മലയാളം മിഷൻ യു കെ ചാപ്റ്ററിന്റെ മലയാളം ഡ്രൈവിൽ പ്രശസ്ത ബാലസാഹിത്യകാരനും അധ്യാപകനുമായ ശ്രീ പി.രാധാകൃഷ്ണൻ ആലുവീട്ടിൽ ‘ബാലസാഹിത്യത്തിൽ കടങ്കഥകളുടെ പ്രാധാന്യം’ എന്ന വിഷയവുമായി എത്തുന്നു

by News Desk | January 30, 2021 6:01 am

ഏബ്രഹാം കുര്യൻ

മലയാളം മിഷൻ യുകെ ചാപ്റ്ററിന്റെ ശത ദിന കർമ്മ പരിപാടിയായ മലയാളം ഡ്രൈവിൽ പാലക്കാട് ജില്ലയിൽ പ്രധാന അദ്ധ്യാപകനും ബാലസാഹിത്യകാരനുമായ ശ്രീ പി രാധാകൃഷ്ണൻ ആലുവീട്ടിൽ ഇന്ന് 4 പിഎം -മിന് (ഇൻഡ്യൻ സമയം രാത്രി 9.30ന്) ‘ബാലസാഹിത്യത്തിൽ കടങ്കഥകളുടെ പ്രാധാന്യം’ എന്ന വിഷയത്തിൽ പ്രഭാഷണവും സംവാദവും നടത്തുന്നു. പി.ടി ഭാസ്കരപണിക്കർ ബാലസാഹിത്യ അവാർഡ് ഇദ്ദേഹത്തിന് ലഭിച്ചിട്ടുണ്ട്. ശ്രീ രാധാകൃഷ്ണൻ ആലുവീട്ടിൽ കേരള സംസ്ഥാന പാഠപുസ്തക പരിഷ്കരണ സമിതിയിൽ അംഗമായിരുന്നു. ഇദ്ദേഹം ഇപ്പോൾ മലയാളം മിഷൻ്റെ പൂക്കാലം എന്ന വെബ് മാഗസിനിൽ കോളമിസ്റ്റാണ്.

ആമിനക്കുട്ടിയുടെ ആവലാതികൾ, ഡോ അലമേലു IXB, കൗമാരക്കാർക്കുള്ള വെല്ലുവിളികൾ, ചമ്സ് അറ്റ് അമ്യൂസ്മെന്റ് പാർക്ക് എന്നീ ബാലസാഹിത്യ കൃതികൾക്കു പുറമേ ആൻഡമാനിൽ നിന്നൊരു പഴങ്കഥ, ജിറോ മിത്തെ, മുള വീട്, ഒരു എലിയുടെ കഥ എന്നീ വിവർത്തനങ്ങളും അദ്ദേഹത്തിൻ്റെ സംഭാവനയായി ഉണ്ട്. ഇദ്ദേഹത്തിൻ്റെ ആമിനകുട്ടിയുടെ ആവലാതികൾ, കൗമാരക്കാർക്കുള്ള വെല്ലുവിളികൾ എന്നീ പുസ്തകങ്ങളുടെ ഇംഗ്ലീഷ് പരിഭാഷ ആമിനക്കുട്ടീസ് ലോങിങ്സ്, ടീൻ ചലഞ്ചസ് എന്നീ പേരുകളിൽ കിൻഡിൽ പതിപ്പായി ഇറങ്ങിയിട്ടുണ്ട്.

തൻ്റെ അദ്ധ്യാപനവൃത്തിയുടെ സ്വാധീനം അദ്ദേഹത്തിൻ്റെ കൃതികളിൽ എല്ലാം തന്നെ കാണാം. ലളിതമായ മലയാള ഭാഷയും ഇംഗ്ലീഷ് ഭാഷയും ഉപയോഗിച്ച് അദ്ദേഹം നമ്മെ തൻ്റെ കൃതികളിലൂടെ നമ്മുടെ സ്കൂൾ ജീവിതത്തിലേക്ക് കൂട്ടിക്കൊണ്ടു പോകുന്നു. അദ്ധ്യാപകൻ്റെ നാവിൻ്റെ പിഴകൊണ്ട് ആനക്കുട്ടി എന്ന് വിളിപ്പേര് കിട്ടിയ ആമിനക്കുട്ടിയും, പണ്ട് ഉച്ചയൂണിന് മുൻപ് കൈ കഴുകി എന്നു വരുത്താനായി പൈപ്പിൻ ചുവട്ടിലേക്കുള്ള ഓട്ടവും എല്ലാം അദ്ദേഹം തൻ്റെ കൃതിയിലൂടെ വരച്ചുകാട്ടുമ്പോൾ നാം നമ്മുടെ ഗതകാല സ്മരണയിലേക്ക് അറിയാതെ ചെന്നെത്തും.

കൗമാര പ്രായക്കാർക്കുള്ള വെല്ലുവിളികൾ എന്ന പുസ്തകത്തിലൂടെ നമ്മുടെ കൗമാര പ്രായക്കാരെ വെല്ലുവിളികൾ ഏറ്റെടുക്കാനും അവ പൂർത്തീകരിക്കാനും എങ്ങനെ സജ്ജമാക്കാം എന്ന് അദ്ദേഹം വരച്ചുകാട്ടുന്നു. പണ്ട് കുട്ടിക്കൂട്ടങ്ങൾ പ്രധാന്യത്തോടെ പറഞ്ഞ കടങ്കഥകൾ കുട്ടിക്കൂട്ടങ്ങളോടൊപ്പം തന്നെ ഇല്ലാതാവുന്നുണ്ടോ? എന്തു പറഞ്ഞാലും കുട്ടികൾ ഭാഷാ പഠനത്തിന് ഉപയോഗിച്ചിരുന്ന സങ്കേതമായിരുന്നു കടങ്കഥകൾ. പെട്ടീ പെട്ടീ ശിങ്കാരപ്പെട്ടീ പെട്ടി തുറക്കുമ്പോൾ കായം മണക്കും, മുറ്റത്തെച്ചെപ്പിനടപ്പില്ല, ഞെട്ടില്ലാ വട്ടയില അങ്ങനെ എത്രയെത്ര കടങ്കഥകൾ നമ്മുടെ ഓർമ്മയിലിപ്പോൾ ഓടിയെത്തുന്നു. കുട്ടികളുടെ കളികളിൽ പ്രധാന പങ്കുവഹിച്ച കടങ്കഥകൾ, കുട്ടികളെ ഭാഷ പഠിപ്പിക്കാൻ എങ്ങനെ ഉപയോഗിക്കാം എന്ന് കുഞ്ഞുണ്ണി മാഷ് നമുക്ക് പറഞ്ഞു തന്നു. ബാല സാഹിത്യത്തിൽ കടങ്കഥകളുടെ പ്രാധാന്യമെന്ത് എന്ന വിഷയത്തിൽ പ്രശസ്ത ബാലസാഹിത്യകാരൻ ശ്രീ രാധാകൃഷ്ണൻ ആലുവീട്ടിൽ പ്രഭാഷണവും സംവാദവുമായി ഇന്ന് (30/01/2021) ശനിയാഴ്ച യുകെ സമയം വൈകിട്ട് നാലുമണിക്ക് മലയാളം ഡ്രൈവിൽ എത്തുമ്പോൾ എല്ലാ ഭാഷാ സ്നേഹികളെയും മലയാളം മിഷൻ യു കെ ചാപ്റ്റർ ഫേസ് ബുക്ക് ലൈവിലേക്ക് ഹാർദ്ദവമായി സ്വാഗതം ചെയ്യുന്നു.

മലയാളം മിഷൻ യുകെ ചാപ്റ്റർ കേരളപ്പിറവിദിനത്തിൽ മലയാളഭാഷാ പ്രചാരണത്തിനായി തുടക്കം കുറിച്ച മലയാളം ഡ്രൈവിന്റെ ഭാഗമായി ഫെബ്രുവരി രണ്ടാം വാരം അവസാനിക്കുന്ന നൂറുദിന കർമ്മ പരിപാടികൾ ആണ് വിഭാവനം ചെയ്തിരിക്കുന്നത്. മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ നടത്തുന്ന ഈ സാംസ്കാരിക പരിപാടികൾക്ക് വിവിധ മേഖലകളിൽ നിന്നുമുള്ള ആളുകളുടെ മികച്ച പിന്തുണയാണ് ലഭിച്ചുകൊണ്ടിരിക്കുന്നത് . ഇക്കഴിഞ്ഞയാഴ്ച പ്രശസ്ത ചിത്രകാരിയും എഴുത്തുകാരിയും ആർട്ട് ഹിസ്റ്ററി ലക്ചററുമായ ഡോ കവിത ബാലകൃഷ്ണൻ ‘കലയെഴുത്തിൻ്റെ മലയാളം’ എന്ന പ്രഭാഷണത്തിലൂടെ ശ്രോതാക്കളുടെ ശ്രദ്ധ പിടിച്ചു പറ്റി.

മുൻ ആഴ്ചകളിൽ മലയാളം മിഷൻ രജിസ്ട്രാർ ശ്രീ എം സേതുമാധവൻ, ദളിത് ആക്ടിവിസ്റ്റ് ശ്രീമതി മൃദുലാദേവി എസ്, ബല്ലാത്ത പഹയൻ ശ്രീ വിനോദ് നാരായണൻ, ഗോൾഡ് 101.3 എഫ്എം ന്യൂസ് എഡിറ്റർ തൻസി ഹാഷിർ, ഉത്തരാധുനീക സാഹിത്യകാരൻ ശ്രീ പി.എൻ ഗോപീകൃഷ്ണൻ, മാധ്യമ പ്രവർത്തകൻ ശ്രീ സി അനൂപ്, മലയാളം സർവ്വകാശാല വൈസ് ചാൻസലർ ഡോ അനിൽ വള്ളത്തോൾ, മലയാളം മിഷൻ ഡയറക്ടർ പ്രൊഫ സുജ സൂസൻ ജോർജ്, മാദ്ധ്യമ പ്രവർത്തകനും സാഹിത്യ നിരൂപകനുമായ ഡോ പി കെ രാജശേഖരൻ, മലയാളം മിഷൻ ഭാഷാ പ്രവർത്തകൻ ഡോ എം ടി ശശി എന്നിവർ നടത്തിയിരുന്ന പ്രഭാഷണങ്ങൾ കേൾക്കുവാൻ നിരവധി ആളുകളാണ് താല്പര്യപൂർവ്വം ലൈവിൽ എത്തിയിരുന്നത്. ഭാഷാ സ്നേഹികളായ പല ആളുകളും പ്രഭാഷകരോട് ചോദ്യങ്ങൾ ചോദിക്കുകയും ക്രിയാത്മകമായ സംവാദങ്ങളിൽ ഏർപ്പെടുകയും ചെയ്തിരുന്നു. ആയിരങ്ങൾ ആ പ്രഭാഷണങ്ങൾ ശ്രവിക്കുകയും ചെയ്തു.

മലയാളം മിഷന്റെ അധ്യാപകർക്കും വിദ്യാർത്ഥികൾക്കും ഭാഷാ സ്നേഹികൾക്കും പ്രയോജനപ്രദമായ മലയാളം മിഷൻ യുകെ ചാപ്റ്ററിന്റെ നേതൃത്വത്തിൽ നടത്തുന്ന മലയാളം ഡ്രൈവിന്റെ പ്രവർത്തനങ്ങൾ ഏകോപിപ്പിക്കുന്നത് പ്രവർത്തക സമിതി അംഗങ്ങളായ ആഷിക് മുഹമ്മദ് നാസർ, ജനേഷ് നായർ, ബേസിൽ ജോൺ എന്നിവരാണ്. ഒപ്പം ബ്ലോഗെഴുത്തിന്റെ ലോകത്ത് നിന്നും ശ്രീമതി അന്ന എൻ സാറയുടെ സേവനങ്ങളും മലയാളം ഡ്രൈവ് ഉപയോഗപ്പെടുത്തിവരുന്നു.
മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജിലൂടെ എല്ലാവർക്കും പ്രയോജനപ്രദമായ ലൈവ് പ്രഭാഷണങ്ങളും, ഭാഷാ ഉന്നമനത്തിനായി നടത്തുന്ന പരിപാടികളും, ഭാഷാസ്നേഹികളായ മുഴുവൻ ആളുകളും പ്രോത്സാഹിപ്പിക്കണമെന്ന് മലയാളം മിഷൻ യുകെ ചാപ്റ്റർ പ്രസിഡന്റ് സി എ ജോസഫും സെക്രട്ടറി ഏബ്രഹാം കുര്യനും അഭ്യർത്ഥിച്ചു.

ഇന്ന് (30/01/2021) ശനിയാഴ്ച വൈകിട്ട് യുകെ സമയം 4പിഎം, ഇൻഡ്യൻ സമയം രാത്രി 9.30നുമാണ് ശ്രീ പി രാധാകൃഷ്ണൻ ആലുവീട്ടിൽ ‘ബാലസാഹിത്യത്തിൽ കടങ്കഥകളുടെ പ്രാധാന്യം’ എന്ന വിഷയത്തിൽ പ്രഭാഷണം നടത്തുന്നത്. തത്സമയം പരിപാടിയിൽ പങ്കെടുക്കുന്നതിന് താഴെ കൊടുത്തിരിക്കുന്ന ലിങ്ക് ക്ലിക്ക് ചെയ്യുക. മലയാളം മിഷൻ യുകെ ചാപ്റ്ററിന്റെ ഫേസ്ബുക്ക് പേജ് ലൈക്ക് ചെയ്തും പരിപാടികൾ ഷെയർ ചെയ്തും പ്രോത്സാഹിപ്പിക്കുക.

https://www.facebook.com/MAMIUKCHAPTER/live/[1]

Endnotes:
  1. https://www.facebook.com/MAMIUKCHAPTER/live/: https://www.facebook.com/MAMIUKCHAPTER/live/
  2. മലയാളം മിഷൻ യുകെ ചാപ്റ്റർ പ്രസിഡന്റായി സി എ ജോസഫിനെ നിയമിച്ചു. സെക്രട്ടറി ഏബ്രഹാം കുര്യനും മറ്റ് ഭാരവാഹികൾക്കും മാറ്റമില്ല; പ്രഗത്ഭരെ അണിനിരത്തി വിദഗ്ധസമിതിയും ഉപദേശകസമിതിയുമുൾപ്പെടെ വിപുലീകൃതമായ കമ്മിറ്റി നിലവിൽ വന്നു. മലയാളം ഡ്രൈവിന്റെ ഭാഗമായി ശനിയാഴ്ച 4 പി എം ന് എസ് മൃദുല ദേവി…: https://malayalamuk.com/news-regarding-restructure-of-malayalam-mission-uk-chapter/
  3. മലയാളം മിഷൻ യു കെ ചാപ്റ്ററിന്റെ മലയാളം ഡ്രൈവിൽ പ്രശസ്ത എഴുത്തുകാരനും ശാസ്ത്രജ്ഞനുമായ ഡോ വൈശാഖൻ തമ്പി ‘ ശാസ്ത്രം മലയാളത്തിലൂടെ’ എന്ന വിഷയത്തിൽ ഇന്ന് (07/02/21) ഞായറാഴ്ച 4 പിഎം മിന് (IST 09.30PM) പ്രഭാഷണം നടത്തുന്നു: https://malayalamuk.com/malayalam-mission-uk-chapter-6/
  4. മലയാളം മിഷൻ യുകെ ചാപ്റ്റർ യുകെയിലെ പഠന കേന്ദ്രങ്ങളിൽ ‘കണിക്കൊന്ന’സർട്ടിഫിക്കറ്റ് കോഴ്സിന്റെ മൂല്യനിർണ്ണയമായ പഠനോത്സവം 2021 ഏപ്രിൽ 10 ന് നടത്തുന്നു; വിദ്യാർത്ഥികൾ ഫെബ്രുവരി 10 നകം രജിസ്ട്രേഷൻ പൂർത്തിയാക്കേണ്ടതാണ്: https://malayalamuk.com/malayalam-mission-uk-chapter-4/
  5. മലയാളം മിഷൻ യു കെ ചാപ്റ്ററിന്റെ മലയാളം ഡ്രൈവിൽ മലയാളം മിഷൻ ഭാഷാധ്യാപകൻ ഡോ എം ടി ശശി ‘മലയാളത്തനിമയുടെ ഭേദങ്ങൾ’ എന്ന വിഷയത്തിൽ ഇന്ന് (17/01/21) 4പി എം മിന് (IST 9.30 PM) പ്രഭാഷണവും സംവാദവും നടത്തുന്നു: https://malayalamuk.com/malayalam-mission-uk-4/
  6. മലയാളം മിഷൻ യു കെ ചാപ്റ്ററിന്റെ മലയാളം ഡ്രൈവിൽ പുതുവർഷ പ്രത്യേക പരിപാടി; ‘മലയാളം-മലയാളി-കേരളം’ എന്ന വിഷയത്തിൽ മലയാളം മിഷൻ ഡയറക്ടർ പ്രൊഫ സുജ സൂസൻ ജോർജ് ഇന്ന് (3/1/21) 4PM ന് (IST 9.30 PM) പ്രഭാഷണവും സംവാദവും നടത്തുന്നു: https://malayalamuk.com/malayalam-mission-uk-chapter-2/
  7. മലയാളം മിഷൻ യു കെ ചാപ്റ്ററിന്റെ മലയാളം ഡ്രൈവിൽ പ്രശസ്ത ചിത്രകാരിയും കവയത്രിയുമായ ഡോ കവിത ബാലകൃഷ്ണൻ ‘കലയെഴുത്തിന്റെ മലയാളം’ എന്ന വിഷയത്തിൽ ഇന്ന് (24/01/21) 5PM ന് (IST 10.30PM) പ്രഭാഷണം നടത്തുന്നു.: https://malayalamuk.com/news-of-malayalam-mission-uk-chapters-malayalam-drive-speech/

Source URL: https://malayalamuk.com/malayalam-mission-uk-chapter-5/