വീക്കെൻഡ് കുക്കിംഗ് സീസൺ 2 : പൈനാപ്പിൾ ഇട്ടു വരട്ടിയ പോർക്ക് . ഷെഫ് ജോമോൻ കുര്യക്കോസ്

by News Desk | April 4, 2021 1:00 am

ഷെഫ് ജോമോൻ കുര്യക്കോസ്

പൈനാപ്പിൾ ഇട്ടു വരട്ടിയ പോർക്ക്

പോർക്ക് മാരീനേഷനു ആവശ്യമായ ചേരുവകൾ

പോർക്ക് / പന്നി ഇറച്ചി ( ബോൺലെസ്സ് ) 1 കിലോ

മഞ്ഞൾ പൊടി 1/2 ടീസ്പൂൺ

മുളകുപൊടി 1ടീസ്പൂൺ

ഗ്രീൻ ചില്ലി 2എണ്ണം

ചില്ലി ഫ്ലെക്സ് 1 ടീസ്പൂൺ

ഇഞ്ചി ചതച്ചത് 1ടീസ്പൂൺ

ഉപ്പു പാകത്തിന്

മസാലയ്ക്ക് വേണ്ട ചേരുവകൾ

വെളിച്ചെണ്ണ 3 ടീസ്പൂൺ

കുഞ്ഞുള്ളി പൊളിച്ചത് 2 കപ്പ്

വെളുത്തുള്ളിയും ഇഞ്ചിയും ചതച്ചത് 2 ടീസ്പൂൺ

മഞ്ഞൾപൊടി 1/2 ടീസ്പൂൺ

മുളകുപൊടി 1 ടീസ്പൂൺ

മല്ലിപൊടി 3 ടീസ്പൂൺ

തേങ്ങാ കൊത്ത് 1/2 കപ്പ്

പൈനാപ്പിൾ ക്യൂബ്സ് 1കപ്പ്

കറി വേപ്പില 3 സ്ട്രിംഗ്

പാകം ചെയ്യുന്ന വിധം

പോർക്ക് ചെറിയ കഷണങ്ങൾ ആയി മുറിച്ചു നന്നായി കഴുകി എടുത്ത് മാരിനേഷനു വേണ്ട ചേരുവകൾ ചേർത്ത് ഒരു 1/2 കപ്പ് വെള്ളം ഒഴിച്ച് ഒരു പാത്രത്തിൽ അടച്ചു വെച്ച് ചെറിയ തീയിൽ പോർക്കിന്റെ കഷ്ണങ്ങൾകുക്ക് ആവുന്നത് വരെ വേവിക്കുക. പ്രഷർ കുക്കറിൽ ആണെങ്കിൽ 3 വിസിൽ വരുന്ന വരെ വേവിക്കുക. പോർക്ക് വേവുന്ന സമയം കൊണ്ട് ഒരു പാൻ / ഉരുളി അടുപ്പിൽ വെച്ച് വെളിച്ചെണ്ണ ഒഴിച്ച് ചൂടാക്കുക. നല്ല പോലെ ചൂടാകുമ്പോൾ അതിലേക്കു കറിവേപ്പിലയും തേങ്ങാ കൊത്തും ഇട്ടു നല്ല ഗോൾഡൺ നിറം ആകുന്നതു വരെ വഴറ്റുക. അതിലേക്ക് കുഞ്ഞുള്ളി ചേർത്ത് നല്ല പോലെ വഴറ്റിയതിനു ശേഷം മുളകുപൊടി, മഞ്ഞൾ പൊടി, മല്ലിപൊടി എന്നിവ ചേർത്ത് വീണ്ടും വഴറ്റുക .മസാലയുടെ പച്ചമണം മാറിയതിനു ശേഷം വേവിച്ചു വെച്ചിരിക്കുന്ന പോർക്ക് ചേർത്തു വറ്റിച്ചെടുക്കുക. പകുതി വറ്റി വരുമ്പോൾ അരിഞ്ഞു വെച്ചിരിക്കുന്ന പൈനാപ്പിൾ ചേർത്ത് ഇളക്കുക. നല്ല ചൂടിൽ വറ്റി വരുന്ന പോർക്കിൽ പൈനാപ്പിളിന്റെ മധുരം കാരണം നല്ല പോലെ കാരമലൈസ്ഡ് ആവുകയും ചെറിയ പുളി അതിന്റെ രുചി കൂട്ടുകയും ചെയ്യും.

ഷെഫ് ജോമോൻ കുര്യാക്കോസ്

Endnotes:
  1. വീക്കെൻഡ് കുക്കിംഗ് സീസൺ 2 അടുത്ത ഞായർ മുതൽ മലയാളം യു കെയിൽ: https://malayalamuk.com/weekend-cooking-season-2-in-malayalam-uk-from-next-sunday/
  2. വീക്കെൻഡ് കുക്കിംഗ് സീസൺ 2 : പാചകത്തിലെ ശാസ്ത്രത്തിന്റെ കഥയോടൊപ്പം കേരളത്തനിമ വിളിച്ചോതുന്ന കാട മുട്ട റോസ്‌റ്റുമായി ഷെഫ് ജോമോൻ കുര്യക്കോസ്: https://malayalamuk.com/weekend-cooking-season-2-episode5/
  3. വീക്കെൻഡ് കുക്കിംഗ് സീസൺ 2 : ഉയർപ്പു പെരുന്നാളിൽ ഞങ്ങളും എത്തുന്നു നിങ്ങളോടൊപ്പം: https://malayalamuk.com/weekend-cooking-season-2-easter-special-recipes/
  4. “7Beats “സംഗീതോത്സവം 2019 ” സീസൺ-3, ചാരിറ്റി ഈവന്റ് & ഓ.എൻ.വി കുറുപ്പ് അനുസ്മരണവും വാറ്റ്ഫോർഡിൽ ഈ ശനിയാഴ്ച… ഒരുക്കങ്ങൾ  പൂർത്തിയായി: https://malayalamuk.com/7beats-sangeetholsav-2019/
  5. ലാവണ്യത്തിന്റെ തികവ്- ക്ലിയോപാട്ര: https://malayalamuk.com/the-perfection-of-beauty-cleopatra/
  6. യുക്മ മാഗ്നവിഷൻ സ്റ്റാർ സിംഗർ സീസൺ 4 ജൂണിയർ ലോഗോ പ്രകാശനം ചെയ്തു …….. 8 മുതൽ 16 വയസ്സ് വരെയുള്ള ഗായകർ സംഗീത വിരുന്നൊരുക്കുന്ന റിയാലിറ്റി ഷോയ്ക്ക് യുക്മ സാംസ്കാരിക വേദി അരങ്ങൊരുക്കുന്നു………: https://malayalamuk.com/uukma-magna-vision-star-singer-season-4/

Source URL: https://malayalamuk.com/weekend-cooking-season-2-easter-special-recipe-dried-pork-with-pineapple/