ചേരുവകള്‍ മട്ടണ്‍:500ഗ്രാം (ഇടത്തരം കഷ്ണം എല്ലോടു കൂടിയത്) സബോള: 3 എണ്ണം വെളുത്തുള്ളി ഇഞ്ചി പേസ്റ്റ്: 2 ടീ സ്പൂണ്‍ ഫ്രഷ് തക്കാളി പേസ്റ്റ് ആക്കിയത്: 4 എണ്ണം ബദാം ചൂടുവെള്ളത്തില്‍ കുതിര്‍ത് പേസ്റ്റ് ആക്കിയത് ഈന്ത പഴം കുരു കളഞ്ഞത്: 100 ഗ്രാം ഗരം മസാല: 1 ടീസ്പൂണ്‍ മഞ്ഞ പൊടി: 1 ടീസ്പൂണ്‍ മല്ലി പൊടി: 1 ടീസ്പൂണ്‍ മല്ലിയില അരിഞ്ഞത്: അര കപ്പ് കാരറ്റ് ചതുരത്തില്‍ അരിഞ്ഞത്: 2 എണ്ണം കിഴങ്ങ് ചതുരത്തില്‍ അരിഞ്ഞത്: 2 എണ്ണം കറുവപ്പട്ട: ഒരു ചെറിയ പീസ് ഏലക്ക: 4 എണ്ണം ബേ ലീവ്‌സ്: 2 തണ്ട് ഉണക്കനാരങ്ങ: 2 എണ്ണം ബട്ടര്‍: 50 ഗ്രാം ഉപ്പ് ആവശ്യത്തിന് പാചകം ചെയ്യുന്ന വിധം പാനില്‍ ബട്ടര്‍ ഉരുക്കി കറുവപ്പട്ട, ഏലക്ക, ബേ ലീവ്‌സ് എന്നീ ചേരുവകള്‍ ഇടുക. ഇതിലേക്ക് അരിഞ്ഞു വെച്ച ഉള്ളി ഇടുക നന്നായി ഇളക്കി ഗോള്‍ഡന്‍ബ്രൗണ്‍ നിറം ആകുമ്പോള്‍ വെളുത്തുള്ളി ഇഞ്ചി പേസ്റ്റ് ചേര്‍ത്ത് അടിയില്‍ പിടിക്കാതെ ഇളക്കുക. ഇതിലേക്ക് ഗരം മസാല, മഞ്ഞപ്പൊടി, മല്ലിപ്പൊടി എന്നീ ചേരുവകള്‍ ചേര്‍ത്തു ഇളക്കുക. തീ നന്നായി കുറയ്ക്കുക. അതിനു ശേഷം കഴുകി വെച്ച മട്ടണ്‍ ഇതിലേക്കിട്ട് ഇളക്കുക ഫ്രഷ് തക്കാളി പേസ്റ്റ് ചേര്‍ത്ത്10 മിനിട്ട് മൂടിവെക്കുക. അതിനു ശേഷം ചതുരത്തില്‍ അരിഞ്ഞ ക്യാരറ്റും കിഴങ്ങും ഇട്ട് ഡ്രൈ ലെമണും കൂടെ ചേര്‍ക്കുക ഉപ്പ് വെള്ളം എന്നിവ അവശ്യത്തിനു ചേര്‍ക്കുക. മട്ടണ്‍ പകുതി വേവായതിനു ശേഷം അരച്ചുവെച്ച ബദാം പേസ്റ്റ് ചേര്‍ക്കുക മട്ടണ്‍ വെന്ത് പരുവം ആകുമ്പോള്‍ ഈന്തപ്പഴം ചേര്‍ത്തു കറി ഇറക്കിവെക്കാം, മല്ലിയില ചേര്‍ത്തു വൈറ്റ് റൈസ്‌നൊപ്പമോ ചപ്പാത്തിക്കൊപ്പൊമോ വിളമ്പാം. ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്. ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക