സുജിത് തോമസ്

സ്ട്രോബെറി പുഡിങ്

ആവശ്യമുള്ള സാധനങ്ങൾ

മധുരമുള്ള സ്ട്രോബറി- 500 ഗ്രാം
കണ്ടൻസ്ഡ് മിൽക്ക് -200 മില്ലി
പാൽ -500 മില്ലി
പാൽപ്പൊടി -2 ടേബിൾ സ്പൂൺ
പഞ്ചസാര – 2 ടേബിൾ സ്പൂൺ
ജലറ്റിൻ അല്ലെങ്കിൽ ചൈന ഗ്രാസ് -ഓരോ പായ്ക്കറ്റിലും നിർദേശിച്ചിരിക്കുന്ന പ്രകാരം

ഉണ്ടാക്കുന്ന വിധം

1.സ്ട്രോബെറി കഴുകി വൃത്തിയാക്കിയതിൽ നിന്നും മൂന്നോ നാലോ മാറ്റി വെക്കുക.
2. ബാക്കിയുള്ള സ്ട്രോബെറി, പാൽ,പഞ്ചസാര, പാൽപ്പൊടി, കണ്ടൻസ്ഡ് മിൽക്ക് എന്നിവ മിക്സിയിൽ നന്നായി അടിച്ചെടുക്കുക.
3. അടുപ്പിൽ വെച്ച് ചൂടു വെള്ളത്തിൽ ജലറ്റിൻ അലിയിച്ചെടുക്കുക.
4. ജലറ്റിൻ, സ്ട്രോബെറി മിശ്രിതത്തിൽ കലർത്തി,ചെറുതായി ചൂടാക്കി, ട്രേയിൽ ഒഴിച്ചു സെറ്റ് ചെയ്യുക.
5. മാറ്റി വെച്ചിരിക്കുന്ന സ്ട്രോബെറി ചെറുതായി അരിഞ്ഞു,1 ടേബിൾ സ്പൂൺ പഞ്ചസാരയിൽ, ചെറുതീയിൽ വിളയിച്ചെടുക്കുക.
6. സെറ്റ് ആയ പുഡ്ഡിംഗിന് മുകളിൽ ഇതു നിരത്തിയ ശേഷം, ഫ്രിഡ്ജിൽ വെച്ച് തണുപ്പിച്ചു ഉപയോഗിക്കുക.

സുജിത് തോമസ്

മിനു നെയ്‌സൺ പള്ളിവാതുക്കൽ

ഡയമണ്ട് കട്ട്സ്

ചേരുവകൾ

1 . 1 കപ്പ് മൈദ/മാവ്
2 . 2 tsp വെണ്ണ
3 . 1/4 tsp ഉപ്പ്
4 . 1 tsp ബേക്കിംഗ് പൗഡർ
5 . 1/2 tsp ഏലയ്ക്ക പൊടിച്ചത്
6 . 1/2 കപ്പ് പൊടിച്ച പഞ്ചസാര
7 . വറുക്കാനുള്ള എണ്ണ

ഡയമണ്ട് കട്ട്സ് എങ്ങനെ ഉണ്ടാക്കാം

Step 1
ഒരു ബൗളിൽ മൈദ, വെണ്ണ, ഉപ്പ്, ബേക്കിംഗ് പൗഡർ, ഏലയ്ക്കാപ്പൊടി, ആവശ്യത്തിന് വെള്ളം എന്നിവ ചേർത്ത് നന്നായി കുഴക്കുക; ഇത് ഏകദേശം 10 മിനിറ്റ് മൂടി വെക്കുക.

Step 2
ഈ മാവ് 3 തുല്യ ഭാഗങ്ങളായി വിഭജിക്കുക;അതിനുശേഷം നന്നായി പരത്തുക
ഒരു പിസ്സ കട്ടർ അല്ലെങ്കിൽ കത്തി ഉപയോഗിച്ച് ഡയമണ്ട് ആകൃതിയിൽ മുറിക്കുക.

Step 3
ഒരു പാനിൽ എണ്ണ ചൂടാക്കി ഡയമണ്ട് കട്ട്‌സ് ഇട്ട് ഡീപ് ഫ്രൈ ചെയ്തശേഷം കോരി എടുക്കുക.
ശേഷം അതിലേക്കു പഞ്ചസാര പൊടിച്ചത് വിതറുക

ഡയമണ്ട് കട്ട്സ് റെഡി; ചൂട് ചായ / കോഫിക്കൊപ്പം ആസ്വദിക്കുക.

മിനു നെയ്‌സൺ പള്ളിവാതുക്കൽ ,ഓസ്ട്രേലിയ

ബേസിൽ ജോസഫ്

മുട്ട – 4 എണ്ണം
സബോള -2 എണ്ണം ഫൈൻ ആയി ചോപ്പ് ചെയ്തത്
തക്കാളി -1 എണ്ണം ഫൈൻ ആയി ചോപ്പ് ചെയ്തത്
ഇഞ്ചി – 1 ടീസ്പൂണ്‍ (വളരെ ചെറുതായി അരിഞ്ഞത് )
വെളുത്തുള്ളി 1 ടീസ്പൂണ്‍ (വളരെ ചെറുതായി അരിഞ്ഞത് )
പച്ചമുളക് – 2 എണ്ണം (നടുവേ മുറിച്ചത് )
കറിവേപ്പില – 1 തണ്ട്
മഞ്ഞൾപൊടി -1 / 2 ടീസ്പൂണ്‍
ചില്ലിപൗഡർ -1 ടീസ്പൂണ്‍
ഗരം മസാല – 1 / 2 ടീസ്പൂണ്‍
മല്ലിപൊടി -2 ടീസ്പൂണ്‍
കുരുമുളകുപൊടി -1/2 ടീസ്പൂണ്‍
വെള്ളം – 50 മില്ലി
തേങ്ങാപ്പാൽ – (150 ml )

പാചകം ചെയ്യുന്ന വിധം 

മുട്ട പുഴുങ്ങി തോട് മാറ്റി ചെറുതായി വരഞ്ഞു വയ്ക്കുക .ഒരു പാനിൽ ഓയിൽ ചൂടാക്കി ഇതിലേയ്ക്ക് ഇഞ്ചി , വെളുത്തുള്ളി ,പച്ചമുളക് എന്നിവ ചേർത്ത് 2 മിനിറ്റ് വഴറ്റുക .ഇതിലേയ്ക്ക് കറിവേപ്പില ചേർത്ത് 1 മിനിറ്റ് കൂടി വഴറ്റുക .സബോള അരിഞ്ഞു വച്ചതും ഉപ്പും കൂടി ചേർത്ത് വഴറ്റുക . സബോള കുക്ക് ആയി ഗോൾഡൻ ബ്രൗൺ നിറമാകുമ്പോൾ തക്കാളിയും കൂടി ചേർത്ത് 2-3 മിനിറ്റ് കൂടി വഴറ്റുക .എല്ലാ മസാലകളും ചേർത്ത് മസാലയുടെ പച്ച മണം പോകുന്നത് വരെ കുക്ക് ചെയ്യുക .ഇതിലേയ്ക്ക് വെള്ളം ചേർത്ത് കുഴമ്പ് പരുവത്തിൽ ആക്കി എടുക്കുക . ആവശ്യം എങ്കിൽ ഉപ്പ് വീണ്ടും ചേർത്ത് തിളപ്പിച്ച് എടുക്കുക . തിളച്ചു കഴിയുമ്പോൾ തേങ്ങാപ്പാൽ കൂടി ചേർത്ത് നന്നായി മിക്സ്‌ ചെയ്യുക .തേങ്ങാപ്പാൽ ചെറുതായി തിളച്ചുവരുമ്പോൾ ഇതിലേയ്ക്ക് തയ്യാറാക്കി വച്ച മുട്ട ചേർക്കുക .മുട്ടയും മസാലയും കൂടിച്ചേരാൻ സാവധാനം 1 മിനിറ്റ് കൂടി ഇളക്കി ചൂടോടെ സെർവ് ചെയ്യുക.

ഷെഫ് ജോമോൻ കുര്യാക്കോസ്

Gujarati Dhokhla | ധോക്ല

1. പച്ചരി -1 കപ്പ്
2. കടല പരിപ്പ് -അരക്കപ്പ്
3. വെളുത്ത അവിൽ – 1 handful
4. ബേക്കിങ്ങ് പൗഡർ – 1 സ്പൂൺ
5. ഉപ്പ് – ആവശ്യത്തിന്
6. മഞ്ഞൾപ്പൊടി -1 സ്പൂൺ
7. തൈര് – കാൽകപ്പ്
8. കടുക്-1 സ്പൂൺ
9. പച്ചമുളക് -5,6

അരിയും പരിപ്പും 6-7 മണിക്കൂർ കുതിര്‍ത്ത് അരയ്ക്കുക .അരയ്ക്കുന്നതിന് 5 മിനിറ്റ് മുമ്പ് അവിൽ കഴുകി കുതിര്‍ത്ത്, അതും ചേർത്ത് അരയ്ക്കണം. 4-5 മണിക്കൂർ ഈ മാവ് അടച്ച് വെയ്ക്കണം.

ആവിയിൽ വേവിക്കുന്നതിനു തൊട്ടു മുമ്പ് ഉപ്പ്, തൈര് , ബേക്കിങ്ങ് പൗഡർ, മഞ്ഞൾ പൊടി എന്നിവ ചേര്‍ത്ത് നന്നായി ബീറ്റ് ചെയ്യുക. Air holes വരുന്നതു വരെ. ശേഷം എണ്ണ പുരട്ടിയ പാത്രത്തിൽ ഒഴിച്ച് 20 മിനിറ്റ് ആവിയിൽ വേവിക്കുക. ഇതിനു മുകളിൽ കടുക് , പച്ചമുളക് വറുത്തിടുക. പാത്രത്തിൽ പകുതി ഭാഗം മാവ് ഒഴിക്കാവൂ. കാരണം ഇത് നന്നായി പൊങ്ങി വരും വേവുമ്പോ. ധോക്ക്ല റെഡി. ചട്ണി കൂട്ടി കഴിക്കാം.

ഷെഫ് ജോമോൻ കുര്യാക്കോസ്

ഫിഷ് കട് ലേറ്റിനക്കാളും രുചിയേറിയ സാൽമൺ ഫിഷ് കേക്കുമായി ബേസിൽ ജോസഫ് , കഴിച്ചു തുടങ്ങിയാൽ പിന്നെ നിർത്താനാവില്ലത്ത ടേസ്റ്റ് ഉള്ള ചിക്കൻ ചുക്കയുമായി ഷെഫ് ജോമോൻ കുര്യാക്കോസ് , ക്രിസ്തുമസിനു മോടികൂട്ടാൻ എളുപ്പമുള്ള ഒരടിപൊളി കാരമൽ പുഡ്ഡിംഗ് റെസിപ്പിയുമായി മിനു നെയ്‌സൺ പള്ളിവാതുക്കൽ , അടിപൊളി ക്രിസ്തുമസ് ഫ്രൂട്ട് കേക്കുമായി സുജിത് തോമസ് ഏവർക്കും ടീം വീക്ക്‌ ഏൻഡ് കുക്കിംങ്തി സീസൺ 2 വിന്റെ  തിരുപ്പിറവി ആശംസകൾ

സാൽമൺ ഫിഷ് കേക്ക് 
ഫിഷ് കട്ലേറ്റിനക്കാളും രുചിയേറിയ ഫിഷ് കേക്കുമായി ബേസിൽ ജോസഫ് 

ചേരുവകൾ 

സാൽമൺ ഫിഷ് -400 ഗ്രാം (മുള്ള് കളഞ്ഞത് )
ഉരുളക്കിഴങ്ങ് – 1എണ്ണം
ചുവന്നമുളക് – 1 എണ്ണം
സ്പ്രിങ് ഒനിയൻ – 4 തണ്ട് ചെറുതായി അരിഞ്ഞത്
മല്ലിയില – പകുതി കെട്ട് ചെറുതായി അരിഞ്ഞത്
ബ്രഡ് ക്രമ്ബ്‌സ് – 100 ഗ്രാം
മുട്ട – 1എണ്ണം
വൂസ്‌സ്റ്റർ ഷെയര്‍ സോസ് – 1 ടീസ്പൂൺ
വെളുത്തുള്ളി – 4 അല്ലി പൊടിയായി അരിഞ്ഞത്
ഇഞ്ചി – 1 പീസ് പൊടിയായി അരിഞ്ഞത്
കുരുമുളക് – 2 ടീ സ്പൂൺ
ഉപ്പ് – ആവശ്യത്തിന്
നാരങ്ങ നീര് – ആവശ്യത്തിന്

തയാറാക്കുന്ന വിധം

തിളച്ച വെള്ളത്തിലേക്ക് ഉപ്പ്, ചെറുനാരങ്ങാനീര് എന്നിവയിട്ട ശേഷം മീന്‍ കഷണങ്ങള്‍ വേവിക്കുക. വേവിച്ച കഷണങ്ങള്‍ നന്നായി പൊടിച്ചെടുക്കുക . വേവിച്ച ശേഷം ഉടച്ചെടുത്ത ഉരുളക്കിഴങ്ങ്, അരിഞ്ഞ വെളുത്തുള്ളി, ഇഞ്ചി, ചുവന്നമുളക്, സ്പ്രിങ് ഒനിയൻ തണ്ട് , മല്ലിയില, ബ്രഡ്ക്രംസ്, മുട്ട, കുരുമുളകുപൊടി, ഉപ്പ്, വൂസ്‌കര്‍ഷെയര്‍ സോസ് എന്നിവ ചേര്‍ത്ത് നന്നായി കുഴച്ചെടുക്കുക. ഇത് ചെറിയ വട്ടത്തില്‍ പരത്തിയെടുത്ത് ഒരു തവ ചൂടാക്കി ചെറു തീയിൽ രണ്ടു സൈഡും അല്പം എണ്ണയിൽ പൊരിച്ചെടുക്കുക. ടാർട്ടാർ സോസിനൊപ്പം വിളമ്പുക

ചിക്കൻ ചുക്കാ
ഇത്തവണ ക്രിസ്മസിന് അപ്പത്തിനൊപ്പം കഴിക്കാൻ പറ്റിയ ഒരു വിഭവം. ചിക്കൻ ചുക്കയുമായി ഷെഫ് ജോമോൻ കുര്യക്കോസ് . കഴിച്ചു തുടങ്ങിയാൽ പിന്നെ നിർത്താനാവില്ല, ഇതിന്റെ രുചി വേറെ ലെവൽ തന്നെ.

ചേരുവകൾ 

1 ചിക്കൻ 1 കിലോ (ചെറിയ
കഷണങ്ങൾ)
2 മുളക് പൊടി 1 ടീസ്പൂൺ
3 മഞ്ഞൾപൊടി 1/4 ടീസ്പൂൺ
4 കുരുമുളകു പൊടി 2 ടീസ്പൂൺ
5 ഉപ്പ് 3/4 ടീസ്പൂൺ

ചിക്കനിൽ 2 മുതൽ 5 വരെയുള്ള ചേരുവകൾ ചേർത്ത മാഗ്‌നൈറ്റ് ചെയ്തു മാറ്റി വെക്കുക.

6 സവാള 5_ 6 നീളത്തിൽ അരിഞ്ഞത്
7 ഇഞ്ചി നീളത്തിൽ അരിഞ്ഞത് 2ടേബിൾ സ്പൂൺ
8 വെളുത്തുളളി നീളത്തിലരിഞ്ഞത് 2 ടീസ്പൂൺ
9 പച്ചമുളക് 5 എണ്ണം പിളർന്നത്
10 വലിയ തക്കാളി 1
11 കറിവേപ്പില
12 മല്ലിയില
13 കസ്തൂരി മേത്തി 2ടേബിൾ സ്പൂൺ
14 മഞ്ഞൾപൊടി 1/2 ടീസ്പൂൺ
15 മുളകുപൊടി 1 1/2 ടീസ്പൂൺ
16 മല്ലിപൊടി 1 1/2 ടീസ്പൂൺ
17 ഗരം മസാല 2 ടീസ്പൂൺ
18 കുരുമുളക് പൊടി 2 ടീസ്പൂൺ
19 ഉപ്പ് ആവശ്യത്തിന്
20 എണ്ണ ആവശ്യത്തിന്
21 പെരുംജീരകം , കറുവപട്ട, ഏലക്ക , ഗ്രാംപു

പാചകം ചെയ്യുന്ന വിധം 

പിരട്ടി വെച്ചിരിക്കുന്ന ചിക്കൻ മുക്കാല്‍ വേവാക്കി ശാലോ ഫ്രൈ ചെയ്തെടുക്കുക..

അതേ എണ്ണയില്‍ തന്നെ 1ടീസ്പൂൺ പെരുംജീരകവും 2_3വീതം പട്ട ഗ്രാംപു ഏലക്ക എന്നിവയിട്ട ഇഞ്ചിയും വെളുത്തുളളിയും കുറച്ചു കറിവേപ്പിലയുമിട്ട ഒന്നിളക്കിയിട്ട സവാള , പച്ചമുളക് ,ഇവയിട്ട സവാളയുടെ നിറം മാറാന്‍ തുടങ്ങുമ്പോള്‍ 14 to 19 വരെയുള്ളവ ക്രമമനുസരിച്ചിട്ടു വഴറ്റി പച്ച മണം മാറുമ്പോള്‍ വറുത്തു വെച്ചിരിക്കുന്ന ചിക്കൻ ഇട്ടുകൊടുക്കുക. അതിളക്കി നല്ലവെണ്ണം യോജിപ്പിച്ച് തക്കാളി അരിഞ്ഞത് ഇട്ടിളക്കി ചെറു തീയിൽ അടച്ചു വെച്ചു വേവിക്കുക .ഇടക്കിടക്കു ഇളക്കി കൊടുക്കണം….ഉപ്പാവശ്യമെങ്കില്‍ ചേര്‍ക്കുക . ഇറക്കുന്നതിനു മുന്‍പ് കസ്തൂരി മേത്തി കൈവെള്ളയില്‍ ഇട്ടു ഞെരടി പൊടിച്ച് അതില്‍ വിതറി നല്ലവെണ്ണം ഇളക്കി അടച്ചു 2_3 മിനിട്ട സിം ഫയറിൽ വെച്ചിട്ട മല്ലിയില ചേര്‍ത്ത് തീ ഓഫ് ആക്കുക

ക്രിസ്തുമസിനു മോടികൂട്ടാൻ എളുപ്പമുള്ള ഒരടിപൊളി കാരമൽ പുഡ്ഡിംഗ് റെസിപ്പിയുമായി മിനു നെയ്‌സൺ പള്ളിവാതുക്കൽ 

ക്രിസ്തുമസ് സ്പെഷ്യൽ കാരമൽ പുഡ്ഡിംഗ്

ചേരുവകൾ

കാരമലിന്:-

1 . 4 ടീസ്പൂൺ പഞ്ചസാര

2 . 2 ടീസ്പൂൺ വെള്ളം

പുഡ്ഡിംഗ് മിശ്രിതത്തിന്:-

1. 400 ഗ്രാം കണ്ടൻസ്‌ഡ് മിൽക്ക്

2. 6 മുട്ട

3. 1/2 ലിറ്റർ പാൽ

4. 1 ടീസ്പൂൺ വാനില എസ്സൻസ്

കാരമൽ തയ്യാറാക്കുന്ന വിധം :-
ഒരു ചെറിയ പാനിൽ പഞ്ചസാരയും വെള്ളവും ചേർക്കുക. ഇടത്തരം തീയിൽ കാരാമൽ ആമ്പർ കളർ ആയി മാറാൻ തുടങ്ങുന്നത് വരെ ഇളക്കി തീ ഓഫ്‌ ചെയ്യുക,.
പുഡ്ഡിംഗ് മോൾഡിലേക്ക് കാരമൽ വേഗത്തിൽ ഒഴിച്ചു മാറ്റി വയ്ക്കുക.

180 ഡിഗ്രി സെൽഷ്യസിൽ ഓവൻ പ്രീഹീറ്റ് ചെയ്യുക

പുഡ്ഡിംഗ് മിശ്രിതം തയ്യാറാക്കുന്ന വിധം :-
ഒരു ബൗളിൽ, മുട്ടയും വാനില എക്സ്ട്രാക്റ്റും ചേർത്തു ബീറ്റ് ചെയ്യുക.
അതിലേക്കു കണ്ടൻസ്‌ഡ് മിൽക്കും, പാലും ചേർത്തു വീണ്ടും ബീറ്റ് ചെയ്തതിനുശേഷം അരിച്ചെടുക്കുക

പുഡ്ഡിംഗ് മിശ്രിതം തയ്യാറാക്കിയ മോൾഡിലേക്ക് ഒഴിക്കുക.

ഒരു വലിയ ബേക്കിംഗ് ട്രേയിലേക്ക് മോൾഡുകൾ നിരത്തുക, ബേക്കിംഗ് ട്രേയിലേക്ക് തിളച്ച വെള്ളം ഒഴിക്കുക ( മോൾഡുകളുടെ പകുതി വരെ)

അതിനുശേഷം 30 മിനിറ്റ് ബേക്ക് ചെയ്യുക .
കാരമൽ പുഡ്ഡിംഗ് റൂം ടെമ്പറേച്ചർ ആയ ശേഷം ഏകദേശം 2 മണിക്കൂർ അല്ലെങ്കിൽ രാത്രി മുഴുവൻ റഫ്രിജറേറ്ററിൽ തണുപ്പിക്കുക.

ഒരു കത്തി ഉപയോഗിച്ച് ചുറ്റും ഒന്ന് വരഞ്ഞു കൊടുക്കുക. ഒരു പാത്രത്തിലേക്കു കമഴ്ത്തി ഇടുക.

സ്വാദിഷ്ടമായ ക്രിസ്തുമസ് സ്പെഷ്യൽ കാരമൽ പുഡ്ഡിംഗ് ആസ്വദിക്കുക

ക്രിസ്തുമസ് ഫ്രൂട്ട് കേക്ക്

ക്രിസ്തുമസ് എന്നാല്‍ ആദ്യം മനസ്സിലേക്ക് ഓടിവരുന്നത് കേക്കും വൈനുമാണ്. കേക്കും വൈനും ഇല്ലാതെ എന്ത് ക്രിസ്തുമസ് എന്ന് ചിന്തിക്കുന്നവരാണ് ഭൂരിപക്ഷവും. ഇതാ രുചികരമായ കേക്ക് റെസിപ്പിയുമായി സുജിത് തോമസ് 

പാര്‍ട്ട് 1
മൈദ ഒന്നര കപ്പ്
കറുവ, ഗ്രാമ്പൂ, ഏലക്ക, ജാതിപത്രി ഇവ പൊടിച്ചത് – 2 ടീസ്പൂണ്‍
ചുക്ക് പൊടിച്ചത് 1/4 ടീ സ്പൂണ്‍
സോഡാ പൊടി1/2 ടീ സ്പൂണ്‍
ബേക്കിംങ് പൗഡര്‍- 1 ടീസ്പൂണ്‍

ഉപ്പ്-1/4 ടീ സ്പൂണ്‍
ഇവ എല്ലാം ഒരുമിച്ച് തെള്ളിയെടുത്ത് മാറ്റിവക്കുക.

പാര്‍ട്ട് 2
ടുട്ടി ഫ്രൂട്ടി-1 1/2 കപ്പ്( റം അല്ലെങ്കില്‍ ബ്രാണ്ടിയില്‍ കുതിര്‍ത്തത്)
കശുവണ്ടി- 1/2 കപ്പ് ചെറുതായി ചതച്ചത്. ഇതിലേക്ക് നാല് ടീസ്പൂണ്‍ മൈദ ചേര്‍ത്ത് കോട്ട് ചെയ്ത് മാറ്റിവക്കുക
മുട്ട -3
വെജിറ്റബിള്‍ ഓയില്‍ 3/4 കപ്പ്
1/2 കപ്പ് പഞ്ചസാര 3 ഏലക്കാ ചേര്‍ത്ത് പൊടിച്ചത്
വാനില എസന്‍സ്- 1 ടീസ്പൂണ്‍

പാര്‍ട്ട്3
കാരമൽ സിറപ്പ്- തയ്യാറാക്കുന്ന വിധം
1/2 കപ്പ് പഞ്ചസാര, 3 ടേബിള്‍ സ്പൂണ്‍ വെളളം ചേര്‍ത്ത് ഇടത്തരം ചൂടില്‍ അലിയിക്കുക. ഉരുകി പത വന്ന് ഗോള്‍ഡന്‍ ബ്രൗണ്‍ കളര്‍ ആകുമ്പോള്‍ തീ ഓഫ് ചെയ്ത് ഉടനെ 4/3 കപ്പ് തിളച്ച വെള്ളം ഒഴിച്ച് ഇളക്കി തണുക്കാന്‍ വെക്കുക.

കേക്ക് തയ്യാറാക്കുന്ന വിധം

1 മൂന്നു മുട്ട വെള്ളയും മഞ്ഞയുമായി തിരിക്കുക
2. മുട്ട വെള്ള നന്നായി കട്ടിയായി അടിച്ചുമാറ്റി വക്കുക
3 മുട്ടയുടെ മഞ്ഞ നന്നായി അടിക്കുക ഇതിലേക്ക് 3/4 കപ്പ് വെജിറ്റബിള്‍ ഓയില്‍ കൂടി ചേര്‍ത്ത് വീണ്ടും നന്നായി അടിക്കുക
4 ഈ മിശ്രിതത്തിലേക്ക് പൊടിച്ച പഞ്ചസാര, പല തവണയായി ചേര്‍ത്ത് വീണ്ടും അടിച്ച് യോജിപ്പിക്കുക
5 ഈ ചേരുവയിലേക്ക് തയ്യാറാക്കിവച്ചിരിക്കുന്ന കാരവന്‍ സിറപ്പും വാനില എസന്‍സും കൂടി ചേര്‍ത്ത് യോജിപ്പിക്കുക
6 ഇനി പാര്‍ട്ട് ഒന്നിലെ ചേരുവകള്‍ കൂടി ചേര്‍ത്ത് നന്നായി അടിച്ചെടുക്കുക
7 പാര്‍ട്ട് രണ്ടിലെ ചേരുവകള്‍ ചേര്‍ത്ത് നന്നായി ഫോള്‍ഡ് ചെയ്ത് എടുക്കുക
8 മുട്ടയുടെ വെള്ള പതപ്പിച്ചതും കൂടി ചേര്‍ത്ത് സാവധാനം ഫോള്‍ഡ് ചെയ്ത് എടുക്കുക.
9 വെണ്ണ പുരട്ടി തയ്യാറാക്കി വച്ചിരിക്കുന്ന കേക്ക് ടിന്നിലേക്ക് ഈ മിശ്രിതം ഒഴിച്ച് പ്രീഹീറ്റ് ചെയ്ത് ഓവനില്‍ 180 ഡിഗ്രി സെല്‍ഷ്യസില്‍ 45 മുതല്‍ 55 മിനിറ്റ് വരെ ബേക്ക് ചെയ്‌തെടുക്കുക.
ഫ്രൂട്ട്‌സ് റമ്മില്‍ സോക്ക് ചെയ്യാന്‍- 3 ടേബിള്‍സ്പൂണ്‍ ബ്രാണ്ടി അല്ലെങ്കില്‍ റം ടൂട്ടിഫ്രൂട്ടില്‍ ചേര്‍ത്ത് മിക്‌സ് ചെയ്ത് ചില്ലുഭരണിയില്‍ 2 ആഴ്ചയെങ്കിലും വെച്ച ശേഷം ഉപയോഗിച്ചാല്‍ വളരെ നന്നായിരിക്കും. കേക്ക് ക്രിസ്തുമസിന് രണ്ടു ദിവസം മുന്‍പേ തയ്യാറാക്കി അല്പം ആപ്രിക്കോട്ട് ജാം മുകളില്‍ തേച്ചാല്‍ കേക്കിന് നല്ല മണവും തിളക്കവും ലഭിക്കും.

ബേസിൽ ജോസഫ്

സ്വീറ്റ് കോൺ സൂപ്പ് 
ചേരുവകൾ :  
സ്വീറ്റ് കോൺ – 200 ഗ്രാം
ക്യാരറ്റ് അരിഞ്ഞത് – 50 ഗ്രാം
ബീൻസ് അരിഞ്ഞത് – 50 ഗ്രാം
സ്പ്രിങ് ഒനിയൻ – 50 ഗ്രാം
ബട്ടർ – 1 ടേബിൾസ്പൂൺ
കോൺഫ്ലോർ – 2 ടേബിൾസ്പൂൺ
വെള്ളം – 200 എംൽ
കുരുമുളക്പൊടി – 1 ടീസ്പൂൺ
വെളുത്തുള്ളി അരിഞ്ഞത് – 1 ടേബിൾസ്പൂൺ
വിനാഗിരി – 1 ടേബിൾസ്പൂൺ
ഉപ്പ് – ആവശ്യത്തിന്

 പാചകം ചെയ്യുന്ന വിധം

150 ഗ്രാം സ്വീറ്റ് കോൺ അൽപം വെള്ളമൊഴിച്ചു ഒരു ബ്ലെൻഡറിൽ അരച്ചെടുത്തു അരിച്ചു മാറ്റിവെക്കുക . ഒരു പാനിൽ ബട്ടർ ചൂടാക്കി വെളുത്തുള്ളി അരിഞ്ഞത് ചേർത്തു കൊടുക്കുക. ഇതിലേക്കു കാരറ്റ് , ബീൻസ് , കാബേജ് സ്പ്രിങ് ഒനിയൻ അരക്കാത്ത ബാക്കിയുള്ള സ്വീറ്റ് കോൺ എന്നിവ ചേർത്തു വഴറ്റിയെടുക്കുക ഒന്ന് വാടി വരുമ്പോൾ 250 എംൽ വെള്ളമൊഴിച്ചു കൊടുക്കുക , വെള്ളം തിളച്ചുവരുമ്പോൾ അരച്ചുവെച്ച സ്വീറ്റ്‌കോൺ ചേർത്തു കൊടുക്കുക , വീണ്ടും തിള വരുമ്പോൾ കുരുമുളകുപൊടി , ആവശ്യത്തിന് ഉപ്പ് എന്നിവ ചേർക്കാം. ഇതിലേക്കു കോൺഫ്ലോർ വെള്ളത്തിൽ കലക്കി ഒഴിച്ചുകൊടുക്കുക. കുറുകിവരുമ്പോൾ വിനാഗിരി ചേർത്തു ഗ്യാസിൽ നിന്നും മാറ്റി ചൂടോടെ സെർവ് ചെയ്യുക.

ബേസിൽ ജോസഫ്

ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.

ബേസിൽ ജോസഫ്

ചിക്കൻ വിങ്‌സ് ലോലി പോപ്പ് 

ചേരുവകൾ 

ചിക്കണ്‍ വിങ്‌സ് -10 എണ്ണം (തൊലി കളഞ്ഞ് ഫ്ലെഷ് പുറകോട്ട് ആക്കിയത് )
മുട്ട -1 എണ്ണം
ഇഞ്ചി വെളുത്തുള്ളി പേസ്റ്റ് – 1 ടീസ്പൂണ്‍
മൈദാ – 2ടീസ്പൂണ്‍
കോണ്‍ഫ്ലോർ – 2 ടീസ്പൂണ്‍
കുരുമുളക് പൊടി – 1/ 2 ടീസ്പൂണ്‍
സോയ സോസ് – 1 ടീസ്പൂണ്‍
ചില്ലി സോസ് -1 ടീസ്പൂണ്‍
ഉപ്പ് – ആവശ്യത്തിന്

ഓയിൽ – വറക്കുവാനവശ്യത്തിന് (ഏകദേശം 300 ml )

പാചകം ചെയ്യുന്ന വിധം 

ചിക്കൻ നന്നായി കഴുകി വയ്ക്കുക .ഒരു മിക്സിങ് ബൗൾ എടുത്ത് ,മൈദാ,കോൺഫ്ലോർ, കുരുമുളക് പൊടി, നന്നായി മിക്സ്‌ ചെയ്ത് എടുക്കുക .ഇതിലേയ്ക്ക് ഇഞ്ചി വെളുത്തുള്ളി പേസ്റ്റ്, സോയ സോസ്, ചില്ലി സോസ് മുട്ട ,ഉപ്പ് എന്നിവ കൂടി ചേർത്ത് നല്ല കുഴമ്പ് പരുവത്തിൽ ഒരു ബാറ്റർ ആക്കി എടുക്കുക .ആവശ്യം എങ്കിൽ അല്പം വെള്ളം കൂടി ചേർക്കുക . ഈ മിശ്രിതത്തിലേയ്ക്ക് റെഡി ആക്കി വച്ചിരിക്കുന്ന ചിക്കൻ ചേർത്ത് 20 മിനുട്ട് എങ്കിലും വയ്ക്കുക . ഒരു പാനിൽ ഓയിൽ നന്നായി ചൂടാക്കുക . ബാറ്ററിൽ ഇട്ട് വച്ചിരിക്കുന്ന ചിക്കൻ എടുത്ത് ഓയിലിൽ ചിക്കൻ കുക്ക് ആകുന്നതുവരെ വറത്ത് എടുത്ത് ഒരു കിച്ചണ്‍ ടവലിലേയ്ക്ക് എണ്ണ വലിയുന്നതിനായി വയ്ക്കുക .ഒരു ചെറിയ പീസ്‌ സിൽവർ ഫോയിൽ കൊണ്ട് ചിക്കന്റെ ബോണ്‍ കവർ ചെയ്ത് ചില്ലി സോസിന്റെയോ സ്വീറ്റ് ആൻഡ്‌ സൗർ സോസിന്റെ ഒപ്പമോ ചൂടോടെ സെർവ് ചെയ്യുക.
(തൊലി കളഞ്ഞ ചിക്കൻ വിങ്‌സ് -ചിക്കൻ നിബ്ലെറ്റ്സ് എന്ന പേരിൽ ആണ് അറിയപ്പെടുന്നത്. മിക്കവാറും എല്ലാ ഹലാൽ ഷോപ്പുകളിലും ചിക്കൻ നിബ്ലെറ്റ്സ് ലഭ്യം ആണ് ).

ബേസിൽ ജോസഫ്

ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.

മിനു നെയ്‌സൺ പള്ളിവാതുക്കൽ

ചേരുവകൾ

1. 6 പീസ് ബ്രഡ്
2. 1 1/2 കപ്പ് പഞ്ചസാര
3. 500 മില്ലി പാൽ
4. 2 1/2 ടേബിൾ സ്പൂൺ കസ്റ്റാർഡ് പൗഡർ
5. 2 ടേബിൾ സ്പൂൺ കണ്ടെൻസ് മിൽക്ക്
6. 1/2 ടീസ്പൂൺ ഏലക്ക പൊടി
7. 1 ടേബിൾ സ്പൂൺ നെയ്യ്

ഫ്രൈഡ് ബ്രഡ് കസ്റ്റാർഡ് പുഡ്ഡിംഗ് എങ്ങനെ ഉണ്ടാക്കാം

Step 1
ബ്രഡ് പീസ് ഓരോന്നും നാലു കഷ്ണങ്ങളായി മുറിക്കുക
ഒരു പാനിൽ 1 ടേബിൾ സ്പൂൺ നെയ്യ് ഒഴിച്ച് ചൂടാക്കി ; ബ്രഡ് കഷ്ണങ്ങൾ ഷാലോ ഫ്രൈ ചെയ്തെടുക്കുക

Step 2
400 മില്ലി പാൽ, പഞ്ചസാര,ഏലക്ക പൊടി ചേർത്ത് തിളപ്പിക്കുക .
കസ്റ്റാർഡ് പൗഡറിലേക്കു 100 മില്ലി പാൽ ചേർത്ത് ,നന്നായി കട്ടകളില്ലാതെ യോചിപ്പിക്കുക.
ശേഷം ഈ മിശ്രിതം തിളച്ച പാലിലേക്കു ചേർത്ത് നന്നായി ഇളക്കി കുറുക്കി എടുക്കുക.

Step 3
ഷാലോ ഫ്രൈ ചെയ്ത ബ്രഡ് കഷ്ണങ്ങൾ ഒരു ട്രേയിലേക്കു നിരത്തുക
അതിനു മുകളിലേക്ക് 1 ടേബിൾ സ്പൂൺ കണ്ടെൻസ് മിൽക്ക് ഒഴിക്കുക
ശേഷം അടുത്ത ലെയറിനായി തയാറാക്കി വെച്ചിരിക്കുന്ന കസ്റ്റാർഡ് ഒഴിക്കുക.
വീണ്ടും ബ്രഡ് കഷ്ണങ്ങൾ നിരത്തുക ; അതിനു മുകളിലേക്ക് കണ്ടെൻസ് മിൽക്കും, കസ്റ്റാർഡും ഒഴിക്കുക..

Step 4
പുഡ്ഡിംഗ് സെറ്റ് ആകാൻ വേണ്ടി ഫ്രിഡ്ജിൽ 3-4 മണിക്കൂർ വെക്കുക.

സെറ്റായശേഷം പുഡ്ഡിംഗ് കഷ്ണങ്ങളാക്കി അതിനു മുകളിൽ കാരമൽ സിറപ്പ് ഒഴിച്ച് തണുപ്പോടെ ആസ്വദിക്കുക.

ബേസിൽ ജോസഫ്

ചേരുവകൾ

ചൈനീസ് നൂഡിൽസ് – 300 ഗ്രാം
സബോള 1 എണ്ണം മീഡിയം വലിപ്പത്തിൽ ഉള്ളത്
മസ്റ്റാർഡ് ലീവ്സ് – 4 എണ്ണം
വെളുത്തുള്ളി – 4 അല്ലി
പ്രോൺസ് -100 ഗ്രാം
ബോൺലെസ്സ് ചിക്കൻ -200 ഗ്രാം
ടോഫു -50 ഗ്രാം
ബ്രോക്കോളി – 2 ഫ്ലവർ
ബീൻസ് സ്പ്രൗട്ട്സ് -50 ഗ്രാം
ചില്ലി പേസ്റ്റ് -1 ടീസ്പൂൺ
ടൊമാറ്റോ സോസ് -1 ടീസ്പൂൺ
സ്വീറ്റ് സോയാസോസ് -1 ടീസ്പൂൺ
ഡാർക്ക് സോയ സോസ് 1/ 2
ഓയിസ്റ്റർ സോസ് -1 ടീസ്പൂൺ
സ്റ്റോക്ക് ക്യൂബ് -1 എണ്ണം
ഉപ്പ് -ആവിശ്യത്തിന്
ഓയിൽ -30 മില്ലി

പാചകം ചെയ്യുന്ന വിധം

വെളുത്തുള്ളി തൊലികളഞ്ഞു ചെറുതായി അരിഞ്ഞെടുക്കുക. സബോള ചെറിയ കഷണങ്ങൾ ആയി മുറിച്ചെടുക്കുക. മസ്റ്റാർഡ് ലീവ്സ് , ബീൻസ് സ്പ്രൗട്ട്സ് എന്നിവ കഴുകി വയ്ക്കുക . ഒരു
പാനിൽ ഓയിൽ ചൂടാക്കി വെളുത്തുള്ളി സബോള എന്നിവ വഴറ്റുക .ഇതിലേയ്ക്കു ചില്ലി പേസ്റ്റ് ചേർത്ത് ചെറു തീയിൽ നന്നായി മിക്സ് ചെയ്തെടുക്കുക . പച്ചമണം മാറി വരുമ്പോൾ ചെറിയ ക്യുബ്സ് ആയി അരിഞ്ഞ ചിക്കൻ ചേർത്ത് കുക്ക് ചെയ്യുക . കൂടെ ടൊമാറ്റോ സോസ് ഓയിസ്റ്റർ സോസ് , സ്വീറ്റ് സോയ സോസ്, ഡാർക്ക് സോയാസോസ് എന്നിവ ചേർത്ത് നന്നയി മിക്സ് ചെയുക ഇതിലേയ്ക്ക് റെഡിയാക്കി വച്ചിരിക്കുന്ന പ്രോൺസ് . ടോഫു, ബ്രോക്കോളി എന്നിവ ചേർത്ത് അല്പം സ്റ്റോക്ക് കൂട്ടി ചേർത്ത് വീണ്ടും കുക്ക് ചെയ്യുക.  നന്നായി തിളച്ചുവരുമ്പോൾ കുക്ക് ചെയ്തു വച്ചിരിക്കുന്ന നൂഡിൽസ് ചേർത്ത് നന്നായി ടോസ് ചെയ്യുക. ഇതിലേക്ക് മസ്റ്റാർഡ് ലീവ്സ്, ബീൻസ് സ്പ്രൗട്ട്സ്, ആവശ്യത്തിന് ഉപ്പും ചേർത്ത് വീണ്ടും ടോസ്സ് ചെയ്യുക.ലീവ്സ് രണ്ടും കുക്ക് ആയി കഴിയുമ്പോൾ ചൂടോടെ സെർവ് ചെയ്യുക.

ബേസിൽ ജോസഫ്

ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.

ബേസിൽ ജോസഫ്

ചേരുവകൾ

ബോൺലെസ്സ് ചിക്കന്‍ – 200 ഗ്രാം
സവാള അരിഞ്ഞത്– ഒന്ന്
വെളുത്തുള്ളി ഇഞ്ചി പേസ്റ്റ് – ഒരു സ്പൂൺ
മഞ്ഞള്‍ പൊടി – കാൽ സ്പൂൺ
കുരുമുളക് പൊടി – അര സ്പൂണ്‍
ഗരം മസാല – അര സ്പൂണ്‍
ചിക്കന്‍ മസാല – ഒരു സ്പൂണ്‍
പച്ചമുളക് അരിഞ്ഞത് – മൂന്ന് എണ്ണം
കറിവേപ്പില മല്ലിയില കുറച്ച്
ഉപ്പ്- ആവശ്യത്തിന്
എണ്ണ- വറക്കുവാനാവശ്യത്തിനു
മൈദ – ഒരു കപ്പ്
ആവശ്യത്തിന് ബ്രഡ് പൊടി(bread crumbs)
മുട്ട – 3എണ്ണം

തയ്യാറാക്കുന്ന വിധം :-

ചിക്കന്‍ വളരെ ചെറിയ പീസുകൾ ആക്കി മഞ്ഞള്‍പൊടിയും, ഉപ്പും കുറച്ചു വെള്ളം ചേര്‍ത്തു കുക്ക് ചെയ്തെടുക്കുക ഒരു പാനില്‍ ആവശ്യത്തിനു എണ്ണയൊഴിച്ചു സവാള, ഇഞ്ചി, വെളുത്തുള്ളി പേസ്റ്റ് , പച്ചമുളക്, കറിവേപ്പില എന്നിവ ഇട്ട് വഴറ്റുക.അതിലൈക്ക് ചിക്കന്‍ മസാല, ഗരം മസാല, കുരുമുളക് പൊടി എന്നിവ കൂടി ചേര്‍ത്തു നന്നായി വഴറ്റുക. ഇനി വേവിച്ചു വെച്ച ചിക്കന്‍, ഇട്ടു നന്നായി ഇളക്കുക. മസാലകള്‍ എല്ലാം ചിക്കനില്‍ നന്നായി യോജിച്ച് വന്നാൽ മല്ലിയില ചേര്‍ത്തു അടുപ്പില്‍ നിന്നും വാങ്ങി ചൂടാറാന്‍ വെക്കുക. ഒരു പാത്രത്തില്‍ മൈദയും ഉപ്പും ആവശ്യത്തിനു വെള്ളവും ചേര്‍ത്ത് മിക്സ് ചെയ്ത് എടുക്കുക (ദോശയുടെ ബാറ്റർ പോലെ ).ഒരു പരന്ന പാന്‍ അടുപ്പില്‍ വെച്ച് ഓരോ തവി വീതം ഒഴിച്ച് ദോശ പോലെ ചുട്ടെടുക്കുക. ഓരോ ദോശയുടെ ഉള്ളിലും അല്പം മസാലക്കൂട്ട് വെച്ച് റോള്‍ ചെയ്തു എടുക്കുക. പാനില്‍ ആവശ്യത്തിനു എണ്ണയൊഴിച്ച് ചൂടാക്കി, ഒരോ റോളും എടുത്ത് മുട്ടയില്‍ മുക്കി, അതിനു ശേഷം ബ്രഡ്ക്രംസിലും ഒന്ന് തട്ടിയെടുത്ത ശേഷം ചൂടായ എണ്ണയിൽ ബ്രൗൺ നിറമാകുന്നതു വരെ തിരിച്ചും മറിച്ചും ഇട്ടു ഫ്രൈ ചെയ്തെടുക്കുക.ചൂടോടെ സെർവ്‌ ചെയ്യുക.

ബേസിൽ ജോസഫ്

ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.