കുണ്ടറയിൽ പത്ത് വയസുകാരി ലൈംഗീകമായി പീഡിപ്പിക്കപ്പെട്ട് മരിച്ച സംഭവത്തിൽ അറസ്റ്റിലായ കുട്ടിയുടെ മുത്തച്ഛൻ വിക്ടറിനെതിരെ വീണ്ടും കൊലപാതക ആരോപണം. 2010 ൽ മരിച്ച പതിനാലുകാരന്റെ അമ്മയാണ് വിക്ടറിനെതിരെ പരാതി നൽകിയത്.
വിക്ടറും മകനും ചേർന്ന് അയൽവാസിയായ കുട്ടിയെ കൊലപ്പെടുത്തിയെന്നാണ് കുട്ടിയുടെ അമ്മയുടെ പരാതി. പരാതിയുടെ അടിസ്ഥാനത്തിൽ കേസ് അന്വേഷിക്കുമെന്ന് പൊലീസ് ഉദ്യോഗസ്ഥർ അറിയിച്ചു. അതേസമയം വിക്ടർ മറ്റൊരു പെൺകുട്ടിയേയും പീഡിപ്പിച്ചതായി പരാതി ലഭിച്ചു. പതിമൂന്ന് കാരിയായ ബന്ധുവായ പെൺകുട്ടിയാണ് പീഡനത്തിനിരയായത്.