ഉണ്ണികൃഷ്ണൻ ബാലൻ

സമീക്ഷ യുകെ യുടെ ആറാമത് ദേശീയ സമ്മേളനത്തിന്റെ ഭാഗമായി എക്സിറ്റർ ബ്രാഞ്ച് സമ്മേളനം ഏപ്രിൽ 1 ശനിയാഴ്ച്ച വൈകിട്ട് 5 മണിക്ക് ദേശിയ ട്രഷറർ. ശ്രീമതി രാജി ഷാജിയുടെ അദ്ധ്യഷതയിൽ നടന്നു. സമീക്ഷ യുകെ ദേശീയ പ്രസിഡന്റ് ശ്രീ. ശ്രീകുമാർ ഉള്ളപ്പിള്ളിൽ സമ്മേളനം ഉത്‌ഘാടനം ചെയ്യ്തു. സംഘടനയുടെ പ്രവർത്തനങ്ങളെക്കുറിച്ചും അതിൽ ബ്രാഞ്ചിന്റെ പങ്കാളിത്തത്തെ കുറിച്ചും ഉത്ഘാടന പ്രസംഗത്തിൽ അദ്ദേഹം വിവരിച്ചു.

ബ്രാഞ്ച് പ്രസിഡന്റ് ജസ്റ്റിൻ ജെയിംസ് സ്വാഗതം പറഞ്ഞുകൊണ്ട് ആരംഭിച്ച സമ്മേളനത്തിൽ ബ്രാഞ്ച് മെമ്പർ കീർത്തന ഗോപൻ അനുശോചന പ്രമേയം അവതരിച്ചു. ബ്രാഞ്ച് സെകട്ടറി വിനു ചന്ദ്രൻ കഴിഞ്ഞ ഒരു വർഷത്തെ പ്രവർത്തന റിപ്പോർട്ട് അവതരിപ്പിച്ചു. റിപ്പോർട്ടിന്മേലും തുടർന്ന് ദേശീയ സമ്മേളനത്തേ സംബന്ധിച്ചും നടന്ന ചർച്ചയിൽ എല്ലാ അംഗങ്ങളും സജീവമായി പങ്കെടുത്തു. സമ്മേളനത്തിൽ നിലവിലുള്ള ഭാരവാഹികളെ തന്നെ നിലനിർത്താൻ തീരുമാനിച്ചു.

സമ്മേളനത്തിന് ആശംസയറിച്ചുകൊണ്ട് എക്സിറ്റർ മലയാളി അസോസിയേഷൻ ട്രഷറർ ബിനോയി വർഗീസും സമീക്ഷ കെറ്ററിംഗ്‌ ബ്രാഞ്ച് സെക്രട്ടറി എബിൻ സാബുവും സംസാരിച്ചു. ഷെയർ & കെയർ ചാരിറ്റി പ്രവർത്തനം ഏറ്റെടുത്തുകൊണ്ട് ബ്രാഞ്ചിന്റെ പ്രവർത്തനം കൂടുതൽ സജീവമാക്കാൻ തീരുമാനിച്ചു. ഷെയർ &കെയർ പ്രൊജക്റ്റ് ആദ്യ കളക്ഷൻ ഉത്‌ഘാടനം ചെയ്തുകൊണ്ട് ഷെയർ ആൻഡ് കെയർ പ്രൊജക്റ്റ് നാഷ്ണൽ കോർഡിനേറ്റർ കൂടിയായ ശ്രീകുമാർ ഉള്ളപ്പിള്ളിൽ ആദ്യ കളക്ഷൻ വിനു ചന്ദ്രനിൽ നിന്നും ഏറ്റുവാങ്ങി.

സമ്മേളനത്തിന് മാറ്റുകൂട്ടുവാൻ എക്സിറ്ററിലെ പ്രിയ ഗായകരായ ക്രിസ്റ്റീൻ ജോണും ജോയ് ജോണും അതിമനോഹരങ്ങളായ ഗാനങ്ങൾ ആലപിച്ചു. ചടങ്ങിൽ പങ്കെടുത്ത എല്ലാവർക്കും കീർത്തന നന്ദി അറിയിച്ചു. ദേശീയ സമ്മേളനത്തിനു എല്ലാ പിന്തുണയും അറിയിച്ച സമ്മേളനം ബ്രാഞ്ചിന്റെ പ്രവർത്തനങ്ങൾ കൂടുതൽ സജീവമാക്കുവാനും തീരുമാനിച്ചു.

ടോം ജോസ് തടിയംപാട്

തൊടുപുഴ ആലക്കോട് ചിലവ് സ്വദേശി കമല ശ്രീധരന്റെ ചികിത്സയ്ക്ക് വേണ്ടി ഇടുക്കി ചാരിറ്റി ഗ്രൂപ്പ് നടത്തുന്ന ഈസ്റ്റർ ചാരിറ്റിക്ക് ഇതുവരെ 1020 പൗണ്ട് ലഭിച്ചു. സമ്മറി സ്റ്റേറ്റ് മെന്റ് താഴെ പ്രസിദ്ധീകരിക്കുന്നു. ചാരിറ്റി ഏപ്രിൽ 10 തിങ്കളാഴ്ച അവസാനിക്കും . ലഭിക്കുന്ന തുക തൊട്ടടുത്ത ദിവസം കമല ശ്രീധരനു വീട്ടിലെത്തി കൈമാറും എന്നറിയിക്കുന്നു.

കൂടാതെ പേരുവെളിപ്പെടുത്താൻ താൽപ്പര്യമില്ലാത്ത യു കെ യിലെ ഒരു നല്ല സമരിയക്കാരൻ 40000 രൂപ നേരിട്ട് നൽകി, ഇദ്ദേഹം ഇതിനുമുൻപും പലപ്രാവശ്യം വലിയ തുകകൾ നൽകി നേഴ്സിംഗ് പഠനത്തിനു ബുദ്ധമുട്ടുന്നു എന്ന് ഇടുക്കി ചാരിറ്റി അറിയിച്ച കുട്ടികളെ സഹായിച്ചിട്ടുണ്ട് .ഇങ്ങനെ വലിയ തുകനൽകി സഹായിക്കാൻ കാരണം എന്താണ് എന്ന് ചോദിച്ചപ്പോൾ ഞാൻ 2010 ൽ സ്റ്റുഡൻറ് വിസയിൽ യു കെയിൽ എത്തിയപ്പോൾ ഒരു ബ്രെഡ് മേടിക്കാൻ വിഷമിച്ചിട്ടുണ്ട്. ദൈവസഹായത്താൽ എനിക്ക് ഇപ്പോൾ ബിസിനസ് ചെയ്തു പണം ലഭിക്കുന്നുണ്ട്. അതിന്റെ ഒരു വിഹിതം ഞാൻ നൽകുന്നു എന്നാണ് പറഞ്ഞത്. എന്താണെങ്കിലും അദ്ദേഹത്തിന്റെ നല്ല മനസിനു മുൻപിൽ ഞങ്ങൾ തലകുനിക്കുന്നു .

പെയിന്റ് പണികൊണ്ടു രോഗിയായ അമ്മയെയും രോഗിയായ പിതാവിനെയും ചികിൽസിക്കാൻ നിവർത്തിയില്ലാതെ വിഷമിക്കുകയാണ് മകൻ ശ്രീജിത് ശ്രീധരൻ. ഫോൺ വിളിച്ചു കരഞ്ഞു കൊണ്ട് ശ്രീജിത് പറഞ്ഞത് എന്റെ അമ്മയുടെ ഹൃദയ സംബദ്ധമായ അസുഖത്തിന് ചികിൽസിക്കാൻ എന്റെ നാട്ടിൽ സഹായിക്കാത്തവരായി ആരുമില്ല, നാട്ടിൽ ഇനി ആരോടും ചോദിക്കാനുമില്ല അമ്മയെ ആഴ്ചയിൽ രണ്ടുപ്രാവശ്യം ഡയലിസിസിന് കൊണ്ടുപോകണം ദയവായി ഒന്ന് സഹായിക്കാമോ എന്നായിരുന്നു.

തകർന്നു വീഴാറായ ഒരു വീട്ടിലാണ് ഈ കുടുംബം കഴിയുന്നത് .ഈ കുടുംബത്തിന്റെ ദയനീയാവസ്ഥ ഞങ്ങളെ അറിയിച്ചത് യു കെ യിലെ ചെംസ്ഫോർഡ്, എസെക്സിൽ താമസിക്കുന്ന തൊടുപുഴ മുതലക്കുടം സ്വദേശി ടോമി സെബാസ്ററ്യനാണ് . ഒരു സോഷ്യൽ വർക്കർ കൂടിയായ ടോമി നാട്ടിൽ പോയപ്പോൾ ശ്രീജിത്തിന്റെ വീട്ടിൽ പോകുകയും ഇവരുടെ വിഷമങ്ങൾ നേരിട്ട് മനസിലാക്കുകയും ചെയ്തിരുന്നു . ടോമിയുടെ അഭ്യർത്ഥന മാനിച്ചു ഈ കുടുംബത്തിനു വേണ്ടി ഈസ്റ്റർ ചാരിറ്റി ചെയ്യാൻ ഞങ്ങൾ തീരുമാനിക്കുകയായിരുന്നു. എല്ലാവരും ഈസ്റ്റർ ആഘോഷിക്കുന്ന തയ്യറെടുക്കുന്ന ഈ സമയത്തു ഈ അമ്മക്കു൦ മകനും ഒരു കൈത്താങ്ങാകാൻ നമുക്കു ശ്രമിക്കാം .

നിങ്ങളുടെ സഹായങ്ങൾ താഴെ കാണുന്ന ഞങ്ങളുടെ അക്കൗണ്ടിൽ ദയവായി നിക്ഷേപിക്കുക “
ദാരിദ്രൃം എന്തെന്നറിഞ്ഞവർക്കെ പാരിൽ പരക്ലേശവിവേകമുള്ളു.””,

ACCOUNT NAME , IDUKKI GROUP
ACCOUNT NO 50869805
SORT CODE 20-50.-82
BANK BARCLAYS.

ഇടുക്കി ചാരിറ്റിക്കു നേതൃത്വ൦കൊടുക്കുന്നത് സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ്‌ 07803276626.. .എന്നിവരാണ് .ഞങ്ങളുടെ രക്ഷാധികാരി ബഹുമാനപ്പെട്ട തമ്പി ജോസാണ്‌ .

യുകെയിലെ പ്രശസ്തമായ ഗ്രെയ്റ്റര്‍ മാഞ്ചസ്റ്റര്‍ മലയാളി ഹിന്ദു കമ്മ്യൂണിറ്റിയുടെ പ്രൗഢ ഗംഭീരമായ വിഷു മഹോത്സവം പൂര്‍വ്വാധികം ഭംഗിയായി അഘോഷിക്കുവാന്‍ മാഞ്ചസ്റ്റർ ഒരുങ്ങുകയാണ്. 2023 ഏപ്രിൽ 15നു ശനിയാഴ്ച രാവിലെ 10 മുതല്‍ വൈകിട്ട് 6 മണി വരെ മാഞ്ചസ്റ്ററില്‍ ഗീത ഭവൻ ക്ഷേത്രത്തിൽ വെച്ച് ഭക്ത്യാദരപൂര്‍വ്വം ആഘോഷിക്കപ്പെടും.

അന്നേ ദിവസം രാവിലെ 10മണിക്ക് സർവ്വ വിഭൂഷണനായ ഭഗവാൻ കൃഷ്ണനെ കണികാണുന്നതോടെ പരിപാടികൾക്ക് തുടക്കം കുറിക്കും. തുടർന്ന് GMMHC യിലെ ബാലിക ബാലൻ മാർക്ക് വിഷുകൈനീട്ടവും നൽകുന്നതാണ് ,തുടർന്ന് വിഷു സ്പെഷ്യൽ ഭജനയും നടത്തപ്പെടും .

ആയതിനുശേഷം GMMHC കുടുംബാംഗങ്ങൾ ഒരുക്കുന്ന സ്വാദിഷ്ടവും വിഭവ സമൃദ്ധമായ വിഷു സദ്യയും ഉണ്ടായിരിക്കും. തുടർന്ന് കൾച്ചറൽ പരിപാടികൾക്ക് തുടക്കം കുറിക്കുന്നതാണ് . GMMHC കലാകാരന്മാർ നയന ശ്രവണ സുന്ദരമായ കലാപരിപാടികൾ അവതരിപ്പിക്കുവാനുള്ള ഒരുക്കത്തിലാണ് . കലാപരിപാടികൾക്ക് വൈകീട്ട് 6 മണിയോടെ തിരശ്ശീല വീഴും. ഈവർഷത്തെ വിഷുമഹോത്സാവത്തിനു ഏകദേശം 400 ഓളം ആളുകളെ പ്രതീക്ഷിക്കുന്നതായി സംഘാടകർ അറിയിച്ചു . പരിപാടി അതിഗംഭീരമാക്കുവാൻ ഏവരുടെയും സഹായ സഹകരണങ്ങൾ കമ്മിറ്റി അഭ്യർത്ഥിക്കുന്നു. ഇനിയും പ്രവേശന ടിക്കറ്റുകൾ കരസ്ഥമാക്കാത്തവർ വൈകാതെ കമ്മിറ്റിയുമായി ദയവായി ബന്ധപ്പെടുക .

കൂടുതൽ വിവരങ്ങൾക്ക്
രാധേഷ് നായർ…07815819190 (പ്രസിഡണ്ട് )
ധനേഷ് ശ്രീധർ….07713154374 (സെക്രട്ടറി
സുനില്‍ ഉണ്ണി….07920142948 ( ട്രഷറര്‍)

വക്കച്ചൻ കൊട്ടാരം

ഒരുമയുടേയും, സ്നേഹത്തിന്റേയും തേരിലേറി കലയുടെ നൂപുരധ്വനി മുഴക്കി ഒരു പതിറ്റാണ്ടിന്റെ അജയ്യ കാഹളത്തോടെ മുന്നേറുന്ന കലാകേരളം ഗ്ലാസ്ഗോ ഒരു പിടി മിന്നും പ്രതിഭകളെ അണിനിരത്തിയാണ് ഈവർഷത്തെ പ്രവർത്തനങ്ങൾക്ക് നേതൃത്വം നൽകുന്നത്. സംഘടനയുടെ ചരിത്രത്തിൽ ഇതാദ്യമായി പ്രസിഡന്റും വൈസ് പ്രസിഡന്റും വനിതകൾ. സംഘടനയെ പുതിയ തലങ്ങളിലേക്കെത്തിക്കാൻ ആത്മാർത്ഥത നിറഞ്ഞ ഉറച്ച കാൽവയ്പുകളോടെ മിനി സേവ്യർ പ്രസിഡന്റ് സ്ഥാനത്തേക്ക് തിരഞ്ഞെടുക്കപ്പെട്ടപ്പോൾ, അളവറ്റ പിന്തുണയും, അകമഴിഞ്ഞ മനസ്സുമായി ഡെയ്സി സിബി വൈസ് പ്രസിഡന്റായി തിരഞ്ഞെടുക്കപ്പെട്ടു.

കലാകേരളത്ത്തിന്റ തുടക്കം മുതൽ പല കമ്മറ്റികളിലായി തന്റെ പ്രവർത്തന മികവിന്റെ നിപുണത തെളിയിച്ച ജയ്ബി പോൾ സെക്രട്ടറിയായപ്പോൾ, പുതു തലമുറയുടെ ആവേശമായി ജോ: സെക്രട്ടറിയായി അലൻ ബാബുവും ചേരുന്നു. പരിചയസമ്പന്നതയുടെ മികവോടെ തോമസ് വറുഗീസ് ട്രഷറർ സ്ഥാനത്തേക്ക് തിരഞ്ഞെടുക്കപ്പെട്ടു. കാര്യക്ഷമതയും, പ്രവർത്തിപരിചയവും, ഊർജ്വസ്വല തയും കൈമുതലാക്കിയ കമ്മറ്റി അംഗങ്ങളായി റെജി ജോസഫ്, നിക്കി ബോയ് ജൂലിയാനസ് , ജോജി സെബാസ്റ്റ്യൻ, ടെസ്സി കാട്ടടി , സിസ് മോൾ ഷൈൻ, സ്റ്റെല്ലാ മാത്യു എന്നിവർ അണിചേരുമ്പോൾ കാലഘട്ടത്തിന്റെ മാറ്റങ്ങൾക്കൊപ്പം കലാകേരളത്തിന്‌ പുതു ചൈതന്യം നിറക്കാൻ യുവത്വത്തിന്റെ പ്രസരിപ്പോടെ നയന ജയിൻ, നേഹ ടോമി, ഡെൽന തോമസ് , ഡിയ തോമസ് , ജെസ്വിൻ കാട്ടടി , സാം സോജോ എന്നിവരും കൈകോർക്കുമ്പോൾ ഗ്ലാസ്‌ഗോ മലയാളികളുടെ കലാ, സാമൂഹ്യ, സാംസ്കാരിക മേഖലകളിൽ അനുദിനം മുഴങ്ങുന്ന ഒരേയൊരു ശബ്ദമായ കലാകേരളം പുതിയ മാനങ്ങൾ കൈവരിക്കും.

ഈ കഴിഞ്ഞ മാർച്ച് 19ന് ഈസ്റ്റ് കിൽബ്രൈഡ് ഔവർ ലേഡി ഓഫ് ലൂർദ് ഹാൾൽ വച്ച് നടത്തപ്പെട്ട മാതൃ ദിനം പെൺകരുത്തിന്റെ സംഘാടനാ മികവിന്റെ ഉത്തമോദാഹരണമായി. മെയ് ഒന്നിന് കാംബുസ്ലാംഗിൽ വച്ച് നടത്തുന്ന വാർഷികാഘോഷത്തോടുകൂടി ഈ വർഷത്തെ പ്രവർത്തനങ്ങൾക്ക് ആരംഭം കുറിക്കുകയായി . അന്നേ ദിവസം കലാകേരളത്തിന്റെ കഴിവുറ്റ കലാകാരികളും ,കലാകാരന്മാരും അണിനിരക്കുമ്പോൾ കണ്ണിനും, കരളിനും കുളിരേകുന്ന കലാ സന്ധ്യക്കായിരിക്കും തിരി തെളിയുക. ഒരു ചെറിയ കൂട്ടായ്മ തീർത്ത വലിയ വിജയങ്ങളുടെ ഉൾക്കരുത്ത് എല്ലാ അംഗങ്ങളുടേയും നിസ്വാർത്ഥമായ സ്നേഹത്തിന്റേയും സഹകരണത്തിന്റേയും പ്രതിഫലനമാണെന്ന ഉറച്ച വിശ്വാസത്തോടെ കലാകേരളം മുന്നോട്ട് …

യൂറോപ്പിൽ ഗുരുവിന്റെ ദർശനങ്ങൾ പ്രചരിപ്പിക്കുവാൻ ഭാഗ്യം ലഭിച്ച ഒരു പറ്റം ഗുരുദേവ വിശ്വാസികൾ ആണ് ഇന്ന് സേവനം യു കെ യുടെ ഭാഗമായിക്കൊണ്ടിരിക്കുന്നത്. യു കെയുടെ വടക്ക് പടിഞ്ഞാറ് പ്രദേശത്തുള്ള അംഗങ്ങളെ ഉൾപ്പെടുത്തി നോർത്ത് വെസ്റ്റ് യൂണിറ്റിനു തുടക്കം കുറിക്കുകയാണ്.

ഏപ്രിൽ 29ന് മാഞ്ചസ്റ്ററിൽ നടക്കുന്ന സമ്മേളനത്തിൽ സേവനം യു കെ യുടെ പുതിയ യൂണിറ്റിനു തുടക്കമാകും. മാഞ്ചസ്റ്റർ, ബ്ലാക്ക്പൂൾ, ലിവർപൂൾ, പ്രെസ്റ്റൺ, ഷെഫീൽഡ്, ബ്ലാക്ക്ബേൺ, ലീഡ്സ് തുടങ്ങിയ പ്രദേശങ്ങളിൽ വസിക്കുന്ന സേവനത്തിന്റെ കുടുംബങ്ങൾ ഒരുമിക്കുവാൻ ഒരു അവസരം ആണ് ഈ യൂണിറ്റിലൂടെ ലക്ഷ്യമിടുന്നത്. ഈ പുതിയ യൂണിറ്റുമായി ബന്ധപ്പെട്ട് പ്രവർത്തിക്കുവാൻ താല്പര്യമുള്ളവർ ഈ യൂണിറ്റ് രൂപീകരണത്തിന് നേതൃത്വം നൽകുന്നവരുമായി ബന്ധപ്പെടുക.

കൂടുതൽ വിവരങ്ങൾ ദയവായി ബന്ധപ്പെടുക:-

ശ്രീ ഗണേഷ് ശിവൻ -07405513236
ശ്രീ അഭിലാഷ് കുട്ടപ്പൻ -07587676556
ശ്രീ ജീമോൻ ഗോവിന്ദൻ – 07817237111
ശ്രീ ബിനു സോമരാജ് പ്രിസ്റ്റ്ൻ – 07828303288
ശ്രീ ബ്രജീഷ് ഗോപി ബ്ലാക്ക്പൂൾ – 07832803203
ശ്രീ വിപിൻ കുമാർ ഷെഫീൽഡ് – 07799 249743
ശ്രീ അനീഷ്‌ ഗോപി മാഞ്ചസ്റ്റർ – 07407101589

ഉണ്ണികൃഷ്ണൻ ബാലൻ

സമീക്ഷ യുകെയുടെ ആറാം ദേശീയ സമ്മേളനത്തോടനുബന്ധിച്ച് സംഘടിപ്പിച്ച പ്രഥമ ഓൾ യുകെ നാഷണൽ ഡബിൾസ് ബാഡ്മിന്റൺ ടൂർണമെന്റിൽ മാഞ്ചസ്റ്റർ റീജണിൽ നിന്നുള്ള നസറുൾ കരീം, ഈതൻ ഡാലി സഖ്യത്തിനു വിജയം.

മാഞ്ചസ്റ്റർ സെന്റ് പോൾസ് കാത്തലിക് ഹൈസ്കൂളിൽ വെച്ചു നടന്ന ഗ്രാൻറ് ഫിനാലെയിൽ 12 റീജിയണൽ മത്സരങ്ങളിൽ നിന്നും വിജയിച്ചെത്തിയ 32 ടീമുകളാണ് മാറ്റുരച്ചത്. നസറുൾ കരീം, ഈതൻ ഡാലി സഖ്യം ഒന്നാം സ്ഥാനം നേടിയപ്പോൾ ഫൈനലിൽ വാശിയോടെ പോരാടിയ കെറ്ററിംഗ് റീജിയണിൽ നിന്നുള്ള മേബിൾ മനോ കുര്യൻ, ജ്യൂവൽ മനോ കുര്യൻ സഖ്യത്തിനു രണ്ടാം സ്ഥാനം കൊണ്ടു തൃപ്തിപ്പെടേണ്ടി വന്നു. കൊവൻട്രി റീജിയണിൽ നിന്നുള്ള ജോബി ജോർജ്, ജിസ്‌മോൻ സഖ്യം മൂന്നാം സ്ഥാനവും ഇപ്‌സ്‌വിച്ച് റിജിയണിലെ ലെവിൻ മാത്യു, മാത്യു കെ ചെറിയാൻ സഖ്യം നാലാം സ്ഥാനവും കരസ്തമാക്കി.

ഒന്നാം സ്ഥാനക്കാർക്ക് 1001 പൗണ്ടും എവർറോളിങ്ങ് ട്രോഫിയും മറ്റു വിജയികൾക്ക് യഥാക്രമം £501ഉം ട്രോഫിയും , £251ഉം ട്രോഫിയും , £101ഉം ട്രോഫിയും സമ്മാനമായി ലഭിച്ചു.ഗുഡീസ്, ഇൻഫിനിറ്റി മോർട്ട്ഗേജ്, കിയാൻ ലോജിസ്റ്റിക്സ് ലിമിറ്റഡ്, ആദീസ് എച്ച് ആർ ആൻഡ് അക്കൗണ്ടൻസി സൊല്യൂഷൻ തുടങ്ങിയവരാണ് സമ്മാനങ്ങൾ സ്പോൺസർ ചെയ്തിരിക്കുന്നത്.

രാവിലെ 10 മണിയോടെ ആരംഭിച്ച മത്സരങ്ങൾ മേയർ ഡോണ ലുഡ്ഫോർഡ് ഉത്ഘാടനം ചെയ്തു .സമീക്ഷ യുകെ ഷെയർ & കെയർ പ്രൊജക്ടിനെ അഭിനന്ദിച്ച മേയർ മാഞ്ചസ്റ്റർ ബ്രാഞ്ചിന്റെ രണ്ടാംഘട്ട പ്രവർത്തനങ്ങളുടെ പ്രഖ്യാപനവും നടത്തി. മത്സരങ്ങൾ വൈകുന്നേരം 6 മണി വരെ നീണ്ടു. ഗ്രാൻറ് ഫിനാലെയുടെ മുഴുവൻ വാശിയോടും കൂടിയാണ് എല്ലാ ടീമുകളും ഏറ്റുമുട്ടിയത്.യു കെ യുടെ വിവിധ സ്ഥലങ്ങളിൽ നിന്നും ബാഡ്മിൻറൻ ആരാധകർ മത്സരങ്ങൾ കാണാൻ എത്തിയിരുന്നു. ടീമുകളുടെ പ്രകടനം കൊണ്ടും സംഘാടക മികവുകൊണ്ടും സമിക്ഷ യുകെ പ്രഥമ ബാഡ്മിൻറൻ ടൂർണമെൻറ് വൻ വിജയമായി.

ടൂർണമെന്റിലെ വിജയികൾക്ക് പ്രത്യേകം അഭിനന്ദനങ്ങൾ അറിയിക്കുന്നു അതോടൊപ്പം മത്സരങ്ങളിൽ പങ്കെടുത്ത് ഞങ്ങളോടു സഹകരിച്ച മുഴുവൻ മത്സരാർത്ഥികളോടും ഗ്രാൻഡ് ഫിനാലെ കാണുവാനും, പിന്തുണയ്ക്കാനും എത്തിയ എല്ലാ നല്ലവരായ സുഹൃത്തുകൾക്കും സംഘാടകർ നന്ദി അറിയിച്ചു.

ഉണ്ണികൃഷ്ണൻ ബാലൻ

ആറാം ദേശീയ സമ്മേളനത്തിനുള്ള തയ്യാറെടുപ്പിനിടയിൽ സമീക്ഷ യുകെയ്ക്ക് ആവേശമായി ലെസ്റ്ററിൽ പുതിയ ബ്രാഞ്ച് നിലവിൽ വന്നു. മാർച്ച്‌ 19 ഞായറാഴ്ച്ച സമീക്ഷ യുകെ നാഷണൽ പ്രസിഡന്റ്‌ ശ്രീ. ശ്രീകുമാർ ഉള്ളപ്പിള്ളിൽ ലെസ്റ്റർ ബ്രാഞ്ച് ഉദ്ഘാടനം ചെയ്തു. സമീക്ഷ കഴിഞ്ഞ കാലങ്ങളിൽ ഏറ്റെടുത്ത് നടത്തിയ പ്രവർത്തനങ്ങളെകുറിച്ചും നമ്മുടെ സമൂഹത്തിൽ പുരോഗമന പ്രസ്ഥാനങ്ങൾ വഹിക്കുന്ന പങ്കും ഇന്നത്തെ കാലഘട്ടത്തിൽ അതിന്റ പ്രസക്തിയെപ്പറ്റിയും ഉദ്ഘാടക പ്രസംഗത്തിൽ അദ്ദേഹം പരാമർശിച്ചു. പുതിയ ബ്രാഞ്ചിന് ആശംസകൾ അർപ്പിച്ചുകൊണ്ട് നാഷണൽ കമ്മിറ്റി മെമ്പർമാരായ ശ്രീമതി. സ്വപ്ന പ്രവീൺ, അഡ്വ. ദിലീപ് കുമാർ ഏരിയ സെക്രട്ടറി ശ്രീ. പ്രവീൺ രാമചന്ദ്രൻ എന്നിവർ സംസാരിച്ചു.

സമ്മേളനത്തിൽ പതിനൊന്നു പേരടങ്ങുന്ന എക്സിക്യൂട്ടീവ് കമ്മിറ്റിയെ തിരഞ്ഞെടുത്തു. സെക്രട്ടറിയായി ശ്രീ.ബൈജു കുര്യാക്കോസിനെയും പ്രസിഡന്റായി ശ്രീ.ബിജു ജോസഫിനെയും തിരഞ്ഞെടുത്തു. ട്രഷറർ ആയി ശ്രീ. സുബി ചാക്കോയെയും, ജോയിന്റ് സെക്രട്ടറിയായി ശ്രീ. ഫെബിൻ പൊട്ടയിലിനേയും വൈസ് പ്രസിഡന്റായി ശ്രീമതി. അയന വർഗീസിനെയും യോഗം തിരഞ്ഞെടുത്തു. നാട്ടിൽ നിന്നും എത്തുന്ന വിദ്യാർത്ഥികൾ നേരിടുന്ന പ്രശനങ്ങളും, ബ്രാഞ്ചിന്റെ മുൻപോട്ടുള്ള പ്രവർത്തനങ്ങളും യോഗം ചർച്ച ചെയ്തു.

പീറ്റർബോറോയിൽ വച്ചു നടക്കുന്ന ദേശീയ സമ്മേളനത്തിന് പൂർണ്ണ പിന്തുണഅറിയിക്കുകയും,സമ്മേളന പ്രതിനിധികളെ തിരഞ്ഞെടുക്കുകയും ചെയ്തു. ഫെബിന്റെ അധ്യക്ഷതയിൽ ചേർന്ന യോഗം സെക്രട്ടറി ബിജുവിന്റെ സ്വാഗതപ്രസംഗത്തോടെയാണ് ആരംഭിച്ചത്. ബ്രാഞ്ച് ട്രഷറർ സുബി ചാക്കോ നന്ദി പറഞ്ഞുകൊണ്ട് യോഗനടപടികൾ അവസാനിപ്പിച്ചു.

ടോം ജോസ് തടിയംപാട്

തൊടുപുഴ ആലക്കോട് ചിലവ് സ്വാദേശി കമല ശ്രീധരന്റെ ചികിത്സക്ക് വേണ്ടി ഇടുക്കി ചാരിറ്റി ഗ്രൂപ്പ് നടത്തുന്ന ഈസ്റ്റർ ചാരിറ്റിക്ക് ഇതുവരെ 710 പൗണ്ട് ലഭിച്ചു. സമ്മറി സ്റ്റേറ്റ് മെന്റ് താഴെ പ്രസിദ്ധീകരിക്കുന്നു.
പെയിന്റ് പണികൊണ്ടു രോഗിയായ അമ്മയെയും രോഗിയായ പിതാവിനെയും ചികിൽസിക്കാൻ നിവർത്തിയില്ലാതെ വിഷമിക്കുകയാണ് മകൻ ശ്രീജിത് ശ്രീധരൻ . ഫോൺ വിളിച്ചു കരഞ്ഞു കൊണ്ട്
ശ്രീജിത് പറഞ്ഞത് എന്റെ അമ്മയുടെ ഹൃദയ സംബദ്ധമായ അസുഖത്തിന് ചികിൽസിക്കാൻ എന്റെ നാട്ടിൽ സഹായിക്കാത്തവരായി ആരുമില്ല, നാട്ടിൽ ഇനി ആരോടും ചോദിക്കാനുമില്ല.

അമ്മയെ ആഴ്ചയിൽ രണ്ടുപ്രാവശ്യം ഡയലൈസിനു കൊണ്ടുപോകണം ദയവായി ഒന്ന് സഹായിക്കാമോ എന്നായിരുന്നു. തകർന്നു വീഴാറായ ഒരു വീട്ടിലാണ് ഈ കുടുംബം കഴിയുന്നത് .ഈ കുടുംബത്തിന്റെ ദയനീയാവസ്ഥ ഞങ്ങളെ അറിയിച്ചത് യു കെ യിലെ ചെംസ്ഫോർഡ്, എസെക്സിൽ താമസിക്കുന്ന തൊടുപുഴ മുതലക്കുടം സ്വദേശി ടോമി സെബാസ്റ്റ്യനാണ് . ഒരു സോഷ്യൽ വർക്കർ കൂടിയായ ടോമി നാട്ടിൽ പോയപ്പോൾ ശ്രീജിത്തിന്റെ വീട്ടിൽ പോകുകയും ഇവരുടെ വിഷമങ്ങൾ നേരിട്ട് മനസിലാക്കുകയും ചെയ്തിരുന്നു.

ടോമിയുടെ അഭ്യർത്ഥന മാനിച്ചു ഈ കുടുംബത്തിനു വേണ്ടി ഈസ്റ്റർ ചാരിറ്റി ചെയ്യാൻ ഞങ്ങൾ തീരുമാനിക്കുകയായിരുന്നു എല്ലാവരും ഈസ്റ്റർ ആഘോഷിക്കാൻ തയാറെടുക്കുന്ന ഈ സമയത്ത് ഈ അമ്മയ്ക്കു൦ മകനും ഒരു കൈത്താങ്ങാകാൻ നമുക്കു ശ്രമിക്കാം .

നിങ്ങളുടെ സഹായങ്ങൾ താഴെ കാണുന്ന ഞങ്ങളുടെ അക്കൗണ്ടിൽ ദയവായി നിക്ഷേപിക്കുക .
“ദാരിദ്രൃം എന്തെന്നറിഞ്ഞവർക്കെ പാരിൽ പരക്ലേശവിവേകമുള്ളു.”

ACCOUNT NAME , IDUKKI GROUP
ACCOUNT NO 50869805
SORT CODE 20-50.-82
BANK BARCLAYS.

ഇടുക്കി ചാരിറ്റിക്കു നേതൃത്വ൦കൊടുക്കുന്നത് സാബു ഫിലിപ്പ് 07708181997 ടോം ജോസ് തടിയംപാട് 07859060320 സജി തോമസ്‌ 07803276626.. .എന്നിവരാണ് . ഞങ്ങളുടെ രക്ഷാധികാരി ബഹുമാനപ്പെട്ട തമ്പി ജോസാണ്‌ .

യുകെയിലെ മുൻനിരയിൽ പ്രവര്‍ത്തിക്കുന്ന അസ്സോസിയേഷനുകളിൽ ഒന്നായ ലീഡ്സ് മലയാളി അസ്സോസിയേഷൻ പ്രളയത്തിലും കോവിഡിലും മറ്റുള്ളവർക്ക് താങ്ങായി നിന്നുകൊണ്ട് നാളേറെയായി പലവിധ പ്രയാസത്തിലും പ്രതിബന്ധങ്ങളിലും കൂടി കടന്നുപോയ നമുക്കിടയിലേക്ക് പ്രത്യാശയുടേയും ഉയിര്‍ത്തെഴുന്നേൽപ്പിൻറയും നാളുകൾ കടന്നുവരുന്ന ഈ വേളയിൽ വർഷങ്ങളായി മുടങ്ങി കിടന്ന ആഘോഷം ലോകമലയാളികൾക്കൊപ്പം ലീഡ്സ് മലയാളികളും.

ഏപ്രിൽ 16 ഞായറാഴ്ച കൃത്യം 12 മണിക്ക് ഉച്ച ഭക്ഷണത്തോടുകൂടി ഈസ്റ്റെൻഡ് പാർക്ക് ഡബ്ല്യൂഎംസിയിൽ ആഘോഷിക്കുന്നതായിരിക്കും. പുതുമയാർന്ന വിവിധ കലാപരിപാടികളുമായി ആഘോഷം അതിഗംഭീരമാക്കുവാൻ പുതിയ കമ്മിറ്റി തയ്യാറെടുത്തു കഴിഞ്ഞു. ഈ ആഘോഷവേളയിലേക്ക് എല്ലാവരേയും സുസ്വാഗതം ചെയ്യുന്നു.

ഉണ്ണികൃഷ്ണൻ ബാലൻ

സമീക്ഷ യുകെയുടെ ആറാം ദേശീയ സമ്മേളനത്തോടനുബന്ധിച്ച് നടക്കുന്ന പ്രഥമ ഓൾ യുകെ നാഷണൽ ഡബിൾസ് ബാഡ്മിന്റൺ ടൂർണമെന്റിന്റെ ഗ്രാൻറ് ഫിനാലെ നാളെ മാഞ്ചസ്റ്ററിൽ നടക്കും. മാഞ്ചസ്റ്റർ സെ. പോൾസ് കാത്തലിക് ഹൈസ്കൂളിൽ വെച്ചു നടക്കുന്ന ഫൈനൽ മത്സരങ്ങൾക്കുള്ള ഒരുക്കങ്ങൾ സമീക്ഷ യുകെ മാഞ്ചസ്റ്റർ ബ്രാഞ്ചിന്റെ നേതൃത്വത്തിൽ പൂർത്തിയായതായി ഭാരവാഹികൾ അറിയിച്ചു.

മത്സര വേദിയുടെ അഡ്രസ്സ്

Fir bank road , Newall Green, Whythenshave, Manchester, M23 2YS. ആണ്.

37 ദിവസം കൊണ്ട് 12 റീജിയണലുകളിലായി 210 ടീമുകൾ മത്സരിച്ചതിൽ നിന്നും വിജയികളായ 32 ടീമുകളാണ് ഗ്രാൻറ് ഫിനാലയിൽ മാറ്റുരയ്ക്കുന്നത്. ദേശീയ ഫൈനലിസ്റ്റുകളുടെ പട്ടിക താഴെ കൊടുക്കുന്നു
കെറ്ററിംഗ്- ജൂവൽ & മെബിൾ, ഐസക്ക് & ജെയ്സൺ, നോബിൻ & ബിനു
ഷെഫീൽഡ്- ജിജോ & മനു, ആബേൽ & അരുൺ, രാജേഷ് & പ്രവീൺ
നോർത്താംപ്ടൺ- ഹാരി & ഗ്രിഗറി, ജോമേഷ് & ഷിജു, നിതിൻ & ഡാനി

മാഞ്ചസ്റ്റർ- നാസ് & ഈഥൻ, ഡാനിയൽ & സെയിൻ, അനുമോൻ & ബാഗിയോ

ഗ്ലൗസെസ്റ്റർ- വിമൽ & സതീഷ്, പ്രശാന്ത് & ജിനോ, ആരോൺ & മുഹമ്മദ്

ഇപ്സ്വിച്ച്- ലെവിൻ & മാത്യു, സുദീപ് & ജോയൽ, ഷാജഹാൻ & മുഹമ്മദാലി

ബെഡ്ഫോർഡ്- ജിൻസ് & ബെന്നറ്റ്, ജിനി & വിനൂപ്, റോബിൻ & ധനുഷ്

കവൻട്രി-ജോബി & ജിസ്മോൻ, ആകാശ് & ഈശ്വർ, ധേരു & ഇമ്മാനുവൽ

ബോസ്റ്റൺ- കെവിൻ & കെൻലി, ക്രിസ്റ്റി & ജെയ്‌സ്

ബെൽഫാസ്റ്റ്- ശിവരാമൻ & ഉദിത്, ദുഷ്യന്ത് & ദേവ

ഈസ്റ്റ് ഹാം
ഫെബിൻ & അബെ, ഫർഹാദും ഷായും

എഡിൻബർഗ്-ഷിബു ജേക്കബ് & പ്രവീൺ, വിനോദും ജെറിയും

ഫൈനലിൽ വിജയികൾക്ക് യഥാക്രമം £1001ഉം എവറോളിങ്ങ് ട്രോഫിയും (ഒന്നാം സ്ഥാനം), £501ഉം ട്രോഫി (രണ്ടാം സ്ഥാനം) , £251ഉം ട്രോഫി (മൂന്നാം സ്ഥാനം), £101ഉം ട്രോഫി (നാലാം സ്ഥാനം) എന്നീ സമ്മാനങ്ങളാകും ലഭിക്കുക. സമ്മാനങ്ങൾ സ്പോൺസർ ചെയ്തിരിക്കുന്നത് ഗുഡീസ്, ഇൻഫിനിറ്റി മോർട്ട്ഗേജ്, കിയാൻ ലോജിസ്റ്റിക്സ് ലിമിറ്റഡ്, ആദീസ് എച്ച് ആർ ആൻഡ് അക്കൗണ്ടൻസി സൊല്യൂഷൻ തുടങ്ങിയവരാണ്. സമീക്ഷ യുകെ നാഷ്ണൽ ബാഡ്മിന്റൺ ടൂർണമെൻറിന്റെ റീജണൽ മത്സരങ്ങൾക്ക് നൽകിയ പിന്തുണക്ക് യുകെ യിലെ എല്ലാ വിഭാഗത്തിൽപ്പെട്ട ജനങ്ങളോടും പ്രത്യേകിച്ച് മത്സരിച്ച മുഴുവൻ ടീമുകൾക്കും നന്ദി അറിയിക്കുന്നതായും ഒപ്പം തന്നെ ഗ്രാന്റ്ഫിനാലെ ഒരു വൻ വിജയമാക്കിത്തീർക്കുവാൻ ഏവരുടേയും സഹകരണം പ്രതീക്ഷിക്കുന്നതായും ടൂർണമെന്റ് കോർഡിനേറ്റേഴ്സ് ആയ ജിജു സൈമൺ, ജോമിൻ ജോ എന്നിവർ അറിയിച്ചു.