ടോമിച്ചന്‍ കൊഴുവനാല്‍
വോക്കിംഗ് മലയാളി അസോസിയേഷന്‍റെ അഭ്യമുഖ്യത്തില്‍ നടന്ന ക്രിസ്തുമസ് പുതുവത്സര ആഘോഷം മുന്‍ വര്‍ഷങ്ങളിലെ ആഘോഷങ്ങളെയെല്ലാം കടത്തി വെട്ടി അതിഗംഭീരമായി മാറി . അസോസിയേഷന്‍ ഭാരവാഹികള്‍ പ്രതീക്ഷിച്ചതിലും വലിയ ഒരു ജന പങ്കാളിത്തം ആയിരുന്നു ഈ വര്‍ഷത്തെ ആഘോഷ പരിപാടിക്ക് . കഴിഞ്ഞ വര്‍ഷത്തെ കമ്മിറ്റിയും പുതിയ ഭരണ സമിതിയും സംയുക്തമായി നടത്തിയ ആഘോഷ പരിപാടി അസോസിയേഷന്‍ പ്രസിഡണ്ട് വര്‍ഗീസ് ജോണിന്‍റെ അദ്ധ്യക്ഷതയില്‍ ചേര്‍ന്ന യോഗത്തില്‍ യുക്മ നാഷണല്‍ ട്രഷറര്‍ ഷാജി തോമസ് ഉദ്ഘാടനം ചെയ്തു . നേപ്പാള്‍ കമ്മ്യുണിറ്റിയുടെ പ്രതിനിധി രാജ് ഷെട്ടി മുഖ്യ പ്രഭാഷണം നടത്തി . മുന് പ്രസിഡന്റ് അഗസ്റ്റിന്‍ ജോസഫ് ക്രിസ്തുമസ് കേക്ക് മുറിച്ച് , കേക്കും വൈനും അംഗങ്ങള്‍ക്ക് പങ്കു വച്ചതോടെ ആഘോഷ പരിപാടികള്‍ക്ക് തുടക്കമായി .

woking2

പ്രോഗ്രാം കോര്‍ഡിനേറ്റര്‍ ഡോ. സുഹാസ് ഹൈദ്രോസിന്‍റെയും , വൈസ് പ്രസിഡന്റ് ബിനു തോമസ്, ട്രഷറര്‍ സ്മൃതി ജോര്‍ജ് , ജോയിന്റ് സെക്രട്ടറി ബിന്‍സി അരുണ്‍ , ആര്‍ട്സ് കോര്‍ഡിനേറ്റര്‍ അമ്പിളി സോണി  മറ്റു ഭാരവാഹികള്‍ എന്നിവരുടെ കരവിരുതില്‍ സമയ ബന്ധിതമായി സ്റ്റേജില്‍ അവതരിപ്പിക്കപ്പെട്ട വ്യത്യസ്തത യാര്‍ന്ന കലാ പരിപാടികള്‍ ആയിരുന്നു ആഘോഷ പരിപാടിയില്‍ ശ്രദ്ധേയമായി മാറിയത് . ആഘോഷ വേദിയില്‍ ഈശ്വര പ്രാര്‍ത്ഥന മുതല്‍ അവസാനം അവതരിപ്പിച്ച കരോള്‍ ഗാനം വരെ എല്ലാ പരിപാടികളും നിലക്കാത്ത കയ്യടിയോടെയാണ് അംഗങ്ങള്‍ ഏറ്റുവാങ്ങിയത് .

woking3

‘സീക്രട്ട് സാന്ത ‘ പരിപാടിയില്‍ പങ്കെടുത്ത എഴുപതിലധികം കുട്ടികള്‍ സമ്മാനങ്ങള്‍ പരസ്പരം കൈമാറുന്ന പുതുമയാര്‍ന്ന പരിപാടിയും,വിഭവ സമൃദ്ധമായ ക്രിസ്തുമസ് വിരുന്നും , കൂടാതെ കുട്ടികള്‍ അവതരിപ്പിച്ച നേറ്റിവിറ്റി ഷോയുമായിരുന്നു ആഘോഷ പരിപാടിയിലെ മുഖ്യ ആകര്‍ഷണ കേന്ദ്രം . അസോസിയേഷന്‍റെ ഈ വര്ഷത്തെ ക്രിസ്തുമസ് പുതുവത്സര ആഘോഷ പരിപാടി ഒരു വന്‍ വിജയമാക്കാന്‍ സഹകരിച്ച എല്ലാവര്‍ക്കും അസോസിയേഷന്‍ പ്രസിഡണ്ട് വര്‍ഗീസ് ജോണ്‍ നന്ദി അറിയിച്ചു .

woking4

woking5

woking6