ന്യൂസ് ഡെസ്ക് മലയാളം യുകെ

സമീപകാല ചരിത്രത്തിൽ ഉണ്ടായതിൽ വെച്ച് ഏറ്റവും വലിയ സാമ്പത്തിക പ്രതിസന്ധിയിലൂടെയാണ് ലോക സമ്പദ് വ്യവസ്ഥ കടന്നുപോകുന്നത്. എന്നാൽ യുകെയിലെ പ്രവാസി മലയാളികളുടെ പ്രധാന നിക്ഷേപമായ വീടു വില സംബന്ധിച്ച് ആശാവഹമായ റിപ്പോർട്ടുകളാണ് പുറത്തു വരുന്നത്. യുകെ സമ്പദ് വ്യവസ്ഥയുടെ നട്ടെല്ല് പ്രോപ്പർട്ടി മാർക്കറ്റ് ആയതിനാൽ വീടുവില ഉയരാൻ സാധ്യതയുണ്ടെന്ന റിപ്പോർട്ടുകൾ സാമ്പത്തിക മേഖലയ്ക്ക് മൊത്തത്തിൽ ഉത്തേജനമാകാൻ സാധ്യതയുണ്ട്.

ഈ വർഷം പ്രോപ്പർട്ടി മാർക്കറ്റിൽ അഞ്ച് ശതമാനത്തോളം വിലവർധനവാണ് പ്രതീക്ഷിക്കുന്നത് . കോവിഡ് മൂലം മൊത്തം സമ്പദ് വ്യവസ്ഥ 10% ചുരുങ്ങിയെങ്കിലും, വീടുവിലയിൽ വർദ്ധനവിനാണ് സാധ്യതയെന്ന് വിദഗ്ധർ ചൂണ്ടിക്കാട്ടുന്നു. 2021 മാർച്ച് 31 വരെ വീടു വാങ്ങുന്നവർക്ക് സ്റ്റാമ്പ് ഡ്യൂട്ടിയിൽ ഇളവു നൽകിയത് പ്രോപ്പർട്ടി മാർക്കറ്റിൽ വലിയ തോതിലുള്ള സ്വാധീനം ചെലുത്തിയിട്ടുണ്ട്.