Breaking News

അമ്മയുടെ മരണവാര്‍ത്ത അറിഞ്ഞ് നാട്ടിലെത്തിയ അയര്‍ലണ്ട് മലയാളി നിര്യാതനായി

അമ്മയുടെ മരണവാര്‍ത്ത അറിഞ്ഞ് നാട്ടിലെത്തിയ അയര്‍ലണ്ട് മലയാളി നിര്യാതനായി
August 31 17:49 2017 Print This Article

ഡബ്ലിന്‍ :ഡബ്ലിന്‍ മലയാളിയും,അയര്‍ലണ്ടിലെ സാമൂഹ്യ രാഷ്ട്രീയ മണ്ഡലങ്ങളില്‍ നിറസാന്നിധ്യവുമായിരുന്ന സണ്ണി എബ്രാഹം ഇളംകുളത്ത് (സണ്ണിച്ചേട്ടന്‍-57) നിര്യാതനായി.ശസ്ത്രക്രിയയെ തുടര്‍ന്ന് കേരളത്തില്‍ ചികിത്സയില്‍ ആയിരുന്ന സണ്ണി ഏബ്രാഹം ഇന്ന് വൈകിട്ട് ലോകത്തോട് വിട പറഞ്ഞത്.

ഡബ്ലിന്‍ മാറ്റര്‍ ഹോസ്പിറ്റലിലെ സ്റ്റാഫ് നഴ്സായ ജാന്‍സി സണ്ണിയാണ് ഭാര്യ. ഞീഴൂര്‍ നെടിയകാലയില്‍ കുടുംബാംഗമാണ് ജാന്‍സി.മക്കള്‍:സിഞ്ജു മോള്‍, സച്ചു, സഞ്ജു,  മൂന്നു പേരും ഡബ്ലിനില്‍ വിദ്യാര്‍ഥികളാണ്.

അയര്‍ലണ്ട് ക്‌നാനായ കത്തോലിക്കാ അസോസിയേഷന്റെ അമരക്കാരനായിരുന്ന സണ്ണി ,വേള്‍ഡ് മലയാളി കൌണ്‍സില്‍ അയര്‍ലണ്ട് പ്രൊവിന്‍സിന്റെ ട്രഷററായും,കേരളാ പ്രവാസി കോണ്‍ഗ്രസിന്റ പ്രവര്‍ത്തിച്ചു വരികയായിരുന്നു.

പത്തുവര്‍ഷക്കാലത്തിലേറെയായി ഡബ്ലിന്‍ മേഖലയിലെ നൂറുകണക്കിന് മലയാളികളുടെ ഡ്രൈവിംഗ് ഗുരുവും കൂടിയായിരുന്നു സണ്ണി എബ്രാഹം.

കോട്ടയം എസ് എയ്ച്ച് മൌണ്ട് ഇളം കുളത്ത് പരേതനായ മാത്തന്‍ എബ്രാഹമിന്റെ മകനായ സണ്ണി,മാതാവ് അന്നമ്മ എബ്രാഹ(92)മിന്റെ മരണവിവരമറിഞ്ഞാണ് ഓഗസ്റ്റ് 11 ന് കുടുംബ സമേതം കേരളത്തിലേയ്ക്ക് പോയത്.

സംസ്‌കാരം പിന്നീട്

സഹോദരങ്ങള്‍ :സൂസമ്മ ജോണ്‍ ,പരേതനായ മാത്യു (കുഞ്ഞച്ചന്‍ ),ജോണ്‍ , ത്രേസ്യാമ്മ ജോസ് ,മരിയ തോമസ് (അമേരിക്ക ),ജോസ് എബ്രാഹം(കോട്ടയം)



വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

Comments
view more articles

Related Articles

error: Content is protected !! Content right under MalayalamUK.com