ലെസ്റ്റര്‍: യു.കെ ക്നാനായ കാത്തലിക് അസോസിയേഷന്റെ മിഡ്ലാന്‍ഡ്സ് റീജിയണല്‍ പ്രവര്‍ത്തനോദ്ഘാടനവും ലെസ്റ്റര്‍ യൂണിറ്റ് ദശാബ്ദിയാഘോഷങ്ങളും സംയുക്തമായി ഈ മാസം 22-ന് ലെസ്റ്ററില്‍ നടത്തപ്പെടും. ലെസ്റ്ററിലെ മദര്‍ ഓഫ് ചര്‍ച്ചില്‍ രാവിലെ പതിനൊന്നിന് ദിവ്യബലിയോടെയാണ് ലെസ്റ്റര്‍ യൂണിറ്റ് ദശാബ്ദിയും മിഡ്ലാന്‍ഡ്സ് റീജിയണല്‍ പ്രവര്‍ത്തനോദ്ഘാടനവും ആരംഭിക്കുന്നത്.
തുടര്‍ന്ന് ഉച്ചക്കഴിഞ്ഞ് ഒന്നരയ്ക്ക് പൊതുസമ്മേളനം ആരംഭിക്കും. തദവസരത്തില്‍ ലെസ്റ്റര്‍ യൂണിറ്റ് ദശാബ്ദിയാഘോഷത്തിനും മിഡ്ലാന്‍ഡ്സ് റീജയണ്‍ പ്രവര്‍ത്തനോദ്ഘാടനത്തിനും തിരി തെളിയും. ഉച്ചകഴിഞ്ഞ് 2.30-ന് മിഡ്ലാന്‍ഡ്സ് റീജിയണല്‍ യൂണിറ്റുകളുടെ നടവിളി മത്സരം നടത്തപ്പെടും. മിഡ്ലാന്‍ഡ്സ് റീജിയണ്‍ യൂണിറ്റുകളായ ബര്‍മിങ്ങ്ഹാം, കവന്‍ട്രി, നോട്ടിംങ്ങ്ഹാം, വൂസ്റ്റര്‍, ഡെര്‍ബി, ലെസ്റ്റര്‍, കെറ്ററിങ്ങ്, ഓക്സ്ഫോര്‍ഡ് എന്നീ യൂണിറ്റുകളുടെ വിവിധ കലാപരിപാടികള്‍ അരങ്ങേറും.
Leave a Reply