ എന്റെ സ്വന്തം സ്വരത്തില്‍ മാത്രമാണ് പാടുന്നത്. എന്നാല്‍ ദാസേട്ടന്റെ സ്വരവുമായി സാമ്യം ഉണ്ടെന്ന് ആസ്വാദകര്‍ പറയുന്നു. അത്രമാത്രം. അഭിജിത് കൊല്ലം നേതൃത്വം നല്‍കുന്ന ഗന്ധര്‍വ്വ ഗീതങ്ങള്‍ എന്ന ലൈവ് ഗാനമേള യുകെയിലെ മിഡ്‌ലാന്‍ഡ്‌സില്‍ അരങ്ങേറാന്‍ മണിക്കൂറുകള്‍ മാത്രം ബാക്കിനില്‍ക്കെ മലയാളം യുകെയുമായി സംസാരിക്കുകയായിരുന്നു അദ്ദേഹം. ദാസേട്ടന്റെ ശബ്ദത്തോട് സാമ്യം ഉണ്ടല്ലോ.! ആ ശബ്ദം അനുകരിച്ച് ജനശ്രദ്ധ നേടാനുള്ള ശ്രമമാണോ എന്ന് ഞങ്ങള്‍ ചോദിച്ചപ്പോള്‍.. ആസ്വാദകര്‍ പറയുന്നു. ഞാന്‍ അതിനു ശ്രമിച്ചിട്ടില്ല. ദൈവാനുഗ്രഹം എന്നു മാത്രമേ എനിക്ക് പറയുവാനുള്ളൂ. ദാസേട്ടന്റെ ശബ്ദത്തോട് സാമ്യം ഉണ്ട് എന്ന കാരണത്താലാണ് ലോകത്തിലുള്ള മലയാളികള്‍ എന്നെ അറിഞ്ഞു തുടങ്ങിയത് എങ്കില്‍ അത് ദാസേട്ടനെ മലയാളികള്‍ എത്രമാത്രം സ്‌നേഹിക്കുന്നുണ്ട് എന്നതിന് വ്യക്തമായ തെളിവാണ്. അതു തന്നെയല്ലേ ഞാന്‍ ഇപ്പോള്‍ യുകെയില്‍ എത്താന്‍ കാരണമായതും. ദാസേട്ടന്റെ സ്വരം കേള്‍ക്കാനല്ലേ നിങ്ങളും കാത്തിരിക്കുന്നത്. അല്ലാതെ വെറും ഒരു അഭിജിത്തിനെ കാണാനല്ലല്ലോ.? കുറെ പാട്ടുകള്‍ കേള്‍ക്കാന്‍ മാത്രമായിരുന്നെങ്കില്‍ എന്നേക്കാള്‍ മധുരമായി പാടുന്ന എത്രയോ ഗായകര്‍ മലയാളത്തിനുണ്ട്. ഇത് ദാസേട്ടനുള്ള അംഗീകാരം മാത്രം.

ശിവപ്രസാദിന്റെ കുടുംബത്തിനു  കെസിഎഫ് വാറ്റ് ഫോർഡ് അപ്പീൽ വഴി ലഭിച്ച തുക കൈമാറി.

ശിവപ്രസാദിന്റെ കുടുംബത്തിന്റെ ദു:ഖത്തിൽ പങ്കുചേർന്ന് വാറ്റ് ഫോർഡിലെ നല്ലവരായ മലയാളികൾ മാതൃകയാവുന്നു. യുകെയിലെ ചാരിറ്റികൾക്ക് മാതൃകയാക്കാവുന്ന വാറ്റ് ഫോർഡിലെ കേരള കമ്യൂണിറ്റി ഫൗണ്ടേഷൻ എന്ന കെ സി എഫ് വാറ്റ് ഫോർഡ് ഇത്തവണ മുന്നോട്ടു വന്നത് ലണ്ടനിൽ മരണമടഞ്ഞ ശിവപ്രസാദിന്റെ കുടുംബത്തെ സഹായിക്കാനുള്ള അഭ്യർത്ഥനയുമായാണ്. വാറ്റ് ഫോർഡിലെ 100 ലേറെ വരുന്ന മലയാളി കുടുംബങ്ങളുടെ അഭിമാനമായ കെസിഎഫ് ജീവകാരുണ്യ പ്രവർത്തനങ്ങളിൽ കൂടുതൽ കരുത്താർജിച്ചു കൊണ്ടിരിക്കുകയാണ്.

പുതിയ 500, 2000 രൂപ നോട്ടുകള്‍ അച്ചടിക്കാന്‍ എത്ര രൂപ ചെലവാകും? ഉത്തരങ്ങള്‍ ഇതാ

ന്യൂഡല്‍ഹി: നോട്ട് നിരോധനത്തിനു പിന്നാലെ രാജ്യത്ത് 2000 രൂപ നോട്ടുകളാണ് ആദ്യം അവതരിപ്പിച്ചത്. ഇതിനു പിന്നാലെ പുതിയ 500 രൂപ നോട്ടുകളും അവതരിപ്പിച്ചു. രാജ്യത്ത് കള്ളപ്പണം തടയാനെന്ന പേരിലാണ് ഉപയോഗത്തിലുണ്ടായിരുന്ന 1000, 500 രൂപ നോട്ടുകള്‍ പിന്‍വലിച്ചത്. പുതിയ നോട്ടുകള്‍ അച്ചടിക്കുന്നതിന് റിസര്‍വ് ബാങ്ക് എത്ര രൂപയാണ് ചെലവാക്കുന്നതെന്ന് അറിയാമോ.

യുകെ മലയാളികള്‍ക്ക് ഐക്യത്തിന്‍റെ മാതൃക കാണിച്ച വാറ്റ്ഫോര്‍ഡ് മലയാളി അസോസിയേഷനെ പുറത്ത് നിര്‍ത്തി റീജിയണല്‍

യുകെയിലെ ഒരു പറ്റം മലയാളി അസോസിയേഷനുകളുടെ കൂട്ടായ്മയായ യുക്മയില്‍ (യൂണിയന്‍ ഓഫ് യുകെ മലയാളി അസോസിയേഷന്‍) ഇന്ന് റീജിയണല്‍ തെരഞ്ഞെടുപ്പുകള്‍ക്ക് തുടക്കം കുറിക്കുന്നു. യുക്മയുടെ പത്ത് റീജിയനുകളില്‍ ഏഴ് എണ്ണത്തിലാണ് ഇന്നും നാളെയുമായി തെരഞ്ഞെടുപ്പ് നടക്കുന്നത്. ഈസ്റ്റ് ആംഗ്ലിയ, ഈസ്റ്റ് ആന്‍റ് വെസ്റ്റ്‌ മിഡ്ലാന്‍ഡ്‌സ്, നോര്‍ത്ത് വെസ്റ്റ്‌, സൗത്ത് ഈസ്റ്റ്, സൗത്ത് വെസ്റ്റ്‌, വെയില്‍സ്, യോര്‍ക്ക്‌ഷയര്‍ ആന്‍റ് ഹംബര്‍ എന്നീ റീജിയനുകളില്‍ ആണ് ഇലക്ഷന്‍ പ്രഖ്യാപിച്ചിട്ടുള്ളത്. നോര്‍ത്ത് ഈസ്റ്റ്, നോര്‍ത്തേന്‍ അയര്‍ലണ്ട്, സ്കോട്ട്ലാന്‍ഡ്‌ എന്നീ റീജിയനുകളില്‍ നിന്നും അസോസിയേഷനുകള്‍ ഒന്നും പ്രതിനിധി ലിസ്റ്റ് അയച്ച് നല്‍കിയിട്ടില്ലാത്തതിനാല്‍ ഈ രീജിയനുകളില്‍ തെരഞ്ഞെടുപ്പ് ഉണ്ടായിരിക്കില്ല.
© Copyright MALAYALAM UK 2017. All rights reserved.
Please wait...

2017 Calender Request Form

ആളുകള്‍ വ്യാജ വിലാസങ്ങള്‍ നല്കാന്‍ ഇടയുളളതിനാല്‍ ടെലിഫോണില്‍ വിളിച്ച് വിലാസം ഉറപ്പുവരുത്തിയ ശേഷം ആയിരിക്കും കലണ്ടര്‍ അയക്കുക. ശരിയായ ടെലിഫോണ്‍ നമ്പര്‍ ചേര്‍ക്കാത്തവര്‍ക്ക് കലണ്ടര്‍ അയയ്ക്കുന്നതല്ല.