കന്യാസ്ത്രീ പീഡനക്കേസ് തെളിവെടുപ്പ് ഇന്ന്; ഫ്രാങ്കോ മുളയ്ക്കലിനെ പീഡനം നടന്ന കുറവിലങ്ങാട് മഠത്തിലെത്തിക്കും; കനത്ത സുരക്ഷ

by News Desk 1 | September 23, 2018 5:39 am

കോട്ടയം: കന്യാസ്ത്രീ പീഡനക്കേസിന്റെ തെളിവെടുപ്പ് ഇന്ന് ആരംഭിക്കും. പ്രതിയായ മുന്‍ ജലന്ധര്‍ ബിഷപ്പ് ഫ്രാങ്കോ മുളയ്ക്കലിനെ പീഡനം നടന്ന കുറവിലങ്ങാട് മഠത്തിലെത്തിച്ചായിരിക്കും തെളിവെടുപ്പ്. നിലവില്‍ പരാതിക്കാരി ഉള്‍പ്പെടെ മഠത്തില്‍ താമസിക്കുന്ന എല്ലാവരെയും മാറ്റിയ ശേഷമായിരിക്കും തെളിവെടുപ്പ്. മഠത്തിലെ 20ാം നമ്പര്‍ മുറിയില്‍ വെച്ചാണ് ഫ്രാങ്കോ പീഡനത്തിന് ഇരയാക്കിയതെന്ന് കന്യാസ്ത്രീയുടെ പരാതിയില്‍ പറയുന്നുണ്ട്. ഈ മുറിയിലായിരിക്കും തെളിവെടുപ്പ് നടക്കുക.

നാളെ ഉച്ചവരെയാണ് ഫ്രാങ്കോയെ പോലീസ് കസ്റ്റഡിയില്‍ തുടരാന്‍ കോടതി അനുവദിച്ചിരിക്കുന്നത്. അതിനാല്‍ എത്രയും വേഗത്തില്‍ തെളിവെടുപ്പ് നടത്താനായിരിക്കും പോലീസ് ശ്രമിക്കുക. കുറവിലങ്ങാട് മഠത്തിലും പരിസര പ്രദേശങ്ങളിലും കനത്ത സുരക്ഷയാണ് പോലീസ് ഏര്‍പ്പെടുത്തിയിരിക്കുന്നത്. അനിഷ്ട സംഭവങ്ങള്‍ ഉണ്ടാവാതിരിക്കാനുള്ള എല്ലാ നടപടികളും സ്വീകരിച്ചതായി പോലീസ് അറിയിച്ചിട്ടുണ്ട്.

പീഡനം നടന്ന 2014 2016 കാലയളവില്‍ ബിഷപ് ഉപയോഗിച്ച മൊബൈല്‍ ഫോണ്‍, വസ്ത്രങ്ങള്‍, ലാപ്‌ടോപ് എന്നിവ വീണ്ടെടുക്കാനുള്ള ശ്രമത്തിലാണ് അന്വേഷണ ഉദ്യോഗസ്ഥര്‍. ഫോണ്‍ ലഭിച്ചാല്‍ കൂടുതല്‍ ശാസ്ത്രീയ രേഖകള്‍ ലഭിക്കുമെന്നാണ് പ്രതീക്ഷ. അതേസമയം നാളെ ഉച്ചയ്ക്ക് ഫ്രാങ്കോയെ കോടതിയില്‍ ഹാജരാക്കേണ്ടി വരും. നാളെ ജാമ്യ ഹരജി കോടതി പരിഗണിക്കാനാണ് സാധ്യത. പോലീസ് ക്ലബില്‍ നിന്ന് ഫ്രാങ്കോയുമായി അന്വേഷണ സംഘം കുറവിലങ്ങാടേക്ക് പുറപ്പെട്ടിട്ടുണ്ട്.

Endnotes:
  1. കന്യാസ്ത്രീകള്‍ നടത്തിയ സമരം ലോകചരിത്രം തന്നെ തിരുത്തിക്കുറിച്ചത് ; ബിഷപ്പ് ഫ്രാങ്കോ കുടുങ്ങിയവഴികളിലൂടെ…: https://malayalamuk.com/franco-bishop-arrested-way/
  2. ഉമിനീര്‍, രക്തസാംപിളുകള്‍ ബലമായി ശേഖരിച്ചു, പോലീസിനെതിരെ കോടതിയില്‍ ബിഷപ്പ്; ന്യായീകരണങ്ങള്‍ കൂടുതല്‍ വെട്ടിലാക്കി, അവസാന നിമിഷം വരെ പൊരുതിയ ഫ്രാങ്കോയെ കുടുക്കിയത് പ്രകൃതിവിരുദ്ധ പീഡന ചോദ്യം ?: https://malayalamuk.com/nun-rape-case-remand-report/
  3. പീഡനം, പ്രകൃതി വിരുദ്ധ പീഡനം…. കുരുക്ക് മുറുകുന്നു; കന്യാസ്ത്രീയുടെ രഹസ്യമൊഴി ഇന്ന്, ബിഷപ്പ് ഫ്രാങ്കോ മുളയ്ക്കലിനെ അറസ്റ്റ് ചെയ്തേക്കും…: https://malayalamuk.com/bishop-nun-statement-followup/
  4. ജലന്തര്‍ ബിഷപ്പ് കന്യാസ്ത്രീയെ ലൈംഗികമായി പീഡിപ്പിച്ചെന്ന് സ്ഥിരീകരിച്ച് പൊലീസ്; ബിഷപ്പ് ഫ്രാങ്കോ മുളയ്ക്കലിനെ അറസ്റ്റ് ചെയ്യാനൊരുങ്ങി പോലീസ്: https://malayalamuk.com/police-will-arrest-bishop-franco-soon/
  5. ജലന്ധര്‍ ബിഷപ്പിനെതിരായ ലൈംഗികാരോപണം: കര്‍ദിനാളിന്റെ മൊഴിയെടുക്കും. കേസ് ഒതുക്കി തീര്‍ക്കാന്‍ സഭാധികൃതരുടെ നീക്കം: https://malayalamuk.com/police-enquiry-on-franco-mulakal-case/
  6. ‘കാരാഗൃഹത്തിലുള്ളവരെ സന്ദര്‍ശിക്കുന്നത് സുവിശേഷ ശുശ്രൂഷ’….; ബിഷപ്പുമാർക്കു പിന്നാലെ ഫ്രാങ്കോയെ ജയിലിൽ സന്ദര്‍ശിച്ചു മാണിയും…..: https://malayalamuk.com/km-mani-visits-franco-mulakkal/

Source URL: https://malayalamuk.com/bishop-franco-mulakkal-police-examination-jalandhar-nun-rape-case/