ബിരിയാണിയുടെ മണം പരക്കുന്നു; ഇന്ത്യൻ ഹോട്ടലിന്​ യു.കെ കോടതിയുടെ പിഴ

by News Desk 1 | April 30, 2017 12:06 pm

ഇന്ത്യക്കാരുടെ ഇഷ്ടഭക്ഷണം ആണ് ബിരിയാണി .ബിരിയാണിയുടെ മണം കേട്ടാല്‍ തന്നെ നാവില്‍ കപ്പല്‍ ഓടും. പക്ഷെ ഇതൊന്നും യു കെയില്‍ പറ്റില്ല. ബിരിയാണി മണം പരക്കുന്നത് മറ്റുള്ളവര്‍ക്ക്  ശല്യം ആയെന്നു കാണിച്ചു  ഹോട്ടലുടമകളായ ഇന്ത്യൻ ദമ്പതിമാർക്ക്​ യു.കെ കോടതി പിഴയിട്ടു.

അയൽ വാസികളുടെ പരാതിയെ തുടർന്നാണ്​ പിഴ ഇൗടാക്കിയത്​. ലണ്ടനിലെ ഖുശി ഇന്ത്യൻ ബുഫേ റസ്​റ്റോറൻറ്​ ഉടമകളായ ഷബാനക്കും മുഹമ്മദ്​ ഖുശിക്കുമാണ്​ പിഴ ശിക്ഷ ലഭിച്ചത്​. പഞ്ചാബി ഭക്ഷണങ്ങളാണ്​ ഇവിടെ ഉണ്ടാക്കുന്നത്​. ജനവാസ മേഖലയിൽ പ്രവർത്തിക്കുന്ന റസ്​റ്റോറൻറിൽ നിന്ന്​ ബിരിയാണിയുടെയും കറികളുടെയും രൂക്ഷ ഗന്ധം പരക്കുന്നുവെന്നാണ്​ പരാതി. മസാലകൾ ചേർന്ന വായു  വസ്​ത്രങ്ങളിലെല്ലാം പറ്റിപ്പിടിക്കുന്നതിനാൽ ഇടയ്ക്കിടെ വസ്​ത്രങ്ങൾ കഴുകേണ്ട അവസ്​ഥ ഉണ്ടാകുന്നുവെന്നും ചില അയൽവാസികൾ പരാതി നൽകിയിരുന്നു.

റസ്​റ്റോറൻറിന്​ ഉചിതമായ ഫിൽട്ടറേഷൻ സംവിധാനമില്ലാത്തതിനാലാണ്​ ഇങ്ങനെ സംഭവിച്ചതെന്ന്​ കോടതി നിരീക്ഷിച്ചു. അതിനാൽ ഉടമസ്​ഥർ പിഴയടക്കണമെന്നും വിധിച്ചു. ഇരുവരും 258 പൗണ്ട്​ വീതമാണ്​ പിഴയടക്കേണ്ടത്​.എന്നാൽ മുമ്പ്​ പൊതു മദ്യശാലയായിരുന്ന കെട്ടിടത്തിലാണ്​റസ്​റ്റോറൻറ്​ പ്രവർത്തിക്കുന്നത്​. അതിനാൽ പുതിയ അനുമതി വേണ്ടിയിരുന്നില്ല. അതു​കൊണ്ടാണ് ​ഫിൽട്ടറുകൾ വേണ്ടതിനെ കുറിച്ച്​ ഇവർ അറിയാതിരുന്നതെന്ന്​ ഹോട്ടലുടമകൾക്ക്​വേണ്ടി ഹാജരായ അഭിഭാഷകൻ ബോധിപ്പിച്ചു. ഏഷ്യൻ റെസ്​റ്റോറൻറുകൾക്ക്​ അടുക്കള തയാറാക്കി നൽകുന്ന കമ്പനിയാണ്​ ഇൗ കടക്കും അടുക്കള ശരിയാക്കിയത്​. അതിനാൽ ശരിയായ രീതിയിലാണ്​ ഇവ പ്രവർത്തിക്കുന്നതെന്ന്​ കരുതിയതായും ഉടമകൾക്ക്​ വേണ്ടി വക്കീൽ കോടതിയെ അറിയിച്ചു. അതേസമയം കറികളുടെ മണം തങ്ങൾക്ക്​ പ്രശ്​നമുണ്ടാക്കുന്നില്ലെന്ന്​ പ്രദേശത്തെ മറ്റു ചില ബിസിനസുകാർ ജഡ്​ജിയെ അറിയിച്ചിരുന്നു.

എന്നാൽ നല്ല അയൽക്കാരാകാനാണ്​ തങ്ങൾ ശ്രമിച്ചതെന്നും വളരെക്കുറച്ചുപേർ  തങ്ങളെ വേട്ടയാടുകയായിരുന്നുവെന്നും ഉടമകളിലൊരാളായ ഷബാന പറഞ്ഞു. ഭൂരിപക്ഷം പേർക്കും കറികളുടെ മണംകൊണ്ട്​ ബുദ്ധിമുട്ട്​ ഉണ്ടാകുന്നില്ല. റെസ്​റ്റോറൻറിൽ കയറുന്നതുവരെ അവർ ഇത്തരം ഗന്ധങ്ങൾ അറിയുന്നുപോലുമില്ലെന്നും  ഷബാന പറഞ്ഞു.

Endnotes:
  1. രോഗംബാധിച്ച് അഞ്ചാംദിവസം ഏത് തരം കൊവിഡ് രോഗമാണെന്ന് വ്യക്തമാവും; കോവിഡിന്റെ ഗുരുതരാവസ്ഥ, ലക്ഷണം നോക്കി തിരിച്ചറിയാം…..: https://malayalamuk.com/kovids-seriousness-can-be-identified-by-looking-at-the-symptoms/
  2. ക്വാറന്റൈൻ ലംഘിക്കുന്നവർക്ക് വൻ പിഴ. അതുമാത്രമല്ല, ഒട്ടേറെ പുതിയ നിയമങ്ങളുമായി സർക്കാർ ; നിയന്ത്രണങ്ങൾ കർശനമാക്കുന്നു. ഇന്നലെ രോഗം സ്ഥിരീകരിച്ചത് 4,044 പേർക്ക്: https://malayalamuk.com/fines-for-quarantine-violators/
  3. മീന്‍ മണം ഓക്കാനമുണ്ടാക്കുന്നുവോ ? ശശി തരൂരിന്റെ ട്വീറ്റ് വിവാദത്തിൽ; പ്രതിക്ഷേധം, പ്രസ്താവന പിന്‍വലിക്കണമെന്ന് ആവശ്യം: https://malayalamuk.com/social-media-against-sasi-tharoor-mp/
  4. ശമ്പള വർദ്ധനവിനെതിരെ മാഞ്ചസ്റ്ററിൽ പ്രതിഷേധം സംഘടിപ്പിച്ച എൻഎച്ച്എസ് നേഴ്സ് കാരെൻ റെയ്‌സ്മാന് 10,000 പൗണ്ട് പിഴ. സാമൂഹിക അകലം പാലിച്ച് പ്രതിഷേധം നടത്തിയിട്ടും പിഴ ചുമത്തിയ പോലീസ് നടപടിയ്ക്കെതിരെ റെയ്‌സ്മാൻ. കേസ് ഹൈക്കോടതിയിലേയ്ക്ക്: https://malayalamuk.com/nhs-employee-karen-reyesman-fined-10000-pound/
  5. മരട് ഫ്ലാറ്റുകൾ രണ്ടാഴ്ചയ്ക്കകം പൊളിക്കണം; സുപ്രീം കോടതിയുടെ അന്ത്യശാസനം: https://malayalamuk.com/sc-refuses-to-extend-deadline-for-demolishing-flats/
  6. കോഴിക്കോട് പേരാമ്പ്ര സ്വകാര്യ ബസ് സ്റ്റാൻഡിൽ ബോംബ് സ്ഫോടനം: https://malayalamuk.com/kozhikode-perambra-bus-stand-bomb-blast/

Source URL: https://malayalamuk.com/biriyani-smell-uk-courts-case/