ബേസില്‍ ജോസഫ്

ചേരുവകള്‍

ചിക്കന്‍- 1 ബ്രെസ്റ്റ്
ചെറി തക്കാളി-2 എണ്ണം
ലെറ്റൂസ്-4 ഇല
ബ്രഡ് ക്രൂടോണ്‍സ്- 10 എണ്ണം
ചീസ് -50 ഗ്രാം (ഗ്രേറ്റ് ചെയ്തത് )
ഉപ്പ്- ആവശ്യത്തിന്

മസാലയ്ക്ക്

ഗരം മസാല- കാല്‍ ടേബിള്‍ സ്പൂണ്‍
ജീരകപ്പൊടി- കാല്‍ ടേബിള്‍ സ്പൂണ്‍
മുളകുപൊടി- കാല്‍ ടേബിള്‍ സ്പൂണ്‍
ഉലുവപ്പൊടി-ഒരു നുള്ള്
മഞ്ഞള്‍പ്പൊടി-ഒരു നുള്ള്

പാചകം ചെയ്യുന്ന വിധം

മസാലകള്‍ എല്ലാം കൂടി ആവശ്യത്തിന് ഉപ്പും വെള്ളവും ചേര്‍ത്ത് ഒരു പേസ്റ്റ് ആക്കി എടുത്ത് ചിക്കന്‍ ബ്രെസ്റ്റില്‍ മാരിനേറ്റ് ചെയ്തു വയ്ക്കുക. ഒരു പാനില്‍ അല്‍പം ഓയില്‍ ചൂടാക്കി ചിക്കന്‍ ബ്രെസ്റ്റ് ചെറുതീയില്‍ നന്നായി കുക്ക് ചെയ്‌തെടുക്കുക (ഓവനില്‍ വച്ച് ഗ്രില്‍ ചെയ്താലും മതി). ലെറ്റൂസ്, ചെറി തക്കാളി എന്നിവ നന്നായി കഴുകി എടുത്തു വയ്ക്കുക. ചെറി തക്കാളി പകുതിയായി മുറിച്ചു ലെറ്റിയൂസിന്റെ ഇലകളൂം ബ്രഡ് ക്രൂടോണ്‍സും ആയി ചേര്‍ത്ത് മിക്‌സ് ചെയ്യുക. ഒരു സാലഡ് പ്ലേറ്റിലേയ്ക്കു മാറ്റി ഇതിലേയ്ക്കു ഗ്രേറ്റ് ചെയ്ത് വച്ചിരിക്കുന്ന ചീസ് ചേര്‍ക്കുക. കുക്ക് ചെയ്തു വച്ചിരിക്കുന്ന ചിക്കന്‍ ബ്രെസ്റ്റ് സ്ലൈസ് ചെയ്ത് നിരത്തിയിരിക്കുന്ന സാലഡിനു മുകളില്‍ വച്ച് സെര്‍വ് ചെയ്യുക.

 

ഹോട്ടല്‍ മാനേജ്മെന്‍റ് ബിരുദ ധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.