ബേസില്‍ ജോസഫ്
……………………………..
ചേരുവകള്‍
പൈനാപ്പിള്‍ ചെറുതായി കൊത്തി അരിഞ്ഞത് – ഒരെണ്ണം (400 ഗ്രാം)
പഞ്ചസാര -200 ഗ്രാം
നെയ്യ് -2 ടേബിള് സ്പൂണ്‍
ഏലക്കാപ്പൊടി -അര ടേബിള് സ്പൂണ്‍
ബദാം -20 ഗ്രാം
കശുവണ്ടി -20 ഗ്രാം
മൈദ -100 ഗ്രാം
പാല് -300 എംല്‍
പാകം ചെയ്യുന്ന വിധം
ചുവട് കട്ടിയുള്ള ഒരു പാന്‍ കുക്കറില്‍ വെച്ച് നെയ്യൊഴിച്ച് പൈനാപ്പിള്‍ ഇട്ട് വഴറ്റുക. പകുതി പാലൊഴിച്ച് ഈ മിശ്രിതം നന്നായി വേവിക്കുക. ഇതിലേക്ക് പഞ്ചസാരയും ചേര്‍ത്തിളക്കുക. ഒരു ടീ സ്പൂണ്‍ നാരങ്ങാ നീര് കൂടി ചേര്‍ക്കുക. ഷുഗര്‍ ക്രിസ്റ്റല്‍ ആകാതിരിക്കാനാണിത്. ബാക്കിയുള്ള പാലില്‍ കലക്കിയ മൈദ കൂടി ചേര്‍ത്തിളക്കുക. ഇതില്‍ കുറേശ്ശെ നെയ്യിട്ട് ചെറുതീയില്‍ തുടര്‍ച്ചയായി ഇളക്കിക്കൊണ്ടിരിക്കുക. ഏലക്കാപ്പൊടിയും, മുറിച്ച ബദാം കശുവണ്ടി എന്നിവ കൂടി ചേര്‍ത്ത് സൈഡില്‍ നിന്നും വിട്ടുവരുമ്പോള്‍ വാങ്ങി പാത്രത്തിലാക്കി തണുക്കുമ്പോള്‍ ഇഷ്ടമുള്ള ആകൃതിയില്‍ മുറിച്ചെടുക്കുക.
ഹോട്ടല്‍ മാനേജ്മെന്‍റ് ബിരുദധാരിയായ ബേസില്‍ ജോസഫ് ന്യൂ പോര്‍ട്ടിലാണ് താമസം. മലയാളം യുകെയില്‍ വീക്കെന്‍ഡ് കുക്കിംഗ് എന്ന പംക്തി തയ്യാറാക്കുന്നു. എല്ലാ ഞായറാഴ്ചകളിലും ആണ് വീക്കെന്‍ഡ് കുക്കിംഗ് പ്രസിദ്ധീകരിക്കുന്നത്.
ബേസില്‍ ജോസഫിന്‍റെ കൂടുതല്‍ പാചകക്കുറിപ്പുകള്‍ കാണാന്‍ ഇവിടെ ക്ലിക്ക് ചെയ്യുക
Leave a Reply