ബ്രിസ്റ്റോള്‍ സെന്റ്. തോമസ് സീറോ മലബാര്‍ കാത്തലിക് ചര്‍ച്ചിലെ ദുക്റാന തിരുനാള്‍ ആഘോഷങ്ങളും സണ്‍ഡേ സ്‌കൂള്‍ വാര്‍ഷികാഘോഷവും പ്രൗഢോജ്വലമായി 0

ഈശോയെ ദൈവവും കര്‍ത്താവുമായി പ്രഖ്യാപിച്ച തോമാശ്ലീഹായുടെ ഓര്‍മ്മയാചരിച്ച് കൊണ്ട് യുകെയിലെ ഏറ്റവും വലിയ സീറോ മലബാര്‍ സമൂഹങ്ങളില്‍ ഒന്നായ ബ്രിസ്റ്റോള്‍ സെന്റ്. തോമസ് സീറോ മലബാര്‍ കാത്തലിക് ചര്‍ച്ചിലെ ദുക്‌റാന തിരുനാള്‍ ആഘോഷങ്ങളും യുകെയിലെ ഏറ്റവും വലിയ സണ്‍ഡേ സ്‌കൂളുകളില്‍ ഒന്നായ ബ്രിസ്റ്റോള്‍ സെന്റ്. തോമസ് സീറോ മലബാര്‍ സണ്‍ഡേ സ്‌കൂള്‍ വിദ്യാര്‍ത്ഥികളുടെ വാര്‍ഷികാഘോഷങ്ങളും പ്രൗഢോജ്ജ്വലമായി ആഘോഷിച്ചു. ഫില്‍ട്ടന്‍ സെന്റ്. തെരേസാസ് ചര്‍ച്ചില്‍ ഉച്ചക്ക് ഒരു മണിയോടെ നടന്ന ആഘോഷമായ വിശുദ്ധ കുര്‍ബാനയ്ക്ക് ഫാ. ബിജു ചിറ്റുപറമ്പന്‍ മുഖ്യകാര്‍മ്മികത്വം വഹിച്ചു. ഫാ. ജിമ്മി പുളിയ്ക്കക്കുന്നേല്‍ തിരുനാള്‍ സന്ദേശം നല്‍കി.

Read More

തൊഴില്‍രഹിതരിലെ മാനസികാരോഗ്യ പ്രശ്‌നങ്ങള്‍ക്ക് പ്രധാന കാരണം ആനുകൂല്യങ്ങള്‍ വെട്ടിക്കുറക്കുന്നതെന്ന് വെളിപ്പെടുത്തല്‍ 0

ലണ്ടന്‍: സര്‍ക്കാരിന്റെ ചെലവു ചുരുക്കല്‍ നയങ്ങളുടെ ഭാഗമായി ആനുകൂല്യങ്ങള്‍ വെട്ടിക്കുറയ്ക്കുന്നത് തൊഴില്‍ രഹിതരില്‍ വര്‍ദ്ധിച്ചുവരുന്ന മാനസികാരോഗ്യ പ്രശ്‌നങ്ങളുടെ പ്രധാന കാരണമാണെന്ന് വിലയിരുത്തല്‍. തൊഴില്‍ രഹിതരിലെ മാനസികാരോഗ്യ പ്രശ്‌നങ്ങള്‍ 50 ശതമാനം വര്‍ദ്ധിച്ചതായി കണക്കുകള്‍ പുറത്തു വന്നിരുന്നു. അമിത ആകാംക്ഷ, വിഷാദം തുടങ്ങിയ മാനസിക പ്രശ്‌നങ്ങള്‍ വര്‍ദ്ധിച്ചുവെന്നാണ് വ്യക്തമാക്കപ്പെടുന്നത്. കഴിഞ്ഞ നാല് വര്‍ഷങ്ങള്‍ക്കിടെ ഇവയില്‍ 50 ശതമാനം വര്‍ദ്ധനവാണ് രേഖപ്പെടുത്തിയത്. ആനുകൂല്യങ്ങള്‍ നിര്‍ത്തിയത് ഇതിന്റെ രൂക്ഷത വര്‍ദ്ധിപ്പിച്ചെന്ന് യുകെ കൗണ്‍സില്‍ ഫോര്‍ സൈക്കോതെറാപ്പി വ്യക്തമാക്കി.

Read More

എന്‍എച്ച്എസ് ആശുപത്രികളില്‍  മോശം പരിചരണം മൂലം രോഗികള്‍ മരിക്കുന്നുവെന്ന് റിപ്പോര്‍ട്ട് 0

ലണ്ടന്‍: അടിയന്തര ശ്രദ്ധ ആവശ്യമായ രോഗികള്‍ എന്‍എച്ച്എസ് ആശുപത്രികളില്‍ പരിചരണത്തിന്റെ കുറവ് മൂലം മരിക്കുന്നതായി റിപ്പോര്‍ട്ട്. ആഭ്യന്തര റിപ്പോര്‍ട്ട് ഞെട്ടിക്കുന്നത് എന്നായിരുന്നു എന്‍എച്ച്എസ് പ്രതികരിച്ചത്. അടിയന്തര ഘട്ടങ്ങളില്‍ ഓക്‌സിജന്‍ ആവശ്യമായി വരുന്ന രോഗികളില്‍ മൂന്നിലൊന്ന് പേര്‍ മരിക്കുന്നുണ്ടെന്നാണ് ഞെട്ടിക്കുന്ന റിപ്പോര്‍ട്ട് പറയുന്നത്. ജീവനക്കാരുടെയും ആശുപത്രി ഉപകരണങ്ങളുടെയും കുറവാണ് ഈ സ്ഥിതിവിശേഷത്തിന് കാരണമെന്നാണ് വിലയിരുത്തപ്പെടുന്നത്. നാഷണല്‍ കോണ്‍ഫിഡന്‍ഷ്യാലിറ്റി എന്‍ക്വയറി ഇന്‍ടു പേഷ്യന്റ് ഔട്ട്കം ആന്‍ഡ് ഡെത്ത് നടത്തിയ പരിശോധനയിലാണ് ഈ വിവരം പുറത്തു വന്നത്.

Read More

വാല്‍സിംഹാം ജനസമുദ്രമായി: സീറോ മലബാര്‍ സഭയുടെ പ്രഥമ തീര്‍ത്ഥാടനത്തിനെത്തിയത് പതിനായിരത്തിൽപരം വിശ്വാസികൾ… 0

വാല്‍സിംഹാം: ഗ്രേറ്റ് ബ്രിട്ടണ്‍ സീറോ മലബാര്‍ സഭ രൂപീകൃതമായതിനു ശേഷം രൂപതയിലെ മുഴവന്‍ വിശ്വാസികളെയും പങ്കെടുപ്പിച്ച് കൊണ്ട് വാല്‍സിംഹാമിലേയ്ക്ക് നടത്തിയ പ്രഥമ മരിയന്‍ തീര്‍ത്ഥാടനം വിശ്വാസികളുടെ വര്‍ദ്ധിച്ച പങ്കാളിത്തം കൊണ്ടും ഭക്തിനിര്‍ഭരമായ തിരുക്കര്‍മ്മങ്ങള്‍ കൊണ്ടും ശ്രദ്ധേയമായി. യു കെയിലെ നാനാഭാഗത്തു നിന്നും എത്തിയ സീറോ മലബാര്‍ വിശ്വാസികളെ കൊണ്ട് നിറഞ്ഞ തിരുന്നാള്‍ ആഘോഷം ഒന്നാം വയസ്സിലേയ്ക്ക് കടക്കാന്‍ പോകുന്ന ഗ്രേറ്റ് ബ്രിട്ടണ്‍ രൂപതയ്ക്ക് പ്രചോതനമാകും. മുന്‍കൂട്ടി നിശ്ചയിച്ച തുപൊലെ രാവിലെ ഒമ്പത് മണിക്ക് തന്നെ തിരുന്നാള്‍ തിരുക്കര്‍മ്മങ്ങള്‍ ഫാ. സോജി ഓലിക്കലിന്റെ വചനപ്രഘോഷണത്തോടെ ആരംഭിച്ചു. തുടര്‍ന്ന് ഗ്രേറ്റ് ബ്രിട്ടന്‍ സീറോ മലബാര്‍ രൂപതാദ്ധ്യക്ഷന്‍ മാര്‍ ജോസഫ് സ്രാമ്പിക്കല്‍ വാല്‍സിംഹാം മാതാവിന്റെ തിരുസ്വരൂപം വെഞ്ചരിച്ച് കിരീടമണിയിച്ചു

Read More

എസ്ആര്‍എം യുകെയുടെ പ്രീ ടീന്‍ ആത്മീയ ക്യാമ്പ് അലബാരെ 17 സൗത്താംപ്ടണില്‍ 0

7 മുതല്‍ 12 വയസ് വരെ പ്രായമുള്ളവര്‍ക്കായി നടത്തുന്ന ആത്മീയ ക്യാമ്പ് അലബാരെ 17 ജൂലൈ 28 മുതല്‍ 30 വരെ നടക്കും. സൗത്താംപ്ടണിലെ സെന്റ് ജോസപഫ്‌സിലാണ് ക്യാമ്പ് നടക്കുന്നത്. എസ്ആര്‍എം യുകെ സ്പിരിച്വല്‍ ഡയറക്ടര്‍മാരായ ഫാ.ഡെസ് കോണോലി, ഫാ. ജോസഫ് സേവിയര്‍, പോര്‍ട്‌സ്മൗത്ത് രൂപത പാസ്റ്ററല്‍ അസിസ്റ്റന്റ് ടീന ക്വിന്‍ എന്നിവരുടെ നേതൃത്വത്തിലാണ് ക്യാമ്പ് നടക്കുന്നത്. ചരച്ചകള്‍, സംഗീതം, വി.കുര്‍ബാന, ഇന്‍ഡോര്‍ ഔട്ട്‌ഡോര്‍ ഗെയിമുകള്‍, ക്യാമ്പ് ഫയര്‍ തുടങ്ങി വിവിധപരിപാടികള്‍ കുട്ടികള്‍ക്കായി ഒരുക്കിയിട്ടുണ്ട്.

Read More

സ്പിരിച്വല്‍ റിവൈവല്‍ മിനിസ്ട്രി ഇന്റര്‍നാഷണല്‍ ലണ്ടനില്‍ മലയാളം കത്തോലിക്കാ കണ്‍വെന്‍ഷനും ഉപവാസവും സംഘടിപ്പിക്കുന്നു 0

സ്പിരിച്വല്‍ റിവൈവല്‍ മിനിസ്ട്രി ഇന്റര്‍നാഷണല്‍ യുകെ ഒരു ദിവസത്തെ ഉപവാസവും കത്തോലിക്കാ മലയാളം കണ്‍വെന്‍ഷനും സംഘടിപ്പിക്കുന്നു. ജൂലൈ 22 ശനിയാഴ്ച ഡഗെന്‍ഹാം, സെന്റ് പീറ്റേഴ്‌സ് ചര്‍ച്ചിലാണ് കണ്‍വെന്‍ഷന്‍. കുമ്പസാരം, ദൈവവചനം, സ്തുതിയും ആരാധനയും, കൊന്ത നമസ്‌കാരം തുടങ്ങിയവയ്ക്ക് സൗകര്യമുണ്ടായിരിക്കും. എസ്ആര്‍എം ഇന്റര്‍നാഷണല്‍ ടീം ആണ് കണ്‍വെന്‍ഷന്‍ നയിക്കുന്നത്.

Read More

”നമ്മുടെ മാലാഖമാരെ ഇനിയും വെയിലത്തും മഴയത്തും നിര്‍ത്തരുതേ..! ഞായറാഴ്ചയുടെ സങ്കീര്‍ത്തനം 0

യഥാര്‍ത്ഥ മാലാഖമാര്‍ സ്വര്‍ഗ്ഗത്തിലായിരിക്കാം. എന്നാല്‍ ഭൂമിയിലെ കുറേ മാലാഖമാര്‍ സമരത്തിലാണ്. വെള്ളയുടുപ്പിട്ട് മാലാഖമാരെപ്പോലെ ഓടി നടന്ന് ജീവന്‍രക്ഷാ ജോലി ചെയ്യേണ്ടവര്‍ക്ക് തെരുവിലേയ്ക്കിറങ്ങേണ്ടി വന്നിരിക്കുന്നു. ജീവിതം ദുരിതപൂര്‍ണമായ നരകത്തിലേയ്ക്ക് പോകാതിരിക്കാന്‍ ജോലിയില്‍ സദാസമയം പുഞ്ചിരിക്കുന്ന സൗമ്യഭാവം വിട്ട് രോഷത്തിന്റെയും ആവലാതിയുടെയും അവകാശവാദങ്ങളുടെയും മുഖഭാവങ്ങള്‍ അവര്‍ക്ക് അണിയേണ്ടി വന്നിരിക്കുന്നു. പ്രത്യേക പഠനമോ പരിശീലനമോ ആവശ്യമില്ലാത്ത മറ്റുപല ജോലികള്‍ ചെയ്യുന്നവര്‍ക്ക് കിട്ടുന്ന വേതനം പോലും ബാങ്കില്‍ നിന്നും മറ്റുപല സ്ഥലങ്ങളില്‍ നിന്നും ലോണെടുത്ത് പഠിച്ചും നിരവധി പരീക്ഷാ കടമ്പകള്‍ കടന്നും ആതുരശുശ്രൂഷയുടെ അംബാസഡര്‍മാരാകുന്ന ഈ പാവം നഴ്‌സ് സഹോദരീ- സഹോദരന്മാര്‍ക്ക് കിട്ടുന്നില്ല എന്നത് നിയമത്തിന്റെയോ നീതിയുടെയോ മാത്രം മുന്നിലുള്ള ചോദ്യമല്ല, മനഃസാക്ഷിയുടെ മുന്നിലുള്ള ചോദ്യം കൂടിയാണ്. രാജ്യത്തിന്റെ മനഃസാക്ഷിയായ സുപ്രീംകോടതി നിയതമായ ഒരു അടിസ്ഥാന വേതനത്തെക്കുറിച്ച് പറയുകയും കൂടി ചെയ്തിടത്ത് അത് പ്രാവര്‍ത്തികമാക്കാന്‍ ഒന്നും അമാന്തിച്ചുകൂടാ.

Read More

ദിലീപിന്റെ ചതി ദൈവങ്ങളോടും; ഉറ്റ സുഹൃത്ത് കലാഭവന്‍ മണിയേയും വെറുതെ വിട്ടില്ല; ഡി സിനിമാസ് കെട്ടിപ്പൊക്കിയിരിക്കുന്നത് സര്‍ക്കാര്‍ ഭൂമിയില്‍ 0

കേരളത്തില്‍ ചതിയുടെയും വഞ്ചനയുടെയും പ്രതിരൂപമായി അറിയപ്പെടുന്നത് വടക്കന്‍ വീരഗാഥയിലെ ചന്തുവാണ്. അഭിനവ കേരളത്തില്‍ ആ സ്ഥാനം ജനപ്രിയ നായകനെന്ന പേരില്‍ മലയാള സിനിമയില്‍ നിറഞ്ഞുനിന്ന ദിലീപിനാകുമോ എന്ന് സംശയിക്കത്തക്ക രീതിയിലാണ് പ്രമുഖ സിനിമാനടി ആക്രമിക്കപ്പെട്ടതിനെ തുടര്‍ന്ന് നടന്ന അന്വേഷണങ്ങള്‍ ചെന്നെത്തുന്നത്. സ്ത്രീകളുടെയും കുട്ടികളുടെയും പ്രിയപ്പെട്ട നിഷ്‌കളങ്കനായ അയല്‍വക്കത്തെ ചെറുപ്പക്കാരനായി മലയാള സിനിമയില്‍ നിറഞ്ഞുനില്‍ക്കുമ്പോള്‍ തന്നെ വഞ്ചനയുടെയും ചതിയുടെയും മറ്റൊരു ലോകത്തെ രാജാവായിരുന്നു ദിലീപെന്നാണ് വാര്‍ത്തകള്‍.

Read More

സെക്കന്‍ഡ് ഹാന്‍ഡ് വാഹനങ്ങള്‍ വാങ്ങാന്‍ പ്ലാനുണ്ടോ? നോർവിച്ചിൽ നിന്നും ബേൺലി വരെ സഞ്ചരിച്ചാൽ ലാഭിക്കുന്നത് നാലായിരം പൗണ്ട്… യുകെയിൽ വിലക്കുറവുള്ള സ്ഥലങ്ങൾ അറിയാം… 0

ലണ്ടന്‍: സെക്കന്‍ഡ് ഹാന്‍ഡ് വാഹനങ്ങള്‍ വാങ്ങാന്‍ ഉദ്ദേശിക്കുന്നവര്‍ക്ക് കുറഞ്ഞ വിലയില്‍ അവ ലഭിക്കണമെങ്കില്‍ ഈ പ്രദേശങ്ങളില്‍ പോയാല്‍ മതിയാകും. അതിനായി ഒരല്‍പം തെരയണമെന്നു മാത്രം. ബ്രിട്ടനിലെ ടോപ് സെല്ലിംഗ് മോഡലുകള്‍ പോക്കറ്റിന് ഒതുങ്ങുന്ന വിലയ്ക്ക് സ്വന്തമാക്കാന്‍ കഴിയുന്ന പ്രദേശങ്ങളുടെ പട്ടിക തയ്യാറാക്കിയിരിക്കുകയാണ് പുതിയ ഒരു വിശകലനത്തിലൂടെ. സെക്കന്‍ഡ് ഹാന്‍ഡ് വാഹനങ്ങള്‍ക്ക് ഏറ്റവി വിലയുള്ള പ്രദേശങ്ങളും ഈ പട്ടികയില്‍ രേഖപ്പെടുത്തിയിരിക്കുന്നു.

Read More

11 രാജ്യങ്ങളിലെ ആരോഗ്യ സേവനങ്ങളില്‍ നാഷണല്‍ ഹെല്‍ത്ത് സര്‍വീസ് ഒന്നാമത് 0

ലണ്ടന്‍: പതിനൊന്ന് രാജ്യങ്ങളിലെ ആരോഗ്യ സേവന സംവിധാനങ്ങളില്‍ എന്‍എച്ച്എസിന് ഒന്നാം സ്ഥാനം. സുരക്ഷ, കാര്യക്ഷമത തുടങ്ങിയവയില്‍ എന്‍എച്ച്എസ് മുന്നിലാണെന്ന് കണ്ടെത്തി. അമേരിക്കന്‍ തിങ്ക്ടാങ്ക് ആയ കോമണ്‍വെല്‍ത്ത് ഫണ്ട് നടത്തിയ പഠനത്തിലാണ് എന്‍എച്ച്എസിന് ഈ ബഹുമതി ലഭിച്ചത്. അമേരിക്ക, കാനഡ, ഓസ്‌ട്രേലിയ, ഫ്രാന്‍സ്, ജര്‍മനി തുടങ്ങി 11 രാജ്യങ്ങളിലെ ആരോഗ്യ സേവന വിഭാഗങ്ങളിലാണ് പഠനം നടത്തിയത്. എന്നാല്‍ ക്യാന്‍സര്‍ ചികിത്സയിലും അകാല മരണങ്ങള്‍ കുറയ്ക്കുന്നതിലും എന്‍എച്ച്എസ് പിന്നോട്ടാണെന്ന് വിശകലനം പറയുന്നു.

Read More