സന്‍ഡര്‍ലാന്‍ഡ്: സന്‍ഡര്‍ലാന്‍ഡ് മലയാളി കാത്തലിക്ക് കമ്യൂണിറ്റിയുടെ ഇടവകദിനം ഫെബ്രുവരി 20ന്. എല്ലാ വര്‍ഷവും ആഘോഷിക്കാറുള്ള ഇടവക ദിനത്തിന് 11 മണിക്ക് വിശുദ്ധ കുര്‍ബാനയോടെ തുടക്കമാകും. തുടര്‍ന്ന് നടക്കുന്ന ബൈബിള്‍ ക്വിസ് ഇടവകയിലെ നാല് ഫാമിലി ഗ്രൂപ്പുകള്‍ തമ്മില്‍ നടക്കുന്ന വാശിയേറിയ മത്സരത്തിനു സാക്ഷിയാകും. വിജയികള്‍ക്ക് സമ്മാനങ്ങളും ട്രോഫിയും നല്‍കുന്നതായിരിക്കും. ഇടവക വികാരിയും ബഹു. സീറോ മലബാര്‍ ചാപ്ലിന്‍ ഫാ. സജി തോട്ടത്തിലും മറ്റു വൈദികരും സന്നിഹിതരാകുന്ന സമാപന സമ്മേളനത്തിന് സന്‍ഡര്‍ലാന്‍ഡിലെ മലയാളി കത്തോലിക്ക വിശ്വാസികള്‍ ആവേശപൂര്‍വ്വം കാത്തിരിക്കുന്നു.
തങ്ങള്‍ക്കു പൈതൃകമായി കിട്ടിയ വിശ്വാസത്തെ ഉയര്‍ത്തിപ്പിടിച്ച പാരമ്പര്യമാണ് കേരള ക്രൈസ്തവര്‍ക്ക്. സന്‍ഡര്‍ലാന്‍ഡിലെ മലയാളി കത്തോലിക്ക വിശ്വാസികള്‍ തങ്ങളുടെ വിശ്വാസവും പാരമ്പര്യവും ഉറക്കെ പ്രഖ്യാപിച്ചു കൊണ്ട് സഭയോടോത്തു ചിന്തിക്കുവാനും പ്രവര്‍ത്തിക്കുവാനും എന്നും ഇപ്പോഴും സമയം കണ്ടെത്താറുണ്ട്. സന്‍ഡര്‍ലാന്‍ഡ് സെ. ജോസഫ്‌സ് ഇടവകയോട് ചേര്‍ന്ന് നിന്നുകൊണ്ട് രൂപത സീറോ മലബാര്‍ ചാപ്ലിന്‍ ബഹു. ഫാ. സജി തോട്ടത്തിലിന്റെ നേതൃത്വത്തില്‍ മാര്‍ഗനിര്‍ദേശങ്ങള്‍ക്കനുസരിച്ച് എന്നും പ്രവര്‍ത്തിക്കുന്നു.
