ജെഗി ജോസഫ്
കഴിഞ്ഞ ഒരു വര്ഷം ദൈവം നമുക്ക് നല്‍കിയ നിരവധി അനുഗ്രഹങ്ങള്‍ക്ക് നന്ദി പറയുവാനും 2018 നെ കൃപാവര്‍ഷമായി വരവേല്‍ക്കുവാനുമായി ബ്രിസ്റ്റോള്‍ സെന്റ് തോമസ് സീറോ മലബാര്‍ സമൂഹം ഡിസംബര്‍ 31ന് വൈകീട്ട് 9.30ന് സെന്റ് ജോസഫ് ചര്‍ച്ച് ഫിഷ്പോണ്ട്‌സില്‍ ഒത്തുചേരുന്നു. ആരാധനയോടും, വര്‍ഷാവസാന കൃതജ്ഞതാ പ്രകാശനത്തോടും, പുതുവര്‍ഷ പ്രാര്‍ത്ഥനയോടും കൂടി തുടങ്ങുന്ന തിരുക്കര്‍മ്മങ്ങളില്‍ ഫാ. ജോയി വയലില്‍ പുതുവര്‍ഷ സന്ദേശം നല്‍കുകയും, വി. കുര്‍ബ്ബാനയില്‍ മുഖ്യ കാര്‍മ്മികത്വം വഹിക്കുകയും ചെയ്യും.
ഈ വര്ഷം എപ്പാര്‍ക്കി ഓഫ് ഗ്രേറ്റ് ബ്രിട്ടന്‍ കുട്ടികളുടെ വര്‍ഷമായി പ്രഖ്യാപിച്ചിരിക്കുന്നതിനാല്‍ അവര്‍ക്കായി പ്രത്യേകം പ്രാര്‍ത്ഥന ഉണ്ടായിരിക്കുന്നതായിരിക്കും. ഈശോയോട് കൂടി പുതുവര്‍ഷം ആരംഭിക്കുവാന്‍ ഏവരെയും വികാരി ഫാ. പോള്‍ വെട്ടിക്കാട്ടും, ട്രസ്റ്റിമാരായ ജോസ് മാത്യു, പ്രസാദ് ജോണ്‍, ലിജോ ജോസഫ് എന്നിവര്‍ പുതുവര്‍ഷ ആശംസകളോടെ ഏവരെയും ക്ഷണിക്കുന്നു.
Leave a Reply