ന്യൂസ് ഡെസ്ക്, മലയാളം യുകെ

അയർലൻഡിൽ ആറ് വയസ്സുകാരിയായ ഇന്ത്യക്കാരിക്കെതിരെ ക്രൂര മർദ്ദനം. അയർലൻഡിലെ വാട്ടർഫോർഡിലാണ് ഇന്ത്യയിലേക്ക് മടങ്ങൂ’ എന്ന് ആക്രോശിച്ചുകൊണ്ട് പെൺകുട്ടിക്ക് നേരെ ആൺകുട്ടികൾ ആക്രമണം നടത്തിയത്. സുഹൃത്തുക്കൾക്കൊപ്പം വീടിന് പുറത്ത് കളിച്ചുകൊണ്ടിരുന്നപ്പോഴാണ് സ്വകാര്യ ഭാഗങ്ങളിൽ ഉൾപ്പെടെ കുട്ടിക്ക് നേരെ ആക്രമണം നടത്തിയത്.

WhatsApp Image 2024-12-09 at 10.15.48 PM

Migration 2

AHPRA Registration

STEP into AHPRA NCNZ

കുറച്ച് ദിവസങ്ങൾക്കു മുൻപ് ഡബ്ലിനിൽ മറ്റൊരു ഇന്ത്യൻ വംശജനെതിരെയും ആക്രമണം നടന്നിരുന്നു. ടാക്സി ഡ്രൈവറായ ലഖ്‌വീർ സിങ്ങിനെ യാത്രക്കാരായ രണ്ട് ചെറുപ്പക്കാർ കുപ്പി കൊണ്ട് മുഖത്തടിക്കുകയായിരുന്നു. നാട്ടിലേക്ക് തിരിച്ചുപോകൂ എന്ന് അട്ടഹസിച്ചുകൊണ്ടായിരുന്നു ആക്രമണം. 23 വർഷമായി അയർലൻഡിൽ താമസിക്കുന്നയാളാണ് ലഖ്‌വീർ സിങ്. സമീപകാലത്തായി അയർലൻഡിൽ ഇന്ത്യക്കാർക്കു നേരെ ആക്രമണം വർദ്ധിച്ചുവരികയാണെന്നും മുൻകരുതലുകൾ എടുക്കണമെന്നും ഇന്ത്യൻ എംബസി നിർദേശം നൽകിയിട്ടുണ്ട്. ജൂലൈ 19ന് ഡബ്ലിനിൽ തന്നെ മറ്റൊരു ഇന്ത്യക്കാരനു നേരെ വംശീയ ആക്രമണം ഉണ്ടായിരുന്നു.