ഷൈമോൻ തോട്ടുങ്കൽ
ലണ്ടൻ . പിറന്ന നാടിന്റെ ഓർമ്മകളും ബാല്യകാല സ്മരണകളുമായി യു കെ യിലേക്ക് കുടിയേറിയ ചങ്ങനാശ്ശേരി നിവാസികൾ നാളെ കെറ്ററിംഗിൽ ഒത്തു ചേരുമ്പോൾ നാട്ടുകാരോടൊപ്പം ചേർന്ന് വിശേഷങ്ങൾ പങ്കിടാനും പരിപാടി ഉത്‌ഘാടനം ചെയ്യുന്നതിനുമായി ചങ്ങനാശ്ശേരിയുടെ സ്വന്തം ജനകീയ എം എൽ എ അഡ്വ. ജോബ് മൈക്കിൾ കൂടി യു കെയിൽ എത്തിച്ചേർന്നതോടെ ആവേശത്തോടെ തങ്ങളുടെ നാട്ടു സംഗമത്തിൽ പങ്കെടുക്കുവാനുള്ള എല്ലാ ഒരുക്കങ്ങളും പൂർത്തിയായതായി ഭാരവാഹികൾ അറിയിച്ചു .
മധ്യ തിരുവിതാം കൂറിന്റെ സാംസ്കാരിക തലസ്ഥാനമെന്ന് പുകൾപെറ്റ മത സൗഹാർദത്തിന്റെ കേന്ദ്രമായ അഞ്ചു വിളക്കിന്റെ നാട്ടുകാർ യുകെയുടെ ഹൃദയ ഭൂമിയായ കെറ്ററിങ്ങിൽ ഒന്ന് ചേരുമ്പോൾ ജന്മം കൊണ്ടും കർമ്മം കൊണ്ടും ചങ്ങനാശ്ശേരിയിലും പരിസര പ്രദേശങ്ങളിൽ നിന്നും യു കെയിലേയ്ക്ക് കുടിയേറിയ യുകെ നിവാസികളിൽ ഭൂരിഭാഗം പേരും ഈ സംഗമത്തിൽ പങ്കെടുക്കുവാനുള്ള തയ്യാറെടുപ്പിലാണ് .
ബാല്യ കൗമാര കാലഘട്ടങ്ങളിലും സ്കൂൾ കോളേജ് കാലത്തും സമകാലീകർ ആയിരുന്ന സുഹൃത്തുക്കളെ കണ്ടുമുട്ടുവാനും , ജന്മനാടിന്റെ സൗഹൃദം പങ്ക് വയ്ക്കുന്നതിനും ആയി പങ്കെടുപ്പിച്ചിരിക്കുന്ന ഈ സംഗമത്തിൽ ഗൃഹാതുരത്വം ഉണർത്തുന്ന നിരവധി പരിപാടികൾ ആണ് ഒരുക്കിയിരിക്കുന്നത് , ജോബ് മൈക്കിൾ എം എൽ എ ഉൾപ്പടെ ചങ്ങനാശ്ശേരിയുമായി ബന്ധപ്പെട്ട രാഷ്ട്രീയ സാമൂഹ്യ സാംസ്കാരിക രംഗങ്ങളിൽ വ്യക്തി മുദ്ര പതിപ്പിച്ചിരിക്കുന്ന വിശിഷ്ട വ്യക്തിത്വങ്ങൾ പങ്കെടുക്കുന്ന ഈ സ്നേഹ സംഗമത്തിൽ ഇനിയും പങ്കെടുക്കാനാഗ്രഹിക്കുന്നവർ ഭാരവാഹികളുമായി എത്രയും പെട്ടെന്ന് ബന്ധപ്പെടണമെന്ന് ഭാരവാഹികൾ അറിയിച്ചു .
Please complete Google registration form https://forms.gle/3yWxGhtEBaEcYmCt7
Please pay registration fee £10/ Family to the account details given below and put your name as reference.
NB: മിതമായ നിരക്കിൽ സ്വാദിഷ്ടമായ ഭക്ഷണങ്ങൾ ലഭിക്കുന്ന നാടൻ തനിമയാർന്ന കേരളാ വിഭവങ്ങളടങ്ങിയ *Pappaya Restaurant Kettering* കേരളാ ഫുഡ് സ്റ്റാൾ ഇവന്റിൽ തുറന്ന് പ്രവർത്തിക്കുന്നതായിരിക്കും.
Leave a Reply