രണ്ടാം അഭിഷേകാഗ്നി കണ്‍വെന്‍ഷന് ഒരുക്കമായി; റീജിയണല്‍ കണ്‍വെന്‍ഷനുകള്‍ ജൂണ്‍ 4 മുതല്‍

രണ്ടാം അഭിഷേകാഗ്നി കണ്‍വെന്‍ഷന് ഒരുക്കമായി; റീജിയണല്‍ കണ്‍വെന്‍ഷനുകള്‍ ജൂണ്‍ 4 മുതല്‍
May 27 05:07 2018 Print This Article

ഫാ. ബിജു കുന്നയ്ക്കാട്ട്, പിആര്‍ഒ

പ്രസ്റ്റണ്‍: ഗ്രേറ്റ് ബ്രിട്ടണ്‍ സീറോ മലബാര്‍ രൂപത ഒരുക്കുന്ന രണ്ടാം അഭിഷേകാഗ്നി കണ്‍വെഷന് ഒരുക്കമായി, റീജിയണല്‍ തലത്തില്‍ കണ്‍വെന്‍ഷനുകളും മധ്യസ്ഥ പ്രാര്‍ത്ഥനാ കൂട്ടായ്മകളും സംഘടിപ്പിക്കുന്നു. രൂപതയിലെ എട്ടു റീജിയണകളിലായി ജൂണ്‍ 4 മുതല്‍ 14 വരെയാണ് ഒരുക്കശുശ്രൂഷകള്‍. റവ. ഫാ. സോജി ഓലിക്കല്‍, റവ. ഫാ. ടെറിന്‍ മുള്ളക്കര, ബ്രദര്‍ സന്തോഷ് കരുമത്ര തുടങ്ങിയവര്‍ നേതൃത്വം നല്‍കുന്ന ശുശ്രൂഷകള്‍ ഒരേ സ്ഥലങ്ങളിലും വൈകീട്ട് 5.30 മുതല്‍ 9.30 വരെയാണ് ക്രമീകരിച്ചിരിക്കുന്നത്.

ജൂണ്‍ 4 തിങ്കളാഴ്ച്ച ലണ്ടന്‍, 5 ചൊവ്വ സൗത്താംപ്റ്റണ്‍, 6 ബുധന്‍ ബ്രിസ്റ്റോള്‍-കാര്‍ഡിഫ്, 7 വ്യാഴം കേംബ്രിഡ്ജ്, 11 തിങ്കള്‍ ഗ്ലാസ്‌ഗോ, 12 ചൊവ്വ പ്രസ്റ്റണ്‍, 13 ബുധന്‍ മാഞ്ചസ്റ്റര്‍, 14 വ്യാഴം കവന്‍ട്രി എന്നിവിടങ്ങളില്‍ നടക്കുന്ന ഏകദിന ഒരുക്കധ്യാനത്തിന് റവ. ഫാ. ജോസ് അന്ത്യാംകുളം എംസിബിഎസ്, റവ. ഫാ. ടോമി ചിറക്കല്‍ മണവാളന്‍, റവ. ഫാ. പോള്‍ വെട്ടിക്കാട്ട് സിഎസ്ടി, റവ. ഫാ. ഫിലിപ് പന്തമാക്കല്‍, റവ. ഫാ. ജോസഫ് വെമ്പാടുംന്തറ, റവ. ഫാ. മാത്യൂ ചൂരപൊയ്കയില്‍, റവ. ഫാ.സജിമോന്‍ മലയില്‍ പുത്തന്‍പുരയില്‍, റവ. ഫാ. ജയ്‌സണ്‍ കരിപ്പായി തുടങ്ങിയവര്‍ യഥാക്രമം വിവിധ സ്ഥലങ്ങളില്‍ ഏകദിന കണ്‍വെന്‍ഷന് ആതിഥ്യമരുളും.

രൂപതാധ്യക്ഷന്‍ മാര്‍ ജോസ്ഫ് സ്രാമ്പിക്കല്‍ അര്‍പ്പിക്കുന്ന വി. കുര്‍ബാനയോടെയായിരിക്കും ഒരോ ദിവസവും ശുശ്രൂഷകള്‍ ആരംഭിക്കുന്നത്. എല്ലാ റീജിയണുകളിലും പ്രാര്‍ത്ഥനാ കൂട്ടായ്മകള്‍ക്ക് നേതൃത്വം നല്‍കുന്ന എല്ലാവരുടെയും സാന്നിധ്യം അതാത് സ്ഥലത്തെ കണ്‍വെന്‍ഷനുകളില്‍ പ്രതീക്ഷിക്കുന്നതായി മാര്‍ ജോസഫ് സ്രാമ്പിക്കല്‍ പറഞ്ഞു. ഒക്ടോബറില്‍ നടക്കുന്ന രണ്ടാം അഭിഷേകാഗ്നി കണ്‍വെന്‍ഷന് നേതൃത്വം നല്‍കുന്നത് വചന പ്രഘോഷകനായ റവ. ഫാ. സേവ്യര്‍ ഖാന്‍ വാട്ടായില്‍ ആണ്.

ഏകദിന ഒരുക്ക കണ്‍വെന്‍ഷന്റെ കൂടുതല്‍ വിവരങ്ങള്‍ ചുവടെ;

  Categories:


വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മലയാളം യുകെയുടേതല്ല!

view more articles

Related Articles