ചീഫ് ജസ്റ്റിസിനെതിരെ അതൃപതി അറിയിച്ച് ജഡ്ജിമാരുടെ വാര്‍ത്താസമ്മേളനം; സുപ്രീം കോടതിയില്‍ നാടകീയ സംഭവങ്ങള്‍

by News Desk 5 | January 12, 2018 7:30 am

ന്യൂഡല്‍ഹി: ചീഫ് ജസ്റ്റിസിനെതിരെ അതൃപ്തി അറിയിച്ച് സുപ്രീം കോടതി ജഡ്ജിമാരുടെ വാര്‍ത്താ സമ്മേളനം. ജസ്റ്റിസുമാരായ ജെ. ചെലമേശ്വര്‍, രഞ്ജന്‍ ഗൊഗോയ്, മദന്‍ ബി. ലോകൂര്‍, കുര്യന്‍ ജോസഫ് എന്നിവരാണ് വാര്‍ത്താസമ്മേളനം നടത്തിയത്. ഇപ്പോള്‍ നടക്കുന്നത് അസാധാരണ സംഭവമാണെന്നും സുപ്രീം കോടതിയുടെ പ്രവര്‍ത്തനം ക്രമരഹിതമായാണെന്നും ജസ്റ്റിസ് ചെലമേശ്വര്‍ ആരോപിച്ചു. കോടതി ശരിയായി പ്രവര്‍ത്തിച്ചില്ലെങ്കില്‍ ജനാധിപത്യം തകരുമെന്നും അദ്ദേഹം പറഞ്ഞു. ചീഫ് ജസ്റ്റിസിനെ ഇംപീച്ച് ചെയ്യുന്ന കാര്യം രാജ്യം തീരുമാനിക്കട്ടെയെന്നും ചെലമേശ്വര്‍ പറഞ്ഞു. ഇന്ത്യയുടെ നീതിന്യായ ചരിത്രത്തില്‍ ഇത്തരമൊരു സംഭവം ആദ്യമാണെന്ന് ചൂണ്ടിക്കാണിക്കപ്പെടുന്നു.

ചീഫ് ജസ്റ്റിസ് ദീപക് മിശ്രയുമായി രാവിലെ നടത്തിയ ചര്‍ച്ചയും പരാജയപ്പെട്ടു. എല്ലാ ശ്രമങ്ങളും പരാജയപ്പെട്ട സാഹചര്യത്തിലാണ് ജനങ്ങള്‍ക്ക് മുന്നിലെത്തുന്നതെന്നും രാജ്യത്തോടും കോടതിയോടുമാണ് തങ്ങള്‍ക്ക് ഉത്തരവാദിത്തമെന്നും ജസ്റ്റിസ് ചെലമേശ്വര്‍ പറഞ്ഞു. രണ്ട് കോടതികളുടെ പ്രവര്‍ത്തനം നിര്‍ത്തിവെച്ചുകൊണ്ടാണ് ജഡ്ജിമാര്‍ പുറത്തിറങ്ങി വാര്‍ത്താ സമ്മേളനം നടത്തിയത്.

നീതിന്യായ വ്യവസ്ഥയെ സംരക്ഷിക്കുന്നതിന് ആവശ്യമായ നടപടികളെടുക്കണമെന്ന് ചീഫ് ജസ്റ്റിസിനോട് ആവശ്യപ്പെട്ടിരുന്നെങ്കിലും അദ്ദേഹം അത് അംഗീകരിച്ചില്ല. ഒരു കാര്യം ശരിയായ രീതിയില്‍ ചെയ്യണമെന്ന് ഞങ്ങള്‍ ആവശ്യപ്പെട്ടു. എന്നാല്‍ അതിന് അദ്ദേഹം തയാറായില്ല. എല്ലാ വിവരങ്ങളും വിശദീകരിച്ച് ചീഫ് ജസ്റ്റിസിന് രണ്ടുമാസം മുന്‍പ് കത്തു നല്‍കിയിരുന്നു. ജനാധിപത്യത്തിന്റെ നിലനില്‍പ്പിനായി പക്ഷപാതരഹിതമായ ജഡ്ജിയും നീതിന്യായ വ്യവസ്ഥയുമാണ് വേണ്ടതെന്നും ചെലമേശ്വര്‍ പറഞ്ഞു. രാജ്യത്തോടു ഞങ്ങള്‍ക്കുള്ള കടപ്പാട് നിര്‍വഹിക്കണമെന്ന് ജസ്റ്റിസ് രഞ്ജന്‍ ഗെഗോയും പറഞ്ഞു.

Endnotes:
  1. അസഹിഷ്ണുതയുടെ കാവി രാഷ്ട്രീയം; കുടപിടിക്കാന്‍ ജുഡീഷ്യറിയും; മാസാന്ത്യാവലോകനം: http://malayalamuk.com/sanghaparivar-politics-and-indian-judiciary/
  2. മുസ്ലീം വ്യക്തി നിയമത്തെ ചോദ്യം ചെയ്യാന്‍ സുപ്രീം കോടതിയ്ക്ക് കഴിയില്ലെന്ന് മുസ്ലീം സംഘടന: http://malayalamuk.com/muslim-law/
  3. സുപ്രീം കോടതി ജഡ്ജിമാര്‍ക്കിടയില്‍ വീണ്ടും ഭിന്നത; ഭൂമി ഏറ്റെടുക്കല്‍ കേസുമായി ബന്ധപ്പെട്ടാണ് പുതിയ ഭിന്നത രൂപപ്പെട്ടിരിക്കുന്നത്: http://malayalamuk.com/supreme-court-benches-fight-each-other-in-court/
  4. ചിട്ടിയില്‍ കുടുങ്ങി പണം നഷ്ടമായ യുകെ മലയാളികള്‍ക്ക് ആശ്വാസമായി ലെസ്റ്റര്‍ കോടതിയുടെ വിധി, മുഴുവന്‍ ചിട്ടിപ്പണവും കോടതിചെലവും നല്‍കണമെന്ന് കോടതി: http://malayalamuk.com/leicester-chitty-case/
  5. ജെഎന്‍യു കേസ് പരിഗണിക്കുന്നതിനിടെ സുപ്രീം കോടതിയില്‍ വന്ദേമാതരം വിളിച്ച അഭിഭാഷകന്‍ ഇറങ്ങിയോടി: http://malayalamuk.com/lawyers-chant-vande-mataram-in-sc-during-delhi-court-violence-hearing/
  6. പരസ്യ വിമര്‍ശനം ഉന്നയിച്ച ജഡ്ജിമാരെ ഒഴിവാക്കി ഭരണഘടനാ ബഞ്ച് പുന:സംഘടിപ്പിച്ചു. തീരുമാനം ചീഫ് ജസ്റ്റിസിന്റേത്: http://malayalamuk.com/constitutional-bench/

Source URL: http://malayalamuk.com/top-judges-take-on-chief-justice/